|
زوجتي لا تحسسني برجولتي و لا تهتم بي ..؟
مدري كيف ابدا موضوعي. والله حيران من شدة مافي بس خلوني ابدا على شكل قصاصات وانتم الله يعنيكم رتبوها براحتكم.
انا تعبان من جد وعشان اريحكم من تحليل شخصيتي . اناانسان متزن في سلوك متواضع بشكل رهيب. حنون . رومنسي . ( او على الاقل هذا اللي كنت اتخيله) عصبي . ( بس على طول اهدا ) محب للهدوء . اكره المشاكل . ( لانها تنغص على حياتي حتي ولو كانت المشكله ما تستاهل وتافهه) .طموح. عندي بنت وحده ( واحبها بشكل جنوني واقضي وقتي معاها بشكل اتصور انه غريب شوي عن العاده) خلاص طفشت. طبعا انا عندي مشله مع زوجتي واللي احبها بشكل غريب . يعني لو ما حبي لها زمان طلقتها وارتحت منها ومن مشاكلها التافهه ( بالاضافه الى وجود بنتى المسكنه اللي مستحيل اعيشها حياة الذل فبعدها عني) تصدقوا انو لي 9 ايام وانا انام على الارض ولا اكلت وجبه وحده في البيت. واحتنا في الله ماحرك معاها شي . سبحان الله . زوجتي غريبه عمرها ماحسستني بروجلتي ( يعني اني انا رجال زي زي غيري من الناس) اجي للبيت ماعمري لقيها مضبطه نفسها لي . يعني ما تتزين لي ابد. ( طيب قولها . علمها خليها تعرف انت اش تحب عشان تسوي زي ماتبغى) تعبت وانا اقولها بكل الطرق حاولت معاها . بالزعل حاولت بلكلام الجارح حاولت. ببالعكس حتى لما اجيها بالرومنسيه واقولها تقلبها نكد وتقول انت بس تعيب في انت مو عاجبك شي في . بس انا على طول غلط والله مليت مليت منها. تعرفوا اش سبب اخر مشكله صارت . عصبت عليها بس. ليه ؟ عشان تكلمت فموضوع منبهها علي مليون مره ما تتكلم فيه . وتكلمت فانا عصبت . بس زي ماقلت لكم والله على طول اروق . بس مايعحبها . غير تقلبها نكد ليه يعصب علي . انا مالي شخصيه تقول! تعصب على . طيب ياناس ياهوه انا منهبها الموضوع هذا يعصبني وتروح تقوليه . طيب اش اسوي انا . ياعمي خلي صدرك واسع. ومشيها . ذحين صار الحق لها عشان عصبت . رحت احاول اراضيها مره واثنين وعشره . اقولها خلاص خلينا نرجع حلوين مابدها . اش تقول هي؟ لالا انا طفشت كل شوي احنا كذا . الله اكبر طفشت اني كل شوي انا اراضيها . طيب تصدقوا لو ابغى اعد المرات اللي هي جات وراضتني فيها ما تتعدى اصابع يدي . ( تستاهل ماحد قاللك كل مازعلت تجري وتراضيها المفروض تخليها زعلانه الين مارتضي من نفسها) طيب ياناس اناقلت انا مو من طبعي حب المشاكل احب الجو صافي دايم وخصوصا مع اللي احب . وبعدين انا بصراحه ماتجلي نفس اجلس مع احد ونا شايل عليه وحاقد عليه. ياجماعه تصدقوا انها دايم تحسسني انها ضدي ( احنا ذحين في غربه عشان اكمل دراست العليا) وهي بس ماتعرف كيف تنكد علي وتضيع وقتي . مع العلم اني انا مو مقصر معاها مسوي لها اللي هي تبغى . بس الشكو ى لله. تكفون لا احد يقول خليك قوي ووريها انك تقدر تعيش من غيرها وانك تقدر تبدر امورك من دونها . لانه هذا الكلام ينفع مع ناس ثانيه مو معاها هي . اصلا ماسألت في لي 9 ايام وانا على وضعي وهي ولا شي . بالعكس توريني انو ماهما وخلينا زي ما احنا. اليوم حسيت بالغباء مره . جيت البيت ولقيتها لابسه لبس الزوجه