مشكلتي المتكررة مع حبي لأخت صاحبي
 

السلام عليكم ورحمة الله وبركاته
بدخل في الموضوع على طول ، أنا لي خوي في الجامعة وهو يعتبرني من أعز أخويائه ، ومن كثر مايعزني دايم يسولف لي عن أهله ويسولف لي عن أخته الصغيرة ، لين عرفت أشياء كثيرة عنها المفروض ماأعرفها ، عرفت مثلا ً عنها أن دمها خفيف ومتدينة ، ومواصفات من جمالها ، أنا الحمد لله زي ماقلت لكم قبل في موضوع سابق على قدر من الدين ، لكن غصبنا عني حبيتها ، وتجيني فترات أتعذب وأسرح وأعيش حياة الله لايوريكم ، وكل ماأنسى ، يجي بعد فترة يسولف لي عنها ، المشكلة أني قد نبهته أنه لايتكلم عنها بطرق غير مباشرة وأن متاكد أنه فهم ، أحيانا أحس أنه لما يسولف لي عنها أستفيد منها وتشجعني على طاعة الله وأحيانا أحس ان ممكن كلامه عنها راح يخليني أتزوجها وبكذا إذا تزوجتها بيكون السبب في زواجي منها أنه يسولف لي عنها ، والحقيقة مدري وش أسوي ، وهل حبي لها حرام ؟( مع العلم أن ذا الشي غصبا ً عني ) ، بس يمكن إذا طلع حرام خلاص ماأفكر فيها ، وبعدين المصيبة الأكبر اللي أكتشفتها أن خوي يسولف قدام أهله عني ومرة قال لي سالفة عن أخته أستنتجت منها أن أخته معجبة فيني وأنا مالومها لإني أنا بنفسي مجررب ، الحين مدري وش أسوي أقول لخوي لاتسولف لي عن أختك ، المشكلة أن كم مرة نبهته ويمكن يفهم أني أحبها إذا قلت له لاتسولف لي عنها ومالها داعي أسوي ذا الشي والمشكلة الثانية أخاف أخته تحبني وتتعذب مثلي لا ويمكن تتزوج واحد يعيشها في جحيم وتتذكرني كل شوي على أساس أنها تحبني ، زي ماصارت مع ناس كثير هنا في المنتدى ، يعني وش تشوفوا الحل برأيكم كيف أمنع نفسي من أني أحبها وكيف أمنعها من أنها تحبني وهل اللي أسويه حرام ، واللي صاحب تجربة ياليت يكتب تجربته ، أرجوكم لاتبخلوا علي بالنصايح ولا تنسوا قول الرسول صلى الله عليه وسلم ( من فرج عن مسلم كربة فرج الله عنه كربة من كربات يوم القيامة ... ) ، والله يشرح صدور اللي يحلوا مشكلتي ويفرج همومهم .

جزاك الله خير ، بس أنا ماني متاكد أنه يسولف لي أنا بس عن أخته يمكن يسولف لكل اللي يعزوا عليه ، وأحيانا أحس أن الشي ذا عنده عادي ( يعني يمكن يسولف لأي أحد حتى لو مايعز عليه ) ، بعدين ماني خاطب الا أخر سنة في الجامعة مستحيل أعلق البنت معي من الحين ، ويمكن أصلا أهله مايوافقوا الحين عشاني باقي في بداية الجامعة ، وجزاك الله خير مرة ثانية .

لا أعتقد أن الحب حرام إلا إذا تخطى حرمة الدين < المشكلة إني أحيانا ما أنكت عشانه ، عشان يسولف عني قدام أهله وتكون أخته موجودة ، وأحيانا أحس أني مالي داعي وماأنكت ، بعدين أقول لنفسي ليه ما أنكت يعني أقعد كذا عشان هو مايروح يقول قدام أخته ، وأقول بنكت وهو كيفه يقول لأخته ولا أنا مالي دخل فيه .

أؤكد على كلام أختنا أم سيما، صاحبك يلمّح ولا يُصرّح.

إشحذ عزيتمك..

قوّ نفسك..

إجمع شأنك..

إستخر ربك..

إستشر أباك..

إعقد العزم..

وتوكّل على الحيّ الذي لايموت..

واخطب أخته.

والحبّ يا أخي ليس حراماً ولا عيبا، إلا إذا انتهكَ في محرابه حُرُمات الله.

تمنياتي لك "بحبٍ" هاديء..

