|
حبوب ((رويكتان)))
السلام عليكم احبتي الكرام انا سويت تقشير كيميائي ونصحتني وبنفس الوقت خوفتني الدكتوره بحبوب(((ROUCTAN))) وطالبه مني 5 تحاليل للدم كوليسترول وظائف الكبد وغيرها علشان استخدمها ولمدة شهرين وممنوعه من الحمل 5 شهور لانها خطيره جدا اكيد بتقولون ليش المغامره لان التقشير ماراح يعطي مفعول حلو الا باستخدامها ياليت من جربها يفيدني يسعدكم ربي دوووووم يالغاليات |
تقولين الدكتوره نصتحك بتجربة الأثنين معا وفي نفس الوقت !!!!! هذه مجنووووووووونه أكيد .. تجربة الاثنين معا او تباعا دون ان يمر بينهما سته اشهر علي الأقل أكبر خطررررررررررررررررررر على البشره .. أكلمك عن تجربه لأنه سبق لي استخدام هذه الحبوب وأعرف مضارها ومنافعها جيدا .. |
هلا حبيبتي مشاعر
تقصدين بالاثنين التقشير والحبوب ماينفعون مع بعض وايش المده اللي استخدمتي فيها الحبوب وطلع لها اثار او مضاغفات يسعدك ربي طمنيني |
نعم قصدت بالاثنين الحبوب والتقشير .. لازم يكون بينهم سته اشهر على الاقل .. انا طبعا مقيمه في فرنسا .. ودكتورتي طبعا وشاطره مررره عشان كذا اتطمئنيت وتوكلت على الله وسويت العلاج هذا .. العلاج هذا مرررره قوي على البشره .. والمفروض انه يمنع ظهور البثور بشكل فعال .. وتحتاجين كورس واااااحد مدته سته اشهر كامله .. لكن لو كان سنك تحت العشرين فمن الممكن تعاودك البثور بعد فتره وتحتاجين لكورس اخر .. الحمل ممنوع طبعا خلال فتره ثمانيه اشهر .. مدة العلاج نفسها وشهر قبله وشهر بعد .. لكن يستحسن ان تمتد فترة منع الحمل اكثر .. لأن العلاج يسب تشوهات خطيره للجنين .. عن نفسي أنا حاولت انسق الوقت بين علاجي وزواجي .. وخليت الفرق بين يوم زواجي وبين يوم اخر حبه استخدمتها من العلاج سبعه شهور كامله بحيث يطمئن قلبي اكثر على بنتي اللي لسه ماجت :d .. خلال فترة العلاج ممنوع التعرض للشمس نهائيا بدون كريم واقي من الشمس .. والواقي لازم يكون رقم 50 على الأقل .. لازم تحاولين انك ماتعرضي بشرتك لأي جرح او قطع او حرق خلال فترة العلاج لأن الجروووح راح تاخذ فتره طويله لييييين تندمل .. راح تشوفين بشره وجهك وجسمك تترقق كثير خلال العلاج بسبب تقشر طبقاتها .. لهذا ممنوع تستخدمي الحلاوه لازالة الشعر لأنك ممكن تنزعي الجلد نفسه .. اثار الحبوب راح تخف نوعا ما بسبب التقشير المستمر لكن ماتختفي تماما .. لازم تظلي على طول ترطبي بشرة وجهك وجسمك كله بكريمات لأنه راح يجف مرررررره .. اما الشفايف هذه حكايه لوحدها .. تصدقين كنت اذا نسيت احط مرطب عليها لمدة ساعه مثلا اشوفها بدت تشقق وتتقطع ويسيل دم منها .. حتي الان ورغم مرور شهرين علي نهاية العلاج مازالت بشرتي جافه وتحتاج لترطيب مستمر .. اما شعري عليه العوض ومنه العوض .. صار لي اربع سنين اطوووووول فيه عشان يجي الزواج وهو حلووو وطووووووووويل .. لكنه تساقط كله وقت العلاج وجف كثيييير .. حتى فروة راسي جفت كثيييير وصار فيها قشره جافه .. والحين بدا يطلع بدل اللي سقط لكنه صار مبهدل مررررره وتلقينه بمختلف الاطوال .. شعر دوبه يطلع .. وشعر اطول شوي .. وشعر اطول اكثر .. على العمووم هي الدكتوره قالت لي اختاري بين بشرتك وبين شعرك .. لكن بالنهايه انا ماني نادمه على استخدامي للعلاج هذا رغم كل شئ .. لأني كنت وصلت لمرحله طفشت فيها من حب الشباب وودي اتخلص منه نهائيا .. خصوصا واني اتعالج له من عدة سنين .. واذا تبغي معلومات ثانيه انا حاضره .. |
