|
بكره موعد ولادتي بس؟؟
السلام عليكم ورحمه الله وبركاته
شخباركم ياحبايبي ان شاء الله طيبين انا بكره موعد ولادتي بس ماحسيت بأي آلام ولاشي حتى اللي يسمونه أمنان ماجاني هل هذا طبيعي مع العلم انا بكريه وصار لي تقريبا 4ايام من بديت امشي امشي تقريبا ساعه متواصله في اليوم وقالت لي امي اذا ماجاني الطلق بكره اشرب خروع عشان يسهل ويحمي الطلق افيديوني الله يعطيكم العافيه شسوي عشان اسرع الطلق او بالأحرى اخلي الطلق يجيني سؤال؟؟(انا سمعت إن الحبي(امشي على يدي وركبي)يسهل الطلق هل هو صحيح او خرافات؟؟ ساعدوني ابي اولد خلاص ابي اشوف المولود مشتاقه له وايد ادعولي الله يسهل ولادتي ويقومني الله بالسلامه وتكون صحه البيبي زينه الله يهون علي وعلى الحمل كلهم ويرزق اللي ماحمل ليلحين ان شاء الله |
السلام عليكم ورحمة الله وبركاته
اول شي اختي الله يسهل ولادتج يارب ويهون عليج ويرزقج الذريه الصالحه السليمه .. ذكرتيني بنفسي يوم كنت حامل .. وصلت لين يوم ولادتي ولافيني شي !! بس اختي عادي ترى تصير واايد وترى الولادة مافيها شي محدد يعني تتخلف من وحده لي وحده .. المشي مايجيب الطلق بس يخلي عضلات مرنه يعني يفيد وقت الولادة .. وتبين الصج انا مرة دكتوره قالت لي تحملي تشربين خروع لانه بس ينزل الوصاخه اللي ف الجسم وماله خص ف الطلق .. وعلى قولة امي .. بتربين بتربين اليوم والا بكرة مستعجله على شنو .. الله ييسر ولادتج يارب .. :) |
اقتباس:
وبالنسبة لزيت الخروع ما انصحك تشربيه لان دكتورة بنت النيل قايلة مايشرب اللا تحت اشراف الطبيبة وكمان لازم يكون بيجيكى طلق وخلى باللك الحبو مرة غلط لان ممكن يخنق الجنين بعيد عنك الشر بس اتبعى كلام طبيبتك وشوفى بايش تنصحك تقومين بالسلامة يارب وماتنسى تطمنينى |
تسلمين اختي الله يعطيج العافيه
بس انا الصيدلاني قال لي ان الدكاتره يستخدمون الخروع عشان يحمي الطلق بس مايندرى وعلى الولاده ادري ان مردي بربي بس خلاص عيزت وانا انطر(ههههه) |
يسلمووو يعطيك الف عافيه
وان شاء الله خلاص ماراح اشرب خروع ولا أحبي والله يسهل جزاك الله خير |
اختي دعائي لك من القلب ربي يقمك بالسلامة و يرزقك طفل معافى سليم يا رب
ربنا يكون معك و يخفف عنك الام الولادة يا رب و يجعله في ميزان حسناتك |
تسلمين حبيبتي جزاج الله الف خير ان شاء الله
|
الله ييسر لك امورك
ويسهل عليك ولادتك طبعا المشي مررره كويس وكمان عن تجربه ومن كلام الدكتورات قايله لي دكتورتي الجماع يساعد على فتح الرحم وعلى الطلق لانه سبحان الله مني الرجل فيه ماده تسرع الطلق وتحميه الله يسرك عزيزتي وبشرينا عنك اذا ولدتي |
الله ييسر لك حبيبتي وتقومين
بالسلامه انتي والنونو ان شاء الله ولا تنسين تطمنينا عليك |
يسلمو حبايبي على ردودكم ونصايحكم ودعواتكم الحلوه
الله يعطيكم العافيه ويجزاكم الله الف خير |
الله يهون عليج حبيبتي ...
|
وعليكم السلام
الله يسهل عليك و لادتك يارب ياعمري وتقومين بالسلامه الله معك (: |
اللهم يسرلها يارب
|
الله يسهل ولادتك
لاتنسين تبشرينا |
السلام عليكم الله يقومك بالسلامه اختى
ثانى شى اذا كان عندك الرحم فاتح حتى لو كان سانتى واحد وخلصتى موعد حملك عادى اشربى زيت خروع هو يحمى الطلق بس اذا مو فاتح لا تشربين انا صار معى كذا والدكتوره هى القالت لى اشربى وبالسلامه |
وعليكم السلام ورحمه الله وبركاته
الخروع تجربه ناجحه مع بعض الناس وبعضهم لا ماشاء الله اعرف ناس ربى سهل امرهم مع هذا الخروع انا مره مامشى معاى اتوكلى على الله يقولوا المحلب يساعد على فتح الرحم اذا جاك الطلق حليه مع مويه وسكر نبات او عسل واذا مو متوفر سكر لان طعمه وععع لاكن انا برضو مانفع معاى الله يسهل امرك يارب ويفرجها عليك وتفرحى بمولودك وبشرينا بعد ماتقومى بالسلامه الله يعطيك العافيه لك فائق احترامى |
الله ييسر لك امورك ويسهل عليك ولادتك وتقومين بالسلامة و تشوفي النونو بألف صحة و لا تنسي تدعيلنا وقت الولادة ان يرزقنا الله مثلك بالذرية الطيبة
|
الله يكتبلك ان شاء الله ولاده سهله امين
و ييسهل عليكي لا تستعجلي حببيبتي على الولاده بس امشي و كلي تمر كثير قد ما تقدري تحياتي |
| الساعة الآن 06:02 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©