لزوجه( غريبه) فرحت وسويت اني ابغا اجي عندها يعني . الهم لقيتها ولا على بالها. عرفت وقتها اني فهمتها غلط وانها هي بس كذا جاء على بالها تلبس كذا . يعني مو عشاني فقمت ورحت عنها. شوي وهي لاحقتني وتقولي انت ليه جيب وبعدين رحت . يعني تبغاني اتذلل لها والاا ايش. ولا اقولها اللي فهمته عشان تقول مسكين ماستحمل. انا اصلا حضي وحش وبطال ومنيل. والله اني اقدم من التضحيات لها لدرجة انها صارت تحس الموضوع عادي . انو في رجال معشينهم حريمهم على اكف الراحه ماسوو نص اللي انا مسوي معاها.لو احكي من هنا للصبح ماراح اخلص وبس راح تملو من هرجتي . تصقوا اني احينا احس ان اللي تزوجتها مو حرمه زي الحريم. ولا كانت تفكر باللي انا اسويه لها. اللي مجنني شي واحد لما اجي واقول اش اللي يرضيك. وتقول لا كذا ما ينفع تغلط وبعدين تجي وقوللي كذا. يعني ايه ماينفع.تبغى تربين عن الغلط شكلها.( مع العلم انها تحبني وتموت في ولا تقدر تعشي بدوني أو على الاقل هذا اللي انا فاهمه) اللهم انى اسألك ان تعوضني في حياتي اللي انا عايشها معاها. الإشراف/ تم تعديل العنوان ليتناسب مع الطرح .. |
السلام عليكم
و الله ما أعرف شنو أقولك أخي الكريم زوجتك تعليمها منخفض أو عقلها على قدها ؟ أنا هذا اللي حسيته شرايك تخليها تقرا الموضوع أو إطبعه و خلي بنتك تعطيها إياها و ترجعلك بسرعة يمكن لما تقرا تحس بغلطتها , في ناس تفهم بالكتابة أكثر من الكلام أنا عاملت ناس من هذا النوع , ما ينفع معاهم الصلح إلا كتابة أو مسج |
الله يعينك
لي عودة |
اختي . التعليم ماله دخل. بس هي زي ماقلتي تحب الكتابه اكثر من الكلام.
بس اش ممكن اكتب لها نا في هذي الحاله |
زوجتك فاهمة الحياة الزوجية غلط !!
تحس إنها إذا سوت كذا بتجننك فيها وبتخليك تلاحقها !! ماتدري إنك مليت !! وترى أنت تتحمل جزء كبير من الغلط .. لأنك أنت اللي عودتها على الدلع الزايد !! مثلا ليه تنام على الأرض ؟؟!!! زعلان منها ؟؟! نم على السرير وعطها ظهرك !! هذا أقسى عليها !! خاصة إذا كانت متعودة تنام بحضنك .. ليه ماتاكل بالبيت ؟؟!! زعلان منها ؟؟!! خلها تطبخ غصبا عنها ولاتكلمها وقت الأكل ... طنش .. وبالنسبة لتزينها لك ... أنا مع في إن هذا شي ضروري لكن لاتخلي من عدمه مشكلة .. باليوم اللي تتزين لك أبدي اعجابك فيها وغرقها بالكلام الحلو وباليوم اللي تكون مهي مستعدة سلم عليها سلام عادي جدا .. حسسها بالفرق وهي مع الأيام بتتعدل لأن المرأة بطبعها تحب المدح والكلام الحلو .. وأنت متأكد إنك مشبعها من كل النواحي ؟؟؟!! يمكنك مقصر عليها بشي وهي شايلة بخاطرها عليك وتستحي تقولك !! كم عمر زواجكم أخي الكريم ؟؟ وكم عمر زوجتك ؟؟ |
على فكره, الادميه فيها صفات حسنه طبعا منها انها كريمه وتحب توقف مع المحتاج من اهلها او اي احد, وكمان تطبخ طبخ مره حلو وتحب النضافه وتحب تهتم بشكلها عند الناس وتحب اهلي وتقدرهم تسمع كلامي في تربية بنتنا. وتقتنع بافكاري وتحبها وتشوفها هي الصح. بس. زي ماقلت اذا زعلت كل شي عندها مايسوي . وهي تزعل على اتفه شي وماترضي الا بعد طلوع الروحT
|
عمر زواجنا اربع سنين. وعمرها 23.
