![]() |
مشكلتي مع أخت زوجي ...... تكفون حلوها
السلام عليكم ورحمة الله وبركاته
أتمنى أنكم تعطوني حلول لهذه المشكلة الله يعلم وحده أنها متعبتني جداً قد تقولون أنها بسيطة ولكن مسسبة لي قلق وإكتئاب المشكلة أن أخت زوجي الصغيرة متكبرة علي جداً كانت كذا قبل زواجها وقلت يمكن تخف شوي بس بالعكس زادت أكثر وحملت وزادت ولما ولدت وجابت ولد خلااااااص وكأنها ملكت الدنيا وكأنها أول وحدة تجيب ولد تتكلم وتتنفخ وتتأمر مع أنها أصغر مني والله الشاهد أنني أستخدمت كل الأساليب تعاملت معها بالتطنيش مافي فايده وتعاملت معها بالطيبة ومقابلة السيئة بالحسنة مافي فايدة بل زادت أكثر في عنادها لما إستخدمت هذا الأسلوب حتى ولدها أهتم فيه وجبت له هدايا خيالية وهذا لوجه الله بس ولكني سويت شيء والمشكلة إنه مافي أحد من أهلها يوقفها عند حدها كلهم يرضخون لها مع أنها أصغر وحده تكفوووووووون أرشدوني كيف أتعامل معها لأني خلااااااااااص تعبت نفسياً من تصرفاتها تـــــــــــــــحــــــــــــــيــــــــاتــــــــ ــــــــي للـــــــــجــــــــمـــــــــــيع |
حبيبيتي انتي منتي ملزومه تجامليها
اذا كلمتك بتكبر اسفهيها ولاتردين عليها ولاكنك سمعتيها واذا اصرت قليلها .. انتي كلمالك تكبرين وعقلك يصغر ترى الغرور اسلوب الي عنده نقص ويعوض نقصه بالنفخ على خلق الله .. اهم شي حاولي تقتلينها بالبرود ولاتعبرينها .. وودي اعرف هي عايشه معكم وعلى ايش شايفه نفسها . |
مرحبا اختي الزرافه ,,,
انتي تصرفتي مع حماتك بالعقل والحكمه ,,, انتي خليك على كذا ,,لا تنزلين نفسك لمستوى اقل من كذا كان تعامليها بنفس الاسلوب ,, لانك بكذا راح تزيدين الطين بله مثل ما يقولون تصرفي على سجيتك ,, وماهي الا مريضه تحتاج الى علاج نفسي ,,, ممكن انك تطلبين من زوجك ان ينصحها ويتودد لها ,, او انك تصارحينها انك تحبينها وتخافين عليها وملاحظه عليها تغيير من فتره واذا في شئ في بالها مضايقنها منك تقوله لك ,, وما تدرين يمكن اذا صارحتيها يصفى قلبها وتعود المياه لمجاريها اختي ,,,, دمتي بود |
وليش مكلفه نفسج فوق طاقتج يالغاليه
خلك معاها رسميه جدا |
شكراً لتفاعلكم معي
أختي بنت الإسلام هي ماهي عايشه معنا كان قد تجننت بس ولدت وقعدت عند أهلها لان زوجها يشتغل في مكان بعيدوبيجي يأخذها في الإجازة بس كلما جت عند أهلها بعد فترة من الغياب تزداد أكثر وماتحسبنا إلا زي النمل وأما على أيش تتكبر فهذا الشيء محيرني حتى أنا لانها عادية من ناحيةالجمال والدراسة ماكملتها ثاني ثانوي وبس وأدبي وأنا جامعية حتى أني قلت لها مرة إني أبي أتوظف إذا خلصت الدراسة (توي مخلصة الدراسة) قالت أصلاً مابتستفيدين من شهادتك معد فيه وظايف وقامت تعطيني قصص مع أن تخصصي حلو ........ الله يهديها أختي منى العمر أسلوبي هذا مازادها إلا إنتقاص في حقي .... وهي من زمان كذا مو توها وحتى تعاملها مع زوجة أخوها الثاني نفس الشيء إحنا الثنتين فقط 3thoooooooob أنا رسمية معها جداً بس مافي فايدة تـــــــــــــحـــــــــــــيـــــــــــاتــــــــ ـي للــــــــــــجـــــــــمــــــــيع |
لا إله إلا الله 100 قراءة ومافيه إلا 3 ردود تكفووووون ساعدوني حالتي يرثى لها
|
مالك الا تعاملينها برسميه وبقووه بعد
وحاولي تطنشين اي كلمه ماتعجبك يعني خليك بارده عشان هي تنقهر ولاتضغطين على نفسك ولاتجاملين احد على حساب نفسك |
أنا لو مكانك ما أعبرها