نسيت اقلك يافيافي انه حتى بعد انتهاء العلاج ممنوع استخدام الحلاوه لأزالة الشعر .. او التعرض لأشعة الشمس .. او التقشير الطبي للبشره .. ولمدة لاتقل عن سته اشهر كامله .. |
اقتباس:
مااتعرض للشمس الا بواقي اقتباس:
اسمه AVene صغير وغالي مره ماادري استخدمتيه او اي مرطب ممكن استخدامه بداله بعدين اقتباس:
عندي وجهة نظر يالغاليه ان التقشير خارجي للبشره والحبوب داخلي تاثيرها بمعنى انهم ماهو كريمات خارجيه سوا والا وش رايك يالغاليه |
نعم يجب عدم التعرض للشمس بدون واقي طوال فترة العلاج .. حتى بعد انتهائه ايضا ولمدة سته شهور .. ولا راح تتعرض بشرتك لحروق شمس سيئه .. ماركة Avène اعرفها زين وسبق لي استخدام عدة منتجات منها قبل ما ابدء علاجي .. والواقي اللي استخدمته خلال العلاج كان منها وبنصيحه من الدكتووره .. لكن اذا تشوفينها غاليه لاتشتري منها غير الواقي بس لأنه ممتاز مرره .. لأن اي كريم مرطب ينفع ويؤدي نفس الغرض .. بالنسبه لسؤالك الاخير مافمته زين لكن بقولك شئ .. اذا كني سبق وتعالجتي لحب الشباب من قبل .. راح تلقين ان كل دكتوور يوصف دائما حبوب انتيبيوتك يعني مضادات حيويه لمنع التهابات البشره حول الحبوب وهذا علاج داخلي .. ويوصف معها كريم موضعي لتقشير الحبوب وهذا علاج خارجي .. لكنه كل هذا يعتبر علاج مؤقت لأن الحبوب ترجع بمجرد ايقاف العلاج .. اما علاج روكتانا هذا فهو علاج نهائي لأنه يعيد تنظيم عملية افراز الجسم للدهون .. وبالتالي يمنع عملية تكوين البثور من أصلها .. وبنفس الوقت يقشر البشره ويخفف اثار الحبوب .. أتمنى اكووووون افدتك .. واذا احتجتي شئ اخر انا حاااااضره :) .. |
نسيت احكي لك يافيافي على حادثه ظريفه صارت بسبب هذا العلاج .. اصلا الاثار الجانبيه للعلاج مرررره قويه .. ومن ضمنها انه يسبب في حالات نادره اكتئاب واضطرابات نفسيه كبيره .. والمفروض ان كل دكتور يبلغ المريض قبل بدء العلاج بكل الاثار هذه .. ويخليه يوقع على ورقه مكتوب فيها انه اطلع جيدا على كل الاثار الجانبيه ومع ذلك يوافق على بدء العلاج .. الدكتوره حقتي خلتني اوقع على ورقه باني اتعهد بعدم الحمل خلال فترة العلاج .. وبأني اطلعت على كل الاثار الجانبيه للعلاج وموافقه عليها .. فاللي صار انه شاب امريكي عمره 23 سنه كان استخدم العلاج هذا بوصف من دكتور جلد امريكي .. وبعدها صار عنده اكتئاب نفسي والظاهر ان الدكتور حقته ماكان بلغه بالاثار الجانبيه هذه .. فهو وبسبب اضطراباته النفسيه بسبب العلاج .. وبسبب كمان حقده على الدكتور لأنه مابلغه بعواقب استخدام العلاج .. تدرين ايش سووووووى ????? راح لعياده الدكتور وقتله بطعنات سكين .. وبعدها مرت شهوووور علي الحادثه .. ولما حس ان السلطات الامريكيه اوشكوا بعد تحقيقات مطوله على اكتشاف امره .. هرب لجزر المارتينيك الفرنسيه .. وطلب الجنسيه من فرنسا بحكم كون امه جنسيتها فرنسيه .. وبعد حصوله على الجنسيه راح سلم نفسه للسلطات الفرنسيه .. ولو تعرفين ليش بس سلم نفسه على الاراضي الفرنسيه .. لأنه معروف ان قانون العقوبات الفرنسي يمنع حكم الاعدام .. بعكس القانون الامريكي .. وهو بحكم حصوله علي الجنسيه الفرنسيه ضمن انه عقوبته راح تكون السجن وليس الاعدام .. والحين الحكومه الامريكيه تطالب فرنسا بتسليم هذا الشاب وفرنسا رافضه .. الصحف الامريكيه والفرنسيه تكلموا كثيييييييييير عن القضيه .. |