اما اني مشبعها فهذا شي مايبغالي اشرح لك فيه فالجواب ايه وهي ما عندها اي مشكله في هذي الناحيه. بالعكس احينا احس اني اضغط عليها واخفف. اما اني غلطان في دلعها فانا متفق معاك. لاني على باي اول ماتزوجت انو كل ماتدلع زوجتك كل ماحبتك زياده. وقدرت تتفاهم معاها بس هذا الكلام طلع غلط بالتجربه اللي انا عشت معاها فيها. اما النوم معاها في نفس السرير فهذا الشي انا مااقدر عليه لاني ما عرف انام على طرف السرير هي جنبي وما اقدر اتحرك عشان وجودها جنبي. نفسيا مااقدر. واما الاكل في البدايه انا كنت ابغى اوصل لها رساله اني انا ترا مره زعلان منك عشان انت ما تخلي في طريق للصلح بس تبغى مشاكل وقلت يمكن تحن على وتشوف اني ماكل من يدها مع اني احب طبخها وتحاول تراضيني بشي. وبصراحه انها كانت تسالني في اول يومين تبغاني اسوي لك شي وانا كنت اقول لها لا واما اجي والقاها مسوي شي مااكل معاها عشان تحس انا زعلان بس بعدين هي هي صارت مايفرق معاه وصارت ما تطبخ من اصله. واما الزينه فانا ماعمري خليت منه مشلكه بالعكس نكون مروقين وافض فض لها يعني اني انا ابغى دا الشي منك فتقوم هي تزعل وتقول يعني انا ما اسوي لك اللي تبغى. يعني بصراحه انا اسمع واشوف واتصفح كثير عن موضوع استقبال الزوجه لزوجها ولما اجي القى وحده ولا هي معتبره نفسها فاستقبال رجل. شي يفقع القلب صراحه . لا ولما اجي والقها متزينه اعرف انها ناويه على خرجه. يعني مو عشان سواد عيوني مضبطه نفسها. |
يا أخي , لا تجعل من رجولتك وشخصيتك ألعوبة بيد أمرأة , الله خلقك قيم عليها
وانت جعلت من نفسك العبوبة بيدها , اهجرها بالأيام ولا تعطيها وجه ولا تعبرها خلها تعرف قيمة رجولتك , لأنه الزوجة التي تستشعر رجولة زوجها لا تكن له احتراما لأنه لا يعد رجلا في نظرها فهي تبدي ردة فعل منها لعل رجولته تستيقظ |
أظن أنك أعطيتها وجه أكثر من اللازم .. وأما مسألة أن تنام على الأرض وهي على السرير فهذه منتهى الإذلال لنفسك ومنتهى الطغيان منها ..
أنا أعجب منك والله .. اهجرها ولاتكلمها لأيام .. هددها بالزواج من أخرى .. فمثل هذه المرأة لابد أن تعاملها بقسوة قليلاً حتى تتأدب .. أما إن إستمريت على هذا الوضع فأعتقد أنك لن تنام على الأرض بل سترمي بفراشك خارج البيت !!!! |
رادع.
