|
التحريض للولاده... جااااااوبوني
أخواتي الله يخليكم اللي جربت أبيها تفيدني
أنا الحين دخلت الأسبوع 38 والدكتوره قالت لي على الأسبوع الجاي يعني لما أدخل 39 راح أعمل لك فحص سريري أشوف الراس كيف وضعه نازل مره ولا لا وبعدها ممكن أعمل تحريض للولاده يعني راح تدخل يدها وتفحصني الله يخليكم اللي جربت هالشي أبيها تقول لي الطريقه مؤلمه ولا ايش!!!! الله يخليكم جاااااااااااااااوبوني من جد خااااااااااايفه ولكم الشكر مقدما |
شوفي حبيبتي اول شي الله يقومني ويقومك بالسلامة..قولي امين..
انا بدأت الاسبوع 40ودكتورتي فحصتني عدة مرات هومؤلم بس مش كتير يعني محتمل اهم شي ماتشدي على حاللك وهي بتفحصك..وغالبا لما يكون عندك طلق بيكون مؤلم اكتر اناعم يجيني طلق وبتفحصني المهم الوحدة منا تولد بالسلامة..يارب |
انا مارضيت ابدااا اتركها تسوي لي تحريض ولاده
ولا حتى كشف عادي حتى فرجها ربي علي وولدت .......... مع ان فيه ناس نصحوني فيه وقالوا كلها 3مرات ويحمي عليك الطلق بس انا خوااافه |
هو شوي مؤلم بس خليكي ريلالالالالالالالالالالاكس على الاخر
وممكن يحمى الطلق لو كان موجود ووحدة اعرفها عملته وما كان عندها الم وولدت بعدها ب10 ساعات جاها الالم و الطلق وانفتح الرحم ما شاء الله وولدت :25: والجماااع اختي من المحرضات الاساسية للولادة والله حتى الاطباء ينصحو بيه الله يقومك بلسلامة حبيبتي |
حبيباتي
Hala122 !ام خالد! rashroshaaaaأنا على بداية الأسبوع الجاي راح أكون دخلت الأسبوع 39 الدكتوره ودها تعمل لي تحريض لأنها ماودها البيبي يكبر أكثر لأني في بنتي الأول كنت راح أموووووووووووووووووووت بسم الله عليها كانت كبيره عموما أنا راح استخير والله يكتب لي اللي فيه الخير أشكركم يالغاليات من كل قلبي دعوااااااااااااااااااااااااااااتكم لا تحرموني منها |
ممكن أعرف ماهو التحريض للولادة..
تكفوووووووووون ارجو الرد؟؟؟ |
حبيبتي مجرد رومانسيه
التحريض للولاده يعني الدكتوره تدخل يدها وتحاول تعمل توسيع عشان ينفتح الرحم ويبدأ الطلق الله يسهل على كل حامل لا تنسوني من دعواتكم |
في ولادتي الثانية دخلت الدكتورة يدها وفضت كيس الماء بدون ماتعلمني ..
توقعتها بس بتقيس كم انفتح الرحم .. وحسيت بالماي خفت قلت لها وش صار ؟؟ قالت لي عشان يحمى الطلق وتولدين بسرعة .. بالفعل كلها فترة بسيطة وولدت .. ما يألم .. الألم هو ألم الطلق .. والله أريح .. الأنتظار ممل .. |
تحريض الولاده stretching and sweeping هو عمل فحص لعنق الرحم cervix تقوم فيه الطبيبه بتوسيع العنق بأصبعين لخلخلة سدادة عنق الرحم.. الفحص مؤلم ولكن الالم محتمل اهم شي انك ما تشدي وترخي جسمك.... الله يقموك بالسلامه
|
بحرينيه ولكن
صدقتي الانتظار يقتل وبالذات اذا انت خلاص واصله وتعبااااااااااااااانه وثقيله الله يكتب لنا الأجر ماقصرتي يالغاليه والله يختار لي اللي فيه الخير دعواتكم الله يخليكم |
pomegranite
شكرا على التوضيح والله يسهل علي وماأخاف دعواااااااتكم |
أختي ورد نجد ؟؟
هذا أول حمل لك ؟؟ ترى بتشوفين العجايب .. إذا خايفة من وحدة تحط يدها .. ترى من أول الطلق لي آخره وهم يحطون يدهم ويشيلونها عشان قياس الرحم .. بس عادي قلبي بتتعودين إذا ماتشدين ماراح يألم .. بعدين هم يلبسون قفاز ويحطون جل مزلق بكمية كبيرة .. كلها ثواني وينتهي الموضوع .. والله المستعان .. |
أحس اني تفشلت يابحرينيه ولكن
هذا مو أول حمل لي ياخزياااااااااااااه منك :d بس ببنتي ماعملت لي الدكتوره تحريض مو قادره أستوعب فكرة القياس والرحم أصلا مو مفتوح ماقصرتي على اهتمامك الله يرزقك كل ماتتمنين ويخلي لك بنوتاتك |
اختي وردة نجد
و الله توكلي و سويها و الله باغلب الاحيان مفيدة وتجيب نتايج و تسرع الولادة و راح تشوفي الله يقومك بالف سلامة |
rashroshaaaa
الله يكتب اللي فيه الخير يالغاليه أشكرك من كل قلبي على اهتمامك |
السلام عليكم ورحمة الله وبركاته
