تكفون انصحوني هو يبي عيال وانا اقوله نأجل احسن ؟؟
 

بسم الله الرحمن الرحيم


ودي لو انكم تنصحوني

انا صارلي اربع شهور متزوجه
وانا و زوجي كنا متفقين من ايام الملكه عن الانجاب
اننا نستنى سنة او سنتين الى ان نضبط امورنا
يعني انا اول سنة لي في الجامعة الين اشوف كيف برنامجنا
والى ان نصير فاهمين بعض اكثر


لكن الحين زوجي يقولي ان صار وقت نفكر بالاطفال
انا ماقلت شي بصراحة تحمست اول شي
لان كل وحدة فينا من صغرها تحلم تكون أم
لكن على حسب مااسمع او اقرأ ان الاغلب يقولون ان أحلى ان المتزوجين جديد
يصبروا على الاقل سنة حتى يفكرو بالانجاب عشان يتمتعوا اكثر بحياتهم

وانا من فترة شفت وحدة توها جايبة بيبي وسألتها اي أحلى انك تجيبي على طول والا بعدين
قالتلي احسن شي ان المتزوجين يستنوا على الاقل سنتين بعدين يفكروا بالأطفال



وانا اليوم قلت لزوجي :
اش رايك نأجل فكرة الاطفال شوي
زوجي كأنه انصدم :eek:
قالي :
ليه من اللي قالك أجليه>>>>>>>>>>>بصراحة قهرني لأن كان قصده يعني (انك تسمعي كلام الناس ):(
وانا والله ماحد قاللي
قلتله:
ماحد قاللي انا اللي فكرت بنفسي كذا اسمع انه احلى
قاللي :
لا اكيد احد قالك>>>>>>>>>>>>>انا هنا مرررررررررره انقهرت:19:

قلتله:
والله العظيم ماحد قاللي ليش انت كذا
قاللي :
خلاص طيب بس (لا) مارح نأجل شي
وقلب وجهه وماادري وش صارله
قلتله :
ليش كذا طيب انا قاعدة اناقشك مو من حقي يعني اناقشك ليه على طول كذا زعلت

قال : مازعلت بس بصراحة عورني راسي من كلمتك هذه:(

وحتى يوم جا يروح دوامه المغرب حسيت انه لسى متضايق


بصراحة انا مره متضايقة لأن انا ودي بالاطفال وبنفس الوقت ماودي الحين
اذا حفل زواجنا الاول لسى ماجى
باقي عليه تسع شهور وانا من الحين قاعدة اخططله وكنت افكر البس فستاني بس اذا صار حمل كل افكاري وخططي مارح تزبط ومارح اقدر البس الفستان :(
بصراحة ماادري مرة محتاره:rolleyes: :rolleyes:
تكفون انصحوني

أنــــــــــــــــــــا حملت بعد شهر من الزواج....صج تضايقت..
بس الصراحه في وقتها فرحت حيل من داخلي
لأني أحب العيال وما تخيلت حياه بدون عيال...
وكنت خايفه<<<كنت أربط زواج بالعيال اذا ما حصل فهي مشكله كبيره>>>
جبت ولدي في فترة الامتحانات النهائيه<<يعني امتحنت وأنا والد لي 10 أيـــام>>>
بس جبت ولدي حسيت انه الي فـــاقد نعمة العيال فــــــاقد أكبر نعمه
وأنا الحين في ثالث جامعه...والوضع أحلى من قبل بكثير سواء لي أو لزوجي
صحيح ازعاج بس العيــال بجد حلــــــــــــــــــــوين

سوري على الاطاله

شكرا لمرورك
بس انا احس اني مترددة
يعني يمكن خايفة شوي لانه شي جديد
وبنفس الوقت احس انه شعور حلو