رايك يامشاعر احجز لفرنسا من هالحين:24:
الله يسعدك افدتيني كثير يالغاليه ويتمم زواجك بخير يارب |
أختي استخدمتهم من مستشفى حكومي وكل شهر تسوي تحليل كبد وكتبت تعهد إنه مافي زواج حاليا ولا حمل وتراها خطرة مرررررررة لازم تحت إشراف طبيب |
غالييتي امال فتاة يعطيك العافيه على الافاده غاليييتي مشاعر سالت دكتورتي عن المده بين التقشير واخذ الحبوب قالت هذا ان كان التقشير عميق او بالليزر لكن تقشيرك انت بمواد طبيعيه وبدرجه متوسطه لذلك مايمنع اخذ الحبوب بعدها مباشره مارايك وان احد الاخوات عندها خبر تطمنني يسعدكم ربي |
ضحكت على كل التعديلااااات حق المشرفه على كلامي .. شكلي أخذت راحتي مررررره بالكلام وأنا أكتب .. فكرت نفسي بجلسه خخخخخخخخخخخخ .. علي العمووم ردا على سؤالك يافيافي .. والله ما ادري ايش اقولك .. انتي مو تقولين سويتي تقشير كيمائي ??? بالنسبه لي الدكتوره حقتي منعتني وقت العلاج حتى من التقشير العادي والمنزلي .. فمابالك بالتقشير الكيميائي أيا كانت درجته .. عن تجربه .. من اول اسبوع في تناول العلاج البشره ماتكوووووون متحمله اي شئ من كثر جفافها .. أنا كنت ما اقدر المس وجهي من الالم .. كنت بمجرد اغسله او احط عليه كريم مرطب احس بشرة وجهي بتتقطع .. وتصدقين إني كنت وقت ما اصحى من النووووم .. القى على وذراعي واكتافي تسلخات بسبب احتكاك الجلد بفرشة السرير .. العلاج مرررره قوووي عشان الدكاتره هنا يمنعوا عمل أي شئ للبشره في نفس وقت العلاج او تباعا .. لكن انتي براحتك .. واكيد دكتورتك فاهمه عملها .. ونصيحه اخرى اذا كانت مشكلة حب الشباب عندك ماهي مزمنه .. او الحبوب ماهي من النوع اللي تترك اثار شديده او تحفرات في الوجه لاتجربيه .. لأن اشوف شعري كيف صارت حالته الحين .. وكيف أنه وبسبب العلاج هذا صااااااااااار يتساقط بشده طوال الثمانيه الشهور الاخيره هذه .. ازعل علي نفسي مررررررررررررره .. صلحت شئ وخربت شئ ثااااااني :( .. الله يعيييييين .. |
اقتباس:
والله كلامك يخوف يمكن ااجلها الى وقت اخر مع انها مصره اليوم انا عندها تقول ضروري سوي التحاليل الله يخيرنا الخيره المباركه يعطيك الف عافيه غالييتي مشاعر ماقصرت |
فيافي ياقلبي استخيري والله ماتندمين
لان اخت زوجي صاؤ لها مثل اختي مشاعر مرهفه بس الفرق ان شعرها ماشاء الله للحين حلو هو ماكان ناعم ولاخشن واللحين الاحظ عليه بس متقصف خفيف فأتوقع انه يختلف من شخص لشخص .. |
فيافي انا اقولك من واقع تجربتي
