|
اذا ممكن مساعدتكم لتجهيزات بعد الولادة؟
السلام عليكم ورحمة الله وبركاته
شلونكم حريمات :d ؟ ممكن تساعدوني أو تعطوني معلومات عن الشغلات والأغراض اللي تلزمني بعد الولادة في وقت النفاس طبعا لي مو للبيبي لأنه الحمدلله خلصت أغراض البيبي :22: واللي شريته لي بس ثلاث دراريع ساتان شتويه لانه ولادتي في شهر 12 ان شاء الله حق زيارات الضيوف وتكرمون شحاطه حلوه بيج عشان تلوق على كل الوان الدراريع .. والصراحه أنا كتبت الموضوع في هالمنتدى لأني أدري انه خواتي العضوات راح يساعدوني ومايقصرون معاي:) وجزاكم الله خير أختكم الحامل الحزين |
هلا باختي الحامل الحزين حبيت اذكرك بالزيوت (الزيتون واللوز)وبعض انواع الكريمات للاهتمام بجسمك خلال فترة الاربعين ..والزيوت الخاصة للاهتمام بشعرك :) ..واذا تذكرت شي ثاني بقوللك ان شاء الله
|
:14: اختي ام رغد وشهد ممكن تكولي لي زيت الزيتون واللوز كيف بتحافظ على الجسم بعد الأربعين لأن انا كمان حامل وولدتي حتكون فب آخر فبراير ان شاء الله ونوع لكريمة للشعر لو سمحت وجزاك الله كل خير على هذه المعلومات لأن أنا بخاف كثير من لكريمات مشكورة ياأختي :14:
|
ام رغد وشهد يزاج الله خير حبوبه بس ممكن اعرف شنو الزيوت للشعر .. انزين شرايج احدد أيام لزيارات في نفاسي لانه احس بصير حوسه البيبي والناس والزيوت ؟
atofa حياج معانا .. صحيح الكريمات الطبيعيه افضل بوايد .. |
احب اذكرك يا اختي بالمغطس الي تقعدين فيه عشان يلين لك الخياطة شوي وعشان التعقيم
وهو موجود بالصيدلية تقولين اعطني مغطس تحطين فيه مع الماء الدافئ معقم(في الغالب يصرفونه لك المستشفى+شوية مر (المر تشترينه من العطار)) وتجلسين عليه مرة وحدة في اليوم لمدة ربع ساعة او عشر دقائق هذا في الاسبوع الاول اماباقي الاربعين فتحين مع الماء الدافئ (شوية مر+كثييييييييييرمن الملح الخشن طبعا بعد ماتطحنينة عشان يذوب بسرعة) وتجلسين عليه مرة وحدة في اليوم لمدة ربع ساعة هذا يساعدك على تضييق المنطقة بعد الولادة كذلك لاتنسين اهم شيئ وهو العسل الطبيعي100% تاكلين ملعقة في الصبح وملعقة في الليل الله يعينك ويفرج كربك |
يعطيييج العااافيه حبيبتي سهام ..
بس مو صعبه أول اسبوع اتنقع في الماء لانه مضر ولا عادي ؟ ارجو افادتي اختي .. |
الله يقومك بالسلامه لاتنسين تجهيز غرفة الاستقبال الخاصه باستقبال المهنئين
ولاتنسين مشد مابعد الولادة حتى ترجع البطن لطبيعتها ولازم يكون قماش قطني واذا ماتحبي تستخدمي المشد احرصي على الرياضه الخاصه بالبطن حتى تستعيدي رشاقتك بعد الولادة |
للمعلوميه انا قريت اكثرمن مرة انك تتنقعين بالماء يخرب المراة والافضل تتشطفين به فقططططططط
|
ياحبيبتي في المستشفى اصلا اول استحمام لك بعد الولادة يحطون لك مغطس
تسمين بنت الفرح على النصيحة لكن مايقرا ليس كله صحيح انا ولدت مرتين كل مرة عند دكتورة(استشارية) غير الثانية وكلهم وضعوا لي مغطس ونصحوني بالاستمرار عليه حتى ان امي ماتحب المغاطس كانت بس ترش نفسها فقط فقالت الدكتورة ان الرش لايعطي التعقيم المطلوب واذا شدت الخيوط عليك وكنتي ماتجلسين في المغطس يقعد مكان الخياطة زي الجروح فيما بعد |
بنت الفرح عفوا
تسمين=تسلمين |
بعد عندك غسول البيشام حلو بالمره للخيوط وتقومين با السلامه
|
مناوي1 :
الله يسلمج حبوبه .. عندج افكار للاستقبال؟.. انزين الكورسيه بدال الرباط ما ينفع ؟؟ بنت الفرح : ثانكس على مرورج ايي انا امي قالت لي انه مو زين التنقع بالاسبوع الاول.. لانه كلشي مرتخي. سهام: مشكوره حبوبه وان شاء الله بسأل دكتورتي على هالموضوع .. ويزاج الله خير. |
ام طلوله:
هلا حبوبه ..عفوا بس وين ألقى هالغسول؟ .. الله يسلمج يا الغلا |
شدعوه حريمات أفيدونا؟ أنا ترى صج محتاجه افاداتكم .. وترى قاعده أدون اللي ما اعرفه في نوته .. لأنه اول حمل لي ..