اختي الغاليه التحريض على الولاده ماتقرره الدكتوره اللا لسبب معين واذا كان مافي سبب لاتسوينه اذا كانت المويه حقت الجنين قليله او انه الجنين كبير وماتبيه يزيد وزنه او المشيميه متكلسه او الحركه قليله او دقات قلب الجنين مو كويسه او الحبل السري فيه شي ممكن تعملهاا وانتي اسمعي كلامها وقتها التحريض على الولاده يكون تحميلات توضع عادةً اذا كان الجنين حركته قليله وسوت التحريض عشان كذا تكون تعطيكي وحده بس تحميله وبعدها تلجأ الى القيصريه حتى لايتضرر الجنين ولا قلبه اختي الغاليه سأنقل لكـ تجربتي مع التحريض في حملتي الماضيه كنت في نهاية الاسبوع الـ38 تقريباً وبدأت احس انه حركات الجنين قلت كثير عن قبل ورحت للمستشفى وعملت لي تخطيط لنبض الجنين وقالت لي احياناً الاحظ انه النبض صار مع الخط تقريباً يعني النبض مش كويس ومااضمن لكـ الى متى ممكن يستمر نبض الجنين طبيعي يعني ممكن يموت لاسمح الله وطلبت تعمل لي تحريض( طلق صناعي) لاكنني رفض بحجه انه انا نفسياً مو قادره اقتنع ابداً اني ادخل المستشفى بدون طلق المهم ووقعت على مسؤوليتي وطلعت واليوم الثاني الجنين ماتحرك نهائي ورحت لدكتوره ثانيه وعملت ونفس الشي طلع انه النبض مو سليم وعملت لي سونار ( التراساوند) وقالت لي لازم نعمل التحريض مافي داعي ننتظر ووقعت على مسؤؤليتي وطلعت وجيت بعد يوم منهاااره الجنين ولاحركه نهاااائياَ ودخلت التنويم عشان الفحوصات قبل التحريض وبكره الصباح كان موعد التحريض لكن ربي فرجها ومن الخوف واصوات البنات اللي يولدون خفت وولدت طبيعي بدون تحريض جالي الطلق من ربي كذا بس بعدها الطبيبه قالت لي لاحظي المشيمه كانت متكلسه جداً وكانت ماتوصل الغذاء للجنين يعني الاكسجين كان ممكن نقصه يسبب مشاكل كبيره المهم يااختي الغاليه طولت عليكي ^_^ بس حبيت ابين لك خطر رفضك للتحريض والدكتوره ادرى بحالتك بس انتي أسأليها ليش التحريض ايش الي مخليها ماننتظر الى نهاية الاسبوع الــ42 ونهاية اسابيع الحمل انتظرك رد يالغاليه والله يقومك بالسلامه يااارب ولاتخافين بس عليكي بالمشي ياحلوه عشان تساعدين نفسك بوقت التحريض ويكون راس البيبي نازل وماتتعبين اثناء التحريض واشربي دارسين( قرفه) مغليه واكلي تمر او رطب تراه مفيد جداً للولاده وتسهيلها اخيت وعليكي بقرآة القرآن والدعاء وخصوصاً اذا بدا الطلق لاتحاولين تقولين شي غير الدعاء والذكر والتهليل واقرأي سورة الزلزله اذا بدا الطلق الله يقومك بالسلامه حبيبتي ولاتخافين وخلي زوجك معاكـ اثناء الطلق عشان يخفف عنكـ ويضمك ويمسك يدكـ لها دور كبيييير في نفسيتكـ اما عن الكشف ياغاليه اذا معاكي طلق راح يألمك بس لاتشدين نفسك والكشف اذا فيه ولاده يسااااعد كثييييير عليها وعلى فتح الحوض والرحم ومادام انتي بالـ38 اسبوع عادي اكشفي بس رخي نفسي عشان مايتعبك هو شويه بس يألم شوووووويه ^_^ انا كشفت وانابالاسبوع الـ18 والله ياقلبي والحمد لله بالتوفيق ياااارب |
طمنينا ايش عملتي يالغاليه والله يقومكـ بالسلامه وتولدين يااارب
وايااي يارب وباقي البنات يااارب ويرزقك الصالح وكامل الخلق والخلقه ياااارب |
ها يا اختي وردة
عسى الموضوع خير ان شاء الله طمنينا حبيبتي |
الله يسهل عليج حبيبتي وانشالله تقومين بالسلامة ولا تخافين ولا شي سهالة من رب العالمين
|
عبير
الكتوره قالت لي انو البيبي كبير عشان كيذا تفضل تعمل لي تحريض راح اسمع بنصيحتك واللي تقولي بسويه ان شاء الله مررررررررررررررررره شكرا على اهتمامك وماقصرتي |
حبيباتي
---عبير--- rashroshaaaa topaco-flower أشكركم من كل قلبي على اهتمامكم موعدي السبت الجاي الله يسهل علي وعلى كل حامل لا تنسوني من دعائكم |
الله يسهل عليك يارب
|
اقتباس:
بالتوفيق اختي الغاليه دعواتي لك بان الله يساعدكـ ويهون عليكي ويسهلها باذن الله تعالى يالغاليه وتقومين لنا بالسلامه وتشوفين مولودكـ باتم صحه ونعم يااارب بس عليكي بالمشي ياقلبي قبل تدخلين المستشفى اصلاً حتى هم اكيد بيطلبون منكـ المشي في ممرات المستشفى عشان تسهل عليكي باذن الله تعالى وينزل راس البيبي كثير بالحوض وخذي معاكي تمرات ياقلبي ولاتنسيت الاذكار والادعيه الله يهون عليكي ويسهل لكـ ياااارب وتولدين بسرعه من اول الطلق ياااارب بالتوفيق |
| الساعة الآن 09:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©