|
الى كل مطلقه وتزوجت والى كل رجل تزوج مطلقه اجيبونــــــــــي؟؟؟؟؟؟؟؟؟؟؟؟؟
السلام عليكم ورحمة الله وبركاته
مساءالخير للجميع بصراحه ما ادري من وين ابدى كلامي لكن عندي موضوع وياليت تبدون رايكم فيه بالنسبه للمطلقات واللي تزوجوا مطلقات وكيف عايشين وماشيه امورهم انا الحمدلله متزوج من اربع شهووور والحمدلله وماسيه اموري تمام انا متزوج من مطلقه وكان مدة زواجها يمكن حوالي سنه ونصف وهي قريبه لي وبعد ما تطلقت وانا اخطبها المهم ملكنا وكنت وقتها شعور اي واحد بيتزوج وبيكمل نصف دينه وكنت بعد الملكه اقولها هل انتي مقتنعه فيني تقولي تقولي نعم وكانت تسألني هل انت مقتنع فيني وكيف طريت على بالك وهل اختيارك لي كزوجه عن طريق الاهل والا عن طريقك الحمدلله اقولها عن طريق ومقتنع والحمدلله الحمدلله تزوجنا وكنت حاط في بالي اني ما اجيب سيره لها عن زواجها الاول واني اراعي مشاعرها وكان سبب طلاقها انها ما كانت تبي الزواج وابوها غصبها المهم بعد زواجها تعبت نفسيا وما حصل تفاهم ودائما في مشاكل وكانوا يقررررون عندها عند شيوخ المهم انا مره واحد قابلت زوجها يوم كانت على ذمته وكنا طالعين لمنتزه عائلي وسبحان الله ما كنت متوقع يوم من الايام اني راح اتزوجها والحمدلله لعى النصيب بس الحين بعد ما تزوجتها اعاملها احسن معامله ووديتها شهر عسل ومدلعها بكل شي بالكلام الحلو والهدايا ولا احاول اضايقها حتى بالكلام ولا اجرح مشاعرها باي شي المهم الحين انا عايش والله في نفسي بيني وبين نفسي كل ماتذكرت انها كانت متزوجه قبلي وان فيه شخص لمسها قبلي انا والله احبها بس كل ما تذكرت اللحظه هاذ يضيق صدرررررري والله العظيم وانا فيه شخص كان ينام معها وعايش معها صح بتقولون انت مقتنع فيها قبل الزواج ولا تظلمها معك وهذا كان اختيارك ولا زم تتحمل بس كيف الواحد ينسى انا داري انه مالها ذنب بطلاقها بس حتى اللي خلاني يزيد التفكير هاذا اني دايم اقولها كلام حب وشوق وغزل واهي ما تقولي صح ايام الملكه كنت اسمع منها هالكلام بس بعد الزواج انا اتكلم واهي ساكتها انا اشوف انها مرتاحه لاومقصره بشي من نا حية البيت وكم مره اقولها انتي ليش ما تقولين لي كلام حلو تقولي بعدين ومع العلم انها هي ساكنه في مدينه وانا في مدينه واتصالها قليل وما تسأل الا اذا انا سالت عنها وارسلها رسايل شوق وحب ولا اشوف انها ترد علي مثل قبل والله اني قلبي بداء ينفر منها حتى ايام الجماع تتعذر بالنوم صح لو انها بكر يمكن نقول يمكن ما تعودت بس مطلقه اكيد جربت الشي هذا وهاذا اللي ذابحني زواجها الاول ادري كلامي ملخبط ويمكن يناقض نفسه بس حبيت اطلع اللي بقلبي لكم وودي اعرف ما هو شعور المطلقه بعد ما تطلق ووتزوج واحد مكرمها ومدلعها وما يقصر عليها بشي وهل لحظة الجماع انها تذكر زوجها الاول اكيد اول زوج يلمسها ويعاشرها انا لما اجلس معها اجلس بجانبها واحاول اكون جنبها دايم واهي لما اقول لها تعالي جنبي تقول مرتاحه هنا اقولها اجي جنبك طيب ابشوف ردها تقولي مدري؟؟؟؟؟؟؟؟؟ انا زوجتي احس انها تتغلى علي مدري لاني احبها وطيب معها ومكرمها ودايم اتصل عليها واسالها عن اخبارها ودراستها والله وساوس بدت تتجمع في راسي اعوذ بالله من الشيطان |