بس والله محتاره اتمنى من الجميع ينصحني

حبيبتي دلوعة الغلا
أنا مملكة بس لسا ما صار العرس ان شاء الله شهر جوان المقبل
بس خطيبي من يوم ما ملكنا و هو يقول نجوى ما بدي أولاد غلا بعد سنتين
أنا بصراحة أقله ايه
بس بالداخل يجن جنوني يعني كل الناس تبغي أولاد و متلهفة و هو مصر على سنتين أنا و الله ما أصبر الله يرزقنا
أنا حاسة كثير بزوجك مو حلوة تحس برفض الطرف الآخر لثمرة الحب لنعة من عند الله سبحانه و تعالى
السعادة الزوجية تعتمد على الحب و الرحمة و التعاون من كلا الطرفين يعني وجود أو عدم وجود أبناء ما راح يقلل من هذه السعادة على العكس راح يوطد العلاقة اكثر.
أنا معك في نقطة واحدة موضوع الدراسة يعني صعبة شوي
بس لو شفتي الأمر فارق كثير مع زوجك و راح يزعله منك أنا أضن الاستسلام أحسن
تمنياتي بكل السعادة و الحب الله يرزقك الخير وين ما كان

الله يعينك مريت بنفس الكلام اللي تقولين بس اذا تبين نصيحتي اسمعي كلام زوجك وبنسبه لتفكيرك عن ذكرى زواجك انتي تقدرين تخلينه احسن ذكرى زواج سوا كنتي حامل والا لا؟؟؟؟؟؟؟؟؟
عموما الله يوفك ويرزقك الذريه الصالحه.......
ولاتاخذين كلام زوجك بالحساسيه هاذي.......

اختي نجوى الله يوفقك ويتمم عليكي
اتوقع ان خطيبك رح يغير رأيه بعد الزواج
انا زوجي كان يقولي نصبر كل ماكلمني كان يقول كذا
بس الحين غير رأيه




اختي رتااااج
مشكوره ويعطيكي العافية
وانا كنت قايلة لنفسي اذا كان مصمم رح استسلم يعني ماابغى يصير مشكلة عشان سبب زي كذا

الاخت الفاضلة
اولادنا و ارزاقنا و سعادتنا كلها مقدرة علينا مسبقا و لن يصيبنا الا ما كتب الله لنا لا تؤرقي حياتك مع زوجك بشيء ليس لكي دخل ولا قدرة علية فالله الرازق الوهاب سوف يعفل ما قدره لكما و يرزقكما وقتما اراد شئتما ام ابيتما
اري ان تتركي الامر لله يسيرة و يدبره لكي و ترضي بما قسمة الله لكي ولا تفتحي علي نفسك ابواب شياطين الانس و الجن و تذكري دائما ان الله عز وجل يهب لمن يشاء الذكور و يهب لمن يشاء الاناث او يزوجهم ذكرانا و اناثا و يجعل من يشاء عقيم كما اخبرنا في كتابة هل بعد ذلك قول لبني البشر؟
استمتعي بحياتك مع زوجك ولا تعكري صفوها و دعي خالقك يدبر لكي ما هو خير لكي

تحياتي

د نبيل

غاليتي دلوعة الغلا


لا شك ان الانتظار حلو وخاصة انك طالبه جامعيه لكن صدقيني الانجاب احلى لانه يضفي على زواجكم طعم آخر
وخاصه ان زوجك متحمس ويريد الحمل

وتأكدي ان السعاده التي ترجين رؤيتها في عين زوجك يوم حفل زواجكم والمفاجأ التي تنوين فعلها
سترين اضعاااااااااااااااااااااااافها حين تخبرية بأنك حامل انشاء الله

اسئلي مجرب
فانا زوجي كان هو من يريد تأجيل الانجاب وكان جاد ويكره النقاش في هذا الموضوع وحين كتب الله لي حملا كانت لة ردت فعل راااااائعة



تحياتي

انا حملت من ليلة العرس والحمدلله تضايقت بالبداية ان حياتي تغيرت صار عندي مسؤوولية جديدة وحملت بالثاني بعد ولادتي بثلاث شهور والحمدلله الحين عندي بنت سنه ونص وولد ست شهور تارسين علينا البيت على فكرة زوجي ماكان وده بعيال بالبداية بس الحين وده بالثالث الله يوفقكم انشالله ويرزقكم الذرية الصالحة يا رب

السلام عليكم ورحمة الله وبركاته
 

دلوعة الغلا

توكلي على الله وفرحي زوجك

ورب البيت ان الاطفال من اكبر النعم

اسأل الله العلي العظيم ان يصلح لي ولك ولجميع المسلمين النيه والذريه

انصحك بالتاااأاأااأااااأجيل لانهم تعب في تعب في تعب والله صراحة اول وحم وبعدين حمل وثقل نفسي وجسدي وبعدين ولاده ونفاس اربعين وووووووسهر ووووووووووتسنين وووووووووحرارة انا ما اقول والله انهم زينه الحياه الدنيا بسسسسسسسسس مو اول سنه لانهم يحرمون الام ثم الام ثم الام من كل شي والرجال مرة يعذر والف لا

