|
ولدي متعبني،، برفضه الذهاب للروضه
بسم اللهالرحمن الرحيم ولدي متعبني
انا مشكلتي مع ولدي مشكله تعبت نفسيتي وصرت ابكي منها واللي زاد تعبي اني حامل في الشهر الثامن ولا عاد فيه حيل المهم المشكله وديت ولدي هدي السنه الروضه واول يوم رحت معاه مبسوط وفرحان وبعد كدا صرت انزله لوحده وبعد اربع ايام تقريبا صار يبكي وما يبغى يروح وبابته يطفش وهو يتحايل عليه ينزل ما يرضى وكان اول في فصل وحطيت بعدين في فصل بنت خالته وصار شويه مبسوط اما في رمضان داوم اسبوع واحد بس وبعد العيد رجع للعاده مزاجي يوم عادي ويوم ما يرضى حيرني هدا الولد مع ان الابلات يحبوه ويشجعوه بس هو ما يحبهم وامي تقولي خلاص جلسيه ووديه السنه الجايه بس هو الان دخل الخمس سنوات يعني مو صغير وكل يوم معاناه ايش الحل ساعدوني وادعوله ربي يهديه ويسخره قولو امين تم تعديل العنوان ليتناسب مع المضمون،،، ام اثير |
هلا حبيبتي ...من خلال تجربتي معلمة روضة ولدك يبغاله حزم منك وتقوين قلبك وبس.
|
اعتقد هو خايف انك تروحي و ما ترجعي له
هل تاخرتي عليه يوم او ايام بعد انتهاء الدوام المدرسي احتمال يكون يسمع كلامك عن الحمل و الولاده يعني متناقشه انت و زوجك امامه بان تاخذوه عند ولادتك لمكان عند اقاربكم او انك كلمتيه بالموضوع فخايف من فكره انه ينفصل عنك لانه كما ذكرتي كان يحب الذهاب للروضه و فرحان فيها اهم شي انك تقوين قلبك و تتركيه يبكي من ساعه الى ان يتعود لان سن 5 سنوات سن تمهيدي و السنه الجايه اول ابتدائي الله يصلحه و وتقومين بالسلامه ويرزق كل محروم |
والله ياختي نفس المشكلة بالضبط بس ما في حمل هههههههههه
اكثر من مرة افكر اكتب هذا الموضوع عن بنتي ولكن كنت اتكيسل ولا اكتب .......... انا بنتي لما كملت ثلاث سنوات وديتها الروضة وحبتها وتفرح لما تروح وكونت فيها صداقات وعلى نهاية العام كانت ترفض الذهاب .............والسنة هذي سجلتها في روضة اخرى وذهبت اسبوعين فقط متقطعين وانا عملت لها ملصق كبير وعلقته على الجدار وحطيت فيه صورتها وورود واشكال وشخصيات كرتونية وقلت لها لما تروحي الروضة راح احط ليكي نجمة وفي الاخير بشتري ليكي هدية وطبعا راحت كم يوم وبعدين بطلت لما حصلت الهدية .زوتقول ابغي هدية ثانية بدون لا اروح الروضة ......... تبكي بالليل وتقول ما تبغي تروح مع انها تحب الابلة ............. والان تركتها معايا بالبيت ومع اختها الثانية اللي عمرها سنتين ............ان شاء تلاقي حل وانا كمان بس اقترح تملي ليه جدول وتحطيه على الحيط في مكان بارز وتعملي مثل ما كنت اعمل لبنتي . وان شاء الله تظبط معك خصوصا انو اكبر منها يمكن يكون استيعابه اكبر للمكافآت والهدايا ولا تنسي تتفقي مع الابلة في الروضة تعطيه هدايا ونجوم حتى لو انتي تعطيها الهدايا حتى يتشجع ويحب الروضة |
اقتباس:
اختي غدير ما دام انها ارتاحت للروضه الاولى لماذا تتنقلين بها من مكان لاخر |
أختي العزيزة أم أثير أشكرك على الاهتمام .................
