|
هل اللي سويته غلط ؟؟ارشدوني
السلام عليكم .. بدخل في الموضوع على طول .. انا ابغى اعرف رأيكم في اللي حصل معايه انا وخطيبي .. يعني ايش رايكم في واحد يقول لخطيبته انه اغلب اصدقائه اللي معاه يعرفوا بنات على زوجاتهم وان الواحد ما يصدق متى زوجته تروح عند اهلها عشان ياخذ راحته !!!!!!!! وانه احيانا هو اللي يطلب انه يوديها لاهلها حتى لو رفضت !!!!!!!!!!!!! طبعا خطيبي لما قال كذا جالس يلمح لي عشان بعد الزواج ما اجلس اقوله ودني ازور اهلي بحكم اني راح اكون في مدينه وهم في مدينه ثانيه .. يعني كانه يقول ترى اذا بتخليني وتروحي لاهلك تحملي مسئولية اللي راح يصير !!!!! ((((( يعني بالله وش رايكم في الاسلوب !!!!!!!)))) طبعا انا لما قال كذا تنرفزت مره بس حاولت ما ابين و قلت والله اكيد هم من الاساس لعابين ويحطوا المسئوليه على زوجاتهم .. المهم قالي يعني انتي ماتغارين عليه قلت لا عادي من ايش اغار .. قام قالي طيب تشوفي بعدين لما نروح السوق مع بعض كيف البنات ينهبلون علي !!!!!!!! انا هنا ما قدرت امسك نفسي فقلت له والله لو انك ( وشبهته بممثل حلو ) هو هنا طبعا انقهر وعصب وصار يقول كلام ماله داعي .. بس انا بصراحه احس اني بردت حرتي فيه لانه قهرني من جد .. المهم انا على طول اعتذرت له لاني حسيته انصدم .. حتى انا والله ماكان ودي اني اقوله كذا بس هو اللي حدني خصوصا اني لما كلمني قلت له ان جدتي تعبانه مرررره واني متضايقه عشانها يعني بدل ما يراعيني يزيدها علي .. (( على فكره انا من النوع الغيور مره يعني لاتحسبوني بارده وهو يبغاني اغار عليه )) بس ما ادري ليه يحاول يستفزني كذا ؟؟؟؟؟؟ طبعا هو للحين مايرد علي والسالفه صارت امس .. وانا بعد ارسلت له مسج اعتذار طويل بعد ما قفل لاني ما احب انه يجي مني الغلط .. ادري طولت عليكم بس مالي الا الله ثم انتم .. يعني الحين هل انا اعتبر غلطانه ؟؟ |
( ممثل حلو ) ...........:11: :11: لو هو قالك : والله لو كنتي مثل ( ممثلة حلوة جدا ) محد يدري عنك .........:29: :29: راح تموتين قهر صح .....:25: :25: |
كذب وصدقتي
|
انا عارفه ان اللي قلته غلط وندمااااااااااااانه قد شعر راسي ولوكان قالي كذا كان انقهرت بعد ..
