|
دورة لحديثات العهد بالزواج.. كيف تكونين ربة منزل..
مساء الخير وكل عام وانتم بخير والمكتوب باين من عنوانه :d
بما اني حديثة عهد بالزواج لقيت صعوبة بتعلم الاشياء الاساسيه في البيت من طبخ وغسيل وتنظيف.. وحاولت ابحث واسأل وتعلمت بعض الاشياء لكن مازلت محتاسة :23: .. حابه اخلي موضوعي هذا مرجع لحديثات العهد بالزواج ولو يتثبت يكون احسن :22: .. كل وحده تكتب خبراتها وتجاربها واغلاطها.. بالنسبه للطبخ ما شالله عالم التغذية ما خلى شي وهو اللي منقذني دايما :17: .. لكن حابه الخبيرات يكتبون هنا بالتفصيل طريقة تنظيف الحمام وايش احسن الخلطات اللي تستخدم لهالغرض.. مسح الارضيات تنظيف الكنبات بمختلف انواعها تنظيف المطبخ والبالوعات.. غسيل الملابس وكويها.. تنظيف الثلاجة ومشكلة الروائح<-- تعاني من الروائح بالثلاجة :24: كيف ارتب جدول العنايه بالبيت ومتى لازم تتنظف دورات المياة والبيت بشكل عام.. يعني حابه يكون الموضوع شااامل لكن بنت حابه تكون ربة منزل ناجحة :14: .. هالموضوع منزمان في بالي بس تو الفكرة تستوي ويارب يلاقي تفاعل.. |
موضوع جا بوقته
توهقت انا مرة بس يمدينا نتعلم الطبخ مومشكلة بالنسبة لي وغسل الاواني برضو سهل بس التنظيف والغسل افففففففففف صعب خصوصا اني موظفة يعني تعب من جد انا حاليا مشغولة لي رجعة ان شاءالله بسولف عليك عن طريقتي البسيطة ونبي سواليفك بعد نفيد ونستفيد:17: |
أختصر عليك الكلام جيبي خدامة وبس :)
|
كروشيه وش خدامه اغث عمري من اول زواجي لو بعد ثلاث اربع اطفال واذا اتوظفت يمكن
اتمنى الاخوات يفيدونا عشان يكووون عندي خبره ومااحتااااااااااس مثلكم يعطيك العافيه اختي لهالموووضووع وانا معاكم |
يووووووووووووووووووه
نسيت هالسواليف |
اقتباس:
والخدامة مين بيعلمها؟؟ على العموم جيبي مارح اقول لا :22: لكن اللي ساكنين بشقة صغيرة وزوجها مو مقتنع بوجود شغاله وهم عرسان تقابلهم 24 ساعه :29: عموما لازم انتي تتعلمين اول عشان اذا جبتي شغاله تكونين مدام صح وتشرفين عليها وتعلمينها على مزاجك لكن فشيلة تجيبنها بعدين ترسلينها بيت اهلك تتعلم رح تحقرك ولارح تسمع كلامك بتحس ان ماعندك سالفه ولا؟؟!! |
اقتباس:
|
اقتباس:
|
يعني محد يبغا يفيدنا شوي ؟؟ وين خبيرات المنتدى وربات البيوت السنعات؟؟
طيب نبدا حبة حبة كل وحده تكتب طريقتها في تنظيف الحمام ومميزات هالطريقة والخلطة اللي تستعملها في التنظيف وكيف يتم تنظيف البالوعات ؟ |
مب معقولة توقعت تفاعل اكثر بالموضوع !
