|
زوجة أبي.(والعلاقة المحرمة )المشكله حلت ولله الحمد))
السلام عليكم ورحمة الله وبركاته ..
حياكم الله اخواني واخواتي جميعا .... ماادري كيف ابداء بمشكلتي ....الحكاية ومافيها هي أن والدي العزيز ..بين كل فتر والثانيه يجددشبابه مع فتاة حسناء بعمر بناته ..وربما اصغر بكثير .... تزوج والدي قبل سبع سنوات تقريبا بفتاة عمرها 18 عاما ..وهي رقم سبعة بالنسبة لزيجاته والان اصبح عمرها 25 سنه ... زوجة والدي انسانه طيبه ..خلوقه ملتزمه ...كلنا معجبين بها وبشخصيتها .دائما تقف معانا وتوجه الوالد بالتقرب منا .....ولقد تغير والدي 180درجه بعد زواجه منها لافضل طبعا ..مقارنة بقبل الزواج .. قبل فترة بسيطة وبمحض الصدفة اكتشفت ان زوجة ابي تهاتف شخصا ما في التلفون فجن جنوني ... ولم اخبرها بذلك ..قلت في نفسي لابد ان اتأكد من الامر واعرف من هذا الشخص الذي تقيم معه علاقة محرمة ......؟؟؟ وياليتني لم اتأكد .......اكتشفت أنه اخي الصغير ..الذي بنفس عمرها ... ومن خلال البحث والتحري تأكدت ايضا انه يحبها ويغار عليها من اخوانه ...........ولا احد يعلم بالموضوع الا انا فقط ولا ادري ماذا افعل ...هل اواجه اخي ..؟؟؟ ام اوجه زوجة ابي ؟؟ ام اخبر والدي بالموضوع ؟؟ المشكله اني لو اخبرت والدي بالموضوع ربما لن يصدقني ... لانه قبل فترة اشتري لها قطعة ارض بإسمها والحين قاعد يبني لها البيت وهم الان علي وشك الانتهاء من البناء... فاخاف ان والدي يظن انها مكيده منا عشان يطلقها ........ والله ياإخواني حاسس اني بانفجر ..ماادري ويش اسوي ...وكمان خايف انها تدري اني عارف سالفتها .. تروح تسوي لي مصيبه عند الوالد انا في غني عنها ..... ياليت اللي عنده حل يفيدني ...لاني تعبت من التفكير ونفس الوقت مااقدر اصبر علي الوضع ....... وسامحوني علي الاطاله .............وتقبلو تحياتي ............خبير الهم ..(الاعشاب سابقا) |
ليش ما تنصحين اخوج ؟؟ لان اخوج اقرب لك من الوالد وزوجته وشوفي شنو بكون رده ؟؟
|
معقوووووول
إنت تقول إن والدك إتغير معاها يعني البنت بنت حلال غريبة أقترح إنك تتأكد من الموضوع ما أدري ليه عندي إحساس إن هناك شيئ مبهم بينها وبين أخوك |
اقتباس:
بالنسبة لاخوي ........هو اخ غير شقيق ......والعلاقه بينا سطحيه ... |
اخي العزيز والله لا ادري ماذا اقول لك اخوك هذا من بين كل نسوان العالم الكبير ماعشق الا زوجة ابيه والله عجيبه انا اوجه دعوه الى كل نساء المسلمين بالتزام اداب الظهور بالملابس المحتشمه امام كل من لا يحل لهن وان لا يتبرجن الا في غرف ازواجهن هناك بعض الاخوات وبسب ثقتهن الكبيره بالاخرين في بعض الاحيان لاينتبهن الى مثل هذه الامور مما يعطي انطباعا خاطىا لدى الاخرين
|
اقتباس:
والله البنت بنت حلال لكن ماادري ايش اللي يخليها تسوي كذا ...؟؟؟ |
أخي عليك التحري والتأكد من طبيعة العلاقة هي زوجة ابيه يعني محرمة عليه فيمكن علاقتهم كمحارم طبيعية نظرا لتقارب العمر التأكد اولا مطلوب |
اقتباس:
ياخواني انا ما كتبت الموضوع الا بعد ماتأكدت 100% ياليت تفيدوني بناء علي التأكيد لا الشك ماذا اصنع ؟؟؟؟؟؟؟؟؟؟؟ |
السلام عليكم ورحمة الله
اخى فى الله تاكد اولا من انها تتحدث معه بغرض سيئ لانك قد تعتقد ان بينهما شئ ويكون الكلام عادي او عن مشكلة لاخيك او لها فتكون ظننت بهما شر . وان كان بينهما شئ فعلا فاستفسر من اخيك اولا ثم انصحة بذكاء فالنصيحة ثقيلة على القلوب فلا تجعلها جبلا ولا ترسلها جدلا و استخدم الدعاء فان له اثرا كبيرا |
