|
يفضل أهله علي!!!!!!!
زوجي من النـــوع الي يمــــوت في أهله.....هالشي طبعا ما يزعجني
بس الي يزعجني انه دايمـــا يقول أهلي أولــــــى منك وأحسن منك:( .. حتى في العيد يعطيني مبلـــــغ مثل الي يعطي اخوه الي في ابتدائي!!!!!! أقوله ليه...يقول انتي مثلهم ,,,شنو تزيدي عنهم أقوله أولا أنا زوجتــــك...ثانيا أنا أكبر وتساويني به!!!!! المهم سؤالـــــــــــــــــي................ الي زاعجني في الموضوع في السياره.. دايما يركب امه قدام<يعني جنبه> وأنا يخليني ورا والسوالف كلها لها ولأخواته واخوانه ,,,,,وأنا ولا كأني موجوده؟؟؟؟ شــــــــــــو الحل؟؟؟؟؟؟؟؟؟؟؟؟؟؟ |
اختي ...كم سنه لكم متزوجين ؟؟
الله يسعدكم |
يــــــاحسره..... سنه ونص
|
اقتباس:
أجل تبين أمه ورى وأنتي قدام ؟؟؟؟؟؟؟؟؟؟؟؟؟؟؟؟!!!!!!!!! |
شوهذا الاستفزاز امه قدام وانتي ورا والله انتي استفزازيه عيل تبين امه ورا وانتي جدام امه
اولى فيه ومفروض يبرها امه جنته وناره انتي يابج بورقه بس هذي امه لازم تعرفين حقها عليه اكبر وبعدين انتي بييج عيال ماتحبين ولدج يحترمج مثل زوجته واكثر ولا تبينه يحطج ورا وزوجته جدام الحرمه الاصيله تعين زوجها على بر اهله مش تتشكى |
شي طبيعي يفضل أهله عليك خاصة والدته..
ضعي نفسك مكان اهله ووالدتك مكان والدته هل ترضين أنه والدتك تركب في الخلف وزوجة أخيك في المقدمه!! هل ترضين بأن تحاول زوجة اخيك أن تصرفه عن محبة أهلك؟؟ غدا ستصبحين أم فعاملي أهله بما تحبين أن تعاملك زوجة ابنك مستقبلاً... |
جدا طبيعي إن أمه قدام وإنتي ورا ياحبيبتي حاولي تيسرين الأمور ولو إنه يعرف إن إنتي تحبين أهله ماعاملك بتجاهل أبدا حسسيه إن أخواته أخواتك وأمه أمك وألحين يعتبرون أهلك لأنهم أهل عيالك الله يهديك بس الوحده إذا أحبت زوجها أحبت كل شي يخصه وإذا هو بار بأهله فتوقعي بل تأكدي إنه بيكون بار فيك وفي عيالك وجزاه الله الف خير وياليت الرجال كلهم مثله مو ينقادون وراء حريمهم وينسون أهاليهم.
|
سيدة غريبة لما الحقد امه جنته و ناره ليش يفضلك عليها انتي زوجة و لكي بديل لكن الام لا بديل لها كبري عقلك
|
لا داعى للمقارنة ورا او قدام فكلة مشوار لا يستحق ... كنى عون لة فى بر اهلة سيجزيكى الله خيرا .. وبالنسبة لموضوع تجاهلة لك فى الحوار ,, ادخلى انتى نفسك فى الحورا ليس معة فقط وانما مع والدتة و اخواتة تعملى معهم كانهم مثل اصدقائك, اقاربك فستشعرين بالفرق .... وتذكرى الدنيا ايام معدودة لا تضيعيها فى كلام فارغ لانة الشيطان.... و بعدين بالنسبة للعيدية فهى شيئ رمزى و كل فلوس زوجك لك فما الداعى للمقارنة باخية؟؟؟ افرحى انة اعطاك شيئا بمناسبة العيد زاذا قال لك زوجك شيئا مهينا مثل اهلى احسن منك قولى لة يارب دايما احرجية بالزوق لانى لمست فى هذة الجملة شيئا من التقليل اذا كان قد قيل نصا....فارى انة لا داعى لمثل هذة الجملة و بالنسبى للاخوة الذين قالو انك لك بديل وانما امة نارة وجنتة ..الخ هذا الكلام صحيح ولكن التصريح بمثل هذا الكلام يولد النفور ...وايضا الزوجة ليست بالشيئ الهين الى هذا الحد ولا الدين قال هذا ... انما الرسول صلى الله علية وسلم وصى بالنساء خيرا وحقيقة يابخت من رزقها الله بزوج حساس و يراعى الله فى كلامة و اسلوبة و يتقى الله فى اهلة و يضعهم فوق الجميع و تاتى بعدهم زوجتة ولكن الاسلوب يفرق كثيرااااااااااااااااااااااااااااااااااااا وهذا هو ديننا
|
يا اختي انتي زوجه
