كيف امنع زوجي من السفر ؟( المشكلة حلت ولله الحمد )
 

اريدمنكم حل لمنع زوجي من السفر .....سفره مو ضروري يقدر يخلص شغله بالتلفون لكن شكله حصل عذر علشان السفر موقفي اني رافضه وهو يدري ومطنشني وانا ما ابي اسبب مشكله مع اني قادره امنعه بالقوه ياريت تعطوني اي حل لمنعه بس يكون بطريقه ما يحس اني السبب في الغاء سفره .....................نسيت ما اخبركم اني متزوجه منذ 12 سنه وعندي 5اطفال ولله الحمد :22: ....وجزاكم الله كل خير

تم تعديل العنوان ليتناسب مع المضمون ..

الاخت الفاضلة انت من يحكم غلى زوجك وانت من يعرفه تماما ؟؟

فان كان سفرة لشغل وان كان زوجك رجل في دين وخير فقولي له ترجع لنا ان شاء الله بالف سلام ولا تضايقينه بس اذا كان غير ذلك فالحل بالهدؤ والتعامل الحسن بنصيحة او بطريقة جذب نت اكثر الناس دراية بما يجذب زوجك

والله الموفق

الاخ الفاضل الاشقر لك جزيل الشكر ردك جمع كل الحلول لكن اللي مضايقني في الموضوع انه ماخذ السفر وناسه اكثر من انه شغل مع العلم ان جميع اسفارنا تكون ويا بعض في الاجازات على فكره مدة السفر خمسة ايام فقط

اذا كنت واثقة من زوجك خليه يسافر

حتى لو كان للترفيه

الرجل يحتاج انه ينفرد لنفسة قليلا حتى يرجع لك بنفسية حلوة

واذا كان الرجال حاط في باله انه بسافر

ما في شي راح يمنعة

فلا تعكري حياتك بمشاكل

خليه يروح ويرجع لك بالسلامة

نعم اختي اذا كنت واثقه من زوجك انه مستقيم و ملتزم ..

خليه يسافر .. اكيد محتاج لقليل من الحريه والراحه ..

لا تكدرين نفسك وتكدرينه ...

أميرات ..

اختي الفاضلة ..

ابدا اختي لا تلجأين لهذا التصرف .. كيف يعني تمنعيه بالقوه .. وكأنك تتكلمين عن طفلك ..

لا تتحكمين بالرجل ابدا .. اتركيه يبعد قليلا .. يرتاح .. يغير جو .. لا ارى اي مشكله .. وخصوصا اذا كنتي متيقنه بانه يتقي الله في نفسه وفيكي ..

اتركيه يذهب ويرجع وهو اكثر شوقا لك ..

أنا مع رأي fafi دعيه يسافر وإن شاء الله يرجع بمزاج جيد .

اختي الكريمه
اعتبري سفرته اجازه زوجيه لتغيير
واستقبليه عند عودته بالسلامه احلى استقبال واعمليله الاجوا الرومنسيه
ادعيله بالتوفيق وكلها خمسه ايام ويرجعلك بالسلامه

والله انا مع هالاراء انا زوجي مسافر بكره يتمشى
ومارفضت لأني لو برفض وبقوم الدنيا وبقعدهاااا مو سامع لي
بيمشي الي براسه
فقوليله مثل مابقوله
تروح وترجع بالسلامه

نعم يا اختي
تمنعينه بالقوه؟
مو حلوه تنقال بحق رجال!!

وشو فيها اذا سافر كم يوم ؟
الزوجه اللي تحب راحة زوجها تتنازل شوي !

اعزائ حصل نقاش خفيف وفهم اني ما زلت غير راضيه عن سفره وشكله انه متأثر من موقفي حتى انه طلع من غير مااشوفه ..الحين فتحت النت ولقيت ردودكم مع اني ما كنت متوقعه اي ردود وما اقول غير جزاكم الله خير ويضعها الله في ميزان حسناتكم .....الاشقرـfafiـ اميرات ـ عااااابره سبيل ـ بوعلي ـ ضمة غلاـ الفرويه.

المشكله انحلت ولله الحمد
 

خلاص زوجي اخذ التذكرة :19: و الفضل لله ثم لنصائحكم اللي ريحت نفسيتي :16: لا تزعلون مني اتغشمر وياكم . ادعو لكل من يرد رد نصوح لله في هذا المنتدى الاكثر من رائع ان يوفقه الله الى طريق الخير والهداية واشكر كل القائمين على نجاح منتدانا الغالي.

انتي لاتسوي شي خل عيالك قد الموقف خليهم يبكو ويقولو بابا ماودنا انك تسافر وتخلينا وادا راح خليهم يكلموه كل يوم يقولو بابا فقدناك والبيت مظلم بونك
والله انهم بياثرو عليه حتى لوما بين لك بيصير
يشيل هم الروحه جربي وقولي لنا

فديتك حبيبتي بسمة امل جزاك الله كل خير ما قصرتي يا الغاليه على ردك المره الجايه بسوي بنصيحتك و إن شاء الله ما تكون فيه مره جايه لك تحياتي

انا حاسة فيك حبيبتي بس ميخالف حبيبتي خليه يغير جو شوية وقوي قلبك لان الرجال يحتاج ينفرد بنفسه ويكون خالي من اي مسؤولية زوجة او اطفال يبي يكون خفيف بروحه وان شاء الله يرجعلك بالسلامة ويكون مزاجه رايق والشنطه كلها هداياااااااااااااااااا لك :)

يكفي انك قلتي ـ حاسة فيك ـ حلو ان الواحدة منا تحس انه فية احد حاس بالاحساس اللي فيها هذه الكلمة حستني اني مو بروحي .حسيت انه عندي اخوات غاليات حتى لو كان الحساس هو بس اللي يجمعنا. يسر الله لك امورك ويحقق مرادك اختيflowerـtopaco آمين

الحمد لله ..

اسأله تعالى أن يديم السعادة عليكما ..

نسخة لعالم المشاكل المحلولة .