|
ماعليكي اختي كلهم معاهم خدامات او مايبون يفشلون نفسهم <<< مو تزعلون امزح عاد انا بسوي خير وببدأ اولا: انا شخصيا احب التنظيف من قلبي بس المشكلة اني اتعب خاصة بعد ماجبت ولدي الله يحفظه صرت انظف كل اسبوعين او اكثر <<<< قمة الفشيلة وقالت بتسوي خير واحب التنظيف بعد:) ثانيا: عشان اسهل على نفسي التنظيف احاول مااكثر اثاث بالبيت يعني مااحب التحف ولا احب الصور الكثيرة ولا الاثاث المعقد المزخرف بكثرة ولا احب اخزن عندي حاجات ماهي ضرورية احاول بقدر المستطاع اخفف عالبيت شوي واللي مااحتاجه ياارميه او اصرفه حتى الثياب ثالثا انا بيتي صغير جدا رابعا: بالنسبة للتنظيف اليومي ابدا بعد مااصحى من النوم وافطر ارتب غرفة النوم وافتح الشبابيك بعدين انتقل للحمام واذا فيه شئ وسخ انظفه ثم انتقل لغرفة المعيشة وارتبها انتبهي بس تريب يعني لا تكنيس ولا تمسيح واخيرا المطبخ اللي ماتخلص شغلته اغسل المواعين وامسح فوق الواليب بس والفرن عندي افرشه بقصدير وكل ماتوسخ اغيره خامسا نجي للتنظيف الاصلي الاسبوعي او الشهري زي ماتبين انفض الستاير وامسح الشبابيك والمكيف بعدين امسح الطاولات او المكتبة والمرايات ببخاخ داك الازرق والخشب ببليدج بعدين اكنس الارضية وامسحها بمطهر داك بريحة البخور هذا بالنسبة للغرف والصالة اما الحمام طبعا اسبوعيا انظفه لانه مايتوسخ دايما مافي الا انا وزوجي وولدي المهم اغسله بجل العملاق الاخضر اما المطبخ عادي معروفه شغلته بس الدواليب عندي والدروج افرشها يابمفرش بلاستيك او جريده خاصة اللي فيه زيوت عشان مايتوسخ كثير بس اشيل الجريدة وامسح بخفيف والثلاجة امسحها ببكربونات الصوديوم وشويه صابون فيري طبعا مو دايما في الشهر مرة واحط فيها صحن فيه بيكربونات الصوديوم مع ليمون واخليه يومين ثلاثة والريحة تروح بسرعة جربي وشوفي والحمد لله رب العالمين هذا كل شئ اسويه بس ملاحظة لاتركمين الشغل والوسخ لوقت التنظيف حاولي تشتغلين وتنظفين بنفس الوقت وترتبين عشان يسهل عليك مررررررررررررة لما تجي تظفين نصيحة مني ومجربتها انا وامي الله يخليها هي اللي علمتني اياها اتمنى اكون افدتك وشكرا... |
اهليين .. موضوع حلو ومفيد وفكره جديده ... انا بالنسبه لي وتنظيف الحمام افركه بالليفه وصابون عادي تايد وغيره ... وبعد ما اغسله بالمويه امسحه بفوطه اغمسها بمخلوط ديتول وكلوركس ... اخلطهم سوا مع انه الكلوركس انظف واكثر تعقيم بس انا احط معاه ديتول عشان تغطي ريحه الكلوركس شوي لان ريحته كريييييييييييييييييييييييييييهه مرررررررررررررررررررررررررررررررررررررررررررررره واحب دايم انقع الشطاف حق الحمام في ديتول او كلوركس مدة خمس دقايق واحيانا اسوي نفس الحركه بفرشه الشعر بعد ما انظفها من الشعر تتعقم وتتنظف .. |
اختي طيب القلب ما شالله عليك شكلك نظيفه ومرتبه..
لكن حابه اسألك عن بيكربونات الصوديوم والليمون وش مقاديرها وكيف تنحط بالثلاجه اقصد يعني بصحن وكاس ولا تنمسح فيه الارفف مثلا؟؟ وبالنسبه للحمام تنظفيه كله بنفس المسحوق؟؟ اقصد الكرسي والمغسله والبانيو؟؟ طيب والكرسي من جوا كيف تنظفينه وابالوعه وش تسوين فيها؟؟ والفرن يا اختي جربت احط قصدير ومرتين بغا يولع علي كيف انتي ما يولع او يشتعل؟؟ |
بالنسبه للفرن .. غلفي العين بالقصدير .. وغيريها كل اسبوع اريح لك
اذا كان فرنك كهرب .. الحلقه الحلزونيه اللي توزع الحراره تنفصل عن عين الفرن زي الفيش شيليها وحطي القصدير على العين وارجعي ركبيها ( كأنك تشبكين فيش) |
