|
الشغاله تصدقون ماذا فعلت...؟!!!!لهافقط سبعه أيام
السلام عليكم أحبتي...
والله إني محتاجه لمساعدتكم بعد الله .......فلا تحرموني من رأيكم........والله أني مقهوره:( :rolleyes: القصه وما فيها أني جبت لي شغاله أول مره طبعاً:14: وجات حسب ألي يحبه قلبي:22: قبيحه .عفان الله شغيله ...لكن بعد سبع أيام بضبط..أرسلتها لأم زوجي....وهنا كانت الكارثهجلست أفتش في أغراضها لأخذ الحيطه:11: لاغيروفتحت القران حقها لقيتها أخذه صور لزوجي وصور لأولادي:eek: انا طبعا طلعت عيوني من مكانها....وغلي دمي:19: هذي إش تبغى بصور حسبن الله ونعم الوكيل..هناك بعض الملاحظات عليه أحب أقولها *أنا لماجات أخذت كل أغراضها وأعطيتها أغراض جديده *الحرمه طويلة النظر خاصه لزوجي:29: وكان هو الله يسامحه معطيها وجه ماهو حباً فيها لكن مطيبة قلبه:d لكن ذحينه وبعد ماسوت ميطيقها ولو وده يضربها *مشيتها تتغير لما تشوفه والله نفسي اصفقها:16: * ......................... أنا أخذ الصور وزعلت وعلى أساس إنا نسفرها لكن صارت بعض الظروف وماسفرنها وهي ذحينه عند أهلي إش الرأى الله يسعدكم والله الهم ذابحني وزوجي يقول إستبدال مني مستبدل وغيرها مني جايب تبغينها خليها ولا روحه بلا رجعه لها أبغى الري السريع وعتبروني أختكم ولا تبخلو علي |
روحة بلا رجعة الله لايردها
|
هل بالفعل أختي تحتاجين شغالة ؟
كم عدد أسرتك ؟ هل تعانين من مشاكل صحية ؟ وعلى فكرة تراها خيرة إنك كشفتيها من بدري والحمد لله على كل شي |
سفريها احسن هذي من البداية وكذه الله اعلم بعدين شو بتسوي لكم
|
الله يكفيك شرها
ويختار لك الذى فيه الخير |
أختي جنة الدني وأم رغد وشهد وازال2006 أشكر لكم جميعن تجاوبكم معي فحقق الله جميع مناكم
أخي في الله هل بالفعل أختي تحتاجين شغالة ؟ والله ماهو مره لأني مأشتغل خارج المنزل والحمد لله كم عدد أسرتك ؟ خمسه هل تعانين من مشاكل صحية ؟ نعم عفاك الله أشكو من الربو المزمن حيث أن المنظفات وغسيل الملابس يتعبني جداً |
اقتباس:
سفريها نصيحة وفكك من وجع الراس ............ مايردهم شي سحر وانحراف جنسي |
مــــــابي أروعك بقصص الخــــــدم
بس أقول لحقي على نفسك وعيالك وزوجك وسفريها |
طيب ممكن تجيبي وحدة تشتغل بالساعات
و أنا أشوفك إنك تسفريها و بعد كم شهر تدلعي على زوجك ;) و خليه يحزن عليك و بيجيب لك ست ستها <- إن كيدهن عظيم :D |
على طول سفريها ولا تنتظرين ولو دقيقة ... ولا دقيقة
|
اللي يسوي هذي الافعال صاحب سوى وعمل وسحر اتجنبوها قبل ما اتسويلكم شي في وايد خدامات من هذي الاشكال تاخذ الصور عشان اتسوي عمل انا خبره في هذي السواليف من كثر ما اشوف واسمع من الخدامات صراحه بلاوي ... شوفي اختي خليها عند اهلك لين ما اتخلصي اجراءات سفرها ولا اتخبرينها ابشي وبعدين حزة السفر قوليلها خلاص راح اتسافرين وخلي زوجك معاكي سبحان الله اتسوي شي ...هذي نفس خدامة اختي لما جت اختي اتسفرها فتشت في اغراضها حصلت صورة زوجها .... حسبي الله عليهم من خدامات ..