اقتباس:
أخي الفاضل وإن كنتُ لستُ ممن ينطبق عليهم الشرط المذكور في عنوانك أعلاه, لكني رأيت أن أرد عليك لتوضيح صورة مهمة في هذا الموضوع.. والمعروف حساسية الرجل العالية فيه وهذا طبيعي جداً.. كما ان النساء في الغالب لن يتفهمن حقيقة شعور الرجل في هذه الناحية؛ لأنها ترى الأمر من وجهة نظرها المنطلقة من طبيعتها المختلفة عن الرجل,, لذلك أقول: ان المرأة في الأعم الأغلب أهم ما يشغلها ويدور في أحاسيسها بالنسبة للعلاقة الزوجية هو التعامل حسنه وسوءه, وكذلك احترام الزوج لها أو عدمه, وكل ما يتعلق بالمسائل العاطفية.. وهذا لا يعني عدم اهتمامها بالمسائل الأخرى, لا ولكن معيار التفضيل الأساسي هو الأول.. ولذا أطلب منك أن تريح نفسك من هذه الهواجس بأمرين: 1ـ إحسان المعاملة وعدم الملل إن رأيت أن ذلك لم يثمر معها. 2ـ المصارحة بالشكل الذي يناسب المرأة ولا يجرحها, وهذا يتأتى بالطريقة التالية: صارحها بمشاعرك تجاهها بشكل مباشر في جلسة خاصة, واطلب منها المصارحة بمشاعرها تجاهك, بين لها استغرابك من بعض ردود أفعالها لأن تلك الأفعال الصادرة منها قد لا تكون لما تتخليه بل لأمر أبسط من ذلك كثيرا.. ولعلك بظني ستستفيد كثيرا من تلك المصارحة وأخبرها بأنك تود منها التعبير عن مشاعرها وأحاسيسها وأن ذلك يزيد من حبك لها .. وفقكم الله وأسعدكما ... |
أنا مطلقة بس ماتزوجت لحد الآن
يمكن ماعندي خلفية وتجربة جديدة وبالتالي ماأقدر أفيدك إن شاء الله تلقى من يفيدك |
السلام عليكم ورحمه الله وبركاته
اعزمها فى مكان حلو اشربو شى او اتعشو مثلا وبهدوء اتكلم معاها وصارحها بكل الى فى خاطرك بس ماعادا شعورك انه فى رجل لمسها قبل كدا لانها ماغلطت حلالها كان وانت الان حلالها ومن حقك تعاتبها او تقول وجه نظرك وانتبه ممكن تكون انت حساس شوى وممكن هى فى راسها افكار معينه او اتعقدت من حاجه فى زواجها الاول اصبر عليها واعطيها فرصتها كامله ولاتنسى ان تجربه زواجها الاول مستحيل تمر عليها كدا سهاله اذا كانت تعبانه فيه اكيد فى نفسها اشياء انت بحبك وحنانك وعطفك تعوضها وتغير افكارها لاكن ناقشها واتكلم معاها ولاتدخل احد بينكم واتوكل على الله وبشرنا النتايج الله يعطيك العافيه لك فائق احترامى |
متابع للموضوع
الي اعرفه انه لايجتمع عشيقان في قلب امرأة ابدا نعم تعامل الآخر باحترام وتستمتع معه ولكن لا تتعلق الا بواحد هل تنسى حبها الاول وتبدأ من جديد حب آخر وكأنه حب اول جديد؟؟ الله اعلم وهذا ما انتظر اجابته من اخواتي المطلقات........... |