ممكن تقولي عني موسوسة
بالنسبة للحمام المغسلة لها اسفنجة البانيو له اسفنجة و بعيد عنكم الكرسي والبديه لهم اسفجة لا غنى عن الكلور في تنظيفه اليومي و جل ازرق لونه اكيد المسميات تختلف من دولة لاخرى وماء الشطف اضع بها نقطة كلور ونقطة مطري غسيل الكمفورت الاصفر ابدا بالمغسلة اليفها ومباشرة اشطفها ثم البانيو ثم الكبينه ابدا بها من اعلاها الى اسفلها خارجيا وداخليا خاصة اذا في اطفال في البيت بدك تركزي على كل شيء واكيد الشطف بالماء ثم البديه اقوم بشطف الارض بالمكنسة المخصصة للحمامات ثم جرد الماء ثم التنشيف واشعل شمعة بعدها الغسيل ليه متقله منه،،، الغسالة اتوماتيك طبعا بدك تعملي فرز للالوان الابيض لحاله الغوامق لحالها والالوان الفاتحة لحالها لازم تنتبهي على ليبل التعليمات الموجود داخل الملابس فهناك ملابس لا توضع بالغسالة بحاجة لغسيل يدوي انتبهي للحرارة اللازمة والا بتخربي كل الغسلة والتقيد بكمية مسحوق الغسيل كثرته بتغير الوان الغسيل |
اقتباس:
بالنسبة للسؤال الاول :يعني تقريبا ملعقتين من البيكربونات ونص ليمونة واحطهم بصحن صغير في الرف اللي حاسته يطلع ريحه واغير مكانه في اليوم الثاني لرف ثاني السؤال الثاني: ايه كله بنفس المسحوق ونفس الليفة الخشنة والكرسي من جوا بالفرشة اللي فيها عصا المعروفة لازم تكون موجودة بكل حمام والبالوعة ادعكها من فوق يعني السطح بس بنفس الاسفنجة واشيل الشعر منها بيدي السؤال الثالث :انا قصدي الفرن من فوق مو من جوا يعني عند العيون افرشه بعدين احط العيون والحديدة اما اذا قصدك من جوا انا ماافرشه واذا بغيت انظفه ارشه بفيري المذيب العجيب واخليه نص ساعة او اكثر بعدي ادعك شوية بالسلك وامسحة باسفنجه اتمنى تكونين فهمتيني واني افدتك باللي تبينه وانا جاهزة لاي استفسار اخر<<<كبر راسها الاخت :25: |
اقتباس:
ماشاء الله الظاهر كل بنات المنتدى نظاف الا انا لوووول.. طيب سؤالين.. الاول ليش تحطين نقطة كومفرت بالشطف يعني مو هو ملين ملابس ايش بيسوي في الحمام؟؟ الثاني.. بالنسبه للغسيل انا احط الابيض سوا والملون سوا ماقد فصلت الغامق عن الفاتح الحمدلله للحين سليمة ما صار شي لوول لكن بالنسبه لكمية المسحوق عجزت اضبطها والظاهر بجاماتي شهبت بسبة كثرة المسحوق حرام كلها جديدة حقت التجهيز المشكله خلف علبة المسحوق في التعليمات يحسبون باللتر وانا مادري غسالتي كم لتر انا اعرف انها سبعه كيلو ودايم لما اغسل تكون مليانه لاننا ما شالله 24 ساعه نفصخ ونرمي في الباسكت وانا استعمل تايد كنت احط كاستين ولما شفت غسيلي بدا يشهب بديت احط كاسة ونص ومادري صح ولالا.. والغسيل الابيض احط فيه محلول مخفف من الكلور مع المسحوق مادري صح ولالا <--- ياكثر اسئلتك.. معليش ثقلت عليك بس حسيت انك فاهمه وسنعه وقلت فرصة ما تتفوت :17: |
اقتباس:
خلط الغسيل الفاتح مع الغامق خطأ لانه الالوان الفاتحة يكمس لونها وممكن قطعة واحده يكون لونها كحلي تخرب كل الملابس المسحوق غسالتي 7 كيلو وهي من الانواع الجديدة اي الديجتال 1 كاسة مسحوق واحدة تكفي بالنسبة للغسيل الابيض صحيح ما تقومي به لكن انتبهي الالبسة المصنوعة من النايلون والاكريليك والبوليستر تخرب من الكلور فيميل لونها للاصفرار اي استفسار لا تترددي |
شووووووكرن اختي سن شااين مرة مرة مرة افدتيني وافدتي كل اللي يتصفحون الموضوع..