لا تخلينها ترجع بيتك ولا تجلس فيه دقيقه نصيحه |
سفريها وفتكي من وجع الراس
حتى بيت اهلك ما تخليها عندهم ...اولى حركاتها كانت في الصور ...وياعالم وش ناوية تسوي بيهم انتي ست بيت لازم تعتني ببيتك بنفسك اقرئي عن مخاطر الشغالات وبلاويهم ...احسن ما يجي يوم وتندمين فيه وتقولي شغل البيت افضل من المصايب اللي تحل عليك من وراء الشغالات ...لا قدر الله حاولي تعتني ببيتك وزوجك هم مسؤوليتك انتي وحدك كلكم راع وكلكم مسؤول عن رعيته غير هذا ..حرام وجودها في بيتك فهي حرة وليست ملكك والباب اللي تجيك منه الريح سده و استريح ربي يوفقك |
والله مادري إيش أقول لكم إلا أن الله لايحرمكم الأجر ياروع منتدى بصراحه شلت هم كبير عني وكنت فيه محتاره لكن ماقول إلا يارب من تجاوب معي أوحتى شاهد موضوعي فأجب دعوته أعطيه مطلبه وأنر دربه وحبب من يحبه هو فيه ورزقه الفردوس وجعله ينال شرف رؤيت وجهك الكريم ياعظيم
|
ما ينفع بهالحاله ان تستمر عندك
حتى لو وصل الامر ان تكونى بلا خادمه اهم شىء راحه البال فلا تعندى معه فهى فتره وبالاخر بيلبى طلبك لجلب خادمه جديده |
يا حبيبتي لازم تسفريها ما يصير تخليها في بيتكم
|
الله يعافينى وايك واحسن سفريها
|
سفريييييييهاااااا لا حول ولا قوة الا بالله هذي راعية سحر وزوجك بعد فتره لابد بيرحمك وبيجيب غيرها واذا ماحن الصحة والاستقرار اهم شي..
لا تنسين تفتشينها مرة مرة مرة زين قبل تمشي على طول ترا يمكن تاخذ من اثركم ولا شي وهدديها قولي انا محتفظة باثرك لو سويتي فينا شي ترا بنسوي فيك نفس الشي ترا ماينفع فيهم الا كذا ولا تعلمينها انها بتمشي الا بنفس اليوم عشان ما تلحق تسوي فيكم شي ولا تهرب.. احتمال تنقهر انك مشيتيها وتكون محتفظه بشي وتسوي فيكم شي عشان كذا لابد من التفتيش الدقيق والتهديد.. ترا موضوع الشغالات بالمرة مو موضوع سهل يبيله حذر شديييييد.. |
الحمد لله انك اكتشفتيها من بدري
الا كان رحتوا فيها لا سمح الله استبدليها بشغاله اخرى من مكتب الاستقدام او سفريها اهم شيء لا ترجعينها بيتك والله يعوضك خير منها |
اقتباس:
أختي شيخة الحور / ريم صراحة الجملة أعلاه لفتت انتباهي وأجد أن فيها حكماً شرعياً وهذا الحكم ينطبق على كل من أتى بشغالة ووضعها في بيته (على حسب كلامك) . سؤالي أختي : هل عندك فتوى بذلك ، أو سمعتيها من شيخ أو ماذا ؟ أقصد كلمة " حرام " مستندة على ماذا ؟ وجزاك الله خير . |
استخيري اختي والله يختار لك الصالح
|
اقتباس:
|
لحظة هذه ساحرة احذور منها ونصيحة لكي اختي اذا كنتي بالسعودية تبلغي اقرب موقع للهيئة (اعرف بهذه الحالة) لانها ساحرة وتريد ارسال صوركم لبلدها لسحركم هذه منتشرة بالاخص اذا كانت من احدى البلدان الاسيوية نصيحتي لكي..اذا لم تريدي ابلاغ الهيئة الا تجعليها تأخذ شئ من بيتكم او اي غرض ويستحسن انك تفتشيها تفتيش ذاتي(نسائي)حتى...:25: لانهم يخفون بعد الشعر للكفيل او اهل البيت حتى الرسائل يجب ان تكون مفتوحة ويتم معرفة مابي داخلها ويتم تغيير كل شئ بلحظة(عند تسفيرها) وبدون ان تعلم حتى الشنطة نصيحة اخي لكي والقصص المحيطة بنا كثيرة جدا ً اختي القديرة هذا مختصر الكلام وانا مقتنع انها تريد عمل سحر لكم |