شكرا لكلامك الجارح. |
fw8
انت متحمس شوي. شكرا لحماستك ياخي انا ماقلت هي خلتني انام على الارض. انا اللي خرجت ولا ان كان عليها فهي نفسها اني اجي وانام عندها. بس انا اللي ماابغى كذا عشان ابغى احسسها اني ماابغى اكون قريب منها. يمكن تحس. اما اهددها. فمالها داعي لان اللي يقول مايفعل وللي يفعل مايقول. وخصصوصا مع نوع زوجتي وانا مجرب الشي ذا معاها. الف شكر لك. مع انو جملتك الاخيره بصراحه ضحكتني. |
الله يعينك و يصلح امرك
شوف يا ابو الشباب النساء مثل الدنيا اذا اقبلت عليها ولت عنك و اذا تجاهلتها اتت وراك يعني مثل ظلك شوف انت تقدر تعدل حياتك بان الله بس مو في ظرف ساعه او يوم او شهر |
اقتباس:
|
اقتباس:
مادري اخوي بس انت تبغى تشارك في الموضوع عشان تساندني ولا عشان ايش؟ |
تتنهام وبس
تصدق احس كلامك صح الى حد ما. |
أخي العزيز أنت لاتريد أن تعترف بأن رجولتك ناقصة .. هذا هو الواقع لأنك زعلت جداً لمَّا لمسنا الجرح .. لكن ولايهمك أنت رجال ماتهزك ريح
|
والله الحين ماعندي رد على موضوعك ، لكن إن شاء الله لي رجعه ، بس أبي أقول لك ليه ماتجرب الأستغفار قال رسول الله صلى الله عليه وسلم ( من لزم الأستغفار جعل الله له من كل همً فرجا ً ومن كل ضيق مخرجا ً ورزقه من حيث لايحتسب ) ، وأدعي الله أن يجعل زوجتك قرة عين لك ويجعلك قرة عين لها .. ولي رجعة إن شاء الله وجرب الأستغفار والدعاء ذا وقول لي النتايج .
|
يعني يا إخوان إذا كان الرجال يهاوش زوجته و يسبها و يضربها كذا تبين رجولته
مشكلته ما لها دخل بالمرجلة الرجال يقولكم إنه يحب زوجته وما يحب يزعلها و بعدين هم بغربة يمكن راحمها لأنها بعيدة عن أهلها و دائما المشرفين ينبهون إنه المفروض ننتبه لردودنا مو نزيد الطين بلة |
ترى زوجتك عندها جهل لا اكثر ولا اقل
جب لها اشرطه عن حقوق الزوج هددها تكلم معاها على رواقه وقلها انتي انثى وطبع الانثى حب التجمل مشكله اني انا اجي واقلك كيف تهتمين في نفسك الله يهديها ويسخرها لك |
الله يعينك يارب
الله يهديكم لبعض يارب الله يسخرلك زوجتك يارب الله يسخرك لها يارب انشالله ما تشوف غيرها يارب انشالله ماتشوف غيرك يارب |
الله يحنن قلبها عليك ....
|
يا اخي تقول قصتك مع زوجتك وكأنك توصف مشكلة زوجي معي
انا كنت كذا ازعل واسوي مشاكل لاتفه الاسباب حتى بسفرة شهر العسل ماكان يمر يوم ماتهاوشنا فيه وهو اللي كان دايما يراضيني هددها بالزواج من ثانيه - ولكن اياك اياك وان تفعلها لاتفعلها - كذا بيصير دمار بحياة بنتك المظلومه مالها ذنب لكن هددها مجرد تهديد وقل لها (( ياتحسسيني اني زوجك ولي حق عليك يا اما ادورلي بالحلال من تحسسني اني متزوج واللي قاعده معاي انثى !! )) ان زعلت قولها هذي كلمتي واذا كان قلبك ضعيف معاها وماتستحمل تزعلها قولها كذا واطلع من البيت خلها تراجع نفسها او غير الغرفه اللي اهي موجوده فيها (( زوجي لمن كان يعاملني بهالطريقه تغيرت معاه جدا وانا اقولك هالحل لان صار بحياتنا والحمدلله انحلت المشكله وماعدت ازعل مثل قبل )) اسئل الله العظيم ان يفرج مابك من هموم ويصلح بينك وبين زوجتك ويحفظ لك ابنتك من كل سوء .. |