هذا السبب اللي مخليك مترددة ومنكدة على زوجك ؟؟

الأمومة ورضى زوجك أهم من هالفستان اللي شاغل بالك

خلاص ابشركم بتوكل على الله واللي كاتبه ربي بصير


اللهم لا اعتراض على حكمك


ادعولي بالذرية الصالحة

الاخت الفاضلة
والله ما قدرت أمسك نفسي من الضحك لما قريت سبب تأجيلك وهو فستان الفرح في الحفلة
والله أنتم يا الحريم عليكم طريقة تفكير مدددددههههشششة
بس نصيحة لا تقولين لزوجك السبب علشان ما ينجلط والا يذبحك
الرجال يبي عيال يحسسونه برجولته وانت تبين تأجلين علشان فستان
وين د. غراي يقول النسا من الزهرة !! الا من مجرة ثانية بعد
أختي افهمي الموضوع بهذه الطريقة وانت تنبسطي
زوجك كان يطلب تأخير الانجاب علشان يتأكد من أنك تصلحين تعيشي معه طول العمر وتكوني أما لأولاده ووضع مدة سنة لهذا الاختبار ولكن أنت ما شاء الله عليك كنت متفوقة جدا وعديت الاختبار في ربع المدة واقنعتيه بأهليتك
فاعتبري طلبه :انه طلب أن يتزوجك مدى الحياة باذن الله من جديد
مبروك وبلا دلع يا أم العيال
وفقكم الله ورزقكم الذرية الطيبة

حبيبتي ماله داعي انج لتاجلين فكرة الحمل وانت الحين سار لكم 4 شهور يعني اذا الله كتب انج تحملين هاي الشهر تحتاجين 9 شهور يعني بعد السنة بيجيكم البيبي هاي سنة من غير محد يشاركم يعني انت الاثنين ولمه البيبي يجي احساسي يزيد الحب بينكم ..
وبالنسبة حق الجامعة انا حملت وتوني في البداية الجامعة صج تعب بس ما يمنع من تاجيل الحمل اخذي ساعات قليلة مو لازم اتخلصين في 4 سنوات خليها 6 سنوات ما راح يسير شئ ،،
الله يرزقكم الذرية الصالحة ...

انا ماكنت افكر بالتأجيل عشان الفستان بس
اقولكم انا بالجامعة وتوني بعد مو اول سنه
لا
عندي سنة تأهيلية قبل الجامعه بعدين الجامعة يعني لازم اشد حيلي مررة بهالسنة عشان اقدر ادخل القسم اللي ابيه
وخايفة اذا حملت من الوحم وخاصة ان بعض الناس يقولون انه الحامل تنام كثير وانا خايفة متى بدرس ومتى اخلص البيت ومتى اقوم بواجبات زوجي
مو عشان الفستان مثل مابعضكم فهم



بس خلاص انا استسلمت لزوجي والله يوفقنا انشاء الله ويرزقنا الذرية الصالحة

يا أختي

انا كل ما شوف عنوان مشاركتك بتغاظ منك :)

يا اختي أيه اللي عرفك انك حتحملي علي طول


و بعدين الأطفال بيزودوا الصلة بينك وبين جوزك

و بعدين ده مش حيعطلك عن الدراسة


حستني أشوف أسمك قريب في قسم النساء و التوليد

والله كتير حلو الواحدة تحمل وتسير ام احساس حلو كتير
انا متزوجة جديد شهرين بس وبتمنا انو اصير حامل
وعموما هادا الشي كلو نصيب ومن عند الله

اختي احملي هذه نصيحتي و بعد كدا استني على الثاني ان اراد ربي سنتين او ثلاثة
بس اسمعي كلام زوجك هي صح مو سهلة لكن ربي يهونها النونو دا احلى شي في الدنيا صدقيني و اسمعي كلامي

افضل شي اسمعي كلام زوجك


وش يضمنك بكره تجيبي أو لأ


من غير مكررررررررروه


وتقبلي تحياتي