وبما انك عطيتيني وجه وانا ما انعطى وجه بسألك لازم كومفرت الاصفر؟؟ انا اشتري الازرق تعجبني ريحته.. |
اقتباس:
طبعا مش شرط اصفر او ازرق او زهري لكن رائحته مفضلة لدي فهي ناعمة جدا |
و الله موضوك حلو حبيبتي و مفيد جدا
لي عوده ان شاء الله |
اقتباس:
|
في نقطة نسيت اقولها انه كثر الكلور بيخرب مقابض الحنفيات عشان هيك عند تنظفيها استخدمي الصابون والماء فقط وعند الانتهاء لمعيها بالاجاكس الخاص بالزجاج وفوطة جافة
بالنسبة للغسيل لا تتركيه فتره طويلة بالشمس اي من الصباح للمساء فالشمس ايضا تؤذي الملابس |
اقتباس:
اهاا يعني المع الحنفيات بملمع الزجاج معلووومة حلوووة.. لا تخافين ماعندي شمس انا ساكنه بشقه وانشر الملابس في غرفة الملابس :22: |
اخواتي سن شاين, طيب القلب , هضبة من الجهل .. اشكركم على مشاركاتكم المفيدة وافكاركم الحلوة..
واللي قالو لنا عودة ماعاد شفناهم لهالدرجة الموضوع يخوف؟؟!! ترا مو اختبار لمهاراتك في ادارة بيتك مجرد تبادل معلومات نفيد ونستفيد :) |
اول شي000
الفرن اغطيه بقصدير الا العيون طبعا واغيره كل اسبوع تقريبا احط منشفة تحتي وانا اغسل المواعين عشان ماتتبلل الارض وتتوسخ في علبة الغسيل حقة المواعين احط موية وسايل لوكس مثلا وخل ابيض ينظف ويعقم ويساعدك بسرعة لما القدر يبقى فيه اكل وصعب تنظيفه املاه موية واشب عليه النار وبعدها يتسهل علي تنظيفه! الحمامات وانتي بكرامة مالي غنى عن العملاق الاخضر اسفنجة للمغاسل والبانيو والارضية والكبانيه بفرشاة الشعر وبين فترة وفترة كلوركس ولما اخلص احط على خفيف مطهر بالزهور وتطلع الريحة حلوووووة البيت اكنسه ولما اكون فاضية امسحه بموية ومطهر بريحة البخور وابخر البيت تطلع الريحة واااااو المواعين احاول قد ماقدر ماكثر واستخدم ملعقة وحدة عشان مايكثر الغسل اخلي خدامات اهلي يحطون لي بعلبة بصل وطماط مقطع اسهل لي بالشغل وفي امور اسويها قبل مانام عشان غدا بكرة لأني موظفة بس ماراح تفيدك لانك مرتاحة ماشاءالله بس مادري مارضيت عن نفسي احس شغل البيت صعب جدا |
شوفي يااختي انا بقولك كم كلمة بحكم خبرتي البسيطه اللي ماتعدت شهرين لكن تعلمت كثير في تنظيف البيت ..
اول شي بقولك هاذي الكلمه ( حبي بيتك عشان لمن تشتغلي فيه تشتغلي فيه وانتي مستمتعه ) تصدقي انا باول زواجي كنت اتكاسل انظف او ارتب وكنت اقول خلاص بكره ويجي بكره ولا سويت شي .. وبعدين لقيت بيتي صار ( خلينا نقول ماني راضيه عنه بدل كلمة متوسخ :d ) فقلت بنفسي هاذا بيتي لو ماحبيته ونظفته بقدر حبي ماراح ينظف .. وبالفعل اثرت فيا هاذي الكلمه وصرت انظفه وانا مستمتع بالفعل .. لكن الحمدلله رجعت لبيت اهلي وان شاء الله ربي بيعوضني ببيت وزوج .. احس اني كثرت كلام :d .. الفلاش استخدميه بين فتره وفتره لكن لاتدوامي عليه لانه يسود الارضيات والخزف .. جيبي بخاخ فاضي وعبيه مويه وحطي غطى ديتول وبخي الارضيات او الكابنيه او المغسله كل مادخلتي الحمام راح تشمي ريحة كأنك بحمامات المستشفيات :26: ودوبي بسأل امي على البيكربونات الصودا في تنظيف الحنفيات تقول حرام !!!! استغربت بصراحه لانها تقول يستخدم في الاكل !!!! وبس هاذا اللي ببالي |
