|
زوجي أهان كرامتي وراح وخلاني بدموعي
رجعت لكم بمشكله جديده معليش استحملوني
تكفون ابي شي يرجع لي كرامتي اللي ضاعت هدر زوجي المحترم اليوم أهدر كرامتي وضيعها مع اني دايما احاول ارضيه بكل شي بقول لكم الموقف واحكموا بنت عمي دقت علي اليوم وعزمتني على العشا عندهاوانا من زمااااااااان عن بنت عمي لي تقريبا اكثر من شهر ماشفتها رحت لزوجي واستأذنت منه ورفض علطووووول بدون اي مناقشات وانت بصراحه متشوقه جدا لبنت عمي رحت ترجيته وبست يدينه وراسه وحاولت فيه ولكن مافي فايده كأني اكلم حجر وبعد المغرب طلع من البيت وقال انا طالع للاستراحه مع الشباب تامرين على شي انا انهبلت كيف يطلع ويخليني لحالي في البيت ويفوت على عشا بنت عمي قلت له خلاص في طريقك حطني في بيت بنت عمي ولكنه رلافض وأصر على الرفض حاولت ترجيته ولكن مافي فايده بعدين يوم جا عند الباب قالي كلمه كسرت ظهري قالي (خلي عندك كرامه شوي اذا قلت لك لا لاتقعدين ترجيني زياده) وطلع وخلاني مع دموعي وهمومي:( الله يوفقكم كيف استرجع كرامتي ؟؟؟ |
عزيزتي انا اشوف الموضوع مو كبير مره بس هو قالك هالكلمه لأنه انزعج من اصرارك تلقينه كان مزاجه مو رايق متى ماشفتيه راق وهدا ناقشيه وقولي له انه مافيها شي لو رحتي وزرتي قريبتك لأن فيها وصل الرحم واللي يقطع وصل الرحم الله يقطع رزقه وانك بتغيرين جو وترجعين يعني بالأقناع ولا تبكين على عنده على طول وقولي لي له انك كسرت بخاطري وكلمتك ماكان لها داعي تخيل انا اقولها لك وكذا حسسيه بالذنب بهدوء ودلع وقولي انت تطلع وتغير جو وانا مااطلب اني اطلع كل يوم بس اني اذا انعزمت اقوم بالواجب واصل رحمي واتمنى اني قدرت افيدك ووسعي صدرك ترا غيرك عايشين بهم واهانه مايعلم فيها الا ربنا..وسلامي لك
|
مشكوره ياختي
ولكن يبقى السؤال كيف استرجع كرامتي اللي ضاعت |
طولي بالك وفكري قبل يرجع من الاستراحه حتى تتناقشي معه في الموضوع اذا مزاجه يسمح للمناقشه
1هل وعدتي بنت عمك بحضورك قبل ماترجعي له 2طريقة طلبك للذهاب ووضعه كيف كان احتمال كان حاب يجلس معك وانتي بالحاحك خليتيه يطلع للاستراحه لاتخسري زوجك وبنت عمك لاحقه عليها ارسليله رساله على جواله هلحين وانتي وشطارتك ماتلاقينه الاعندك موفقه يارب |
اقتباس:
أنا أرى أنه لو كرامتك نقصت فبسببك أنتي وليس من زوجك . صراحة أنا قرأت العنوان وتوقعت أنه شتمك وهزأك وسحب فيكي البلاط (لاقدر الله) يمكن أنتم الحريم تشوفونها اهانة للكرامة . ولكن أنا أراها (وأظن أن الرجال يتفقون معي) نصيحة من محب لحبيبته . والموضوع ليس زيارة فقط وإنما توجد أسباب وراء ذلك منها : كثرة زيارتك لبنت عمتك تستلزم زيارتها لكم وهو لا يحبذ ذلك . أو أنه يرى أخلاقك متغيرة بعد زيارتك لها أو انك تشوفين أشياء عندها تعجبك وتريدين مثلها (ملابس ، أثاث ، الخ) . أو أنه سيعود تعبان من الاستراحة ولا وده يدق مشوار لبيت بنت عمتك . أو و أو والله أعلم |
اي كرامة يا اختي
الرجال ما قال لك شي يستحق اللي انت سويته اذا رجع ..لا تمدين بوز ..ولكن بدلال ..قولي له انك كان خاطرك انك رحتي زرتي بنت عمك لكن كلامة يمشي على عينك وراسك عشان مرة ثانية اذا طلبتي طلب من هذا النوع يعرف انه خاطرك تروحين بعدين الرجال ما يحب اللي تحن على شي انت قلتي له مرة واحده ..وهو ما وافق ..ما كان فيه داعي انك تلحين انت بهذا الموقف اللي مريتي فيه ..كسبتي شويه خبرة ان زوجك لا يحب اسلوب الترجي والتوسل عشان يسوي لك شي وربي يهديكم |
اقتباس:
اجابه على اسئلتك اقتباس:
اقتباس:
بالنسبه للرساله ماتنفع معه زوجي من النوع اللي ماينفع معه الاعتذار دايما اعتذر وماينفع |
اقتباس:
مع انهم يحبونه ويرحبون فيه اذا جاهم ولكن هو دايما يحش في اخواني ويكرههم واحس انه يغار منهم وبعدين الاستراحه ماكانت على باله بس هو يحب يرفع ضغطي الله يهديه |
اقتباس:
اي والله كسبت خبره اني مستحيل اتوسل له مره ثانيه ولا اترجاه مشكوره ياختي على النصايح |
بصراحة زوجك ما عنده سالفة الحين مشاورته ومترجيته وهو بيطلع عنك وموراضي .....