حتى اعتذرت منه على طول قبل ما يقفل وقلت له ان الممثل هذا والله ولا همني ( وانا صادقه )بس حبيت اقهرك لانك نرفزتني .. بس هو مو اول مره يقولي عن سالفة اصدقائه اكثر من مره قالي اياها يعني وش يقصد بكلامه ؟؟ |
وعليكم السلام ورحمه الله وبركاته
بصراحه يستاهل صح اسلوبك غلط بس يستاهل كلامه ماله داعى الله يعين لاتجلسى تعتذرى كثير الين تحسسيه انك انتى الى غلطانه مو هو هو الى بدء بالغلط وانتى اسلوبك كان غلط فى البدايه صح وبعدين قلبتى الله يوفقك لكل خير ويعطيك العافيه لك فائق احترامى |
اصبتيه بمقتل
أختي الكريمة تقولين لو قال لك الممثلة الفلانية بتنقهرين الموضوع مختلف !!!! أنت بالنسبة له المرأة الوحيدة في حياته ويهتم جدا بأن يكون عندك رمزا للرجولة والفحولة والجاذبية وذلك حصريا لك أنت من دون جميع النساء حتى أمه وأخواته فأنت من سيختبر قدرته الجنسية فلما تقولي أن هناك من هو أفضل منه فقد أصبتيه بمقتل لا أعتقد أنه سينسى هذا الموقف لسنين عديدة أما كلامه هو عن أصدقائه فبايخ ومن غير المفروض أنه يصدر منه وكان عليك انك تخجليه من نفسه مثل قولك حنا لما سألنا عنك مدحوا أخلاقك والمرء على دين خليله فلا أظن ان اصحابك سيكونون سيئين لهذه الدرجة والا ما كنت صاحبتهم وأنت صاحب الخلق والدين، ومن هالكلام. الله يهديه بس هو اللي جابه لنفسه وفقكما الله وأصلح ما بينكما |
http://www.asmilies.com/smiliespic/t...a0asmilies.gif صراحه اسلوب رخيص وغير مقبول ..وباعتقادي بان رد فعلكِ كانت جدا سليمه وفي محلها حيال ثقته الزائده في وسامته ..بل سوف يفكر الف مره حين يحاول ان يطرح اي سوال لمحاوله ان يستفزك لانك سوف تردين له الصاع صاعين .. علما انه من الواجب عليك ان تردي عليه بشان اصدقائه (المملوحين)..حتى ولو لم يكن صادقا وكان يرمي لهدف معين ..هل يرضون ان تقوم زوجاتهم بخيانتهم كما يخونوا زوجاتهم ..الم يسمعوا بالمثل القائل (دقه بدقه ولو زاد لازاد السقاء )..الم يعلمو ان انتهاك الاعراض دين لابد من رده .. http://www.21za.com/pic/salam_kalam007_files/80.gif .. |
الله يجزاكم خير بصراحه ردودكم بردت على قلبي يعني انا ما اتحمل الخطأ كله هو اللي جابه لنفسه ..
على فكره انا اليوم الفجر ارسلت له رساله طويله ووضحت له انه كلامه اللي قاله لي هو سبب المشكله وان محد يقول لخطيبته هذا الكلام وان كلامك هذا كبير ومو سهل .. وان اللي يسووه اصدقائك دليل ان الواحد منهم مافيه خير ولا هو برجال فلا يخلي الزوجه شماعه تتحمل مسئولية اخلاق الزوج .. هاه وش رايكم في اللي سويت !!!!!!!!! |
انا مره سويتها صراحة بس بعد الزواج وزوجي زعل مني مررره بس يستاهل هو اللي جابها لنفسه ..
هو بيزعل بس عادي بيسامحك بس رماراح ينساها ابدا.. انا للحين وانا اعاني منها .. بس خطيبك يستاهل والله ايف نفسه .. المهم الله يوفقك ويسعدك .. بشرينا وش بيصير معاك .. |
على هذا الإسلوب انا شايفتة انه هو يريد يشوف إذا انتي تغارين عليه ولا لأ