إن سألتني أجاوبها و بسسسسسسسسسسسسسسسس بصراحة أنا بمر حاليا بنفس موقفك بس أنا حماتي مو متزوجة و ماخذة معاها اسلوب التطنيش الله يفرجها عالجميع |
فعلا خليك رسميه جدا معها
ولا تجهدين نفسك بزياده بكثره الهدايا أوالكلام خذي بمقوله (طنش تعش) |
السلام عليكم
هل لديك أطفال ؟ هل مستواها المادي اععلى منك ؟ هل زوجك يعلم بالوضع ؟ |
سبحان الله
لماذا تعطى الموضوع اكبر من حقه هى لا تعنيكى بشىء لا تضايقى نفسك لانها لا تستحق و الاهمال حلها الوحيد ما دامت لا تثير مشاكل بينك و بين حماتك او زوجك اكسبى حماتك و زوجك جيداو ضعيهم فى المواقف بينكما فعندما يرون تصرفاتها هم اقدر منك على ايقافها عند حدها حتى لا تحدث مشاكل لا تتحمليها |
شكراً للجميع على الردود
محمد هيا وعليكم السلام لا ليس لدي أطفال أسأل الله أن يرزقني وجميع أخواتي المسلمات عاجلاً غير آجل ونسيت أضيف شيء هي تخاف على ولدها مني ولا تسمح لي ألمسه طبعاً بالتلميح وليس بالتصريح وأنا أحبه وأهتم فيه بس تزعل إذا شافتني أسوي كذا لا مستواها المادي أقل مني نعم يعلم بس يقولي طنشي وأنا ماقدرت حتى هو أحسه مقهوووور بس مايوضح هو كتوم ولا يحب يضايقني الله يخليه لي |
حاولي انك تتجنبي الحضور لبيت اهلها اذا كانت موجوده حتى تسلمي منها
وانصحك بالصبر والدعاء لها |
اتركيها ولا تشيلي همها ولا تحطي راسك براسها
عيشي حياتك 00 |
تعاملينهـــــــــــآآ؟؟!!
ليــش هالنــآآس ماا يتعامل معهـــاا ,, اذا كــآنت موجوودة .. اعتبرريهـــــــــآآ مخفيــة ...,, لا تكلمينهــآآ << مش معنااته ماا تردييين عليهــــــــــآآآ الســـــــــــــــلام لا آكثـــرررر اذاا كنتم في مكــآن والعايلة كلهــآآ موجودة .. قعدي في آبعد مكــآآن عنهـــآآ ولو تقصدت تكلمـــج ... ابتسسمي وكملي مع غيرهــآآ الكلآلآم ... وتحيــآآتي لج |
والله ااخت الزوج بالنسبه لي ابتلاء من الله والله يصبرني لو شفتي حالي انا والله تهون مشكلتك بألف مره عزيزتي حسبي الله ونعم الوكيل.
|
شكلك من النوع الحساس
وتتألمين كثير لما تحسنين وتلقين الاسائة لكن نصيحتي لك خلي زوجك كل همك اذا كانت علاقتك به جيدة فالباقين بالطقاق وارجوك لا تفكرين باخت زوجك ابدا عديها ولا شيء واحقريها بعدها راح تعرف قدر نفسها |
انا بكره الانسان اللي بيحتقر غيره وعلى فشوش خاصه لو انا مكانك بنفل طاقيتها اقصد بحكيلها انتي شو بدك مني ليش دايما بتطنزي عليه وبتعملي حالك انه ما حد قدك نصيحتي لما تردك رديها الطاق اتنين واللي بيطلع عليكي بعين اطلعي عليه بعينتين انا حبيبتي من النوع اللي بيضايقني برده بنفس المكان والوقت وما بعطي اعتبار لحد لانه اللي ما بستحي مني ما في داعي استحي منه فالحمدلله بهالاسلوب ما في بقلبي اشي احمله على حد من هالاسلوب اللي بتبعه بنقش الناس اول باول وانتي هيك اعملي ولا يهمك حد اذا اهلها مو قادرين عليها ومدلعينها عشان ضغيرة يعني شو ؟؟؟؟؟ واسلوب الهدايا وغيره انتي مو ملزومة فيه ولما اتبعتيه ولا كانه صار شي بنت حماكي من النوع ان م تستحي فافعل ما شئت يا ارض اشتدي ما حد عليكي قدي بس على شو مو عارفه فرديها بنفس الاسلوب ولا تخافي .. وحسبي الله فيها وفي نفسها الغيورة .... خلي ثقتك عاليه ولا تعملي بنفسك قلق وخوف يعني مو شايفه مبرر انك تعملي هيك من وحده شايفه حالها على فشوش وانتي ادرى فيها ...... كل اناء ينضح بما فيه
|