غريبة ............الله يهديه ............... اذا جا حسسيه بالذنب باسلوب غير مباشر ....... |
اقتباس:
|
الله يهدي زوجك ويحنن قلبه عليك
اللهم اميم ويسخركم لبعض |
حبيبتي شكلك حساسه وبالك موطويل وتقولي مافيه فايده
ترى كل رجال عنده نقطة ضعف حاولي تكتشفيها وراح توصلي للي تبغيه وانا ماشوفه اهان كرامتك بالعكس هو نبهك بعدم الاصرار وشكلك فرضتي رايك وهو ركب راسه روقي الجوا وخليه يدخل البيت وانتي جالسه بكل زينتك وابتسمي راح تلاقيه يراضيك وانتي بدلالك قولي له هنت عليك راح تلاقيه يراضيك ومنها راح تعرفي سبب رفضه الله يسخره لك |
السلام عليكم ورحمة الله وبركاته,
اختي ديمه الله يعينش على زوجش...يمكن زوجش متحسس من عيال عمه علشان كذا ما خلاش تروحين او ان بنت عمش ما تجيكم فقال اذا هم ما يزورونا ليش احنا نزورهم...وكرامتش مصونة وما فيها شي بس عنوانش كان شوي كبير |
ياديمه ياحبيبتي لا تشيلين هم الرجال عليهم حركات احيانا يطلعون فيها بس مو مشكله حاولي تحسسينه بذنبه بس بشكل مو مباشر واذا هو يعتبر الترجي اهانه لا تترجينه قوليله وافق كان بها ماوافق الدنيا ماشيه سواء بطلعه او بغيرها بس اهم شئ لا تشيلي هالسالفه بالك وفوتي واحمدي ربك ماقال لك كلمه شينه لان شكله مو رايق ولا تقولين ما ينفع معاه اعرفه بالدعاء والاسلوب والصبر تقدرين تغيرينه للي تبين اتمنى لك التوفيق اختي |
س- كم لكم متزوجين ؟
س- كم عندكم ابنا ؟ وبعدين اقدر اجاوبك مع الشكر |
السلام عليكم ورحمة الله وبركاته
أختي العزيزة ديما ... بصراحة أنا استغربت من رد الأخوة والأخوات لأن فيه شي مهم كنت أنتظر أقراه في أحد الردود ومالقيته !!!! وهالشي مهممممم جدا جدا أختي ما فيه كرامة بين الرجل وزوجته هادي الكلمة أمسحيها من قاموسك مع زوجك نهائيا في عجوز عندنا حكيمة تقول .... البنت يوم تتزوج تعلق كرامتها وعزة نفسها "والخ من هادي الألفاظ" على باب بيتها تاخدها معها لما تطلع منه بس !!! حبيبتي زوجك هو نفسك ... والله العلاقة الزوجية أعظم وأكرم من أي علاقة .. ولازم نحن نستغلها ونتعامل معها بطريقة فيها حكمة وذكاء شوي أختي كل رجل وله عيوب كما له مميزات "مو كل رجل بل وكل انسان" ونحن لازم نشوف مميزات اللي نحبهم ونحاول نتجاهل عيوبهم ونتعامل معهم بطريقة نحاول نغيرهم أو نتأقلم معهم أنا ما أقدر أحكم على زوجك وعليك .. منو الغلط في الموضوع لأني ما أعرف عنكم شي ولكن أختي كما قلتي زوجك مايحب أهلك .. هادي مشكلة لازم تتعاملي معها ويمكن تبغالها وقت !! أنا مثلا .. زوجي مايحب أحدى أخواتي لأن صايرله مشكلة مع زوجها من قبل زواجي ... يقولي باخدك عندها بس ماتطلبي مني إني أروح لهم ... تكلمت معاه كثيرا بالموضوع بس هو رافض المهم مرة عزمتنا أختي أنا وزوجي وكنا وقتها عرسان ... وخلت موعد العزومة نحن نحدده حتى مايعتذر زوجي ويقول أنه بالشغل ... حاولت معاه قال روحي إنتي أنا ماني رايح !!! المهم ماعدت تكلمت معاه في الموضوع بس يوم العزومة مانمت وظليت بالليل بين الكتب أجمع الأحاديث والآيات اللي فيها عن المتخاصمين و "والكاظمين الغيظ والعافين عن الناس " وغيرها كتبتهم له بورقة ووضعتها بشنطته اللي بياخدها معه للعمل ... وكتبتله بعد أني أعرف مدى حرصه على طاعة الله وعلى كسب الأجر وإنه قلبه كبير .... وإن الخيار الأول والأخير له !!! "طبعا الحمد لله أنا أعرف زوجي يوقف عند شرع الله وحدود الله والحمد لله تعالى" المهم اتصل بي وكتبلي شعر جدا حلو يشكرني فيه ... وراح معي لأختي .. تصوري وتصالحو وماعادت والحمد لله فيه أي مشاكل بينهم !!! آسفة أختي طولت عليك .... بس بقولك سر زوجك إنتي بتعرفيه ولكل رجل مفتاح ... والباين زوجك يكره كثر الإلحاح .. أطلبي منه مرة واسكتي ... ولو رفض وطلع لما يرجع عامليه بالطيب ... بل عامليه أفضل وأحسن من قبل ...وابتسمي في وجهه .....وجهزيله مثلا عشاء حلو ... وبعدين قوليله مثلا ... صحيح أنا كانت عندي رغبة إني أروح ... بس رضاك عندي أحسن من الدنيا ومافيها .... صدقيني سيخجل من نفسه آسفة جدا جدا على الإطالة وأتمنى أكون أفدتك !!! |
بصراحه و لا تزعلي تستاهلي قلك زوجك (لا) تسمعي الكلمه من اول مره
و الأخوات الي واقفين معاها اتمنى منهم قول الصراحه لها و تعليمها التصرف الصحيح مو حسسيه بالذنب و ..................و...............و,,,,,الخ |
ماضاعت كرامتك ولا حاجة , شيلي هالأشياء من راسك
يمكن هو قال لك هالكلمة عشان مرة ثانية إن قال لك لا ماتصجينه .. |
غدير الابرار يعطيك العافيه على الرد
ماقصرتي mesona مشكوره على المشاركه مظلوم الحب ضمة غلا ابو سند الحلوه مي يعطيكم الف عافيه على المسانده ماقصرتوا والله |
اقتباس:
عندي اثنين الله يخليهم لي يلا بانتظار اجابتك |
بنوته زغنتوته
تسلميييييييييين والله على الرد الكافي الله يعطيك الف عافيه ahyat اعصابك ياخوي مشكور انسانه يعطيك العافيه ماقصرتي |
يا أختي ديمه قسوت في الرد لأني اعاني ما يعانيه زوجها من كثرة الألحاح و الطلب مع اني لا أمنع زوجتي من الذهاب الى احد الا ولي اسبابي التي اوضحها أحيانا و اخفيها اخرى لأسباب
|
اقتباس:
يمكن انا أخطأت في الالحاح بس صدقني هذا اسلوبي مع اهلي من قبل ما اتزوج الله يعيني على التخلي عنه |
و الله يا اختي لم اقسو في الرد الا لأني اريد الخير لك و اتمنى من الله العلي القدير السعاده لك مع زوجك
|
يا حبيبتى الموضوع مايستاهل اولا يجب عليكى ان تفهمى استرداد حقك او <كرامتك>لا يكون بالزعل والصوت العالى صدقينى وعن تجربه سلاح المراه الوحيد والاكثر تاثيرا هو الدلع والصوت الهادْى وانك تحسسيه بالذنب ليس لانه رفض خروجك ولكن لانه تركك لوحدك ....اما لو فتحتى موضوع بنت عمك مره اخرى فسوف يزداد قسوة وتسلط.....والخبره التى تتعلمينها من هذه التجربه ان الرجل لا يحب الالحاح ...كان المفروض من اول مره تتركيه وما كان هيخرج...وان كان خرج وكنتى عاتبتيه برقه...كان سيصبح هو المخطىء لانك اطعتيه بدون شكوى وهو فى المقابل تركك بمفردك.... وان اردتى الخروج مره اخرى ناقشيه برقه وقولى له ان ما يهمك هو رضاه اولا ..ان رفض مره لن يرفض مره اخرى.... وعموما المشاكل بينكم تزيدك خبره وتعرفك الطريقه المثلى للتعامل معه...ببساطه حاولى دائما استخدام ذكائك.