وجزاكم الله خير |
لا تنسي تشتري فستان للاربعين ويكون معه عطر مميز غير عطرك حتى زوجك يحس بالفرق
|
اهتمي في تغذيتك وعدم تناول المشروبات البارده وتدفئة الجسم ولبس الجوارب وراحه التامه خاصة اول عشرين يوم وعدم كثرة الاستحمام وافضل الاعتناء بشعر والجسم قبل الولاده بشهرين على الاقل وذلك باستخدام الزيوت للشعر مثل زيت الخروع او النارجين والبشره استخدام الجلسرين مع الليمون ممتاز يبيض
البشره عمل تقشيرللجسم زيت وسكر وملح يفرك به الجسم قبل الاستحمام0 وشكرا |
بسبوسه بالقشطه:
اي انا مفكره اشتري ان شاء الله بس عاد لما يتعدل جسمي واشوف القياس عدل .. مشكووووره حبوبه كتير كتير . أنين أنثى : يعطيج العافيه اختي .. ويزاج الله خير وايد افدتيني .. مشكوره |
لا تنسوا يا حوامل دهن حلمات الثدي بزيت الزيتون و تدليكهم يوميا قبل الولادة بفترة كافية حتى لا تحدث تشققات بالحلمات دامية و مؤلمة تمنع الرضاعة الطبيعية للطفل
|
دعاء الكروان :
جزاك الله خير يا اختي والله يجعله في ميزان حسناتك . |
حبيتي لاتجلسين في المويه تخرب الحرمه أحذرك
|
Saudd33 :
مشكووره اختى وايد .. صحيح قالولي انها تخرب .. شكرا على مرورج |
انا مثلك اول حمل لي وبفيدك بعض المعلومات الي من حملت وانا قاعده اجمع فيها ... اول حاجه اهتمي بنفسك لاتكثري شرب الماء وكثري من شرب الاشياء الساخنه مثل الزنجبيل وشاي الاعشاب والشاي الاخضر.. وفي العشرين يوم الاولى تستخدمين نقوعه مره ومحلب علك مر ومباركه .. وتشربين حلبه وطبيخه .. واهم شي تاكلين تمره برشاد بسمن حتى 35 يوم ولازم تاكلين زين وابتعدي عن المولخيه والباميا والاشياء البارده والحامضه.. وفي العشر الايام الاخيره تستخدمين يوم ورا يوم كبو الهواء وتحاميل يصلحونها لرحريم انا زينتها لي اختي وتقمين نفسك بمره ومباركه وفي شي يسمونه مردود مره زين بس لازم يكون من عند وحده ثقه او عطار ممتاز ويستخدم في العشرين اليوم الاخيره وفيه غسول للمنطقه مره حلو الي هو الارطا وقشر الرمان بس انه يسمر المنطقه ..واستخدمي الفلفل الاسود في اكلك مره حلو .. واهم شي انك ماتجوعين .. واي استفسار انا جاهزه ... واللي عنده مغلومه يفيدنا ولايبخل علينا
|
يزاج الله خير قموره11 .. وايد افدتيني حبوبه ..
انزين غير الاكل وهالسوالف .. ممكن اعرف انتي شنو جهزتي حق استقبال الضيوف ؟ |
عزيزتي ممكن تحددين أكثر ؟؟ هل تقصدين ماتحتاجينه من عنايه وتجميل ؟ او ماتحتاجينه من افكار الضيافه واستقبال الضيوف ؟ |
اختي الحامل الحزين .. لا تنسين مشد الولاده .. و(حفاظات الثدي) من الصيدليه
عشان ما تتبهذلين بتغيير ملابسك كل شوي بسبب الحليب الى ينقط من صدرك بعد الولاده .. واذا تذكرت شي ان شاء الله بقولك أختي الكريمه:لفظ المشيئه يكتب هكذا(إن شاء الله).. وفقك الله.. |
العفو اختي وبالنسبه لتجهيز الضيوف اشتريت قمصان لاستقبال الضيوف مو قمصان عاديه هي مخصصه للوالد تتكون من قطعتين وشكلها حلو مره.. وابغى اجيب توزيعات للضيوف الخاصه بالمواليد وبكتب فيها بيت شعر .. وبحط مفرشي ومفرش النونو زي بعض هذا الي جهزته للان ..
|
هانديا:
عادي كلشي اذا ممكن لاني محتاجه نصايحكم .. مشكوره حبوبه هضبة من الجبل: هلا فيج مشكووووووره واااايد .. شريت الحفاظات بس باقي مشد البطن .. قموره 11: هلا والله قموره .. ايي انا شريت القمصان لاستقبال الضيوف .. بس التوزيعات للحين مادري شنو اسوي يمكن اكتب اسم البيبي عليهم؟.. يزاج الله خير .. |
فيما يتعلق بالعنايه بالجسم .. انتي بحاجه الى (مجموعه) للعنايه بالجسم تتكون من (سكراب- مبيض- لوشن للترطيب - معالج للتشققات) بأمكانك استخدام مجموعات بودي شوب فهي جدا رائعه ... وفيما يتعلق بأستقبال الضيوف ... أختاري شكولاته او ملبس وضعيها فيى علبه او كيس صغير ضعي معها عباره عليها اسم المولود والحركه المميزه التي أضمن لك وهي خاصه لك فقط مني .. ان تضيفي كتيب صغير اوشريط او مطويه نافعه بحيث ان ضيوفك يخرجون بفائده اهم من قطعة شكولاته ترمى غالبا .. لابد ان يكون هناك برنامج لأستقبال ضيوفك اذا تريدين تفصيل أكثر لامانع لدي |
هانديا:
جزاك الله الجنه اختي :) *********** ممكن تردون على استفساراتي هذي :- هل احدد أيام لزيارات الضيوف في نفاسي لانه احس بصير حوسه البيبي والناس والزيوت ؟ هل ينفع الكورسيه بدال الرباط ؟؟ |
| الساعة الآن 03:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©