حبيبتي عطيها اشكل يعني طنشيها ولا تعطينها اكبر من حجمها ولا توجعين راسك بها الاشكال :22: :22: :d :dوراح ترجع هي انا اعرف هالنوعيه |
شكراً لك من رد علي وإن شاء الله تنفع الأساليب اللي قولتوها المشكلة إن أهلها مدلعينها مرررررره من صغرها ولا يرفضون لها طلب وهم زي الخاتم بأصبعها تمشيهم على كيفها وتبغاني مثلهم
|
ما طار طير وارتفع الا كما طار وقع
|
لو انا منك اطنشهااااااااااااا
بس ارد عليها اذا سالت |
لاتعطينها اي اهتمام
وريحي نفسك |
حبيبتي الزرافة اخت زوجك هذه ستلاقي عقابها عند ربها
اما انت نصيحتي لك يا غالية حاولي تجنبها قدر المستطاع لا خوفا منها ولكن حفظا لعلاقتك مع زوجك وحماتك لانها قد تتسبب لك في مشاكل انت في غنى عنها كما انصحك حبيبتي بعدم الإكثار من الشكوى امام زوجك بل احتسبي عزيزتي وسيكون بحول الله لك الجزاء والثواب |
تجنبيها
|
انتي اخت زووجك
انا الام بكبرها الله يهديها دايم نفسها شينه وكاني ذابحة احد من عيالها مع اني اسوي اللي اقدر عليه ودايم اسولف معها واعتبرها مثل امي لكن هي شايفتني ولا شي ودايم مكشره في وجهي واحيان اذا كلمتها تسفهني حتى اذا جيت اساعدها في البيت كاني اتعبها زيادة تركض تسوي الشي قبل لا اسويه صرت اطنش واهم مع علي زوجي تخيلي انا عايشه معهم لكن مثل الغريبة ما اخذ راحتي لانها دايم تحسسني اني غريبة ولسانها الله يهديها جارح وتنغيزات في الرايحه والجايه مع اني ابديهم على نفسي واضحي براحتي علشانهم احتراما لزوجي اولا لكن عرفت ان الطيب والحبوب معهم يعتبرونه ضعيف وينهشون في لحمه ولاهو عاجبهم بس الحين والله راحتي الزم علي وصرت اسويي اللي يريحني ويتكلمون بيديهم وارجولهم حسبي الله عليهم الله يصبرني بس ويفرج لي عاجل غير آآجل وانتي تشتكين من وحده عقليتها تافهه ومهما سويتي معها كانها هي اللي تتصدق عليك علشان كذا اعتبريها صفر على الشمال ولا تعيريها اي اهتمام لانك تعطينها اكبر من حجمها والله يعينك على بلواك |
طنشيها و وقفيها عن حدها
ما تسكتي لها |
اكيد انها محتره منج
زليها بمعاملتك الحلوه لها او احقريها ولاتعطينها وجه |
اسفهيها ولا تردين عليها
|
" وإذا أتتك مذمتي من ناقص/ فهي الشهادة ليبأني كامل"
والكمال لله سبحانه قولي لريلج مافي كرامة بينيج وبينه صح انتي وهو واحد والله يخليكم لبعض يارب بس مو هو واهله انتي الله عزج بالكرامة حطي حد للموضوع |
صدقيني نقص فيها وتبي تفرض وجودها
وتشوفك مكمله دراستك خلاص بتحاول تتكبر عليك علشان ماتتتكبرين انت عليها |
حقوية هااي همتج حقريها عنج مابتهمج
فيه حاله الجبروت هذي على الناس والله يعين اللي متحملنها وكان الله بعونكم حبيبتي |
يا رب تطلعي حامل حبيبتي الزرافة وتنتهي شوفتها لنفسها يا رب
|
السلام عليكم ورحمة الله وبركاته
أشكر كل من تفاعل معي ورد علي جزاكم الله خيراً وأبشركم عملت بنصايحكم كما يلي: (والمشكلة صارت شبه محلولة) 1ـ قللت الزيارات لأهل زوجي وإرتحت أكثر .... 2ـ صرت معها رسمية بزياده أكثر من أول .... 3ـ لم أعد أهتم بولدها نهائياً أسلم عليه إذا جيت فقط مع إن قلبي يتقطع لأني أحب الأطفال وملاعبتهم بس كذا أريح لي .... والحمد لله باقي أسبوعين وتسافر الله ييسر لها ويهديها...... الله يستجيب دعائك يا عزيزتي يورن وجزاك الله خيراً ولك مثل ذلك تــــــــــــحيـــــــــاتـــــــــــي للـــــــــجــــــــــميـــــــــع |
الساعة الآن 08:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©