السلام عليكم
بصراحة يا اختي انا من النوع اللي اكره الخدامات و ما احب اشوفهم لا فبيتي ولا في بيت اهلي , تسمعي كلام اخوكي و تسفريها ذحينه على قولتك هههههههههههههههه احسن بلاش تسوي لزوجك عمل :( تقبلي نصيحتي و دمتي بود |
اختي في الله ربي يبارك في عمرك نصيحة ابتغاء وجه الله لا تدخليها لبيتك بل اطرديها من حياتك بالمرة و لا تركيها تدخل او تتخطى عتبة بابك ارسلي لها اغراضها حبيبتي انا ما احب ادخل عندي الخدامات لبيبتي لانهم ما فيهم ثقة سحر و اغراء الزوج
غاليتي حبا بالله و محبة في نفسك و لاولادك و زوجك استخيري الله و لا ترجعيها لبيتك اما غاليتي عن حالتك الصحية فكلما احسست ان البيت لازم نظافة جيبي الخدامة الي بتشتغل بالساعة احسن تكمل شغلها و تخرج من الباب اختي وفقك الله طمنينا عنك |
اقول روحة بلا رجعة احسن
لي عودة لكي اتصفح الموضوع والردو |
اسنخيري اذا كنت متردده في تسفيرها ...
|
الله يكفيك شرها ويكفي المسلمين من سرهم وبزيدون رواتبهم
|
ماقرات كل الردود .. لكن نصيحة لحقي على نفسك وسفريها ...
واذا احتجتي خادمة خذي الي عند اهلك اتخلص الشغل وبعدين رجعيها .. |
اقتباس:
وأفضل انك تسفرينها وتخلصون من مشاكلها. |
بصراحة الاخوات كفوا ووفوا
وانا حاسه فيك حبيبتي اكيد فرحانة فيها وتبغي ترتاحي لكن الله يعوضك باحسن منها (وعسى ان تكرهوا شيئاً وهو خير لكم) تقبلي تحياتي |
|
إلى جميع من تجاوبو معي وحملو همي وشاركو في أرائهم جزاكم الله الف الف خير بل الخير كله
وأبشركم إن شاء الله قررنا نسفرها والباب الي يجي منه الريح سده والستريح |
إي والله سفريها
يمكن تحط لكم شي بالمويا إللي تشربونها!!!!!!!!!!!!!! و ما أخذت الصور إلا حتى تعمل لكم سحر |
اقتباس:
سمعت عن مخاطر وجود الشغالات المسلمات وغير المسلمات واستفدت منها:: غير المسلمات غلط وجودهم في البيت المسلم علاوة على وجود المربيات و الحاضنات البوذيات وغير ذلك من الاديان غير الاسلام ايضا تعليمهم لأطفالنا مالا يجب من غير عادات المسلمين ومما هو مخالف للدين و الشرع ايضا الخلوة فالخادمة ليست من المحارم ولا مما ملكت اليمين وهو كخلوة البنت مع السائق لا فرق بينهما فلا يخلو اي بيت فيه شغالة من مسألة الخلوة سواء مع صاحب البيت او مع احد اولاده بقصد او من غير قصد وهنا استنادي على نطق كلمة حرام لآني فكرت في مسألة الخلوة اولا واخيرا * الخلوة ...: وهاذي نقطة مهمة للأسف الكثير يتهاونون فيها .. اختلاء الرجل بالخادمة أو اختلاء المرأة بالسائق .. والرسول – صلى الله عليه وسلم – نهانا عن الإختلاء بغير المحارم فقال ما اختلى رجل بامرأة إلا كان الشيطان ثالثهما .. الواحد ما يستهين فيها حتى لو كان الوقت شوي .. .. لا لا لا ترا الشيطان حريص والرسول- صلى الله عليه وسلم - ما قال إذا كان الوقت قصير فإن