لاحول ولا قوة الا بالله بمثابت امه
ياخي استفسر من اخوك طبيعة العلاقه بينهم مالازم تسكت يمكن كان يحترمها وتطورت العلاقه بينهم الشيطان حريص في هذا الزمان يخاف الواحد من الاخ و اخته |
السلام عليكم ورحمة الله وبركاته,
اخوي خبير الاعشاب قبل كل شي اتاكد من ان الكلام الي بين زوجة ابوك واخوك كلام حب وعواطف وانه مش كلام عادي شوف خالي متزوج اربع ويوم الواحده منهن تبى شي من السوق تتكلم مع اي واحد من عيال خالي لانهم يعتبرونهم مثل عيالهم. الشي الثاني اذا طلع ان الكلام بينهم حرام فلازم تتكلم مع اخوك وتناصحه وتذكره بقول الله سبحانه وتعالى "ولا تنكحوا ما نكح آباءكم إلا ما قد سلف إنه كان فاحشة ومقتا وساء سبيلا" سورة النساء وهذا التحريم جاء اذا مات الزوج فلا يجوز للابن ان ينكح زوجة ابيه فما بالك في واحد يقيم علاقة محرمة؟؟؟!!!! واذا ما ردع وتاب الا الله تعالى استخدم اسلوب التخويف والتهديد وقله شوف والله بكلم ابوي وصدقني بيخاف. اخوي خبير...شوف ها المسألة ما ينسكت عنها وفضيحه اهون من غيرها وانت تفهم قصدي واذا تطور الوضع للاخطر تكلم مع ابوك ولا تأخذك في الله لومة لائم. اسال المولى العزيز ان يهدي زوجة ابيك و أخيك و يهدينا الى ما فيه خير لنا في الدنيا والآخرة. |
عليك بمشاورة أهل الخبرة في مثل هذه الأمور ....
وبإذن الله ستجد الحل المناسب ... وإحذر أخي الحبيب ... أخوك أبو انس |
تريث كثير قبل اتخاذ اى قرار وياليتك تلمح لها مجرد تلميح بعيد عن معرفتك بالعلاقة كان تتحدث علنا بمجلسكم عن سؤ اخلاقيات الناس وانتشار العلاقات المحرمة وماالى ذلك من باب اياك أعنى وأسمعى ياجارة..
|
والله الموضوع عجيب غريب
اتوقع انها ما تدري انه ابن زوجها ..وهو ما يدري ان اللي يكلمها زوجة ابوه والله ما ادري وش اكتب ...ما ادري تحليلي في محلة لاني صراحة مو جاية استوعب ان الولد يحب زوجه ابوه ...لان ببساطة علاقة محرمة الله يعينك اذا كنت متأكد انصحك انك تكلمها هي ..يمكن تقدر تخوفها لكن اخوك قد ما يتقبل منك ويكذب الموضوع ويقلب الموضوع عليك ويتهمك انك تبغي تشوه سمعته وسمعة زوجة ابوك الله يوفقك بحل صائب |
مشكورين جميعا علي الرد ...واحب اوضح لكم اكثر اني متاكد تمااااااااااااااااااااااما لان اذني سمعت
وعيني راءت .......يعني الموضوع مبني علي اليقين ........ اخي ابو سند ا شكرك علي المسانده ..وان اخاف اواجه اخوي بالموضوع ...لانه اكييييد بيروح يقول لها كل شي ...وساعتها بتقعد تخطط كيف تنتقم مني اذا تكلمت... والاجواء عندنا في العائله مشحونه جدا ..يعني كل واحد يتربص بالثاني ... فماادري هل من المناسب ان اواجههم انا ..ولا اخليها تجي من غيري ........؟؟ |
ليه ما تحكي معها اذا هي مثل ما تقول عاقله
احكي لها انة ليس لمصلحنها |
أخي الكريم
أسأل الله الحي القيوم ان يكون في عونك وان يفرج لك همك وعندي لك بعض الاسئلة وعلى اساسها بعطيك طريقة ان شاء الله تنجح معك : كم عمرك ؟ وكم عمر اخوك ؟ هل اخوك موظف ؟ كم اخوانك الاشقاء ؟ وكم اخوان اخوك الاشقاء ؟وهل هو الاكبر ؟ كيف هو وضعكم المادي ؟ في انتظار الاجابة والله يوفقك |
اكتب رسالة الى اخوك واخبره انك تعلم وخوفه بالله
|
اشك لاخوك عن ظنونك ,,,,,,,وبهذا تنبهه انك كاشفه و يخجل على نفسه بعده ,,,, بس نصيحه ابعد ابوك عن الموضوع
