|
عصير الليمون وسحره !!!!
السلام عليكم ورحمة الله
بصراحه انا اكره المقدمات خاصه اذا طولت عليكم عموما كيفكم ان شاء الله طيبين بصراحه قصة الليمون قصه سحرتها وخليتها تطيب من المرض بدون قصد هذا يا اخواني اليوم كانت زوجتي مريضه مثل باقي الناس خاصه بهذا الوقت حلقها وراسها وعضامتها كل شي المرض المعتاد وجالسه عللى الكنب وتعرفون الواحد اذا صار مريض نفسه بطرف خشمه يعني الاخلاق تصير سيئه وحنا جالسين بعد صلاة المغرب كل واحد في جهه وشكلها يضيق الصدر والبيت سكوت ونا جالس اقلب بالقنوات وهي يا تكح ماسكه راسها يعني الوضع كان مزري جدا فجاةه جى موضوع عن الفواكه برنامج من الطبيعه وشفت الليمون قلت يا ولد خلني اروح اجرب قوتي واقوم للمطبخ قلت يار ب القى ليمون لاني بصراحه ما افتح الثلاجه ابد ولقيت دورت العصاره اليدويه بما ان الليمون مو مستاهل وقلت خلني اسوسع صدري خلني اعصر واطلع اربع ليمونات واعصرها بصراحه انبسط مره ونا اعصر احس بكل ليمونه تخلص انجاز وكلمت ولله الحمد عصرها كلها رحت وسويت عصير ليمون وخلصت ما ادري بصراحه وش الي خلاني اسويه الي اعرفه اني اقطع الوقت خلصته وحطيته بكاس ورحت للصاله وهي تناظرني مستغربه ونا في طريقي لها تقول هذا لي قلت ايه لك وش فيك خايفه ترا ما حطيت سم ولا شي ترا الليمون مفيد لمثل حالتك يلا اشربه المهم الابتسامه واصله اذنها وحسيت انها فرحانه جلست واخذتنا السولف وهي مبسوطه وبعد مرور ساعه حسيت اني ما سمعت كحه او قالت راسي او اي اعراض المرض قلت شفتي شلون الليمون مفيد وفجاه والقى كاس الليمون في الطاوله الي جنبها ما شربت ولا شي منه قلت سبحان الله وش الموضوع وراك انقلبتي اخبرك مريضه ضحكة وانتهى الموضوع وبعد كذا سوت العشى لنا عاد سؤالي لها الدرجه ممكن تفرح بالشي الي انا اشوفه عادي جدا جدا اذا كانت الاجابه بنعم فسبحان الله نحن الرجال نغفل عن اتفه الاشياء ممكن تكون سبب في سعاده الطرف الاخر ولا تاخذ مننا دقيقه واحده فقط اذا كانت الاجابه نعم |
شايفين يالرجال افهموا زين شوفوا وش سوى نايف مسكين حاجة جدا بسيطة لكن لها اثر يقعد سنييييين في قلب الزوجة
ماشاء الله عليك الله يخليكم لبعض ياااااارب بكرة سويلها عصير برتقال وبعده اشتريلها كابتشينو وشوف وش بتسويلك :23: |
الأجابه نعم..
و الله اشياء بسيطه تعلي البسمه في قلوبنا ... ذكرتني بزوجي اليوم اتصل اول ما رديت قلت الو قال احبك بنره صوت رائع و الله اثر في و دمع عيني على طول ...الله يطولي في عمره يا رب.. الله يجزاك خير اختكم روح زوجها |
الله يخليك لها ويخليها لك ويرزقكم الذرية الصالحة ...
