اريد حل من الخبيرات (خيانة زوجي) ..
 

السلام عليكم
انا مشكلتي بكل بساطه انه زوجي يخوني ليه ماني عارفه السبب انا متزوجه من حوالي سنتين والحمدلله الحين حامل اكتشفت كذا مره انه زوجي يخوني ويكلم بنات مع انه طيب ويخبني ودايم يجلس معي بس متى يلقي وقت يكلمهم ماني ابعرفه والله وربي شهد علي اني ماقصرت معه في اي شي تخيلو حتى وانا في فتره الوحم فتره التعب كنت برضو اتزين وتعدل وما عمره شافني امبهدله ابعمري والبيت نضيف والاكل دايم جاهز وكلام حب ورسايل وحنيه ودلهع كل هذا انا اسويله بس ليه يكلم مادري ياربي احس انه نفسيتي تعبانه وصعبه ارووح اقوول لامي لانها تعتبره مثال الرجال المستقيم مادري افتحه واقوله اني ادري انه له علاقات ولا اسكت مادري س\ واسفه على الاطاله بس من جد ابي مشورتكم

حبيتي الله يعينك لكن عندى لك حل كالسحر

اعقدي اتفاق مع نفسك ان تستغفرري كل يوم بنيه ان يستقيم زوجك والله سوف ترين العجب العجاب وايضا اقرأى البقرة ومن يتقرب من الله ويبحث الحل وينتظره من الله لايخيب الله ظنه اتمنى لك التوفيق

لاتصارحينه ابد انتبهي عليك بالدعاااااااااء والاستغفار وحاولي تشغلينه وتقولي له قصص عن الخيانات كتلميح بس وبيني له ان ثقتك فيه كبيره واكيد هو قد الثقه والله يرده لك ردا جميلا

الله يهديه يارب اكثري من الدعاء له

الله يهديه ويصلحه

السلام عليكم ورحمة الله وبركاته ..

اختي ادعي لزوجك بالهدايه .. ولا تعتقدي ان زوجك خانك لانك مقصره في حقه .. لا .. المشكله مو فيك انتي .. المشكله في زوجك ..

انتبهي لا تجيبي سيره لاي احد عن زوجك و خيانته لك .. لا امك ولا غير امك ..

لكن السؤال : انتي عندك دليل قاطع عن خيانة زوجك ؟؟

ولنفترض انك واجهتي زوجك .. انت وش تتوقعين تكون ردة فعله .. ؟؟

هل راح يخاف ويعترف انه خانك وراح يعتذر ويوعدك انه ما راح يكرر الموضوع .. وهل انت مستعده للمواجهه بكل ثقه و هداوه ؟؟ هنا اقول لك يمكن المواجهه تفيد ..

لكن اذا كنت تتوقعين ان زوجك راح ينكر ويقلب عليك الطاوله ويطلعك انت الغلطانه .. هنا اقولك لا تواجهيه لكن ظلي راقبيه لحد ما الله يفرجها ..

لكن لا تستعجلي بالمواجهه ادرسي الموضوع من كل النواحي ..

وربي يهدي زوجك ويسعدكم ..

أميرات ..

بنتي اسمعي نصيحتي

اولا المواجهة والمصارحه لاتنفعكي ابدآ لأن مو كل الرجال تأثر به ويستحي ويخاف ابدآ

ثانيآ صدقيني عليكي بالدعاء في اليل وقراءة سورة البقره يوميا فسرها عظيم تريحك كثيرا وتهدي نفسك

ثالثآ اجعلي من خيانته لكي حافز ان تغيري من نفسك بمعني كل ما تذكرتي انه يكلم غيرك ابحثي في نفسك عن شئ تجذبيه لكي الي بيكلمهم ماهم زايدين ايد او رجل عنك هم نساء مثلك مثلهم فحاولي ان تجذبيه لكي ولعيه حني عليه اسمعيه من الكلام الي يكون يسمعو من الينات الثانيات ادلعي واهم شئ للرجل ان يكون شبعان جنسيآ اشبعيه بكل الطرق لا تكوني روتينيه معاه يوم اطلبي انتي الجماع ويوم المداعبع فقط ويوم الرومنسيه وهكذا اشغليه وحاذري من الصوت العالي فهوا دمار للعلاقه بين الزوجين الرجل يكره المرأة الي صوتها عالي لكن النظافه والطبيخ صدقيني شئ ثانوي عند الرجال الأساس المعامله
انا مثلك زوجي خانني واكتشفت ذالك ما بينتلو اني دريت ولكن اشتغلت على نفسي غيرت لبسي قصتي عطوري وهبلت فيه في الفراش اتخيلت كل شي ممكن يجذبو لغيري الدلع والحنان وداومت على الدعاء والقيام بسورة البقره ولآن ولله الحمد كثير افضل ما صار يطلع من البيت ويحبني كثيرآ ولا يقدر يستغنى عني


اطلت عليكي ولكن ان اردتي نصحي فعملي بما قلت وسترين الفرق

الله يعينك

والله ياختي لو انا بمكانك ماراح اصبر لو ثانية
بقوله على طول وواجهه بالعكس ترتاحين اكثر