|
الله يكون بعونك من جد مشكله والله ماعندي شي اقوله لك غير الله يرشدك للطريق الصحيح الى تلاقي فيها حل لمشكلتك من جد شي ماينسكت عنه
كيف جالها قلب تكلم ولد زوجها يعتبر مثل ولدها لكن هذا غلطه الى يزوج بنت صغيرة واحد كبر ابوها عند كم فكرة اختار الى يعجبك منها :d اشوف ان لو زوجه ابوك لها (ام )عاقله او اخ عاقل وفيه دين او اخت كبيرة ملتزمه تخاف الله تكلمهم وتقولهم الموضوع كله وانهم مايعلمونها ان انت ياخبير الى قلتلهم عنها يعني ان احد عرف او سمعها وهي تكلم يمكن لو جت النصيحه من طرف اهلها راح تقتنع وماتعمل مشاكل معاكم والله يكون بعونك والا كلم (ام )اخوك من ابوك الى يكلمها اذا هي مراة عاقله وقلها والله ياخاله السالفه كذا وكذا والا واحد من خواته العاقلات كانها سمعته وهو يكلمها وهكذا بس انت ابعد عن الموضوع حاول توصل السالفه لاي احد بس قله لايقول ان انت الى اكتشفت السالفه والا عندي فكرة خطيرة :29: :29: بس يبغالك شجاعه وتحفظ فيها يعني محد يدري عنها وش رايك تشتري شريحه جديدة من غير اسم وتصير ترسلها تهديد انك عارف كل شي عنها وعن اخوك واذا مابعدت عن اخوك وتركت هالسوالف راح توصل صوت تسجيلها لزوجها الى هو ابوك :d يارب اكون افدتك ولو بشي واحد والله يقويك |
لا حول و لا قوة الا بالله
اخي الكريم و الله عندي فكرة ممكن تنفع و تردع زوجة ابيك ربي يصلحها يا رب اخي حاول تتصل بها هاتفيا بين الفينة و الاخرى باسم مستعار كانك شخص من برة العيلة و هددها انك تعرف بعلاقتها مع ابن زوجها و ان لم ترجع الى طريق الله سوف تخبر زوجها و كلمها بطريقة جادة و حاول تغير من نبرة صوتك و الله الموفق اتمنى اكون ساعدتك اخي طمنا و ربي يطمنك يا رب |
اقتباس:
حياك الله اخي صاحب رأي سديد انا مضي من عمري 32عاما واخي 25 ايضا اخي ليس موظف ..وانما يعمل مع الوالد .. اخواني الاشقاء 6 اخواني كلهم 17 ........ذكور واناث ... واخوي اصغر واحدمن الذكور ... الوضع جيد ولله الحمد |
غموض السنين اخر حل لك بيعيشها برعب طول عمرها
بس لاضافة معلومة كنت اعرف وحدة اكتشفنا ان لها علاقة بصديق زوجها ووصل به الامر انهم اذا تجمعوا الرجال بالاستراحة يقول الصديق حق الزوج انه سيارته خربانه عطني مفاتيح سيارتك بروح اودي مغاضي للبيت؟؟؟؟؟؟؟؟؟؟ الحقير كان يروحلها يروح لزوجة صاحب السيارة عشان يضمن انه مايجيهم على غفلة وعلم بالامر اخو الزوج ركب جهاز تصنت للتلفون وكاميرا مراقبة عند مدخل البيت عشان ياخذه دليل لاخوه الزوج الغافل وتخيلواااااااااااااااااااااااااا الطامة الكبرى تم التسجيل وشاهده الزوج وكانت ردة فعله؟؟؟؟؟؟؟؟؟؟؟؟؟؟؟؟ قال وش بيدي غير اني اهاوشها انا مقدر على فراقها احبها؟؟؟؟؟؟؟؟؟؟؟؟؟ ردة فعل اقبح من ذنبها واهله كلهم قاطعوه وتبروا منه من 10 سنوات هذه القصة وهي الى الان على ذمته يعني مو دائما التهديد يفيد وانت يااخي اخذ المشورة من اهل خبرة والناس الحكيمة اذا تعرف احد بالعايلة عنده حكمة يفيدك ولاتستعجل |
السلام عليكم ورحمة الله وبركاته,
اخوي خبير أعشاب والله حاس بالي فيك واسال الله سبحانه ان يثبتك ويهديك في ها الامر, ما شاء الله مبين انكم عائلة كبيرة وعندك اخوان كثير ليش ما تستشير العاقل فيهم او اي واحد من اهل زوجتك العقال وتتكاتفون مع بعض لحل ها المشكلة باسرع وقت وباقل الخسائر. اللهم استر على اخي خبير وعائلته اجمعين وعلينا وعلى اخواني واخواتي في ها المنتدى وجميع المسلمين والمسلمات يا رب العالمين. |