حبيبتي انا حديثة عهد
لكن خبيرة حيث ماعنا خدامة في بيت اهلي ومن زمان انا وخواتي متعلمين شغل البيت ::: اقلك شو بعمل ::::: 1-الحمام الله يعزك ::: انظفو تنظيفة كبيرة مرة او اتنين بالاسبوع وهية تشمل الحيطان والبانيو والارضية وكل اجزاء الحمام واستخدم في جلي اخضر للتنظيف كتير حلو بجنن مابعرف اسمو لكن في قسم التنظيفات واستخدم الديتول وداك المطهر طبعا والمع المراية اما الايام الاخرى تنظيفات سريعة يعني الحوض والتواليت وشطفة سريعة 2-الموكيت :::كل فترة افرشيه ب فانيش للسجاد 3-الكنب ولامرة غسلتو او نظفتو بالصابون لسة لانو نظيف ومابيجو عنا ناس كتير هههه لكن اتكو دايما بالمنشفة واشيل عنو الغبرة 4- البيت والغرف كون انا بس اثنان ونظاف وماعنا اطفال اكنس البيت مرة بالاسبوع بالمكنسة الكهربا لانو بيتنا كلو موكيت والمع كل شي يعني الابواب والسرير والمرايا والتسريحةوووو .....الخ ولو خلال الاسبوع لاحظت وساخة زيادة انظف مرة اخرى او استعمل اللمامة بتعرفيها؟؟؟ 5-المطبخ الطبخ والجلي كل يوم غالبا لكن احيانا مااطبخ وارياح راسي بالجاهز وعموما البوتاجاز تنظيف دايما من برة لكن التنظيف العميق يعني العيون مرة بالاسبوع او ازا حسيته وسخ كتير لكن اكتر من مرة ماراح تحتاجي ازا حافظتي عليه اما الفرن حسب الطبخ جواه والوساخة واحط عالبوتاجاز فويل بيبر(قصدير)ماعدا العيون بحافظ عليه 6-هناك اشياء دورية متل الشبابيك مش كل يوم يعني عالعيد ورمضان او كل فترة حسب الوساخة او مثلا فرشاية الموكيت مممممممم شو كمان؟؟؟ البلكونة اشطفها بالاسبوع مرة او اكثر الغسيل طبعا حسب الطلب والحاجة وقولي الله يعيني لانو المدينة الي انا فيها غبرتها فظيييييييييييعة لانها جبيلة حاليا اسكر كل الشبابيك فقط اهوي واقفل لانو الجو برد وحماية من الغبرة ومع هيك طبقات الغبرة لاادري من اين تاتي اتمنى اكون افدتكو فانا خبيرة و ست بيت واي سؤال تفضلووووو |
استخدم معطر جو بان اعبي الرشاش مية ومعطر ملابس داوني وارش وريحة حلوة ومنعشة واحسن من
المعطرات الكيماوية الي تخنق هادا اهون ونسيت اقول انو المطبخ اشفطفو او امسحو حسب الحاجة بنفس مواد تنظيف الحمام داك او ديتول او الجلي الاخضر أيضا حيطان المطبخ وخزاناته كل فترة واخرى |
اقتباس:
الله يعيينك بصراحه وظيفه مع شغل البيت بالمرة صعب ما شاء الله عليك واللي تسوينه كفايه مب لازم ترضين عن نفسك المهم لقمة وهدمة نظيفه وخلاص .. بس سؤال وشو العملاق الاخضر؟؟ |
اقتباس:
حبي بيتك عشان لمن تشتغلي فيه تشتغلي فيه وانتي مستمتعه <--- رووووعة بجربها فيها احس انها برمجة لغوية عصبيه بس برضوه بجربها :) حبيبتي ياربي يوفقك بالزوج الصالح اللي تسعدينه ويسعدك.. لكن بالنسبه لبيكربونات الصوديوم قالو نحطه بالثلاجة مع ليمون عشان يوخر الريحه ما قالو ننظف فيه الحنفيات ولا؟!:25: |
الله يعطيكم العافية يا بنوتات
ابغى اسأل عن مواد طبيعية لتنظيف الفرن(الصاج) وكيف الطريقة بالتفصيل اذا احد يعرف اذا الليمون او البيكربونات او الخل او اي شيء من المواد الطبيعية ممكن يفيدني في تنظيف الفرن اتمنى ان يفيدني وجزاكم الله خير |
انا بعد بحاجة ..