وهم أهله الزوجه ممكن يطلقها أو يتزوج عليها أما الأهل ما يتعوضون أرضي لأهله ماترضين لأمك وأهلك أجل ترضين أخوك يركب أمك ورى أو حتى أخته الكبيره حبيبتي أحمدي ربك اللي مافيه خير لاهله مافيه خير لبنات الناس |
ارضي اهل زوجك يرضى عليك زوجك ويحطك فوق راسه
|
حبيبتي حطي في بالك انه اللي ما فيه خير لاهله ما فيه خير للنااااااااااااااس و لا حتى زوجته
عشان كذا احمدي الله و بعدين سالفت امه قدام المفروض انها تقعد قدام تقدير لها و احترام لها اما انه يعطيكي زي اخوه الصغير فهذا خطا الله يهديكم لبعض ان شاء الله |
بصراحه معه حق الام لهااكثر من ذللك بكثيرفلا تقا رنى نفسك بها
|
ما ذكرتيه هو الواجب من كل زوج تجاه أهله ولا تنسي أنهم أهله الذين ربوه وتعبوا عليه ولكن للزوجة احترامها وتقديرها وعدم مساواتها بغيرها كالاخوة والأخوات |
اختي الكريمه
سنه ونصف ماهي كافيه حتى تفهموا بعض وانتي شكلك داخله حرب من اولها مع اهله واعذريني لاتزعلي من كلمتي بس الرجال مايحب الزوجه تقارن بينها وبين اهله وبعدين من الطبيعي والدته تركب قدام انتي خليكي وراى الكرسي الي زوجك عليه وامهاتنا هم الخير والبركه لولاهم مانوجدنا لهم ولا انوجدو لنا هونيها وتهون واحنا مرينا بنفس المشكله بس من اجل عين تكرم مدينه حبيهم وتقربي لهم اكثر صدقيني بيقدرلك هالشى الله يسخركم لبعض |
[QUOTE=جنّة الدنيا]طبيعي جددددددددددددددددا ..
أجل تبين أمه ورى وأنتي قدام ؟؟؟؟؟؟؟؟؟؟؟؟؟؟؟؟!!!!!!!!![/QUOTE حنـــا عادة بيتنا الزوجه تركب جنب زوجها مهما يكون موجود عساها جدة جدته,,, الا اذا صار رجل أكيد بيصير هو قدام |
اقتباس:
عــــادي أركب ورا...لأن سبق وقلــت عاداتنا الزوجه جنب زجها وأنا ما صرفته عن محبتهم..بالعكس أنا أنصحه في أهله ....بس هالموقف بجد ضايقني وأحرجني ينزلني ويركب امه<<<مع العلم انه امه ما ترضى تركب قدااام بس هو يغصبها>>> |
اقتباس:
المشكلـــــه زوجي لا حساس ولا اسلوبه حلو!!!! وهذا الشي خله حبه يقل في قلبي.... لو أظل شهر ما أكلمه ولا أشوفه عادي عندي<<والمشكله الاسلوب الجاف>> |
اقتباس:
ولا ...يركب اخته الكبيره قدام.....ساعتها بجد بعلن حرب |
اقتباس:
بعدين شنو الفرقاذا هم معك بسياره سوا قدام ورا نفس الوضع يالغلا الى كذا كسبه سهل حطي اهله فوق راسك يزيد غلاك وحبه لك مو مهم قدام ورا المهم زوجي يحبني ويشوف تقديري الاهله ويعامل اهلى بنفس الاسلوب والى مافيه خير الاهله مافيه خير للناس |
ياأختي بالعكس مافيها شي لو عمتك تجلس قدام
المفروض انتي اللي تغصبيها مو زوجك أقسم بالله ماعمري طلعت مع زوجي مشوار وعمتي معاية إلا وانا أطلع ورا قبلها عشان تجلس قدام وهي تحاول فيني أجلس جنب زوجي بس أنا ماأرضى ولا جا في بالي زعل ولا شي بالعكس اعتبريها مثل أمك لو أمك طلعت معك ومع زوجك بتجلسيها ورا؟؟؟؟؟؟؟؟؟؟ الله يهديك ويصلحك الرجال اللي له خير في اهله له خير في زوجته اكسبيه عن طريق حبك لأهله وامه واحترامك لهم وبتشوفي ايش بيصير تحيــــــــــــــــاتي |
اذا امي معنا أكيد امي بتصير ورا
أنا الحين فهمت انتوا عاداتكم غيــــــر... |
وش رايك انك تركبي جنبه قدام وأمه تلحقكم في سيارة أجرة00
|
شوفي آنة بعد أقولج أن احنا عاداتنا تقول إن الزوجة جنب زوجها مهما كان موجود، لأن حتى أمي إذا تركب معانا تصير ورى ، بس بالنسبة لعمتي من احترامي لها وتقديري أغصب عليها تركب قدام بس إهي ما ترضى وبعدين هو بعد يقولها عقبي ولا في فايدة وصار كل مرة تركب ورى لأنها ما تقبل قدام.