شوف اخوي
تدري وين اساس مشكلتك ؟؟؟ اساسها سلمك الله خيالك وتفكيرك بزواجها الأول؟؟ والله لو تشيل الموضوع هذا من اساسه كان أرتحت يا اخي لا تفكر اذا بتفكر راح تتذكر في كل لحظة لحظة الجماع ولحظة الجلوس بقربها ولحظة خروجكم في السيارة ... راح تتعذب ...لكن خلك واثق وانس الموضوع وفي زمن الاجداد كانت المرأة تمر بحياتها بأكثر من زوج خاصة في المجتمعات البدوية ولأسباب مختلفة. بعدين ياخوي خير البشر تزوج مطلقة ... فهذا الشي بإذن الله راح يريحك وطنش تعش تنتعش.. وثق تماما ان كل مشاكلك اللي قلت عليها مثل ما ترد علي بالرسايل وما تبادلين الشعور كل هذي الامور سببها اللي قلت لك عليه وهو ان انت عندك صراع داخلي وخيالات وتفكير وبدأ يأثر عليك.. اخوي خذ نفس عميييييق وانظر لما حولك وعش حياتك وابعد عنك كل المنغصات.. والشيطان ناويلك على نيه انتبه ولا تعطي النفس هواها.... الله يسعدك اخوي ويريح بالك ... اخوك... |
المراه تشعر بما تفكر فيه فلعلها استشعرت من حساسيتك كونها لمست من رجل قبلك وكان هذا رد فعلها
|
ياخوي مستحيل تفكر بزوجها الاول خذها مني مستحييييييييييييييييييييييييييييل تدري ليش
لانه عذبها ووتقول صارت نفسيتها تعباااااااااااااااااااااااانه والمراة لايمكن تنسى الى جرحها في يوم من الاياااااااااااااااام جرح مثل كذا يعني ارقد وامن باذن الله بس يمكن مستحيه منك او ماهي عارفه تبين مشاعرها اتجاهك خصوصا انه تجربه جديدة عليها احد يحن عليها ويحتر مها ويقدرها الله يهنيكم وانسى واستمتع بحياتك الجديدة والله يرزقك بالذريه الصالحه عاجلا غير اجلا وياااااااااااااااخوي حاول تكثر من معاملتها الطيبه لاتنسى انه مرت بتجربه فاشله وصعبه الله يعينها ويرحمها ويسخرك لها اكثر واكثر |
شوف اخي الكريم .. بحاول اجاوبك وان شاء الله ترتاح وتبعد هاذي الوساويس الشيطانيه عن بالك
انا برصيدي تجربتين فاشله واحده لم تتم الا لشهرين بعد الزواج والاخرى 3 شهور قبل الدخول .. وبدون ذكر تفاصيل كثيره لكن صدقني اي امرأة وجدت بحياتها السابقه العذاب اي كان نوعه .. وربي عوضها برجل يجعلها تتحسف الايام السابقه بزواجها من الاول ..وهاذا اذا تذكرته من الاساس .. ماراح تعتبر انها تزوجتع من اصله وراح يكون زوجها هاذا هو الاول والاخير .. وراح تتحمد ربها على النعمه اللي ربي انعمها عليها .. وبتستفيد بتجربتها السابقه فقط في تفادي الاخطاء ومحاولة عدمن تكراراها .. لكن زوجتك تقول انها ماتبادلك الكلام الحلو .. يمكن هاذا طبعها من الاول وبالعكس هاذا الشي يمكن يفرحك لانك بتعلمها كيف تنطق بالكلام الحلو ويكون انت اول من يسمعه :d يااخي هاذي كلها وساويس الشيطان .. يعني هذي زوجتك قريبتك حلالك انت اخترتها .. واذا كانت متزوجه تراها ماكانت تسوي شي غلط .. لكن هاذا نصيبها وهاذا اللي كتبه ربي لها .. الله يهدي سرك ويبعد عنك الشيطان ووساويسه ويحنن قلبك على زوجتك ويحنن قلها عليك |