لان قريب ان شاء الله :$ بنرجع انا وزوجي الحبيب لبعض.. وبنعيش في شقتنا.. وطبعا انا ماعرف شي واحتاج لكم.. |
العملاق الاخضر : هو عبارة عن علبة بلاستيكية لونها اشفاف ومابداخلها اخضر و غطاها احمر ومنها احجام تباع في كل مكان حتى البقالات او محلات ابو ريالين الله يحفظها ويخليها <<<<:) مكتوب عليه جل العملاق الابيض بس احنا نسميه الاخضر عشان لونه كذا وهو مطهر ومعقم ممتاز وريحته جدا قوية ....وشكرا
|
اقتباس:
|
اقتباس:
مشكوووورة اختي بروح ادور عليه شكل الكل يستعمله الا انا لووول |
اقتباس:
|
اقتباس:
بس انتي تربيتي بدون شغاله يعني متعودين ما شاءالله احنا نعاني ببداية الزواج لاننا طول عمرنا متعودين على الشغالات وفجأة مسؤوليات كاملة عليك الله يعيننا..لكن برضوه باين عليك نظيفة مرة ماشاءالله وانا استفدت من ردك كثير مشكورة اختي:22: |
اقتباس:
طبعا بنظف (بنليف) حيطان الحمامات والمطبخ كمان بالذات المطبخ من البخار بتتراكم الدهون على السيراميك الحمام تنظيف يومي بنظفه اما الحيطان كل اسبوع مرة وكذلك المطبخ والمنطقة التي لا تصل لها يدي في المطبخ ااضع فوطة مبلولة وعليها اي مادة تنظيف على الجرادة وارفع يدي والجرادة وامسح خزائن المطبخ يوميا تمسح وكل شهر يتم تعزيل الخزائن كاملة وتنظيفها واعادة ترتيبها تعسيف زوايا الاسقف والجدران لا اعرف اذا له اسم اخر غرف النوم كل يوم بعد يوم بغير المفارش كاملة والكفرات واللحف الاكريلك بغسلهم بالغسالة حتى الحرامات في الشتاء كل شهر بغسلهم وبنشفهم بالنشافة المخدات الاكريليك كل شهر بغسلهم الموكيت يوميا بعد التكنيس امسحه بالجرادة والممسحة اضع دلو به ماء ومعطر غسيل للاسف الشديد بيتي كله موكيت وبعد التجربة لا انصح احد ان يكون البيت مفروش موكيت تذكرت الماضي كنا نليف البلاط عند والدتي بلاطة بلاطة بالاسفنجة والصابون النابلسي وبعدها تجريد ثم شطف بالماء وتجريد مرة اخرى ثم تنشيف (اعمال شاقة) :d غير المسح اليومي كل شهر نفض للخزاين والملابس من ترتيب وضب واجراج ما لا يلزم بالذات الاولاد هناك ما يصغر وهناك ما يخرب كل شهر جرد لالعابهم حتى اتخلص من المكسر والخربان واضع العابهم بسلة خيزران الثلاجة يوم بعد يوم نفض تلييف كامل بخرج كل شيء فيها من ادراج ورفوف الفريزارات مرة كل شهر ونضع على الارفف قطع رقيقة مثل المفرش حتى لا يتجرح الزجاج واي شي يقع يقع على القطعة اي يحمي الرفوف من الاوساخ اما الكوي حدثي بلا حرج فلا ينتهي في البيت الذي به اطفال خاصة انه والدتي عودتنا ان نكوي ما يخطر ولا يخطر في البال كل شهرين عندك تلميع للنحاس والفضيات والكريستال مسح الغبرة بالبليدج العادي يوميا عندي هناك بليدج على شكل زيت لا انصح به فهو مرتع لتراكم الغبرة عندك تنظيف الشبايبك وزجاج البيت على هوى ما تشوي حاجته للتنظيف والتليمع كل اسبوعين مسح ابواب البيت الداخلية |
اقتباس:
بصراحه ياختي اتوقع حتى و عتدي شغاله مارح اسوي كل هذا عموما الحمدلله ماني موسوسة نظافة وزوجي يحب الترتيب بس ما يدقق مرة المهم كل شي نظيف وريحته حلوة وخلاص.. ما شاء الله تبارك الله لا تقولين لاحد وش تسوين بيعطونك عين لووول اجل تغسلون الارضيه بلاطة بلاطة يا حليلكم.. |
| الساعة الآن 08:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©