![]() |
مشكلتي مع الوحام
بسم الله الرحمن الرحيم،،،،
بنات حبيت أطرح عليكم مشكلتي واهيه اني يوم كنت ف الأشهر الأولى كان خاطري ف توت و كنار و رحت دورت بس ما حصلت ف سوق الخضره للأسف و لين اليوم أنا خاطري آكل هالفواكه بس مو موسمها و اللي خرعني زياده قالت لي أم زوجي لازم تأكلين عشان ما تطلع ف البيبي شامه ف جسمه و أنا خايفه وايد أخاف تطلع ف ويهه الله لا يقول ان شاءالله،، و اللي أبي أوصل له هالوحام له علاقه ف ظهور الشامه ولا لا:30: :30: طمنوني بناااات:24: |
ههههههههههههههه
ياحليلك ياضوى :d صدقيني هذي من خرافات الجدات :d ذكرتيني وأنا حامل كل شوي أقول لزوجي مشتهية كذا مشتهية كذا !! جننته صار يقولي لأ!! أقوله ترى ولدي يصير فيه شامة !! يضحك علي .:d والحمدلله طلع ولدي مافيه لاشامة ولاهم يحزنون !! بس إذا معزمة روحي للهايبرات الكبيرة زي السيفوي تلاقين عندهم توت :d |
هههههههههههههههههه
انا اتوحمت على تفاح الطايف خخخخخخخخخ صارت بنتي حلوة زي التفاح يا بنتي كلام مو صح ترى لا تحطي في بالك الله يتمملك بخير |
ماعنندكم فواكه مستوردة في السوبر ماركت؟
|
أختي توحمت بكبدة , وماجتها الكبدة إلا بعدين ولما جابت ولدها كان على بطنه بقعة أغمق من جسمه وفي محل الكبد تقريبا وشكلها يشبه الكبد .. هذا اللي صار , لكن علميا ماأدري هل له علاقة أو لا ..
|
ياحبيبتي وربي الكعبه مو خرفات جارتنا توحمه بفقع كمه تعرفينه اكيد
ودورت عند احد مالقت يوم ولدت بجبهت ولدها مثل الفقعه وزوجه عمي توحمه بكبد وطلع بولدها قطعه بنيه غامقه والله اعلم |
خوفتوني والله اني دورت صدقوني ما خليت سوق خضره و سوبر ماركت ما رحت له
قالو لي ان التوت ما يطلع في الشجر الا في الشتا و الكنار مادري عنه لدرجة اني قمت أحلم ف التوت واااااااااايد أخاف يطلع ف بنتي الله يستر ان شاءالله لا تخلوني بنات طلبتكم |
و نسيت أقول لكم ان أختي توحمت بكبده و الله العظيم
انها ما كلتها و يوم جابت ولدها اطلعت ف راسه لدرجة ان الشعر ما قام يطلع ف مكانها و في في فصل الصيف لونها يكون أحمر و في الشتا بني و الله خااااااااااايفه |
طيب التوت ممكن تلاقينه مثلج
اومعلبات اللي نستعمله بالشيزكيك اماالكنارمدري انابولدي اللي قبل توحمت بمنجاوماحصلهازوجي ومااعطى للموضوع اهميه والله طلع بولدي شامه بصدره شكل منجا بس زين مكانها موواضح بس مودليل ان الكلام هذاصحيح يمكن صدفه |
مااتوقع اىلشانات لها علاقه
اعتقد صدفه لو كان صحيح كان صار في عيالي انواع واشكال الشامات:) لاني كنت اشتهي ولا اقول لزوجي ةمع ذلك ماطلع فيهم شامات |
حبيبتي إن شاء الله تقومي بالسلامة
وتصدقي في حملي بولدي اتوحمت برز الذبايح والله كانت خالتي مسوية عزيمة وماقدرت أروح لأنها بمدينة ثانية وكنت والله أشم ريحت الرز والذبيحة ومرة مشتهيتها زوجي خاف قالي من وين أجيب لك أخاف يطلع في وجه الولد راس خروف بس الحمد لله ماطلع فيه شي يعني ممكن تصير وممكن لأ ثاني شي أنا أمي قالت لي إذا الحامل توحمت على شي وماأخذته وحكت جسمها يطلع اللي توحمت عليه في الطفل في نفس المكان وبصراحة بقولك شي أنا برجلي بس فوق الركبة وحمة لتفاحة وفيها الغصن وورقة شجر بس الحمد لله صغيرة موكبيرة روحي السوبر ماركت وبتحصلي إن شاء الله توت لو مفرز والله يقومك بالسلامة تحيـــــــــــــــــــــاتي |
لا تخافين عزيزتي أنا ما أعتقد نهائيا أن الشامات لها علاقة بالوحم
إذا كانت لها علاقه بها بتكون مشكله أجل بيطلع جنيني كله مبقع اسم الله عليه :d لأني ما بقى شيء ما اشتهيته و كله مو في موسمه بعد شو نسوي نزرعه غصب :d أنا بولدي الأول نفس الشيء توحمت على أشياء ما كانت متوفره و عادي الله يخليه لي ما فيه و لا شامه :22: لا توسوسين و لا تخافين و إذا تبغين جنينك سليم و خالي من كل شيء ما إلك إلا الدعاء .. |
انا عن نفسي ما اصدق ذا الاشياء
بس تصدقين ببنتي الصغيره توحمت على فراوله ولا حصلت لي والله انه فيها وحمه بزندها حمرا مدوره زي الفراوله لا وبارزه وملمسها لين بعد :s يعني مدري اذاهو صدق والا لا :) بس انتي لا توسوسين :) |
مشكورين ع ردودكم حبيباتي
و ع فكره انا ما ابي التوت المثلج كنت أقصد التوت اللي يطلع ف الشجر اللي بعضه يجي حامض و أسود و أحمر و الله كل يوم أدور ما خليت مكان ما رحت له حتى زوجي خايف من الموضوع هههههههههههههه |
الساعة الآن 11:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©