والله ياأخي احنا يالحريم بسيطين ومايبيلنا شي كلمة تودينا وكلمة تجيبنا :d نفسياتنا مع أزواجنا في تقلبها كأنها الأسهم بالضبط حركة ترفع المعنويات فوووووووووق وحركة تخلينا في أشد حالات التحطيم !!! كثّر وأنا أختك من هالحركات ترى هاذي هي سحر الحياة الزوجية وبتخلي زوجتك خاتم في يديك ... |
اكيد
اشياء بسيطه تدخل الفرحه لقلب المرأه بس للاسف اغلب الرجال يغفلون عنها |
ماشاء الله تبارك الله
طبعا اكيد ان اي شئ بسيط في نظر الرجل يعمله لزوجته تراه المرأة عظيم وشوف كم تقعد وهي فرحانه باللي سواه زوجها لها سواء كلمة حلوة او بطاقه صغيرة او وردة او شكولاته من اللي تحبها........ |
الله يكثر من امثااااااااااااالك يانايف :22:المشكله بالرجال بس لو يفهموا الحريم والله كان الدنيا بخير لان الحريم كلمه توديهم وكلمه تجيبهم:)
|
الله يخليك لها ويخليها لك ويرزقكم الذرية الصالحة المعافاة
(: |
لو كان العنوان ( عصير ليمون غير حالة زوجتي ) .. لكان أفضل .. أنت الظاهر مايطلع منك شيء الله يهديك لأن عصير ليمون سوا هالشكل .. هي زينة وشينة يعني اذا عودت المرأة انك تخاف عليها وتساعدها يصير عندها هالشيء عادي مع الوقت أما إذا أمسك الرجل فلم يقوم بشيء فتجد أقل شيء يسويه مما نراه نحن تافه يؤثر في الزوجة .. وفقك الله لما يحب ويرضى وأدامك لزوجتك وحفظك من كل شر .. |
ماشاء الله تبارك الله .. الله يخليكم لبعض يارب ويهنيكم ..
بالنسبه لي كمرأه .. يؤثر فيني ويبسطني اهتمام الزوج معنويا كالاحساس اكثر من الاهتمام المادي كالهدايا اختي الفاضلة . . هذه هي الطريقة الصحيحة لكتابة ( ماشاء الله ) .. |
يا ما سوينا لكن (يكفرن العشير)0
بس وش نسوي000 |
تدكرت اول ايام زواجي
كانت تجيني انفلونزا كثييير وكنت انبسط على العصيرات اللي يجيبها زوجي احسه داري عني وحاس بتعبي الا ليت تلك الايام تعود يوما |
كنت بقول قبل ما اكمل القصة واكتشف انها لم تشربة
ان كل شيء اختفى بسببك انت وليسس بسبب الليمون :25: نعمممممممممممممممممممممممممممممممممممم :22: يؤثر كثيييييييييييييييييييييييييييييييييييييييييييييييي ييييييير:22: الزوجة ممكن اتفه شيء تعملة لها يخليها طايرة في السماء:23: حتى لو جبت لها وردة من الشارع ولم تشتريها هيك قطفتها ومالها ريحة راح تطير بها :25: بس ميييييييييييييييييييييييييييييييين الي يفهم ؟؟؟؟:( كويس انك فهمت عقبال اليقية :d |
اقتباس:
والله انك صادقة:22: ماشاء الله عليك الله يوفقكم ويخليكم لبعض |
اقل شئ يسعد المراة
|
اقتباس:
|
كيف أرسل الموضوع لبريد زوجي ................كل ماحاولت من خلال أدوات الموضوع ينقال لي لاتملك الصلاحية ؟؟؟؟؟؟؟؟؟؟؟
الله لايغير عليكم ويخليكم لبعض |
نعــــــــــــــــــــــــــــــــــم
|
ياليت بقيه الأزواج يسوون مثلك ياأخ نايف للأسف انتم ماتدرون ان المرأه كلهامشاعرواحاسيس .وانتم تحسبون انها استغلاليه اونكديه لكثره طلباتهاتحسون ان كل همهاارهاق الزوج بالطلبات.ترى الزوجه ماتسوي كذا الالأنها فاقده حنان الزوج وعطفه عليها عشان كذا تعوض النقص اللي فيها.