بس بالنسبة لحالة زوجش، هو صح ان الواحد من الواجب عليه الاهتمام في أهل زوجه بس ما يكون في المقابل يكون تفريط على حساب زوجتهلدرجة يساويها بأخوه الصغير !! مو لهالدرجة !! شنو يعني هالهجوم اللي امسويينه على لبنية وكأنها مو شي ولا ليها احترام كزوجة!! ترى الزوجة بعد ليها احترامها وأم عياله بعد والله ماليها حق!! ما عليه انج تعاملين أمه باحترام وتكسبين محبتهم بس بعد خله هو يحسسش باحترامه لج، وانتي بعد اتسايسي معاه لاتهجمين عليه حتى يحترمش وكلميه في رايش بهدوء. |
موضوع مايستاهل ويدل على صغر عقلك أو عمرك. راجعي حساباتك.
|
شوفي ياستي الزوج تبين تكسبيه عامليه بما يحب
ساعتها بس تشوفين كيف يتغير اغلبنا رجالنا كانو جلوف وعلى قولتهم بيذبحون لنا القطه ( البسه ) ويورونا العين الحمراء بس بحسن العشره والادب والانكسار قدام الزوج صدقيني يتغير ويحطك فوق راسه خليكي انثى بمعنى الكلمه ونصيحه مني لاتقارني نفسك ابدا باامه والله غير ييطيح كرتك ويعطيك كرت احمر كل شيء ولا الاهل عامليهم بالطيب ترى الدنيا سلف ودين ولاتبدئي حياتك بالحروب والكلام الفاضي لان ساعتها عمرك ماراح تعمري بيتك واذا مضايقك اسلوب زوجك حبيبتي اهديه كتب عن حسن معاملة الزوجه ارسليله مسجات بين كل فتره وفتره فيها عبارات عن معاملة الزوجة |
اقتباس:
|
الله يهدينا ويهديك ياختي
اه يازمن العجايب مني شايفه عندك مشكله بس انتي يمكن حساسه حبتين ودلوعه |
امه تجلس قدام ي طبيعي زي ماقالوا الاخوان بس!!!
لاتزعلين نفسك لان 9%99 من الرجال كذا .. وزوجي واحد منهم بس انا اعامله زي مايعاملني بالزبط اهلي هم تاج راسي وانت زيهم .. خليكي ذكيه .. |
اعلني الحرب
وتقيدي بالعادات التافهه بس بعدين لاتندمين لانك مو فاهمه معنى الزواج |
يا اختي هداك الله هل اصبحنا نفكر الى هذا المستوى من الحقد والمقارنة بين الزوجة والاهل او الزوجة والام ....جميعنا يعلم ان الام هي الشي الثمين على كل انسان كان ذكر ام انثى...لا تتعبي نفسك وتقارني نفسك مع اهل زوجك ...عليكي بالتعايش والتعود على هذه الامور بحب وراحة وانبساط من الداخل لكي تكوني سعيدة مع زوجك..وسوف تلاحظين ان زوجك سوف يحبك اكثر من اول...والله الموفق .....اخوكي السيم
|
أحس انج تغارين من اهله...
شوفي اختي انا كنت اول اغار من اخت زوجي بالمقابل ما كانت علاقتي بزوجي زينه كله هواش على نفس الاسباب بس من بديت اهتم في اخته واهله انقلب الحال صار يفضلني انا على اخته بالرغم من ان اذا ييتي بأول زواجنا كانت اخته الاولى وانا بعدها لكن الحمدلله بعد ما فهمت هالشي صار الوضع لصالحي |
اقتباس:
نفس اللي يصير معي بالتمام هونيها تهون.. |
شو هالعادة الي تخلي الام ورى وزوجة الولد قدام صراحة اسمحي لي عادة قبيحة
وين الاحترام والتقدير أما بالنسبة إنه يساويك باخوه الصغير هذي حركة جدا مالها داعي لو إني منك مااقبلها انت توددي لاهله وحبيهم حتى هو بيفرح فيك وبحبك وبيقدرك وتوددي لامه ولاتقولين عادات وتقاليد هذي أم والام لها قدر كبير خليها هي الي تركب قدام ربي يوفقك |
للاسف صارت الامور مختلطة صحيح ان هناك بعض الامور عاذية مثل جلوس امه بجواره فى السيارة و لكن ما يضايق فعلا اكبر من هذا فعندما لا يعطيكى زوجك مكانتك امام اهله سرعان ما تنقلب الصورة لتجدى نفسك بعيدة عن الصورة و لا احد يعيرك اهتماما فى حين حدوث اى شىء عند اهله ستجدينه اول من يدفعك للوقوف بجوارهم و السؤال عنهم و لكن عندما يحدث عندك امرا لا احد يهتم و عندما تشكين لزوجك لا يقف بجانبك بل يقف فى جانبهم هنا ستكون الحياه كريهة بحق نصيحتى لك انتى مازلتى فى اول الزواج ابتعدى عن الامور البسيطة حاولى التأقلم عليها حتى لا تصلى لمرحلة لا تستطيعى تكملة الحياه و انتى الخاسرة الوحيدة فى النهاية
|
| الساعة الآن 04:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©