عبدالله،،،

انا رأيي انك تتزوجها

ما في مشكلة اذا كنت في بداية الجامعة واعرف ناااااااااااس تزوجوا وهم بالجامعة وبالعكس الزواج من اسباب الرزق

يا اخي اعقلها وتوكل

واخطب البنت بس ما في مانع تقول لصديقك انه لا عاد يتكلم عنها قدامك او احد غيرك

والله يوفقكم جمييييييييييييعا

وانا مع من قال ان اخوها يلمح ولا يصرح

مايحتاج لها مفهوميه

الرجال يبيك تخطب اخته

وانت مادام تفكرفيها وتبيها خلاص انه الموضوع واخطبها

واذا قدرت تتزوج الان او اخر الزواج الى بعد التخرج .

عليكم السلام ورحمة الله وبركاته

الله يبعد عنك المشاكل ياأعــزب

لا تكبّرها ولا تتضايق الموضوع سهل

مادمت لم تفعل ماحرمه الله لا تقلق

ونصيحتي إذا إنت شايف إنه البنت مناسبة لك

كلّم أهلك عنها وإخطبها وزواجك بعد ماتتخرج

ولأن البنت صغيرة أتوقع تنتظر مافيه مشكلة

وفقك الله .

صاحبك معجب بك ويريد يناسبك واضحه ومتبالها مفهوميه

اعقلهاااااااا وتوكل

ليش متردد .لحق عليها قبل لايخطبها غيرك وتروح من ايدك

الله يوفقك ويجمع بينكم بالخير انشاء الله:14:

ماله داعي الانتظار توكل على الله وبالله المستعان الريال مللل واهوا يتكلم عن اخته لانك ززين وعلى خللق ودين ولوماكان فيك هالصفات كان كا ياب طاريها لكنك ماشاء الله عليك الله يثبتك فيك كل هذا والله يوفقك وكلشي قسمة ونصيب والله يوفقك لا تنسى تعزمنا عالعرس

كلام ام سيما صح 100%
وكل يلي في المنتدى عرفوا انه يريد يناسبك

جزاكم الله خير على الردود بس للحين أنا ماني متاكد ، بعدين ماراح أخطبها الحين لو أيش يصير ، والمشكلة إذا حبتني وتزوجت واحد ثاني ومانسيت حبها لي < وكل ذا عشان خويي دايم يسولف عني قدام اهلها ومدري ذا الشي غلط ولا لا منه ، يعطيكم العافية على الردود ، بس للحين أنا محتار .

ليش تتحمل خطأ مش خطأك !!

إذا هي تحبك من كلام صديقك عنك ويمكن أهلها كبروا الموضوع في بالها

وأنت ماتقدر تخطبها الآن ، أنصحك تلغيها من بالك نهائياً ولا تفكر فيها

حتى لو تكلم صديقك عنها ، إعتبرها أختك الصغيرة

ليش تحتـــار مادام لا بيدك شي ولا بيدهـــا .

طيب أخوي أعزب وش دراك أنها حبتك يمكن بس من كثر ما يتكلم أخوها عنك .. أعجبتها شخصيتك
وممكن إذا أنخطبت من واحد ثاني تحبه .. وتنساك .

طنش الموضوع , وإذا صرت مستعد للزواج ؛ كانك تبيها اخطبها , وكانك ماتبي خلاص دور ثانية , وإن كانك متعلق فيها احجزها من الحين .. ولمح لخويك بهالشي وشف ردة فعله , بس عاد خلك قد كلامك .. لاتعلق البنت على الفاضي .. الله يوفقك .

جزاكم الله خير , والله كلامكم عين العقل ، حقيقة ماكنت متوقع ألقى حل لمشكلتي ، لكن الحمد لله أحس أنها أنحلت ، وأتوقع إذا الله رايد لي إن أتزوجها راح أتزوجها وإذا لا راح يتزوجها واحد غيري ، يارب يفرج همومكم ويسعدكم دنيا وأخرة ، وأدعو لي بالزوجة الصالحة .

استخر وماخاب من استخار
انت تستخير الله وتأكد ان اي شي تقبل عليه بعد الاستخاره راح ترتاح له

انا بعتقد انك تعقل وتوكل واذا صاحبك ذات خلق ودين عليك بالزواج بعد الشوفة الشرعية وانشاءالله تكون حياتكم موفقة

يااخوي اذا تحبها اخطبهااااااااااااااااااا

يعطيكم العافية على الردود ، الصراحة أحس أن مشكلتي أنحلت ، بس نفسي أسمع المزيد من الردود ، عشان خلاص ماعاد ترجع لي المشكلة ، وإذا في أحد مر بتجربتي مثل أو سند ياليت يذكرها ، وجزاكم الله خير .

شكل صاحبك يريدك زوجا لاخته وها انت احببتها

جرب اخطبها