|
مشكـــ عيون زوجي زايغه ــلتي
بسم الله الرحمن الرحيم
أنا مشكلتي مدري وش أسوي فيها أنا من عائله محافظه لأبعد ماتتصورون ..لدرجة إنه كان ماعندنا صديقات يكلمونا على التلفون ولا نروح لهم ولا يجونا حتى لو يكون مع الوالده ،،كل شئ عيب بس الوالد الله يرحمه ماكان يعطينا فرصه نتمنى فيها حاجه الله يرحمه ويسكنه فسيح جناته أيام الإسبوع في المدرسه والأربعاء+الخميس+الجمعه كان يمشينا وفي الأجازات نسافر أي مكان من جد فله المهم كنت ساكنه في منطقة .. وإنتقلنا إلى منطقة أخرى وعمري 9سنوات تزوجت في جده وأنا لاأعرف عن الزواج شئ غير أني يكون ليه بيت لوحدي أنام وقت ما ودي وأصحى وقت ما ودي وأشتري إلي أبيه ماأحد يقولي لا وياليتني ماتزوجت كان عمري عندما خطبت 14 سنه وجلس 6 شهور يروح ويجي أهلي شافو إنه عريس مايتفوت وكانوا يتمنونه لأحد أخوتي الأكبر مني سنا بس هو كان مصمم عليه وفي الأخير وافق والدي ووالدتي تزوجت وعمري 15سنه وأنا لاأعلم الشئ الكثير عن الحياه الزوجيه المهم من يوم مادخلنا الفندق والبيجر عنده ماسكت وأنا عادي ماهتميت قلت أكيد أصحابه ماكنت أعرف إنه يعرف نص بنات جده أمحق عريس أول أسبوع دخلت البيت دق البيجر كاالعاده وقام هو إتصل لاكني والله الحمد تقدرون تقولون عندي الحاسه السادسه حسيت إنها وحده وجيت جلست جنبه وهو يتكلم وكأنه يتكلم مع واحد بسرعه أبي أضغط السبيكر ولاكنه كان أسرع مني ودف إيدي كان بيكسرها قلت في نفسي معليش طلعي نفسك الغلطانه وكأنت منتي متأكده إنها وحده إنتي عروسه ولو كبرت السالفه ياكثر من بيتشمت وباالذات من جماعته لأنهم كانوا مقهورين ليش يتزوج من برى العائله الكريمه وبنات العيله وين راحوا المهم عديتها لاكني أشك فيه إنه يعرف بنات لاكن للأسف من غير دليل ماينفع الكلام كان الإزعاج على تلفون بيتي كثير وهو دايم يقولي لاتدقين على أحد منهم عشان مايعرفون إنه عندنا كاشف الرقم وأنا أوريك فيهم هذولا ناس حاقدين المهم كنت أشك إن الإتصالات له هو في يوم من الأيام بعد مارن التلفون ورديت قفلوا في وجهي قلت خلني أدق وأقطع الشك بااليقين دقيت ردت علي وحد المهم رديد السلام وهي ردت السلام دخلت معاها عرض كيف الحال إش أخبارك هي شافت الرقم بس سوت نفسها قالتلي مين إنتي قلت لها بكل هدوء أخاف أقولك من أكون وتقفلين في وجهي قالت لي لا المهم قلت لها أنا زوجة فلان هي ماصدقت قالت لي إثبتيلي قلت لها طيب دقيت على بيت اهله وشبكتها خط معي وخليتها تسمعه قالت لي والله هو كذب علي وقالي ماني متزوج وفرش لها الأرض حرير المهم هو حس إنه معي أحد على الخط وأنا حسيت إنه ماقفل بس ماكان يهمني شئ في هذا الوقت كان في قلبي نار ولعه سبيت فيه وقلت إنه أخس نصيب وتتريقت في أهله وكنت قاصده المهم بعد ماقفلت قفل هو وجا على طول للبيت يبي يشوف ردة الفعل سويت نفسي ولا كأنه شئ صار وعديتها لمن شافني هادئه وهو فيه حرقه من الكلام إلي قلته سكت وخرج من البيت اليوم الثاني رحنا بيت أهله طبعا تلفون بيت أهله سنترال معاكسات