أولا ؛ لانها كرهتها في النهاية ثانيا ؛ لانهم كانوا يقولوا عنها شاطرة وممتازة وما يحتاج تسألي عنها لان كل تمام مزبوط ...بس اذا جيت ادرس معاها مابتعرف ..ويبدو انني انا اللي استعجلت يمكن كنت افكرها كبيرة واول ما اسألها سؤال راح جاوبني على طول . وهم اللي كان معاهم حق يمكن لانهم بيشوفوها مع الاطفال في عمرها من شان هيك بيحكموا انها ممتازة ........... شاكرة لك اختي مرة ثانية.............. وياليت اذا عنك حل تتحفيني فيه |
حبيبتي مثل ما قالت الاخت غدير الابرار سوي ملصق بس داومي عليه 3 او اربع شهور أنا سويتها مع ولدي والحمد لله :22: ، ولم يرجع البت لا تذكرينه بالروضة خلي على راحته وحاولي اتنومينه فالليل من بدري عشان الصبح يكون شبعان لان أغلب الاطفال اذا ما شبعوا نوم يصيحون :( ..
و الله ييسر لج امورج مع ولدج ... |
تساليها سؤال ما فهمت
الي اعرفه انه الروضه مكان حتى يكتشف مهارات لتواصل مع الاطفال المدرسين و تطوير مهارته اللغويه و تنشيط عقله بالاناشيد ومعرفه اساسيات مثل كبير صغير حزين سعيد ممتلئ فارغ انواع القفز انواع المشي الالوان الرسم و التلوين القص و اللصق كل هذا بجو من الحماس و المتعه مو اكثر حتى يتهيا للمدرسه لتمهيدي يعني الي يكون من عمر 5 سنوات و عاده الاطفال في مثل هذا العمر ملولين لهذا يحبو التنويع فلا تلحي عليه كثير بالاسئله و يتعب بانتهاء اليوم الدراسي ويجوع ويشتاق للتلفزيون و اهم شي يشتاق لك |
يعطونهم الحروف يكتبوها بالعربي والانجليزي والارقام كمان وهي في اول سنة يعني كانت لسى مكملة 3 سنوات هسى هي كملت اربع سنوات
|
يالله نفس مشكلتي مع بنتي واليوم برضوا غابت الفرق انه عندي طفلة عمرها 3شهور ماشاء الله
وصار الصباح موعد النكد اليومي منها ومن اختها نفسي فعلا تحب الروضة وماني عارفه كيف خصوصا ابغاها تروح الصباح من غير شر عشان انام لو شويه بجد الي عنده طفل بكاي مابينام لاصبح ولاليل المشكله قبل ماتجي بنصف ساعه ابدا استناها وانا والاابوها يخرج معاها الصبح عشان لاتبكي وهي هي المشكلة ايه العمل |
اقتباس:
بالعربي و الانجليزي حرام والله بعدهم صغار بعدها يدهم و عظامهم ما اكتمل نموها حتى يقدرون يسيطرون علقلم المعروف عندنا انه هالمرحله يسموها حضانه او مجموعه اللعب nursery & play group يعني التعليم من خلال اللعب اشتريلها دفاتر ملونه بشخصيات كارتونيه و اقلام و خليها تحب الروضه او اشتريلها حقيبه الاكل و بالرسوم الي تحبها و اكسسوارات الشعر او احذيه الرياضه الله يبارك لك باولادك ويجعلهم من الصالحين |
اقتباس:
حاولي معاها بالكلام و اشتري لها اكسسوارات و شنط و جواريب و احذيه فيها اعتقد عندكم فله و اشياء خاصه بالبنات ومخصصه بس للمدرسه و ما تلبسها الا بالمدرسه و دفاتر و اكلات للمدرسه مثل اللبن بالفواكه بسكوت و شوكولاته فاكهه تحبها عصير اي شي و كلميها كثير البنات يحبو الكلام قوليلها هالاكسسوار حلو و من تحطه تطلع حلوه و كلام و البنات حيسالوها من اين و المعلمه حتقول عنها حلوه ممكن هي ترتب هالاغراض كل يوم قبل ما تروح للمدرسه و الله يصلحها وتفرحين بيها ويرزق كل محروم |
| الساعة الآن 09:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©