وأنا افضل لو انك بينتيلة انك تغارين كان افضل بدل حدوث هذه المشكلة ههههههههههه حركات شباب تحدث لمعرفة معزته عندك شيء طبيعي .... عموما هو ما لازم انه يقول كذا لأن يخلي الزوجة لا تثق فية وما تأمن له انه يكلم بنات ... أنا عن نفسي ما أحب هذا الإسلوب حتى لو مزااح ... |
الرجال يقول كذا يمكن قصده يبين أن ربعه مو مزبوطين وهو عاقل يختلف عنهم
أنا بس أتوقع المصارحة ضرورية في مثل هالمواقف وضروري تبيني وجهة نظرك له وتكونوا كتاب مفتوح.. ومن ناحية الخطأ في نظري أنه مشترك من الطرفين وإن كانت بداية الغلط منه.. أختي أحلى من العقد هذي وجهة نظر وننتظر رأي الأخبر منا يفيدونا ويوجهونا عسى ربي يبعد الزعل بينكم ويزرع المحبة والمودة في قلوبكم ويشرح صدروكم ويخليكم لبعض.. |
انتي خطيتي و هو اخطا
واعترتي و ارسلتي مسجات و فهمتيه خلاص كفاية سويتي اللي عليك الان طنشيه شوي صدقيني و عن تجربة كل ما جريتي بعده زيادة اتغلى اكثر سيبيه و بينسى و بيرجع لوحده |
ذكرتيني بزوجي قبل كان يستفزني بهالكلام
وانا بدل ماابين له اني اغار اقوله عادي حتى لو انت سافرت وماسالت عني انا بدور حد يملي علي فراغي هههه وهو ينقهر اقوله مثل ماتدين تدان عادي لاتاخذين كلامه ع محمل جد وبالعكس اذا هو يفرح انك تغارين عليه قولي له اوك مو تصير مثلهم لاني راح اقطعك واقطعهااا خخخ الله يهنيكم ويسعدكم لاتكبرين الموضوع عادي |
من ردود كثير من الاخوات أحس انهم وازواجهم أعداء .........!!!!! على ماذا تدل كثرة تكرار كلمات مثل : يستاهل ، خليه هو يعتذر ، وخري عنه وهو يجيك .......:18: :18: إن دلت هذه الكلمات على أمر فهي تدل على نقص المحبة بين الأزواج .......... ويا اختي ما كل ما يكتب هنا يصلح لحالتك أنت وزوجك ..... وأتمنى من الأخوات محولة رأب الصدع وتأليف القلوب وليس التنفير وإثبات الذات ......:24: :24: |
ياحبيبتي والله انك جدا لطيفه
تدرين وش اقوله اذا لمح لي كيذا هههههههه .. اقوله والله لاطعنك بنفس السكين اللي طعنتني بها يقولي كيف يعني اقوله ... اذا كشفتك تكلم بنات بكلم شباب واذا كشفتك تغازل بغازل انا بعد واذا رحنا السوق وشوفت البنات يتميلحن لك .. انا بعد بدلع الين الشباب يتميلحون لي ههههههههه وشوفي كيف ينقهر صدق خصوصا اني جاده معه يحمد ربه زوجك انك ماقلتيله نفس كلامي بس هذا مايحللك من الخطاء ... خليه لين يهداء ويرد لك بعدين قولي له انه اغلى واحلى رجال في حياتك ولاغيره يملا عينك ولاتكثرين اعتذارات له بعدين يتعود يعني اعتذري تلميحا لاتصريحا ووفقك الله |
السلام عليكم ورحمة الله وبركاته,
أوجه كلامي للزوج بان يتقي الله تعالى وان لا يجاهر بالمعصية وان يحمد الله على الزوجة المخلصة...وكلامي الثاني لاختي ان تتقي الله وان لا تتكلم بتهديد زوجها الفعل بالمثل مثل ما ذكرن يعض الاخوات الله يهديهن وهذا ليس من أمر المؤمنة فالاصل ان تناصحه وتهدده بعقوبة الامر من الله سبحانه وتعالى عله ان يرجع عما بدر منه. |
الراجل حب يعرف معزته عندك
بصراحه صدمتيه .... مالك حق . و برضو هوا غلطان |
لاحول ولا قوة الا بالله