والبيت كله شباب جلس كل شوي يدخل يبي التلفون أقول أبغى أكلم وأمسكه وأحطه في إذني وأمه كانت تطالع وتقولي عيب عليك أعطيه التلفون من الحرقه إلي فيه ولا كأني أسمعها المهم إستمريت على هذا الحال كل مايدخل إلين ماقال ياالله نروح البيت روحنا شفته مكشر وانا إنسانه ماأحب النكد قلت له مثل العاده بإبتسامه بسيطه وأنا كلي قهر وش رايك أجيب ال أنو نلعب شوي وهذا نفخ فيني وكله ثقه بي نفسه إنه ماسوى شئ ساعتها كأني نار وصبيت عليها البنزين إنهارت أعصابي وقتها خاف وعرف إنه غلطان علي وتأسف وما سابني إلين هديت وبعد فتره صرت أشوف معه حبوب دايم يخبيه في أماكن ماتخطر على البال أول مره لقيته بحسن نيه سألته وش ذا قالي حبوب صداع وأخذه على طول المره الثانيه قلت إلى أخذه وأوديه الصيدليه وبما أني ماأطلع إلى معاه أعطيت أختي وخليتها توديه الصيدليه وكتشفت إنه حبوب هلوسه وكشفته مره ثانيه وهو سايبني عند باب الكليه ادوره وهو عند باب الأستاذات يعاكس شكله كان متعشم بمدرسه المهم في هذه المره شكيت وزادني شك ولدي جاني وقال ياماما أبي أقولك شئ ولا تقولين لبابا قلت له وش فيه قال بابا خلاني أكلم صاحبه في الجوال وبعدين سألته مين هذا يابابا قالي هذي خاله قلت له وش قلت لصاحبه قال: بابا قالي أقول مرحبن بك لاكن ماسمعت صوته هو كان دايم بعد مايكلمها يمسح السجل بس لمن احط في راسي اكشفه وكشفته بس هذي المره قالها في البدايه إنه ماهو متزوج وفرش لها الأرض حرير وبعدين قالها إنه تزوج بس كان مجبور ياحرام على الزواجه هذي أبوه كان صاحب أبوي بعدين أبوه قاله لازم تتزوج بنت صاحبي وهو مسكين ولد مثالي سمع كلام أبوه وتزوجها مع أنه تصدقون إنه 6 شهور وأهله يجون ويروحون ويقولوله البنت صغيره وأهلها شكلهم ماهم موافقين بس هو يقولهم ياهي يالاعاد تقولون لي إتزوج وأهله تعبوا وهم يقولون له نبي نفرح بك لاسيما إن عمره وقتها كان 27 يعني ماهو صغير وظليت وره ووراها إلي يعرفها إلين ماتأكدت إني خربت بينهم كنت أسحب منها طرف موضوع وأدقه فيه ويقوم يقولي والله هي إلي كانت تقول وأروح لها وأقولها يقول عليك كنتي تسوين ....وتسوين وهي عاد كانت تنقهر وتقول والله هو وهو وهو إلين ماخربت هو جا تأسف قلت له وكلي دموع أنا ماأبي أسف أبيك تقولي إنتي قصرتي معايه في كذا.. وكذا ساعتها بأقول أنا إلي غلطت في حقي لاكنه للأسف مالقي له إجابه لاني واثقه من نفسي بإذن الله إني عمري ماقصرت معه في شئ بس إلين متى تفضل حياتي كذا كلها شك وجروح لاسيما أني بصراحه أحبه بكل ماتعنيه الكلمه من معنى مع إني عمري ماقصرت معه ودايم مايطلب مني أي شئ إلا وأقوله من عيوني الثنتين وديم في كامل شياكتي وأناقتي وعمري ماطلعت وسبته في البيت لوحده مدري وش أسوي معه ماقصيت عليكم إلى القليل..من مغامراته مدري وش أسوي في حياتي |
الله يعينك يا أختي ومشكلتك هذه موجودة عند كثير من البنات للأسف وكان الله في عونهن ونصيحتي هي المصارحة المباشرة معه وحاولي تخويفه خصوصا أن بينكم أبناء الآن..