الشيطان ما يصير ثالثكم .. والا وحدة تقول أنا حرمة كبيرة ما يضر إذا رحت مع السواق .. لا ترا ما يجوز والله .. تقول احد الاخوات :بعد مرة كان في عزيمة وراح كل البيت وراحوا كل الشغالات علشان يساعدون في العزيمة إلا وحدة خلتها أمي عندي بالبيت علشان ما أقعد بالحالي .. المهم أنا نمت وجا أبوي للبيت وما شاف إلا الشغالة بالبيت جا قومني من النوم وقال ما يصلح أقعد بالحالي مع الحرمة ... >>وفي مواقف مث هذا الموقف بعض الشغالات يستغلون الفرص وانتو سامعين منثل ها القصص ....ياما رجال خربو بيوتهم بالشغالات ،.... وياما شباب ضاع وراءهن في مثل هذا الموقف و الذي لا يخلو منه اي بيت فيه شغالة إيه يا اخوان الواحد لا يتساهل .. وللأسف في بعض الأحيان يكونون الأهل خربانين ما تهمهم هالناحية .. زي وحدة معنا بالمدرسة تروح مع السواق قلت لها مليون ألف مرة: أهلك ما يخافون عليك ما تخافين تروحين مع هالسواق الهندي .. قالت: وش أسوي أمي تقول الشغالة ما تقدر تطلع من البيت وأبوي ما يقدر يجيبني << والله تربية ما أدري ما يخافون على شرف البنت والعايلة .. طيب إذا كنتو فري ولا يهمكم تطبيق الشريعة أو طاعة ربي والرسول –صلى الله عليه وسلم - ما أتوقع إن وصل الحد إن الشرف وسمعة العايلة ما تهمكم ... والله ما قلت لكم هالكلام إلا والله لمعزتي لكم وأحب أقولكم الخير وكل ما هو يفيدكم .. وأرجوا أن تتقبلوا مني هاذي الكلمات التي خرجت من قلبي وكتبتها بأصابعي لأهديها خاصة لكم لأعضاء المنتد وعامة للمسلمين .. |
الحمد لله انك حذرتي منها و كفيت شرها بالاستماع لجميع هذه الاراء
و اثني عليك يا اختي شيخه الحور / ريم فكلامك و ارائك اعجبتني كثيرا جزاك الله خيرا |
الحمد لله اختي انك اقتنعت باحساسك و رحمت نفسك من حرق الاعصاب لانك في غنى عنها ربي يسهل لك يا رب
|
سفريها طبعا ما فيها كلام
بس ايش رايك لو تجيبي لك وحدة يومين في الاسبوع مثلا او ثلاثة ايام تخلص الغسيل والكوي وتنظف الجدران والشبابيك والنجف يعني الاعمال الصعبة والمتعبة خليها عليها .. انا كذا اسوي ومرتاحة .. رغم انه اغلب الرجال ما يحبوا الشغالات وكل يوم والثاني مشاكل بس احسن من ولا شي .. ربي يوفقك |
يبدوا والله أعلم أن هناك من يوصيهن بمثل هذه الأعمال
فتأتي الواحدة وقد عملت حسابها انها ستفعل كذا وكذا سفريها واشكري الله أن اكتشفتيها قبل وقوع المحظور |
اختي شو بدك فيها طرديها باين عليها مش كويسة
وفي حل وسط جيبي شغالة تشتغلك شغل البيت وتروح يعني مافي داعي تنام عندك انو تطلبيها وقت متحتاجي حل انسب صدقيني |
أهم شئ يأخواني واخواتي تنتبهوت للرسائل
لاترسلون رساله إلا بعد ماتتأكدون وش فيها كثير من الناس يجهل هذا الشئ ، قلولها تخلي الرسالة مفتوحة وانتم بدروكم تسكرونها وتعرفون وش بداخلها لإنه حصلت عمليات سحر (حمانى الله وأياكم ) من هذه الطريقة للأسف كثير من الناس على نياته ، وياغافلين لكم الله |
| الساعة الآن 05:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©