|
وكانت هي الصدمة ....زواج مسيار
السلام عليكم ورحمة الله
والله جاني خبر من كم يوم غريييييييب وللان مو مصدقة ولا مستوعبة الموضوع ياناس تخيلو ....صديقة لي في عمر الزهور تقريبا 24 سنة ..جميلة جمال مو طبيعي أبدا جمال ملفت للأنظار ماشاء الله تبارك الرحمن تزوجت وفرحت لها والله وجابت ولدين أمورها مستقرة بس كل ما كلمتها أو راحت أمي تزورهم تلاقي البنت وأولادها عند أمها ياربي غريبة .. تسألها إنتي ليش عند أمك ؟؟ ترد وتقول زوجي مشغول كم يوم وراح أجلس عند أمي المسألة طولت والبنت عند أمها صار لها سنتين .. قالت إن زوجها تاجر ورجل أعمال وأمها وحيده في البيت وما عنها أحد فزوجها قال خلينا نعيش عند أمك يااااااالله قلنا ماشاء الله على هذا الزوج اللي يخاف الله في حماته الله يهنيها فيه والله كبر في عيننا كلنا طبعا تعرفو مين في هذا الزمن يشيل حماته المهم بعدين شفنا أهل الزوج في مناسبة وكااااانت الصدمة ؟؟ يقولو إن ولدهم أخذ البنت هذه مسيار ومتزوج قبلها إثنين وهذه الثالثة والله ماني عارفه إيش أقول أفرح ولا أزعل ترا الموضوع فيه كثير أمور إيجابية خلتني أتعلمها من هذه صديقتي إللي ما أتوقعت إن عقلها لهذه الدرجة يوزن بلد أول شي إنها ماقالت عن زوجها إنه متزوج ....أو مسيار واللا كان سمعت من الناس ملامة وإنتي صغيره وما تستاهلي وغيره وغيره بل بالعكس إلتمست العذر لزوجها بغيابه عن البيت وقالت عشان أجلس مع أمي يعني يا أخوان لو تجو للحقيقة .ماله داعي الناس تعرف عن الزوج هل متزوج قبلها ولا لأ ؟؟ يجيها كل يوم ولا لأ هذه أمور خاااصة وتهم الزوجة بس ولا ترا الناس ماراح تفيد .... ولو عرفنا إنها متزوجة مسيار كان طلعناها من أول يوم زواجها أخيرا أنا أستنتجت من هذه القصة إن البيوت أسرار .....والمفتاح عند الزوجة أختي الزوجة : هل تريدين الحقيقة ؟ وهل تبحثين عنها ؟ هل تريدين حقا أن تعيشي قصة حب مع فتى أحلامك أكتمي أسرار حياتك الزوجية أيا كانت كل مابينك وبين زوجك يمس علاقتكم الزوجية خليه بينكم قليل أو كثير ... لا تفشي أي أمر من الأمور تحياتي لكم وأسأل الله لكم التوفيق |
الله يعينها...بس مشاء الله مبين انها امراءه عاااااااااااااقله بما تعني الكلمه..
|
اقول اختي سموة الاميرة صراحة في البداية انصدمت :(
شفت العنوان يمرق وقلت على مين الدور ترى كل يوم من هالمصائب:23: المهم ادخل واشوف انتي كاتبة العنوان وقبل ما أقرأ صمممممممممممممت فجأة :21: وقلت معقوووووووووووووولة اخي في الله عملهااااااااااااااااااااااااااااااا:d هههههههههههههههههه لكن سرعان ما بدات اقرا وشفت انة صديقتك:29: المهم الله يبعد عنكم كل شر ان شاء الله ويوسع قلب صديقتك ما شاء الله عليها الله يكملها بعقلها وبالفعل للبيوت اسرار وكلاً بطبعة واصله ودينة قبل كل شيء الله يوفق الجميع دمتي بود عزيزتي |
الله يسعدها يارب ويهنيها ..
صديقتك تبي الستر وبس وتبي تشوف عيالها الله يهنيها ويفرح قلبها يارب.. فعلآ البيوت اسرااااااااااااااار.... |
اقتباس:
أهلا بمرورك إي والله عاقلة ورزينة وما خربت على نفسها الله يوفق الجميع مرورك أسعدني |
اقتباس:
هلا أختي حنين الله لا يجيب هذا اليوم يارب والله يوفق بين كل زوجين وييسر لهم فهم نفسيات بعض والمرأه بطبعها غيوره على زوجها حبيبتي فعلا البيوت أسرار وما أنسى يوم من الأيام كنت أسأل وحده عن زوجها فقالت لي أنا أتطلقت وأتزوجت غيره !!!!!!!! تخيلي ... بدلت زوجها بدون ما أحد يعرف لكن هذا عين العقل تحياتي وشاكره لمرورك |
اقتباس:
ويسعدك يا دانة فعلا تبغى الستر وأهلا بك في المنتدى |
السلام عليكم....
اختي سمو الاميره ..فعلا صدقت ان البيوت اسرار وصدقت عندما قلت ان لا نفشي اسرار بيوتنا ولنقنع مما لدينا ونحمد الله على نعمه بارك الله فيك...هناك الكثير من العبر فيما ذكرت فهل من معتبر الله يهنيك ويبعد عنك العين انت وزوجك الكريم اخي في الله |
اقتباس:
أشكرك أخوي على الدعوة لي ولزوجي اااااااامين يارب العالمين أشكرك من الصميم على المرور |
مسيار !!