|
ربنا يعينك أختي من الأفضل تطنشي وتعملي حالك مو مهتمه أو ماتدري عن شي لانه إذا عرف أنك بتعرفي كل مره راح يكون عنده عادي مابيهتم ليكِ وإن شاء الله ربنا يهديه . أدعيله بالهدايه وحاولي تقربي منه يعني تخرجي معاه كتيررر ومن غير الاولاد يعني تشغليه عن الامور التافهه اذا كان عنده وقت ليها أو حتى تسافروا لحالكم تغير جو وساعتها تنصحيه بعيد عن المشاكل بتمنالك السعادة وراحه البــــــال أختي |
الله يهديه ويسخره لك
|
اكتب له رساله وحنني قلبه عليكي وعلى ابنك
واذا ماحن ورجع لعقله قولي له ما ابيك وابي اتطلق وشوفي كيف رح يرجع لك بأذن الله وفقك الله حبيبتي في رعايه الله |
ماشاء الله عليك اعجبتني ثقتك ورجاحة عقلك صدقيني ان لك هيبه في قلبه ويخاف منك واستمري على اسلوبك معاه لانه بيصير مثل المريب اللي بيقول خذوني ونسيت ارحب فيك يالغاليه بيننا والاخوه والاخوات ماراح يقصروا معاك بس انقله للمتزوجين مكانه الانسب |
الله يكون في عونك واصلي على اسلوبك لابد يجيه يوم يندم ويرجع لك ولاولاده ويا هلا فيك بين اخوانك واخواتك:23: :23: |
الله يعينك ويصبرك ويقويك على تحمل تصرفاته
ويسخر زوجك |
الله يهديه ويسخره لك
|
الي الامام سر ................علي مانتي عليه مصيره يطفش ...وتري 90% من المتزوجين كذا ...
|
اقتباس:
بس المصارحه كثر منها لمن أعرف شئ وأجي أصارحه من غير دليل يخش في عيني ويقول إنتي تجلسين تصدقين الرايح والجاي إلين مايخربوا بيتك ويخش في عيوني ويقول كذب ماصار مع إني ماأواجهه إلى بشئ إلي أكون متأكده منه وبطريقته هذي عودني إني ماأصارحه إلى بوجود الدليل مدري وش أسوي معاه مع أني بصراحه أحس إن معدنه أصيل ويحبني لاكن الخيانه في دمه |
اقتباس:
بس للأسف ماأقدر أطنش الله يعيني |
اقتباس:
|
اقتباس:
بس والله سويتها معاه ومانفع بطل تقريبا سنه ورجع من أول وجديد لطريقه والله الرسايل إلي أكتبها عدي وغلطي |
اقتباس:
شكرا لك عطيتني ثقه في نفسي أكثر بس تصدق فعلا إلي قلته صح ليه هيبه في قلبه مدي هو صحيح ولا يتهيأ لي وخوف لاكن خوف من نوع أخر من نظري إنه مافي رجال يخاف من إمراءه ولاكن ممكن من حبه أو إحترامه لها يخاف على زعلها فقط لاأكثر |
اقتباس:
وشكرا لفيافي نجد على الترحيب بي |
اقتباس:
إي والله الله يصبرني بس هو كمان بصراحه مساعدني إني أصبر على تصرفاته عنده أسلوب في التعامل والتفاهم غير طبيعي |
أم هنوي
ابوجنى شكرا على حسن المرور |
اقتباس:
والله بصراحه أكيد إني بإذن الله بأواصل وبطلع عيونه لو يسويها مره ثانيه بس أطلعها بطريقتي مش باالمشاكل لأن المشاكل عمرها ماتعمر بيت كثيرين من إلي يعرفونه من قبل الزواج يقولون إنه متغير للأحسن تقريبا بنسبه 80% فجعوني بس مارضيوا يقولون على التفاصيل وفعلا هو بعد كل كفشه ياخذ له سنه أو أكثر بقليل راحه من تصرفاته |