بصراحه انصدمت من ردود البنات:29: الكلام لك اختي وللبنات ولي ايضا الرجل يحب المرأه ان تغار عليه بالمعقول وتخاف عليه وبنفس الوقت تثق فيه 1\\\ المواضيع اللي مثل هذي طنشيها واستغليها بالصمت والتطنيش وبنفس الوقت دائما ذكريه بالله ( الزاني يزنى ولو بجداره) عفوا تعفو) انفخيه شوي وكبري راسه انك اوسم واحد واطيب واحد وانه اعقل واحد وان اكثر شي حببك فيه هو خوفه من الله ولما جاب سيرة اصحابه قولي( يالله الله يهديهم ياويلهم من ربي مايخافون ربي يبلاهم في زوجاتهم وبناتهم وقولي له ياحبيبي انت عاقل وحكيم ليه ماتنصحهم وتذكرهم بربي)) واعملي نفسك حزينه ومتضايقه من تصرفهم وبنفس الوقت احمدي ربك قدامه ان زوجك يخاف ربه وانه احسن من اصحابه ومن هذا الكلام انتبهي تردي عليه بنفس اسلوبه صح يستفزك وصح يبغا يثير غيرتك بس معليش خليك حكيمه في ردودك بحيث انك ماتضري نفسك لانك لو سكتي او ردي بعقل وحكمه راح يستحي على نفسه ولا يعيد الموضوع ثاني وانتبهوا يابنات ( أذا دخل الشك من باب طلع الحب من الشباك)) الله يألف بين قلوبكم ويبعد عنكم شياطين الجن والانس واكثري من الدعاء له بالبعد عن اصدقاء السوء وان يعف سمعه وبصره وفرجه بالنسبه لوضعك دحين وزعله اعتذري منه اعترفي بخطأك ووضحي له ان الشيطان استغل الفرصه عشان يخرب بينكم وحاولي من هنا ومن هنا وبنفس الوقت خليك هاديه وشوي ويهدأ وترجع الامور الي مجاريها وانتبهي تعيديها مررره ثانيه الله يهديكم ويريح بالكم ويألف بين قلوبكم |
انا قريت بعض ردود الاعضاء ان خطيبي يمكن كان يبغاني اغار عليه بس بصراحه ماكان وقته مررره لاني فعلا كنت متضايقه ذاك الوقت لان جدتي تعبانه في المستشفى وحالتها خطيره والمشكله انه عارف الشي هذا لا وجدتي تصير جدته بعد لاننا من نفس العائله !!!!!!!!!!!!
واذا على الغيره فانا سبق وكتبت موضوع اشكي لكم فيه من غيرتي الزايده لدرجة اني احيانا اغار عليه من اهله .. فما اتوقع انه عدم غيرتي عليه ذاك الوقت سبب مقنع يخليه يقول اللي يقوله !!!!!!!!!!!!!! واساسا احس اسلوبه ينرفز اكثر من انه يخليني اغار عليه بصراحه .. ولا انا غلطانه !! |
شوفي حبيبتي
مو حلو تقولي لزوجك بالذات ان الممثل الفلاني او الواحد الفلاني حلو ومدري ايش .. اقصد خلي تصرفاتك تدل على انك حكيمه وعاقله .. كان عاقبيته بشي ثاني احسن .. واذا جيتي تعتذري منه قولي له ترا حتى كلامك زعلني وتناقشو بعدين على هدواة |
اسلوبه سخيف
في اسلوب ارقى من كذا وبعدين المرء على دين خليله فدام هالنوعيه اصدقاءه وهو متقبل الوضع بشكل جدا طبيعي .. هذا شي ينخاف منه انا نصيحتي لك تتاكدي اكثر من دينه واخلاقه لان هذا مو كلام شخص راعي دين والتزام بالتوفيق |
هذي مشاكل فترة الملكة ...بس ما كان فيها شي لو وضحتيله انك تغارين عليه أكيد هو راح ينبسط لان اهم شي عنده انتي طبعا ورايك فيه_ صدقيني _انك لما توضحين غيرتك على زوجك واهتمامك فيه هو نفس الشي ما راح يهمه احد غيرك انتي _خليك ذكيه واكسبي زوجك يعني مثلا ما فيها شي انه لما يسألك (يعني ما تغارين علي؟ ) تقولين له امبلا اموووووت من كثر غيرتي عليك بس حنا الحريم ما نحب نمدح ازواجنا كثير لاننا نحسب هالشي يخليهم يتكبرون علينا _ياصغر عقولنا_ المهم وباختصار سمعيه الكلام اللي يحب يسمعه واكيد راح تكون النتيجه لصالحك ...