انا وجهي صاااااااااااااااااااافي رحت اخذت ابره للحساسية فالانف طلعتلي حب شباب المهم وجهي صار كله حبووووب حمرا وروسها بيضاء وتعور رحت لدكتور راااااااااااااااائع اعطاني كريمات فتحت وجهي وقشرته وبعدها كتبلي الحبوب وللمعلوميه ب550 ريال وكل شهرين تحليل مررره ثانيه والتحليل ب 450 اذا مستوصف و 600 اذا مستشفى <<< فقرت المهم استعملتها وجهي صااااااااااااااار مراااااااااااااااااااااااااااااااااايه وحتى حبوب الدورة ما صارت تطلع ووقفها لي واعطاني علاج عشان يشيل الاثار من جوى البشره بس للاسف تعيجزت وماكملت معاه والحين لي سنتين تقريبا موقفه بس نصيحه اسالي قبل واي خدمه حااااضره |
عليكم السلام ورحمة الله وبركاته
أنا أستخدمتها قبل تقريباً 3 سنوات ، رحت لعيادة خاصة متخصصة وإخترت الـ رويكتان لأن الدكتورة خيرتني بينه وبين كريمات لكن مدتها راحت تكون أطول لكن جسلة التقشير سويتها من بعد 6_7 شهور غريبة سويتي تقشير قبل تستخدمين الحبوب ! بالنسبة لآثاره أثناء العلاج تختلف من شخص عن الثاني رغم إنه الأعراض تقولها لك كلها الدكتورة وتخليك توقعين عليها علشان تتحملين كل النتائج أكثر شي استفدت منها إنه إرتحت من ناحية شعري لأنه جففه كثييير وماصار ( يدهن ) راح تتقشر شفايفك كثير وهذا عند أغلب اللي إستخدموه خدودي صارت دبـــل :D كل من شافني قال سمنتي كثييير وبعد ماتركته كل شي رجع تمام وبدأت بعدها بجلسات التقشير والحمد لله كل شي كان تمام ويعتمد على البشرة إذا كانت الأثار كثيرة الجلسات تكون أكثر علشان تستفيد والعكس بصراحة بالنسبة لي عادي أنصحك فيها بس بشرط إستمري لآخر الكورسات مو مثلي مابقى إلا كم جلسة ومليت لم شفت بشرتي صارت كويسة وتركتهم :D وبالتوفييييق لك . |
اخواتي العفو انا داخلة عرض....
انا كنت ناوية استخدم الروكتان وقريت من الأخوات انه راح تعملي تقشير بعده ...لكن حبيت اسال هل التقشير ضروري ؟؟؟؟؟؟؟؟ وكم تستمر جلسات التقشير؟؟؟ |
اقتباس:
هلا حبيبتي هايدي تسلمين على الافاده ناقصرتي |
انا بنت عمي اذكر خذتهم بعد عده تحاليل
وبعد التحاليل عملت جلسات تقشير وماشاءالله صارت بشرتها تمام بس وقعت اضن انها ماتحمل. |
انا عندي اختي كذا
طبعا تحاليل على طول واخذت الحبوب مده ست شهوور وتعالي يافيافي شوفي النفسيه وشلون انواع الطناقر وانواع الصراخ وماهيب تواطن شئ ابد ههههه بس الحمد لله لما خلص الكورس حنا ارتحنا وهي ارتاحت :d وطبعا ايام الكورس مسكينه ماكانت تقدر تاخذ راحتها بالضحك شفايفها نااشفه وجااافه مره وعلى الله ثم على ذا المرطبات وطبعا الحين فتره الكريمات واعطتها كريم زي المضاد الحيوي تدهن فيه رأس الحبه واعتقد بعدها بتبدى بمراحل التقشير الله ييسر امورك اختي وتشوفين نتائج مبههره |
اقتباس:
تسلمين حبيبتي جراح وحنا ماندور غير المراااااااااااااايه الله يسعدك |
اقتباس:
تسلمين ياغاليه حنا كذا مانستمر نبغى كل شئ بسرعه انا الحين توقفت عن كريمات التقشير اللي اعطتني وناويه استشير دكتوره ثانيه |
اقتباس:
اتوقع لابد من التقشير بعده لان الرويكتان لتنشيف الدهون والتقشير لاازالت الاثار على قول دكتورتي |
اقتباس:
يسلمو غالييتي وفعلا تمنع من الحمل من تستخدمها |
اقتباس:
حبيبتي جينز فعلا هي تسبب الاكتئاب الحين غيرت دكتورتي وقال مثل كلام مشاعر ماتصلح بعد التقشير الا بمرور 6 اشهر يسعدكم ربي جميعا ماقصرتوا |
| الساعة الآن 06:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©