|
عودة زوجي من السفر..والهدية ؟؟؟؟ ساعدوني
السلام عليكم
ادري انه الف وستمية وخمسين واربع مرات انسألتوا يا اخواني هالسؤال بس انتظر فزعت الطيببن زوجي بيكون راجع من سفره طوييييله يعني يبيله هديه معتبره و انا ما خليت شي ما هديته!علشان جيه حيرانه الهدايا اللي هديته اياها ( قلم كارتير-بوك كارتير-ساعه تيد) فكرت بشماغ او نعال....[س نحن بنقعد في البلد اسبوعين وبنرجع نسافر لانه يدرس فكرت بنظاره شمسيه بس ما اعرف ذوقه بالنظاره؟!! صدق حيرانه شو رايكم؟ |
طيب يالغاليه بما انه بترجعون تسافرون اشتري له طقم ارماني بنطلون وتيشرت
من ارماني جينز والا ارماني اكسجينج عندهم اشياء مرره رايقه :) |
خذي له شي تحسينه محتاجه
شرايج ببنطلون جينز من كالفن كلاين مثلا مع كم تي شيرت او جوتي(حذاء) من converse او D&G او مجموعة عطور و بعدين ما قلتي لنا عن الميزانيه ؟!! |
ماحددتي الميزانيه؟؟
والافضل انك تهدينه شي يحبه او يتمناه |
النظارة كارتير موديلاته حلوة مرة وتليق كهدية للسفر
وزوديها حبة عطر فرنسي فاخر وانصحك بالو سبورت والله يرده لك سالم |
الميزانيه حلوه تمام
انا اجهز لهالمناسبه من فتره ومجمعه لها افكاركم حلوه بس ممممم انا مو شاطره بتخمين لسايزات وبعدين هو مسافر من 5 شهور يعني اكيد قياسه تغير شكلي باخذ له نظاره شمسيه !!! وعطر اخر مره ماخذين فهرنهايت؟! شو اخذ له عطر؟ |
قلت لك الو سبورت رايق جداً وجذاب
او عطر دكني النسائي لونه اخضر وهو اروع من الرجالي |
اذا الميزانيه مرتفعه
ايش رايك تاخذى له ساعه فخمه من( رادو) صدقيني هديه حلوه وقيمه بنفس الوقت وانا هديتها لزوجي وانبسط جدا من الهديه وقال كل ما اناظر فى الساعه افتكرك |
هديته ساعه فخمه ازال
شكلي مايله للنظاره الشمسيه اكثر |
حلوة فكره النظاره ،،، شوفي شانيل المديلات الجديدة ،،
|
انا آخرهديه لزوجي عطيته نظاره وطلعت لابقه له بشكل خيالي بتقولين شلون أخذت صورتين له وهو لابس نظاراته موديلين وشريت شي يقارب لها من حيث المديل عشان تناسب وجهه وبمساعدة أخوي الله يخليه وصاحب المحل أنا شريت برادا سبور ومره حلوه..وفرح فيها كثير لأنه محتاجها:25:
|
إذا كان يلبس بنطلونات اهديه حزام جلد فخم مع بنطلون
صندل على الموضه جهاز مساج للقدم ميداليه كرستاله مطبوع عليها صورته مع ابيات شعر بس المشكله مو بالهديه بالنسبه لي المشكله كيف بروح اشتريها وهو معي وطبعا ماعندي أحد أروح معه لأني بالغربه :mad: :( ماادري كيف افاجأه ؟؟؟؟؟؟؟؟ ساعدوني |
ممكن تهدينه كبك مونت بلا او فلب شاريل
ومعه عطر نفس الماركه |
تفضلي هذه الروابط بإذن الله تستفيدي منها ##ساعدوني في إختيار الهدية ## ابي الرجال يدخلون رأيكم يانصفنا الثاني بأحلى الهدايا ؟ للرجال فقط .... ماذا يعجبك كهديه من زوجتك لك او ماذا تتمنى ؟؟؟ تمنياتي لكِ بحياة سعيدة |
انا اشوف نظاره فخمه وعلبه هداياة حطي بوسطها بجامه من الساتان وعليها شوية ورود مجففه فوقها علية النظاره
والله يرده لك بالسلامه |
بصراااااااااااحه في هديه ان شاءالله تعجبه وصدقيني مافي أحلى من كتاب الله راح تعجبه كثير وهي مصحف وسجاده في مصحف الغلاف حقه قماش شموا لونه أحمر وهو في علبه صغيره زي الصندوق لونه أحمر بصراحه خيالي ويقدر ياخذه في اي مكان
استغفرالله وأتوب اليه استغفرالله العظيم |
اقتباس:
|
| الساعة الآن 05:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©