اختي الله يفك اسرك من الحزن
لكن ودي اعرف ...هل العلاقات ما تتعدى مكالمات او في اكثر من كذا ..؟؟ في انتظار ردك |
|
آآآآآآآآآآآآآآآآآآآآه خرجت من قلبي وانا أقرأكلماتك
كأنك تتكلمين عني بالضبط باختلاف بعض التفاصيل الدقيقه أعاني من زوج الخيانه تجري في دمه وفي كل مره لايعترف الا بدليل يعتذر ويصير الزوج المثالي ولكن ترجع رحليمه لعادتها القديمه وياقلب الله يصبرك الله يعينك ياأختي ويعينني بصراحه تعب قلبي من كثر ما أقول تعععععععععععععععععععععععععععععععععععععبت |
اقتباس:
في مره بعد المره الأولى جا البيت بعد يوم من الخرجه حقه أخذت ثيابه للغسيل وأنا أدور في الثياب قبل ماأحطها في الغساله عشان لا أتلفله أي حاجه تكون في ثيابه ناسيها لقيت طبعت روج على صدره لمن واجهته فيها أنكر إنها طبعة روج لأنها كانت شوي خفيفه لاكني متأكده إنها طبعة روج بس فوتها وضحكت على نفسي وصدقته لاكني ماصحيت إلى بعد فتره طويله من غفلتي وصرت ماأصدق منه شئ بصراحه والعلاقه الأخيره إلي كفشته فيها زعلت وأول مره أروح بيت أهلي بس ماقلت لهم إني جايه زعلانه وإنما قلت إني جايه أغير جو عندكم يومين ماأعرف ليش لاسيما إن الوقت كان أجازة العطله الصيفيه وخواتي المتزوجات يجون من الديره ويقضونها بيت أهلي المهم أنا كنت أكلم البنت عشان بطريقتي الخاصه أعرف وش طبيعة التعارف إلي هو يسويها مع البنات أستدرجها في طرف الموضوع وأروح بطريقتي أسحبه منه كامل وأقوله هي قالتلي الموضوع كله مع إني يدوب أسحب طرفه منها وإكتشفت أشياء ليتني ماعرفتها وعرفت إنه يتكلم معاها بكلام عمره والفاظ عمره ماتكلمها معايه أنا وأنا أم عياله وعرفت إنها لو تعطيه الفرصه على نفسهاماراح يقصر بشئ كمان يوم أنا رحت بيت أهلي كان يدق على جوالي ويعطيني مرشح تهزئ وماعليه إلى يخش في عيني ويقول ماسويت شئ كل هذي أوهام وخلي إلي يعبونك ويبون يخربون بيتك ينفعونك يقصد باالي يبون يخربون بيتي هم خواتي مع إنهم عمرهم والله ماحرشوني عليه والله العظيم إن بعضهم يقولولي والله لو تطنشي وتسوين نفسك منتي عارفه شئ أحسلك بس أنا ماأقدر أطنش وفي نفس الوقت يدق عليها ويسمعها من الكلام الحلو ويترجاها عشان تجي البيت عنده وكمان قايلها إني رحت بيت أهلي زعلانه بس هو يبيها هيه حتى لمن قدر يقنعني إني أرجع البيت ونتفاهم دق عليها وقالها أنا رايح أجيبها من بيت أهلها معليش عارفه إنه كلامي كثير بس وش أسوي تعبت من الكبت إلي أنا فيه ونفسي أحكي وأتكلم |
اقتباس:
ويعيني معاك |
أخبريه بأن الزنا ديــــــــن ولا بد من سداده
|
اسيرة الاحزان اولا احب اقولك خلي رسائلك عن نفسك ايجابيه يعني بدل ماتقولي اسيرة احزان قولي مثلا الصابره وتعرفين ان الله يحب الصابرين ثانيا مادام انك تحبينه وما ودك تتركينه خلاص ريحي نفسك مادام انك في ذمته وادي واجبك نحوه واتركي الباقي على ربك يعني اللي يروح لهم ايش يعطوه؟ مايعطوه غير الغزل قولي له من الغزل لي مايقرف من غزلهم ما فيه شي يرقق حتى الحجر مثل الكلام الحلو غرقيه بيه وجربي والله يوفقك |