يارب ارحمنا برحمتك. |
يابعد عمري ياحنا ضعيفات ........ ماتعودنا أحد يقدم لنا
................. الله يخليكم لبعض يارب ويرزقكم الذرية الصالحة |
ماشاء الله عليك اخوي نايف والله يسعدكم
شفتو ان الحرمة اقل شي يفرحها اي اهتمام لوكان بسيط صدقني انه يسعدها وينسيها مرضها ولا راح تنسى لك هالموقف |
اقتباس:
الف شكر اختي ولا زالت حتى اليوم تذكرني بعصيري السحري ومفعوله القوي وشي طبيعي يكون الود بين الازواج يعني انا اذا مرضت تقوم فيني ولا تخلي شي قاصرني طيب وهي ما تمرض من الطبيعي اني لازم اسوي لها مثل ما تسوي لي وخاصه في هذه الظروف يستطيع الازواج ان يعبرو لبعضهم عن الاهتمام والحرص |
اقتباس:
اكيد اختي ان الانسان يفرح اذا حس بالاهتمام من قبل اقرب الناس له مشكوره على ردك الجميل |
اقتباس:
ربي يسعدك واكيد لازم كل شخص ما يغفل عن هذه الامور البسيطه |
اقتباس:
مشكوره اختي ونا معك تماما الرجال يغفلون عن هذه الامور ولا ادري ما السبب او من يتحفظ عليها لاسباب نجهلها |
اقتباس:
جزاك الله خير ونا معك تماما في كل حرف |
فوفو زوجة بدر
جزاك الله خير مبتسمه وكلي جروح جزاك الله خير |
يكفي اللمسات الحانية
والنظرة الحنونة |
ابو فلان
جزاك الله خير هضبه من الجهل جزاك الله خير وانا اوفقك الرئي |
هذه هي المعادلة التي للأسف إلى الأن يفشل الكثير في فهمها: الزوجة تريد كلمة حلوة وحركة حلوةفقط ......في المقابل......الزوج لايفهم ذلك ولايفكر به ليس كرهاً بل طبيعة من الله والزوج لا يفهم تلك الأحاسيس طبيعة من الله وليس بغضاً.......وفي المقابل .......الزوجة لاتريد أن تتفهم أن هذه طبيعته وأنه لايقصد شيئاً أعتقد انها معادلة عند البعض مستحيلة الحل ولكن الحمد لله انك ممن وفقهم الله لحلها....مبروك النجاح مع مرتبة الشرف عقبال الدكتوراة سؤالي : كيف صحة زوجتك شافاها الله في مرضها القديم؟؟ |
تشكر يا اخ نايف والله يكثر من امثالك اما الاخ ابو فلان ورده من العقول الي مدري كيف صايره ان وامثالك عدو المراة
|
ما شاء الله الله يخليك لها ويخليها لك ونعم الزوج والله
|
ما شاء الله.......
الله لايغير عليكم........... تقبل مروري... |
الاجابه اكييييييييد نعمممممممم
بس يا مفتري للكاسة الواحده 4 ليمونات عشان كذا ما شربته نحن كذا الحريم نتأثر بأبسط الأشياء في نظركم بس أخ منكم انتو الرجال ما نعرف كيف نرضيكم |
الله يهنيكم
ابسط الشغلات لها تاثير كبير على نفسيه الزوجه وتشعرها باهتمام زوجها |
الله يسعدكم
|
هههههه بجد ضحكتني يا اخوي ..نعم الزوجة وايد تتاثر وتتغير 180 درجة بحركة بسيطة من الزوج واللي غايبة عن بالكم انتوا الرجال يعني هي كل ما حست ان زوجها مهتم بها او قلبه يعوره عليها هذي بروحها تكفيها للشفاء من مرضها ههههه ..ربي يوفقكم ويسعدكم يارب
|
شايف كباية ليمون شو عملت فيها؟؟؟
انا لما اكون تعبانة وزوجي يخدمني ويعملي حجات متل هيك بمووت من الفرح وزوجي فاهم هالشي ياريت كلكو يارجال تحطو هالشغلات بمخكو لانها بجد بتفرق فرق السما عن الارض موفق انت وزوجتك وبما انك الان عرفت الي فيها خلص اعتقد راح تغير اسلوبك تحياتي /// |
الله يسعدكم يارب
ويبعد عنكم كل شر .. وتمنياتي لكم بحياة ملؤها السعادة.. (لعلؤؤؤربءؤءءءءءءانننننننننننننننننننننةى) هذي هدية من ولدي شافني اطقطق على الكيبورد قام حتى هو يبغى يطقطق.. |
شيخ نايف
لوندري هذا ينفع كان زرعنا في الصالة شجرة ليمون بس وانا أخوك هالمرة مشى حال كأس الليمون المرة الثانية مو شرط يمشي والله المرأة ممكن الواحد ياخذ في نفسيتها ماجستير ودكتوراه بعد الله يعينا عليهم |
| الساعة الآن 04:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©