وانتي في بداية حياتك لازم تعرفين مفاتيح زوجك ونقاط ضعفه ... وعسى الله يوفقكم ويسعدكم يااارب واتمنى لكم حياة موفقة..شكرا |
طيب الحين اخليه الين هو من نفسه يرجع ويتصل ؟؟
لاني انا اعتذرت وسويت اللي علي .. ولا انا ابدا و اتصل عليه .. مع اني متاكده انه ماراح يرد فتره !! |
انا بصراحه ناويه اني ما ارجع اتصل عليه حتى لو يجلس شهر
ما يتصل .. لاني خلاص اعتذار واعتذرت وحاولت اكلمه عشان اوضح له وجهه نظري في نفس اليوم بس ما رد علي .. وارسلت له كل اللي ابغى اقوله في رساله ووضحت له خطاه .. فبكذا اكون سويت اللي علي صح ولا لا ؟؟ |
[QUOTE=خجـــــل]ياحبيبتي والله انك جدا لطيفه
تدرين وش اقوله اذا لمح لي كيذا هههههههه .. اقوله والله لاطعنك بنفس السكين اللي طعنتني بها يقولي كيف يعني اقوله ... اذا كشفتك تكلم بنات بكلم شباب واذا كشفتك تغازل بغازل انا بعد واذا رحنا السوق وشوفت البنات يتميلحن لك .. انا بعد بدلع الين الشباب يتميلحون لي ههههههههه وشوفي كيف ينقهر صدق خصوصا اني جاده معه يحمد ربه زوجك انك ماقلتيله نفس كلامي :eek: :eek: :eek: :eek: :eek: :eek: |
بعض العقـــــــــــــــــــــــــــــــــول صغيرة ..... تحتاج لسنوات وسنوات حتى تصبح على مستوى من الوعي يأهلها للقدرة على مسايرة الزواج ...... اللهم متعنا بعقـــــــــــــــــــولنا |
اقتباس:
طيب يا اخ بو نبيل اذا كان التغاضي وتكبير العقل عن توافه الامور مايقدره الطرف الاخر ويمكن يعتبره ضعف شخصيه او لا مبالاه .. وش الحل بنظرك ؟؟ |
صدقيني لازم تكبري عقلك
لان المشاكل هادي تظهر اوقات الزواج |
يا أختي العزيزة ........... والله ما قصدتك بهذا الرد ولكن قصدت بعض النساء اللاتي رددن على موضوعك بلا حكمة ولا عقل .. وذلك بزيادة إشعال نار الخلاف بينك وبين زوجك ..... يا أختي هذا زوجك وليس زوج أي بنت من بنات المنتدى ...... أنت اعلم به منهن .... ما يناسب بعض الأزواج لا يناسب البعض الأخر ...... قدري الموقف وحافظي على نفسك وزوجك ...... أكرر أعتذاري بعدم قصدك في الرد السابق ..... ودمت في حفظ الرحمن ....... |
طيب انا ابغى اعرف شي واتمنى من اخواني الاعضاء (الرجال) بالذات يجاوبوني ..
وش موقف خطيبي الحين من اللي حصل ؟؟ يعني انت كرجل وش تتوقع ايش جالس يفكر فيه الحين خصوصا انه مااتصل للحين .. انا عارفه انه زعلان بس هل راح تجلس الكلمه هذي في باله وما راح ينساها ؟؟ او انتو يالرجال مو حساسين للدرجه هذي مثلنا احنا البنات ؟؟ يعني ممكن يتغير علي بعد اللي حصل ؟؟ ارجوكم ياليت تجاوبوني !! |
اخ بو نبيل ..
لا حصل خير .. وفعلا فيه بعض ردود الاخوات فاجأتني الله يهديهم بس .. |
يا أختي أحلى من العقد ...... عن نفسي ( بغض النظر عن مشكلتك هذه ) .... إذا زوجتي زعلتني لا وبعد تبيني أرضيها .... والله لو سنة ما سئلت عنها .... يا أختي بعض الرجال تكون نفسه عزيزة بشكل يفوق الخيال ( بعيدا عن هل هو مخطئ أم لا ) يجب عليك ان تحددي نمط زوجك وتتأقلمي عليه .... لاشك ان زوجك مخطئ وبشدة .... ولكن كوني المصلح وأحتسبي الأجر على ذلك .... ليس الغبي بسيد في قومه لكن سيد قومه المتغابي ( هذا رأي واحد من الرجال ) :26: :26: |
| الساعة الآن 08:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©