اختي مثل ما قالت اختي اميرات

المواجهه مو دائما تفيد

قد يندم .. ويعتذر ..وقد يتهمك بانك تتجسسين عليه و يقول لك انك واهمة ويطلع نفسة مثل الشعرة من العجين

وقد يقول لك نعم .. وسوي اللي تبغينه ..و ياخذ راحته ويجاهر بتصرفه

انت شوفي زوجك من اي نوع ..وتصرفي علي اساسة

بعدين مو كل واحده يخونها زوجها يكون التقصير منها

كثير من الرجال الخونه يكون طبع فيهم الخيانه ..مثل الادمان والمرض ..متعودين عليه

انت لمحي له بان الخيانه شي عظيم وممكن انها تخرب بيوت امنه

اما من ناحية امك و اهلك ...فلا تقولي لهم ابدا ابدا

لان حتى لو تاب عن هذه التصرفات ..والله انهم ما راح ينسونه له ..وراح يحتقرونه طول عمرهم

وربي يهديه

سوف ادعي لكي " يا رب فرج همها واهدي سريرتها .. و ارجع لها زوجها محبا لها "

الله يجزياكم عني خير الجزاء واوعدكم اني رح اعمل بنصيحتكم والله يفرجها علينا وعليكم

اختي نصيحه لا تواجهينه
صدقيني هذا مو نقص فيج انتي ابد

هذا ادمان

يحتاج لمساعدتج

مو لمواجهتج وتهديدج!

هذا حال كثير من الرجال في هذا الزمن وللاسف صار عندهم ضعف ايمان وبعد عن الله بس اللي نقدر انقوله الله يهدي جميع شباب المسلمين

اختي الكريمة
ما يعانيه زوجك يرجع لأحد سببين:
أما شحنة زايدة
أو نقص امدادات
نبدأ بالثانية، أختي لا تتوقعي أن زوجك يحترم أو يحب من تكلمه بالتليفون أو حتى تمارس معه الجنس بالتليفون وهذا للأسف منتشر هاليومين
فما يبحث عنه زوجك هو الاشباع العاطفي وصدقيني أنا رجل وأقدر منك على فهمهم متى ما أشبع عاطفيا سيعف ولن يبحث عن غيرك (فالذيب ما يرقد هني اليا جاع)
من أولى علامات الفشل ظنك في نفسك عدم التقصير، ربما تكونين غير مقصرة في بذل كل ما تجيدين ولكن لعل القصور في ما تجيدين
لا تركني للثقة في نفسك وحاولي تطوير ذاتك والتجديد وتعلم المزيد
- مسألة الشحنة الزائدة:
قد تكون رغبة زوجك وحاجته العاطفية (أنا لا أقصد هنا الجنسية فقط فالعاطفة تشمل الجنس وأمور اخرى عديدة) بالفعل زائدة عن المعدل الطبيعي علاوة على ذلك مصادر الشحن المتواصلة مثل التلفاز وما يبثه من أفلام ومسلسلات تلهب مشاعر المشاهدين وتحرك عواطفهم
فابدأي بالتخلص من هذا الجهاز اللعين أو استبدليه بقناة المجد المباركة ففيها ما يغني بحمد الله
طيب ما الحل الان؟
سأقترح عليك حلا ولكن أنت أعلم بطبيعة زوجك وطبيعة علاقتكما فان ناسب فتوكلي على الله والا فلا تطبقيه
اشتكي لزوجك أن هناك من يضايقك على الهاتف باستمرار وانك تستغربين من ذلك لأن المفروض أن من يعف يعفه الله في أهل بيته وأنت تعتقدين في زوجك العفاف وأن من كشف ستر الناس كشف الله ستره فلا يكون يا زوجي العزيز أنك تسعى لكشف ستري؟ ترى بحمد الله أنا ابوي واخواني كانوا حافظينا بحفظهم لأنفسهم وأنا تزوجت لانستر مو أنكشف، وانا فعلا مستغربة من عدد المكالمات اللي تجينا ليل ونهار
طلبتك يا زوجي الحبيب أن كان سترنا عندك مهم أنا وبنيتك اللي في بطني أنك نحرص وتحلف لي أنك تتجنب كشف ستر الناس ومن دق باب الناس دقوا بابه
دمتم بستر وعافية ووفقكم الله

أختي كأنك تتكلمين عني وعن زوجي الخائن

صوره طبق الأصل مني

لكن الفرق إنك إنتي قادره إنك ماتوجهينه
لكن أنا أضل أبحث عن أدله وبعدين أواجهه
مع إحترامي لوجهات نظر الاخوان والأخوات
إلى أني أختلف معهم بأن المواجهه ماتنفع بشئ

بالعكس المواجهه تطلع شئ كابتته في داخلك
ممكن يولد الكره بينكم

وعدم المواجه تجيب الامراض

وحنا وش جاب لنا المرض غير الكبت

الله يهديه لكي ويصلحه
ويهدي إلي عندي ويصلحه