والله انكم ريحتوني بكلامكم الله يسعدكم
انا يمكن اللي احس فيه صراع داخلي بيني وبين نفسي احيانا لما اكون معاها اكون مبسوط والحمدلله لكن بعد ما ابعد عنها اجلس اتذكر واتذكر ويزين لي الشيطان وساوس لدرجة احيانا اعوذ بالله اقول انا ليش اخذ مطلقه مع اني داري ان المطلقه ظالمينها المجتمع وما هو ذنبها واحيانا اقول بتزوج ثانيه كلها تجي بتفكيري مع اني والله ارتحت لها من اول ليله هل يمكن ان تكون منحرجه مني لهذا الحد حتى لما اجي اصارحها واعبر لها عن مشاعري ما تقول شي واذا صامته واذا قلت لها قولي زي ما اقولك تقول بعدين وش فيك مستعجل الله يعطيكم العافيه |
^
^ انت متضايق منها في مسألة عدم استجابتها لكلامك وعدم تبادلها بالكلام الحلو فقمت تطالع لااشياء ثانيه .. لكن زي ماقلت لك سابقا هاذي علاجها انت .. مدام زوجتك مطيعه وطيبه وتحبها وماتشتكي منها في شي غير عدم استجابتها لمشاعرك .. فاان شاء الله الباقي يهون الله ينور طريقك ويصلح حالك |
هذا شيطان .....دائم يحاول بس يصنع المشاكل
فبعده عن تفكيرك..الله يسعدك |
سبحان الله
صديقتي مطلقة وخاطبها واحد لم يسبق له الزواج وتبي توافق ولما قالت لي قلت تبيغين نصيحتي لو اما بمكانك ماوافق ماتدرين يمكن يتغير تفكيره 00 تزوجي واحد بمثل حالتك او شبيهة افضل ياخوي هي شافت حسرة ثم شافت معك السعادة تلقاها قايمة قاعدة تقول الحمدالله اني تطلقت عشان اتزوج فلان صدقني |
اقتباس:
ردا على سؤالك صديقتي تقص علي قصة أمها , قصة عجيبة حقا أمها تزوجت رجل يموت فيها وتموت فيه , قعدت معه أكثر من عشر سنوات ماجابت عيال , بعدين جابت ولد وبنت , قالوا الناس من أول يموت فيها وهي ماجابت شي أجل كيف الحين ؟ المهم إنه تزوج عليها بعد ماجابت عيالها فراحت عند أهلها وأصرت على الطلاق , حاول يرجعها عييييت مرة , بعدين تقدم لها واحد ثاني وتزوجته بالرغم من إنه كان معاه زوجة , طلق زوجته الأولى بعد ماجابت أم صديقتي ثلاثة من عيالها , وعاش مع أم صديقتي فترة طويلة لين مات الله يرحمه , يسألونها مرة عيالها ( لها عيال من كل زوج ) من أغلى عندك الأول أو الثاني ؟ قالت صح إن الأول حبيته مرة لكن الأغلى عندي الثاني ( وهم كلهم ميتين الله يرحمهم بس فضلت الثاني على الأول بالرغم من قصة الحب مع الأول ) وكانت أمها دايم تقول لي ( لاتاخذين عشيقك ولا ترجعين لطليقك تراهم مرارة بريقك ) وشكلها قايلته عن تجربة !! يعني ممكن تحب المرأة لحد الجنون , لكن إن عافته خلاص ممكن يقوم آخر مكانه , وبعض المطلقات كما نعلم كارهات أزواجهن السابقين . والمسألة كما قلت لاتعشق المرأة اثنان لكن ممكن تنسى واحد لو الثاني عوضها , خاصة وأن الأول في كثير من الأحيان باعها فليش ماتبيعه ؟.. |
تعوذ من أبليس وساوسه!