بارك الله لكِ في جهودك ومجهوداتك
الله يبارك لكِ في ولدك ويصلحه لكِ ويصلح ذريتك واصلي على ماأنتي عليه ، أنتي الأساس وهم طشاش وترى زوجك لن ينسى وقفتك مع مرضه (غزل البنات والعلاقات المحرمة) الله يهديه . |
السلام عليكم ::
اولا اهنئك على رجاحة عقلك وصبرك ومن جد اتحفني ان في نساء مثلك يتميزن بحكمتك ودهائك والله يعينك بس بدي اسألك (باردة الوجه اللي تكلم زوجك ) كيف تكلمك ولاكأنها عامله حاجة؟؟؟ وهو لمن واجهتيه بعلاقته معاها ماخجل من نفسه؟؟ طيب اذا متعلق فيها ليش مااتزوجها او ليش مايتزوجها؟؟ طيب ماعمرك فكرتي تروحي لها ؟؟ من جد يوم تعرفي انه رايح لها دوري احد يوديكي لهم وخربي عليهم .. من جد احس دمي (فار) الله يكون في عونك ويصلحه لك |
وربي سواليفكم جابت لي الخوف
<<<<<<<<<<< مشكلتها ما تعرف تصيد ,,,,, بس هذا طبع الرجال الله يعينك ويعطيك العافية ويسخره لك... |
اعانك الله اختي العزيزة خاصة وان سفاهة الشيخ لا حلم بعدها لكن الصبي بعد السفاهة يحلم ورغماً عن ذلك لا تهجريه بل كوني له الناصح الامين واغريه بالزواج مجدداً حفاظاً علي روحانياته فبدلاً من ان يقع في الحرام بالنظر لكل من تعجبه ليتزوج كل من تعجبه وعندها سيكف عن ما يفعله وارهقيه مادياً حتي ينسي نفسه بل وموقعه من الكرة الارضية
|
الله يعينك لأن اللي طبعه كذا ما راح يتغير أبد إلأا من رحم ربي إدعيله بالهداية آآآمييين
|
الله يعينك
|
اقتباس:
النوع |
اقتباس:
لاكن أنا إخترت هذا الإسم لاني فعلا أصبحت أسيرة أحزان وصرت أتمنى أنه يعدي على شهر ماتنزل دمعتي على خدي فيه وترى حبي ليه ماجا من فضاوه بصراحه معاملته معاي قمه في الأخلاق أما إن أتركه في حاله كثر منها باالحييييييييييييييييل بعيد عن شواربه وأما عن الغزل فأنا متأكده من نفسي إني عمري ماقصرت معاه في هذي الناحيه ماخليتله لا الغزل ولا الدلع ولا الدلال ومافي شي إلي سويته له عشان يرضى ومافي كتاب عن حياة المتزوجين إلى وزدت ثقافتي من هذي الناحيه زيـــــــــــــــاده |
اقتباس:
شكرا لك أخي في الله وبإذن الله إني بواصل.. ولو ماني عارفه إن هذا مرض وإبتلاء فيه من أيام شبابه كان ماسكت له |
اذا سكتتي رح يتمادى ومستحيل يتوب
حطي حد للموضوع وواجهيه وحاولي تحسمين الموضوع قولي له يا انا يا لعبك ومغازلاتك خلك قويه وحسسيه انك بايعته حتى لو كنتي تحبينه |
اقتباس:
وكنت أطلع من عنده حق دقيقتين أرسلها رسايل أبي أستفز أعصابها وبصراحه من قهري أتلفظ عليها ألفاظ الله المستعان وأقولها إنتي حياالله من الشارع حدودك في الشارع أما أنا شوفيه معايه وأتحداك تتصلين ويكلمك أبغاها تتصل عشان أقوله رد وأنا أسمع المهم بعد سب ولعن مني منها على بعض عرفو يطبخون الطبخه سوى إنها ماتعرفه المهم زعلت على نفسي إن صغرت نفسي وتلفظت عليها بي ألفاظ ماتنقال بعد مشاحنات يوم كامل معاها خرج أبو العيال عشان يصلي الفجر ودقيت عليها مثل عادتي طبعا هي ردت وقدها محظره نفسها عشان تسب لاكن سبقتها ورديت السلام في البدايه مابغت تعطيني وجه قلت لها شوفي ماتبغي تعطيني وجه بكيفك أنا ماأقدر أجبرك لاكني متصله عشان أقولك فعلا أنا أسفه على كل كلمه سيئه تلفظت فيها عليك وأنا مو من عادتي أتلفظ بهذي ألفاظ وهو خليه في يوم من الأيام راح أجيب له الدليل وأدخله في عينه وفي إلي أقوى من كل قوي وربنا على الظالم وغصب عني جلست أبكي وأنا أكلمها ولمن جيت أقفل السماعه هي حزنت علي وقالت لي إسمعي لاتقفلين والله ماأدري أنه متزوج من بداية العلاقه وماعلمني إلى قريب وأنا أوعدك إني ماعاد أكلمه ودخلت فيها عرض وجلست أحننها علي وأقولها عمري ماقصرت معاه في شئ المهم هي فتحتلي الشريط من أوله لأخره أوهمها إنه ولد عز وماراح يتخلى عنها وقالها إنه عنده 3 سيارات انا عارفه عشان لو لقى سيارة أخوه ووافقت تطلع معاه فيها اوكي وسيارة أخوه شوي فخمه ولو ماتوفرت سيارة أخوه ياخذ سيارة خويه (رفيق السوء) الجيب لانه فخم ولو ماتوفرت هذي السيارات راح باالخرده حقه جلست أدقه اليوم الثاني عشان يفهم إني عرفت منها كل شئ قلت له بعد ماسويت له القهوه العصر ياخي تصدق على أخوي بسياره من سياراتك الـ 3 بس أبي من الفخمه ولا أقولك عطه الجيب أحسن مع إن أخوي عنده أفخم من هذي السيارات الثلاثه كلها بس كذا أبي أقهره عرف وقتها إني عرفت وهو لمن واجهتيه بعلاقته معاها ماخجل من نفسه؟؟ بصراحه خجل باالحيل وإعتذر ويقول إنها هي إلي رمتله الرقم وهو لحظة شيطان إتصل مره وحده بس يبي يشوف هي وش تبي منه وبعدها هي إلي رجته إتصالات هذا على حسب كلامه طيب اذا متعلق فيها ليش مااتزوجها او ليش مايتزوجها؟؟ شوفي أما حكاية زواج فأنا في هذي النقطه متأكده منها زي ماأنا متأكده من نفسي لو تجنن في حبها لايمكن يتزوج وحده عرفها من الشارع وبعدين ترها ملكة على ولد عمها وتقول إنها مجبوره طيب ماعمرك فكرتي تروحي لها ؟؟ بصراحه كان نفسي اشوفها ولمن كفشته كان باقي على زوجها 4 شهور وعزمتني وكانت ليه النيه اني اروح بس بعد مابرد الموضوع شلت الفكره من راسي من جد يوم تعرفي انه رايح لها دوري احد يوديكي لهم وخربي عليهم .. بصراحه ماقد صارت معي هي كانت من عائله محافظه باالحيل وترجع عسيريه |
اقتباس:
رددي ياليل مطولك باالحييييييييييييييل كثري منها والله لو يتزوج لا أخليه يكره اليوم إلي جابته أمه فيه وأبسط شئ راح أسويه لايمكن عاد أعيش معاه |
اقتباس:
|
اقتباس:
|
| الساعة الآن 12:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©