|
الله يصلح حالكم و يخزي شيطانكم
|
يالغلااا هدي اعصابك واعتبري إن مافيه شيء صار ماتدرين إن الرجال اغلبهم مزاجيين ومزاجهم يتحكم فيهم في بعض الحالات بالدرجة الاولى أنا مابقولك كيف تسترجعين كرامتك لااااا لأن اسلوبك ياقلبي أنتِ من الأول كان خطأ كنتي متحمسه للطلعه كثير وماعرفتي كيف تتعاملي مع زوجك بهذاك الوقت و تقلبي الموضوع لصالحك مرة ثانية إذا حبيتي تطلبي شيء من زوجك روحي له في وقت يكون المزاج نص نص مابقول ميه ميه عالاقل يتقبل إن يسمع واذا طلبيته وقالك لا اسكتي لا تتكلمي ناظريه بعينك نظرة تساؤل بس لاتسأليه لأن هو بيفهم من نظرتك وإذا ماكان يناظرك ومسوي طناش اسألية بنبره هاديه وبدون انفعال مع شوية مسكنه مافيه مشكله :) إذا رد عليك كان بها وإذا مارد خلاص قومي من عنده يعني لا تحاججيه وتقعدي تسأليه ليه وتترجيه لااااااااا اتركيه وخليه مع نفسه يفكر وان شاء الله بيحن وبيرجع يقولك يلااا ماتبين تروحيين عند......:23: <<< مجرررررربه :22: الرجال مايحب الحرمه اللي تصر على رأيها يحب يحس إن له كلمة عليها وإن كل شيء يصير بأمره هم طبعهم كذا خل نستحملهم وش ورانا :25: بصراحة أنا للحين ماتزوجت بس هذا الأسلوب أتعامل فيه مع الرجال اللي حولي اخواني و ابوي الله يخليه هذا الاسلوووب دايمااااا اتعامل فيه معاه وهذا اللي ينفع وبالذات إذا ابي شيء كبير :d وحتى خطيبي يعني لو طلبت منه اي شيء بسييييييط يخصه ويفرحني وصار يدلع و يقولي لا او مو الحين ويتحجج بأي شيء اسكت واقول خلاص وقبل مايخلص اليوم الاقي اللي ابيه عندي :17: الحمد الله نفذت عليه جزء من التجربه يعني بينفع معاه بعدين موفقه اختي |
ياحبيبتي كراامتك محفوظه وما ضاعت مو عشان الكلمه اللي قالها خلاااااص تحسبين كرامتك ضاعت صدقيني هو قال كذا لان واضح انه مقهور من شغله منك يمكن انك مزعلته وانتي ماتدرين!!
بس فيه سؤال خطر ببالي _هل تتوقعين ان زوجك مو حاب بنت عمك هذي لاي سبب كان ؟؟ أو يمكن لو انك قلتيله بروح لاهلي ماكان رفض_يعني انا اقصد انه يمكن مانعك بالتحديد من بنت عمك هذي مو عالطلعه _ |
بيطلعوا يتهنوا ولا عليهم رقيب ولا حسيب واذا جت المراة يعيني بدها تطلع لازم تسأذن وما يوافقوا وتترجى وبعد ما يوافقوا ............والله الله يعينا عليكم يالرجال هذا السجن بعينه .........