اخي الكريم كأنه زوجي الي يتكلم كل ما ازعل منه يجلس يعطيني السنفونيه هذي
انت مو رومنسي كيف حكمت على نفسك بالرومنسيه ؟؟ جبت لها هديه حسستها بئنوثتها هي تعمل كذا علشان تحس بئنوثتها معك لكن انت لا حياه لمن تنادي هل عملت لها جو رومنسي والا هذا فقط مطلوب من الزوجه على العموم الي احب افهمك اياه انك دور اخطأك انت معها وتعرف الحل اما بالنسبه للموضوع الي تحاول تفتحه معك وانت تعصب عليها علشان قلت لها ما تفتحه معك سبحان الله كأنه فعلا الي يتكلم زوجي المهم ليش الحياه الزوجيه اسمها كذا علشان تتشاركو بالرأي وبالتفاهم صح زوجتك تحبك واكيد ما نامت اليل عشان انت زعلان منها ويمكن تنام بدموعها وانت جمبها ولا حاسس مافيها شي اذا فتحت معك الموضوع وتناقشتو يا انت تقنعها يا هي تقنعك اما من اول الطريق تقول لها ما تفتحي الموضوع معها فكذا انت الي تحسسها انها ولا شي عندك مين هي علشان تفتح معك الموضوع وتناقشك فيه ويمكن لو هددتها على قولت الاخوان وتهجرها تزيد عناد وما تبغى تصالحك اطلب منها انها تصالحك لما تزعل وكون صريح معها بس مثل ما قلت لك حسسها انها لها شخصيه وتشاركك افكارك وتناقشك هذا الي عانيته مع زوجي واحب ابشرك اذا بقيتو كذا مارح تفهمها ولا رح تفهمك ورح تبقو كذا على طول ويمكن لا قدر الله توصل لطلاق وان شاء الله ما يسير الا كل خير لكن مثل ما قلت لك خليها تحكي معك بالذات انتم بغربه يعني مالها غيرك تناقشه وتحكي معاه وبس تلبس امدح لبسها وطير فيها علشان تبقى تلبس لك على طول وهمسه اخيره اثبتت الابحاث ان المرأه تحتاج الى خمس مجاملات يوميا علشان تقدر تعطي زوجها الحب الي يبيه (اهم شي انك تحسسها بالحنان تحضنها وتعوضها عن بعدها عن الاهل وفقك الله اخي الكريم واسعد ايامك سامحني على قساوه اسلوبي معك لكن هذه الحقيقه التي عشتها في رعايه الله |
والله اخ عبادي احسك مانت قادر توصل لمفتاح زوجتك الي يخليها تعاملك احسن لانك اكيد في شئ تسويه قاعد يضايقها ترى حتى ممكن كلمه تسوي ازمه كبيره في نفسية المراه لان زوجتك ماشاء الله عليها مثل ما تفضلت فيها الخير الكثير لك ومع اهلك
بعدين سالفة الرجوله بالعكس انت رجل ونص ان تهتم بزوجتك وتراعي مشاعرها هذي هي الرجول والقوه اما الي يستقوي على امراه ويحاول يضايقها هو الي موب رجال اخوي انت ذكرت في كلامك انك ممكن تعصب ويمكن ان تقول شئ ماتنتبه عليه تشيله هي بخاطرها وعلى هذا الاساس هي تتصرف معك كذه الله يوفقكم ويسعدكم وحاول انت تهدي الامور لان العناد يجيب عناد |
الله يفرج همك
|