أخي, لا يُعرف الحلو إلا من المر... والعكس صحيح! ولما تكون الواحدة عانت في زواجها السابق تكون تعرف قيمة الرجل العاقل الهني الرضي! بالنسبة لبرودها معاك.. لما الواحدة تمر بتجربة قاسية... تتعلم ما تطلع مشاعرها مرة واحدة.. تتعلم ما تأمن بسرعة... أصبر عليها فترة وتمر.. واحتمال كونكم ما عشتوا مع بعض أخر الألفة بينكم.. أستعذ بالله من الشيطان الرجيم |
اخوي الغالي بدلي بدلوي في مشكلتك واقول بسم الله اولا وثانيا مشكلتك لها جانبين الاول يتعلق فيك والثاني فيها
مايتعلق فيك انك متضايق انها متزوجة واحد قبلك اقول لك محمد صلى الله عليه وسلم وهو قدوتنا جميع زوجاته ليست بكورا ماعدا عائشة رضي الله عنهن اجمعين!!! مايتعلق بمشاعر زوجتك تجاهك فأعتقد انا مازالت لم تخرج نفسيا من تجربتها السابقة ومع الوقت ستتغير وستجد ضالتك باذن الله وتجد مايسرك عندي ملاحظة بسيطة وهي لاتبدي بشكل مستمر حبك لها واهتمامك الكبير بها حتى لا تشعر انك تجاملها وتشفق عليها(اثقل شوي) وبامكانك ان توضح لها مايتمناه الرجل من زوجته كما تطلب منهاان توضح لك ماينقصها وما تحتاجه هي منك تمنياتي لك بحياة سعيدة |
يعطيكم العافيه على هالنصائح
الله يسعدكم ويبعد عنا وعنكم الشيطان |
اقتباس:
بصراحه انا مع هذا الراي... عزيزي ....تأكد ان الافكار هي التي تؤدي الى الشعور ...بالرضا او عكسه... غير افكارك.......اقترب منها اكثر كصديق واخ .....لاتركز على رده فعلها في الامور الجنسيه .. لانها لم تكن تحب الاول ...فهو مجرد تجربه مره.. وأحتمال طبيعتها ..هادئه وخجول ...او غير رومنسيه..صدقني انت وانت الشهد والعسل الذي بأسلوبه سيمحي هذه الذكرى المؤلمه . صدقني ......الحل هو تغيير ما بنفسك ..وعقلك من افكار .. وربي يسعدك دنيا وآخرة وطمنى عليك بعد التغيير :22: |
أخوي زوجتك بعدها تستحي منك بدليل أنك يوم تقولها ليش ما تقولي لي كلام حلو تقولك بعدين يعني بعدها ما تعودت تقول هالكلام ....... أنا مطلقة وكنت أحب زوجي ودي أرضيه بكل طريقة ولكن هو العكس عمري ما سمعت شين منه لكن معاملته بعدم إهتمام وبرود وما في كلام حلو يعني جمود مشاعر هالشي خلاني أصر على الطلاق وما تندمت صحيح أنا ما تزوجت بس أنا أساساً ما أحب أتذكر زواجي ما شفت أي شي حلو و تأكد أي وحده تتطلق بإختيارها مستحيل إنها تفكر بزوجها السابق يعني تطمن زوجتك مستحيل إنها تفكر في واحد أساساً هي عافته ....... وإذا على إن كل مطلقة مجربة العلاقة الزوجية ولازم تكون أجرأ من البنت مش شرط وعن تجربة أنا للحين أجهل هالسوالف وأستحي إذا حد أتكلم قدامي عن هالمواضيع حتى صديقاتي يستغربن وإذا تزوجت أكيد أني بستحي من زوجي لين فترة الله أعلم كم ،،،،،،،،، بطبعي خجولة ويمكن زوجتك من هالنوع وبعدين لا تخلي فكرة إنها مطلقة تنغص عليك حياتك صدقني وايييييد مطلقات فيهن مميزات أفضل من البنات وانت لو ما كنت شايف إنها تناسبك ما كنت تزوجتها حتى لو ما كانت مطلقة يعني في النهاية العبرة بصفات الانسان مش تجربة زواج سابق من عدمه ...... وفي واييييد رجال تزوجوا أبكار ما وجدوا السعادة معاهن مش كل بكر زينة ومش كل مطلقة سيئة تعوذ من أبليس وزوجتك مبين إنها ما شاء الله عليها طيبة وخجولة وبنت ناس ومتربية بس أصبر عليها وحاول تكلمها وتفهمها اللي تبغيه منها ........... الله يسعدكم ويرزقكم بالذرية الصالحة ......... بس بصراحة صرنا نخاف من افكاركم يالرجاجيل تفكرون فينا بطريقة تخوف مش لهالدرجة والله احنا بريئات ........ طمنا عليك أخوي .......... |