اقتباس:
أخوك يحتاج وقفة قوية منك حتى يتأدب والطريقة تكلم احد اخوانه الاشقاء الذين تظن فيهم الخير وتخبره بالموضوع . وتجلس انت وياه ومن ثم تجلسون معه وتفهمونه ان امره مكشوف وان يتأدب عن هذه التصرفات . اهم شي لا تكلمه لوحدك ابحث لك عن مساند واحد او أثنين من اخوانكم لأنكم إذا كنتم ثلاثة بتكونون عامل ضغط قوي ولا يقدر يواجهكم الا بالطاعة . ام انك تكلم ابوك فهذا الامر انساه لأن الظاهر ابوك لايسمع في زوجته ابدا فهو يحبها وحتى لو كان يسمع فيها فالستر مطلوب . واما انك تكلم زوجة ابوك فهذا الامر انساه فهو فلن تجد الا الفضيحه . وانصحك تسعى له في الزواج من زوجة صالحه في اقرب وقت وحتى لو تساعده ماديا فالاجر لك اللهم يا حي ياقيوم سدد خطاه ووفقه لكل ما فيه خير وصالح له ولعائلته |
اقتباس:
ياساتر فعلا الحب اعمي ......... وهذا اللي خايف منه ..........اخاف ان المشكله ترجع علي راسي ...:( |
لاحول ولا قوة الا بالله اخي الكريم الموضوع يبغاله تثبت وانت من كلامك متاكد اذا الان التزم السريه التامه مع الاثنين اخوك وزوجة ابيك كلا كلمه على حده وبهدوء تام وابتعد عن التهديد ان كانت مجرد مكالمات تلفونيه حلها سهل باذن الله لاتدخل والدك بالموضوع لانها كبيره بحقه ولده وزوجته ممكن تؤثر على صحته فابعده تماما عن المشكله نقل للمشاكل الاجتماعيه |
إذا كان أخيك عزوبي غير متزوج فلن يفيد معه الكلام ولا التهديد
لأنه الآن في فترة هيجان عاطفي وشهواني أما زوجة أبيك فهي أعقل منه في هذه المرحلة لأنها مجربة فهي تسعى لأمر محرومه منه في والدك ووجدته في أخيك فأنا أرى أنها تزن للأمور ألف حساب فهي تعرف أنها لا تحل له أبداً وتعرف أن علاقتها بأخيك في النهاية خاسرة ولكن هي الآن في حالة تمرد ومغامرة وتريد أن تصل لهدف ولو بالحرام وإن ما يشجع بالموضوع هو ثناءك عليها وعلى أخلاقها وإلتزامها فأنا أعتقد أنها تحتاج لمن يفوقها مما هي فيه ويحسسها بأن طريقها مظلم وخاسر الحل عليك بها هي كلمها وصارحها أنك تعرف بالموضوع ولاتجعلها تتهرب منك أو تكذب عليك وخذ منها حلفاُ ووعداً بأن تنهي العلاقة سريعاً وإلا سوف تقف لها بالمرصاد |
صبر جميل والله المستعان
انصحها وعليك بالدعاء اخي |
أخي الكريم
يجب أن يتوجه الحل نحو أخيك هذا فقط ،،،، بمعنى أن يبدأ الحل من عنده ومناقشته في الموضوع ونصحه وتخويفه من عواقب فعلته ؟؟؟؟ لكن من يفعل هذا ؟ الإجابة على هذا السؤال تتحدد إذا أجبت على هذين السؤالين التاليين : هل لأخيك هذا أخ شقيق عاقل وناصح ومتفهم ؟؟؟ هل هناك أحد من أعمامك يثق بك ويحب والدك ويحبه والدك ؟ |
السلام عليكم ورحمة الله وبركاته,
اخوي خبير اعشاب الاحظ ان الردود كثرت عليك وتعددت واختلفت يا خي شوف اقرب الناس اليك واعرض عليهم الموضوع. انا مع اخوي صاحب الراي السديد واراه انسب حل وانا اذكرك للمره الثانيه فضيحه تختلف عن فضيحه والله المعين. شفت يوم لقاء مع الشيخ العبيكان حفظه الله واتصلت عليه بنت تشتكي وتقول واحد يهددني انه بيفضحني بالمكالمات الي صارت بينهم اذا ما لبى طلباتها...قال الشيخ حفظه الله "عليها ان تستعين بالله وتكلم ابويها وتصبر على النتائج ولا ان تكون فريسة لهذا الشاب الي ما يخاف الله" |
الله يجزيكم خير علي الردود والاهتمام بالموضوع ....