الحين الطفل وهو طفل لازم تقنعه ليش ما يروح وتعطيه الاسباب وتفهمه والنسوان لحد الحين تقول لهم يلا ما في طلعة وخلاص اسمعي يابنت .......... الحمد لله أنو عطاني زوج روعة من كثر ما اسمع منكم من تحكم ازواجكم اعرف قيمة زوجي مع اني كنت اتضايق الحين عرفت اني شكثر كنت غلطانة وحدة ما يخلي اختها تساعدها قال ايش صيري مرة سنعة انتي اعملي كل حاجة والثانية لاتطلعي الا بتصريح .........الف الف الحمد لله عليك يا زوجي الحبيب يعني مهما كنت رغبتها في زيارة بنت عمها وانها تصل رحمها وتغير جو .مايهتم الزوج يعني ما كلف نفسه يفكر بشعور زوجته وترجيها له يدل على شدة رغبتها في الذهاب .يعني لو كانت بتروح تزورها في مطعم او في فندق وفي اشياء تتضايق منها اوكي بس في البيت والله قهر كل شي بالتفاهم والتحاور والهدوء بيصير |
تويتي نايس
مشكوره والله أفدتيني ماقصرتي جميع اللي ردوا جزاكم الله خير ماقصرتوا |
الله يعينك حبيبتي مهما لو كان يبقى زوجك يعني اهوا جنتك ونارك واكيد يوم قالك هالكلام كان مزاجه مو رايق لكن انتي حاولي تروحين تطلبين باوقات تكون مناسبة وتعرفين شلون تطلبين واله يوفقكم انشاالله ويهديكم لبعض
|
الغاليه
اسنحي لي ولا تزعلين مني بس زوجج معاه حق عيل يقولج لا وتبوسين يده وراسه ليش؟! يعني كأني شايف عبد وسيد!! الله يعزج انا لو منج قالي لا ....بقوله...احسن اصلا انا نسيت اليوم انا مسويه خلطه لجسمي وناويه احطها !! واروح عنه بكل برووود بينهبل وبيشب قلبه نااار وهو طالع لربعه بشل التلفون بسوي نفسي اسولف ويا رفيجتي...واضحك من قلبي!! واسويله باي من بعيد !! |
الأخت ديمه في البداية أحب أن أقول لكِ بأن كرامتك لم تضيع ولم تمتهن . لكن في ما يبدو لي بأنكِ حساسه أكثر من اللازم ولهذا كان لوقع كلامه أثر كبير على نفسيتك . وكما تعلمين بأن الحياة الزوجية لابد أن يتخللها ما يعكر صفوها ...وأعتبريها سيئة تمحوها بحر حسنات زوجكِ الأخرى ... فلا بد أن تتذكري إيجابيات زوجك لكي تخففي ما أصابك . ثم يا أختي الكريمة أود أن أسألك سؤالاً ألا وهو متى أخر مرة خرجتي فيها من البيت؟؟؟!!!. فإن كانت قريبة فلا تلومي زوجك برفضه لكِ الذهاب لأن طبيعة الرجل في الغالب يكره الزوجه كثيرة الخروج من منزلها . وأخيراً تذكري يا أخت الإسلام بأن لكِ بيتاً وزوجاً وأولادً فلا تقومي بهدمهم بنفسك بسبب حاجات تافهه . |
أولاً : ياأختي الكريمة لا تزعلي من زوجك الحمد لله هو ماأهانك ولاشيء هو أعطاكِ نصيحة إنه مايحب يشوفك تترجي بهذا الشكل وفعلاً أنا ماأحب أستخدم أسلوب الترجي ...ياتوافق ....يالا لكن عندي طرق أخرى أخليه يوافق وكنت كتبتها في موضوع قديم سوي له بحث في المنتدى بعنوان (تعالوا يانسوة أعلمكم مكر النسوان) ومنها إنك إذا أردتي استئذانه للخروج ورفض فردي بدلال ....(على أمرك أنت تأمر)...وقولي بدلع وضعف وكسر خاطر....(كان نفسي أروح وانبسط ...بس بما إنك مو موافق فخلاص ما راح أروح فرضاك عندي أهم من كل شيء وأرسمي إبتسامة على وجهك ولو مصطنعة) شوفيه بعدها كيف بيصير:23: وبعدين ماشاء الله عليكِ مارحتي لبنت عمك من شهر؟؟؟ الظاهر دائماً تخرجين لهم .....ويمكن هذا الشيء مايحبه زوجك فخلاص طيعيه ...فزوجك هو جنتك ونارك ولاتنسين إذا بغيتي شيء اطلبيه بدلع وتغنج ...وليس بترجي وتقبيل الأقدام. |
و الله يا حبيبتي بما انه قالك لا و حاولت مره ثانيه و قال لا خلاص ما كان له داعي تزني عليه