اخي عبادي .. انت وزوجتك وابنتكما في غربة ..والحمل ثقيل ولايحتمل هذه المشاكل التافهة بينكما.. انتبه لدراساتك العليا وثابر للحصول على اعلى الدرجات لتمثل دينك وبلدك افضل تمثيل .. وخير ماتفعله مع زوجتك هو التغاضي والحلم والصبر ... دع العصبية والغضب فلن تجد المتنفس بهما ابداً في حياتك .. المتنفس الوحيد هو كظم الغيظ ..وستتعجب من قولي هذا ولكن جرب وانت الحكم .. واذا وجدتك زوجتك رجلاً حليماً مثابراً وكريماً وعطوفاً فسوف ترى منها مالم تراه منذ ان تزوجت بها .. واياك ان تهددها بالطلاق او بالزواج عليها ..فهذه حماقة كبرى .. انت تحب زوجتك ..وزوجتك تحبك ..والمنطق يقول بأنكما لابد وان تكونا سعيدين بهذا الحب..لا ان تكونا شقيان به !!! اقتراح مارأيك به : (اعد زوجتك وابنتك الى الوطن وركز في تحصيلك العلمي ...هل تستطيع ؟؟) . . |
^ ^ ابداً لا أنصحك في هذا الإقتراح .. ستعيش في فراغ عاطفي .. ولن تتحمل .. وقد يجر هذا الأمر وبالاً عليك .. وهي أيضاً لن تتحمل وربما توسوس لماذا ارجعتها ؟؟!! أخي مسألة الموضوع الذي طلبت منها عدم التحدث عنه .. أكثر الأزواج هكذا .. وهو ما يقهر المرأه .. ربما هذا الموضوع كان فيه اساءة لها من قبلك ...!!! ولم تعالجها أنت وتطلب منها فقط السكوت ...! طمن قلبها من هذه الناحية واسمعها ماتحب سماعه .. ثم هي من نفسها لن تفتح هذا الموضوع مرة أخرى ... وأكثر لها من الثناء والمديح ... ستعطي أكثر وأكثر .. ولا تنتقدها كثيراً ستمل من كلامك ونقدك .. ولا تقول لها سأتزوج عليك شعور قاسي جدا :( صحيح إنها تأتي بنتيجة لكن لأحب أي زوجة أن تجرب قساوة هذه الكلمة مثلي :( لكن تعدلت الحمد لله بسببها :d واخيراً وفقك الله لما يحبه ويرضاه ... واتم عليكم الصحة والسعادة .. انتبه للزوجتك وأبنتك ودراستك .. |
هددها بالزواج من اخرى
وبين الجد واسعى بالموضوع بالكذب يعني قلها اليوم قلت لصاحبي يخلي اختي تدور وهيك يعني اضربها ضرب خفيف الي اباحه الاسلام حاول تكتب رسالة فكر صدقني كل انسان له اسلوب بالتعامل لازم يوم تلاقي مفتاح قلبها |
الله يعينك اخي
انت مدللها بزياده بعدين احس ان زوجتك تفكيرها على قدها يعني هذا مو تصرف طبيعي من زوجها لزوجها شو يعني ما تعرف تلبس مع انك كلمتها كثير شو يعني منبها مليون مرة ما تتكلم في موضوع معين وتجي تتكلم فيه شو يعني زوجه تترك زوجها ينام 9 ايام وما تحاول انها تراضيه وخاصة انك حاولت انك انت اللي تراضيها زوجتك عندها غفلة ... يبغي لها شي قوي يصحيها من غفلتها الله يعينك |
الله يحنن قلبها عليك ويفرج عنك
|
إذا اكرمت الكريم ملكتة وإذا اكرمت الئيم تمرد
الله يفرج همك |
والله يخوك أعتقد المشكلة فيك أنت مو فيها , والدليل أنك منت راضي تعترف بخطأك في التعامل معها
يخوي افهم وكبر عقلك معي .. تعامل مع المراة باللين والحزم .. وانت يخوك مررررررررره حنوووووووووووون يعني مهي حاسه برجولتك , المراة تريد أن تشعر بشي عكس طبيعتها , شي يشبع رغبة الأنوثة فيها من الداخل ألا وهي شخصية زوجها ورجولته التي هي اعتماد الزوجة عليها , مو الكلام الناعم الرومانسي الذي يشترك فيه الرجل والمراة سواء ... أعجبك كلامي بها ونعمت , وان لا , فتجاهله .. |
اشكر كل الاخوان والاخوات اللي شاركوا في موضوعي .