يا أخي ما أدري من اللي حلل هالزواج !!! أحس أنه أخو زواج المتعة أو العرفي ! |
الله يهنيها يارب
|
اقتباس:
نفس تفكيري ... والف شكر اختي ... بعيد الشر توقعته اخي في الله عملها :) بس الحمدلله على كل حاااااال ... |
سبحان الله مسيار وصار لها سنتين عند اهلها ياترى متى يسير عليها وبعدين هو ماشال مسؤلية اطفاله كيف بيشيل حماته بالعكس انا حاسه ان الحماه هي الي شالت الهم والمسؤليه عنه وحضرته متزوج ثنتين
وهي اش استفادت من انها تخبي طريقة زواجها وحضرته عند اهله خبر عن زواجه المسيار وبرغم عقلها وعلى قولت البيوت اسرار عرفتوا الخبر بس ياترى بصدفه والا بالحاح منكم يوم شفتو اهله اعذريني ولا تزعلي من كلامي بس حسيت البنت وحيده مع امها وهذا استغل الوضع وهي لاحول لها ولاقوه تبغى الستر وتكون مع امها وترضى مجبوره بهالوضع كان المفروض حطلها بيت وامها جلست عندها كان الله في عونها |
اقتباس:
هلا أختي ضمة غلا والله هذا النوع من الزواج صعب شوي على الزوجه ويحملها فوق طاقتها يعني صعب يعيشو الأولاد بلا أبوهم بس هذا شروط الزواج (الا مسؤولية ) وترا من شروط زواج المسيار إنها ما تجيب عيال بس يمكن هو حابب يكون عنده أطفال أما على إيش أستفادت ...إستفادت إنها ما تسمع من الناس كلام يجرحها أتوقع كذا يعني أنا والله لو أقول للناس أو حتى لأقرب صديقه لي إن زوجي ما يطلعني للسوق إلا بعد طلب وترجي مده لا تقل عن إسبوع وبيها أطلع وبيها لأ .... راد تدوي على راسي وتقوللي أنا زوجي غير يطلعني على طوووووول .....أكيد الكلام بيأثر علي.أقلها راح أحزن لحالي وفعلا هي تبغ الستر بس أنا اللي خلاني أستغرب إن الينت مو ناقصها شي جمال وبكر وعمر وشهادة ... يعني أحس إن الزواج المسيار لفئة معينة من النساء أما عن أهله لا عادي قالو بكل بساطة ... ولا خبو ولا شي .. أكيد كانو يتوقعو إن الكل عارف ما يتوقعو إنها كاتمة الموضوع سنتين أختي الله لا يحط أحد بموقف زي موقفها .....ولكن الإنسان لازم يكون صبور تحياتي لمرورك |
الله يعينها وربنا يكون معها ويصبرها
بس ممكن تفسرولي اكتر يعني شو زواج المسيار ازا ممكن وشكرا |
زواج المسيار فك أزمات كثيرة لدى كثير من الرجال لكن المشكلة أنه أسيء استعماله من قبل الكثيرين وكثرت المشاكل فيه |
مو لازم نحكم على الناس ليش قبلت وليش لأ لان الواحد تحكم الظروف وطالما هي مبسوطة الله يزيدها بس يابنات كيف الواحدة تتعلم تحط لسانها ففما وما تحكي اي شيء
اعرف ان المسائل الخاصة لا تطلع من البيت لكن انا اتكلم على كل المواضيع ما شاء الله في ناس حتى فين راحو ومن وين ردو ؟ما يحكوها كييييييييييييييف! |
هذه أمور خاااصة وتهم الزوجة بس ولا ترا الناس ماراح تفيد ....
ولو عرفنا إنها متزوجة مسيار كان طلعناها من أول يوم زواجها أخيرا أنا أستنتجت من هذه القصة إن البيوت أسرار .....والمفتاح عند الزوجة أختي الزوجة : هل تريدين الحقيقة ؟ وهل تبحثين عنها ؟ هل تريدين حقا أن تعيشي قصة حب مع فتى أحلامك أكتمي أسرار حياتك الزوجية أيا كانت كل مابينك وبين زوجك يمس علاقتكم الزوجية خليه بينكم قليل أو كثير ... لا تفشي أي أمر من الأمور كلامك هذا اعجبني بعيدا عن باقي الموضوع:22: :22: |
الله يسعدها يارب ويهنيها ..
|
يعطيك العافيه حبيبتي
انابصراحه اخاف من هذاالموضوع واتمنى انه يختفي من مجتمعنا عموما ماشاء الله على الزوجه اللي تقدرتتحمل انها تكون زوجه مسيار وتتقبل الموضوع |
هلا أم لجين صدقيني أكيد هي اللى طالبة هذا الزواج علشان تجلس مع أمها وتراعيها وفي نفس الوقت ماتنحرم من الزواج والذرية بصراحة انا أشوف زواج المسيار يفك ازمة كثير من البنات اللى مالأهلهم غيرهم وماحد يخدمهم لو تزوجوا علشان كذا زواج المسيار بيكون خير لهم وماتضيع سنين عمرهم وأعتقد إن اللى تزوجها يبغى الخير لها علشان كذا هي مبسوطة والحمد لله رزقها الله بذرية ولو ما تزوجت كذا يمكن كان جلست عانس علشان خاطر برها بأمها لإن ماأعتقد بتلاقي أحد يتزوجها وتنشغل عنه بخدمة أمها طول وقتها وبالذات في الليل وفعلاً ياأم لجين البيوت أسرار وهي إمرأة أنا أعتبرها عاقلة بارة حافظت على خدمتها لأمها وفي نفس الوقت لم تحرم نفسها من الزواج والذرية. |
| الساعة الآن 05:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©