طيب يامظلوم ماتحس احسن لو توجه لها الكلام هذا
تناقشها وتعلمها بالي مضايقك صدقني هي الي تفهمك ورح تبين لك كل شي محد يقدر يوضح لك هي وش تحس فيه الا هي نفسها كلمها وبين لها الي بخاطرك ياخي انتم زوج وزوجه ( وجعلنا بينهم مودة ورحمه ) عجيب تشاور الناس بامور بينك وبينها مضايقتكم ولا تفكر تكلمها هي وهي راعية الشاااااااااان !!!! |
اقتباس:
الله يوفقكم ويرزقكم . . . . . . بنان |
الله يوفقك هذا من زود حبك لها
|
الله يوفقكم ويبعد عنكم الشيطان
|
مرحبا يا مظلوم الحب بصراحة اعجبتني صراحتك وطرحك للمشكلة وابشرك بالخير انشاء الله لانك بمجرد طرحك للمشكلة بتنحل باقرب وقت شوف اخوي انت توك معرس من 4شهور يعني للحين الحياء موجود يمكن زوجتك تستحي وبالنسبة للجماع اغلب البنات في بداية الزواج يعني تقريبامدة اول 8 شهور تتهرب من الجماع لاسباب منها صحية ومعنوية الشي الثاني شوف زوجتك ما تفكر في زوجها الاول لانه مو بس جرح مشاعرها جرح انوثتها وصارت مطلقة واتوقع الحين بتحبك و تضحي بكل شي علشان تسعد نفسها وتسعدك
وثق تماما مافي امراة باي مجتمع عربي او غربي تحب انها تكون مطلقة للمره الثانية ؟؟؟؟ دير بالك على زوجتك واترك الوسواس وانشاء اسمع الاخبار الحلوة |
ليكن قدوتك في ذلك حبيبك محمد صلى الله عليه وسلم فقد كان أكثر نسائه مطلقات أو أرامل ولم ينقص ذلك منقدريه شيئا فهو سيد الخلق
|
يا أخي دعك من هذه الوساوس
هذا من عمل الشيطان فلا تدعه يتملك تفكيرك تذكر دائما انها الآن زوجتك أنت فتكلم معها وناقشها فيما تحبها ان تفعل من الممكن أن تكون لا تريد أن تجعلك تشعر انها متزوجة من قبل وتعاملها كبكر كما تقول الله يهدي سركم |
يعطيكم العافيه بدون استثناء الى الجميع
والله اني لما اسمع كلامكم ونصايحكم والله اني ارتاح ويطمئن قلبي والله انها وساوس من الشيطان والا انا قبل ما كنت افكر بهالامور ولا كانت تخطر على بالي بس الشيطان يدخل علي من هالباب ويقولي كذا وكذا والا انا مقتنع من يوم خطبت والحمدلله وكانت نظرتي للمطلقه زيها زي اي بنت العيب موفيها ويمكن احسن من البكر اهم شي التوفيق من الله بس انا ما ادري هل كل المتزوجين كذا اول سنه يصير الرجال هو اللي يتكلم ويقول كلام حلو والزوجه ساكته على كذا بيمل الواحد او يفكر انها ما تحبه يمكن عشاني توني متزوج لاني بصراحه كل يوم اكتشف حاجات حلوه الحمدلله والله ما ابي الا دعواتكم لي بظهر الغيب وبصراحه والله اني احس ان لي اخوان في المنتدى على الاقل استفيد منهم على النصايح الله يجزاكم الف خير اخوكم مظلوم الحب |
| الساعة الآن 11:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©