ماشاء الله من كثر الاقتراحات ماني عارف اش اسوي . اصلا اليوم كنت ناوي اسوي خير ولما جيت لقيتها ناويه شر . تدور اي شي عشان اتناقش معاها فيه يعيني شي يزعل مو نقاش ودي. المهم وفعلا ماارتاحت الا بعد ماخرجت من البيت وانا مرتفغ ضغطي. ونا في العاده اروح المكتبه عشان اذاكر ولما شافتني رايح طلبت مني اوديها مكان معين وهذا المكان في ربطه يعني لازم اوديها وبعدين ارجع لها وكذا يضيع علي الوقت ومااقدر اذاكر وانا عندي اختبار ولمهم اني قلت لها لا قامت سوت لي مشكله طويله عريضه . المهم خرجت من البيت ونا كلي زعل ونرفزه ولا انا عارف افتح كتاب ولا حتى اطالع شي . جلست اشوف الردود ونا قلبي كله الم. وقول ليه انا حضي كذا . مع العلم انها هي شايفه انو الحق لها فكل شي واني انا مطنشها واني انا غلطان معاها واني لازم اسوي لها مادري ايش . المهم انا مره قرفان .لدرجة اني افكر اني اطلقها واشوف حضي مع اللي تقدر اللي انا اسويه عشانها. |
ياخي اذا على كلامك زوجتك تحبك وتحب اهلك ونظيفة وكشخة وطباخها زين وين المشكلة ؟؟؟
فهي خير من غيرها اللي بالاضافة الى ماذكرت لا تحب هله ولاتعرف تطبخ ودايم زعلانه ؟؟؟؟ (((امسكها))) اما مشكلتك والله انها زيادة دلع بس انهرها وقل لها بالدين وذكرها بكلام الله ورسوله ان كانت ممن يتعظ وان لم تكن كذلك اكتب لها رسالة حنونه وضعها في مكان ستشاهدها به وان لم تنفع الرسالة الحنونه فاصفقها برسالة اقوى شوي وحسسها انها اصبحت اقل مما كانت عليه من قلبك والسبب دلعها الزايد والشجار لا يتجاوز حدوده بينكما ياخي والله الموفق |
فيه مثل عند بعض النساء خاطى ويبدو ان زوجتك من النوع المقتدي به وهو ان الرجل مثل السراب مهما تحاول تمسكه ما تقدر لذلك خلي الرجل هو الذي يطرك وراك فهي تتعامل معك بهذا الاسلوب حتى تضل دائما ملك اديها
|
الاشقر كلامك صح.
بس انا مليت طفشت من كثر ماتزعل ولا ترضي وتسوي لي مشاكل على اتفه الاسباب. ليه انت ماتسولف معاي ليه انت ماتجلس معاي كثير. يعين 100 ساعه في اليوم. هبه ولله الضهر ان كلامك صحيح انها من هذا النوع ا |
أخي الكريم انت قلبك طيب أوي و واضح من كلامك انك بتحب زوجتك أصبر عليها و ادعيلها بالهدايه أما أنا لا أملك إلا أن أدعو الله بصدق أن يهدي لك زوجتك :
(اللهم أسألك أن تهديها و تصلح حالها و اجعلها زوجة صالحة لزوج صالح و بارك اللهم لهما في حياتهما و في ابنتهما برحمتك يا ارحم الراحمين) و صلي اللهم و سلم علي سيدنا محمد و علي آله و صحبه اجمعين و الحمد لله رب العالمين |
اقتباس:
اولا اصابعك مو سوا وثاني شي المراه كالطفل تحب الي يدلعها نصيحتي لك اذا لبست اغرقها مدحــ ..مافي شخص يكره ان احد يمدحه وهي بعدها بتصير تلبس على طولــ ولا تتوقع ان الدلال بالجنس يعني اذا لبست شي كويس على طول تاخذها للفراش لا هذا غلط لازم اول شي تسمعها كلام حلو يبين لها انك معجب في شكلهـــا ::: واهم شي تذكر ان الحياه الزوجيه تنازلات ومافيه شخص كامل اكيد هي هالحين تشوف نفسها زوجه مثاليه وتعيش مع زوج يزعلها باستمرار وماعنده اسلوبــ تذكر انك مستحيل تلاقي شخص مفصصصل مندون عيوبــ وحبه حبه تجي المحبه دعواتي لك ولزوجتك بالتوفيق :: |
اقتباس:
كلامها هو الصح 100% والله كل كلمه قالتها في مكانها انا أأيد هذا الكلام |
اقتباس:
أتفق معها بالرأي حنا بنات حواء نفهم بعض:25: الله يصلح بينكم يارب ويوفقك في دراستك وتنتهي مشاكلك اللهم آميــــــــن أختك دلوو24ووعه |
| الساعة الآن 01:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©