ولا حتى تترجيه ليش تترجيه اصلا هذه مهي امك و لا ابوك؟؟!! و اللي قاله مو اهانه هي ملاحظه يعني قاك شيء عشان تنتبهي عليه بس انتي لانك كنتي ززعلانه حسيتي انها اهانه بالتوفيق |
اقتباس:
ولا تكبيرن الموضوع ومايستحق كل هذا الزعل وتمنيتي لكم با التوفيق |
اولا اخت ديمه هدي اعصابك عشان تعرفي تحلي الموقف وتعرفي فين الغلط وكيف ممكن تحليه 00000
الشي الثاني واتمنى انك ماتزعلي بس ضروري تقراي هذي الكلمات وتتمالكي نفسك0000 انتي فعلا كنتي تحتاجي كلمه من زوجك بهذي الطريقه عشان تصحي من السبات اللي انتي فيه ولو انا منه كان قولت اللي اكبر من كذا يااختي مابقي غير تبوسي رجلينه عشان زياره وناسه وتتوقعي لو عملتيها راح ينفذ طلبك مستتتتتحححححيييييييلللللل بالعكس بيزيد اصرار وكرررررههههه لاسلوبك في الطلبات 0يا حبيبتي اذا ما حطيتي لنفسك مكانه وكرامه ماتنزلي منها مستحيل تحصلي اللي يكرمك 000 حبي نفسك يحبك زوجك خلي نفسك عزيزة يعزك زوجك خلي نفسك وكرامتك فوق كل شي بالمعقووووووولللللل يحترمك زوجك 00000طبعا هذا كله بدون ما يحس مو تقوليها له صريح لازم بذكاء منك000اتوقع شخصية زوجك يحب المراة القويه اللي تعرض طلبها بكل ثقه واحترام لنفسها اولا ثم لزوجها واذا رفض طلبها ماتعيد نفس الموال مره ثانيه بالعكس تقوم من عنده وهي مبينه على وجهها الزعل الخفيف وتروح تبسط نفسها وتروح عنها بطريقه مغريه ومثييييررره ممكن تعملي حمام بخار وتعبي البانيو صابون وشموع وبعدها تحطي كريمات عطريه وتبخري جسمك وشعرك واتركككككي زوجك بس يتفرج ممكن في البدايه يطنش قدامك ويبين ان الموضوع مو هامه وانتي بيني له انه عندك طرق تقدري تنسي نفسك فيها ممكن تكلمي صديقه وتضحكي بصوت عالي او تطلعي مع عيالك الحوش وتلعبو بقوه وتطرطشو بالمويه00 لكن المره الجايه وعملتي نفس الشي بيعرف كيف يتصرف بالطريقه اللي تعجبك ان شاء الله لان شايف قدامه وحده تعرف كيف تدبر نفسها وتنسيها ولا تطلب بالطريقه المكروهه له000بالنسبه لوضعك الحين انا اشوف انك تطنشيه وخليكي في نفسك يا مكالمه يا اجواء رومانسي عاملته لنفسك بس اوممكن تخلي في الحمام بقايا شموع وزيوت عطريه وفقاعات ورومانسيه واذا سالك ايش هذا قوليله بكل دلع وانوثه وكأنه مو هامك0 ان اليوم كان يوم العنايه بالجسم والتنعيم والتعطير ورفضك لزيارة بنت عمي كان في صالحي لانك ذكرتني بالجدول اللي عاملته لنفسي وشكرا لهذي الخدمه 00وابعدي عنه بكل هدوء واثاره0000اتوقع ساعتها بيجري وراكي ويعاتبك ليه ماتعمليله جدول للعنايه مثلك او ليه مااستنيتيني عشان اعيش جو معاكي00 00000000 المهم انك استفدتي من هذا الموقف ولا تعيديه ابدا 0000000 |
المسأله عاديه جدا
بس بصراحه زوجك قوي شخصية .........نفسي اصير مثله انا نقطة ضعفي الوحيده الزن ........لو الحرمه تطلب مني اي طلب مرتين بس اوافق ... ولذلك دايما اتهرب منها او اقفل الجوال ...لانها تحرجي بالكلام ...اللهم ارزقنا الشدة وبصراحه حركة زوجك مالها داعي ..دام انه طالع ورايح الاستراحه ..كان اخذك بطريقه ...موخسران شي بس الله اعلم بالخفايا .............يمكن مايرتاح لبنت عمك ...؟؟ اكيد في شي ........مااعتقد انه مايحب لك الخير وسعة الصدر .... ومن رأي تخليه لما يروق وتسأله عن اسباب المنع .............بالتوفيق ان شاء الله |
| الساعة الآن 12:55 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©