انا اتوقع اخوي لو لقي منها صد واعراض ماكان تمادي معها ....لكن البلي فيها هي ..والله المستعان |
اقتباس:
حياك الله اخي الفاضل .. نعم هناك اخوان له ..ولكن اخاف ما بيصدقوا علي اخوهم شي ..وبيحسبوها غلط دام انها جات مني .. اعرف اخواني ... بالنسبه لاعمامي عندي عم مشغوول بتجارته .ومانشوفه الا في الاعياد فقط .. |
طيب اخواني ويش رايكم اخلي زوجتي تصارحها علي اساس انها هي اللي شافتها ...
وانا اطلع برا الموضوع ...........؟؟؟؟؟؟؟؟ |
انا اقول واجه اخوك اولا وانصحه
وإذا لم ينفع الامر واجه زوجة ابيك وقول لها ان اللي تسويه حرام ومايرضي الله ولا رسوله وهددها انك تقول لأبوك عن السالفه والمفروض انها تعتبر اخوك زي ولدها وماتسوي الحركات هذي وإذا لم ينجح الامر في كلتا الحالتين اخبر ابوك لأن الصراحه السالفه ماينسكت عنها علشان ماتكبر وتصير كارثه |
يا خوفي زوجة ابوك تكبر المشكله لو صارحتها زوجتك
و تقول زوجة فلان تتبلى علي .....الخ يعني انت عارف هالحركات ليش ما تخليها تجي من احد مجهول مثلاً ترسل رساله من رقم غريب (بطاقه ) تهديد لها و لأخوك و بعدها تقفل الجوال يعني تعيشهم في جو رعب او مثلاً على إيميلها اذا عندها ايميل وريها ان شخص مجهول بس تعرفهم عددددددل و اذا ما تعدلوا راح يوصل هالموضوع لزوجها (ابوك) وراقب تصرفاتهم و ذكرها بالعقاب من الله و كيف ان هالشيء حرام وووو......الخ اوووو انك تقول لأحد من اهلها فاهم و عاقل و ما بيكبر المشكله لان اذا كلمها اللي من اهلها مارح تقول تبلى علي و خليه يوعدك ان ما يقول انك قلت له هالكلام و اهم شيء تمدحها و تقول انه غيرت ابوك و انكم ما تبون تخسرونها علشان لا يفكر انك تبي ابوك يطلقها او انك حاقد عليها ياليت اكون افدتك اخوي والله يبعد عنكم المشاكل |
كلم أخوك وواجهه
خله يبعد عنها لعله أستغل كونها زوجة رجل كبير فتلاعب بعواطفها هي غلطانه أكيد لكن خل أخوك يبعد عن طريقها و كلمها هي كمان إذ ما فاد لا معها ولا مع أخوك كلم الــــوالد وياليت تحــــــاول تثبت عليهم شيء مؤكد كدليل صدقك ويكون هذا قبل أي مصارحه مع أي واحد منهم مثلا تسجيل مكالمه صوتيه ووومثل كذا السكوت عن المنكر أمر منهي عنه |
لا ابعد زوجتك عن الموضوووووع كله
لاتدخلها |
مثل ماقال احد الاخوان جيب بطاقه سوا من دون اسم وارسل لاخوك رساله ولزوجة ابيك
وقول لهم ان امركم مكشوف وانك راح تفضحهم عند الجميع وحاول تغير من اسلوبك علشان ماتنكشف وراقب الوضع من بعيد وشد على اخوك مررررررره ونصيحه لاتدخل زوجتك لانهم راح يقلبوها عليها ويقولو تتبلى علينا والرسائل خلها جامده شويه علشان يخافون |
يمكن بينهم استلطاف فقط
وممكن تشاور اخصائي اجتماعي |
| الساعة الآن 02:01 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©