مشورتكم .. لحوض سمك غريب
 

السلام عليكم

أنا الآن أعمل شقة للزواج ... ولدي بعض الأشياء التي أحب أخذ مشورتكم وذوقكم الراقي فيها ...

طبعاً قمت بعمل بعض الأفكار (المجنونة في الشقة) ...

من الأشياء التي عملتها وواجهت مشكلة بسيطة هي :

حوض سمك أرضي
رفعت أرضية الممر وخليت في النص مستطيل نازل حجمه تقريباً 4×1.5م وممدت لها لمبات ومجرى للمياه ... وضبطت الوضع .... بحيث أضع فيها اسماك زينة وأغطيها بزجاج سكريت يتحمل وزن كبير ويتمشي عليه ...

لكن المشكلة يا أحبائي هي بعد ما خلصت الحوض ورحت أسأل عن الزجاج ... حصلت لكن انصدمت بالسعر العاااااااااااااالي ... قالو ا لي تقريباً بيكلف 2000ريال للمتر يعني بيطلع علي ب12000ريال

بصراحة صعقت ...

ما ادري وش الحل يا احبائي ... وبصراحة مو داعيني قلبي ألغي فكرة الحوض لأنها من بنات أفكاري ودائما اتخيل الشقة بالمدخل والموزع البديع مثل ما خططت له


وش الحل؟؟؟؟؟؟؟؟؟؟؟؟؟؟


تعديل العنوان ليتناسب مع المضمون

ما في حل الا انك تدفع المبلغ او تدور لك اماكن ثانية ممكن سعرها يكون اقل شوي بس اكيد ما راح يكون الفرق وايد واذا ما تقدر تدفع شوف لك فكرة ثانية ممكن تناسب انها تكون بديلة للحوض

الفكره رائعه جدا ماشاء الله

ادفعها وان شاء الله ماراح تندم

ماشالله فكرة رائعة
راح اسويها انا بعد :)
انا من رايي صحيح السعر غالي لكم لا تخلي شي بخاطرك وانت في بداية الزواج
وحرااااااااااااااااااااااااااااااااااااام تلغي الفكرة لانها عجيبة

اذا الشقة اللي بتسكن فيها بتكون ملك لك يعني مو بالايجار ادفع وانت مرتاح صحيح المبلغ كبير بس الله يعينك دبره لان الفكرة راااائعه

اما اذا كنت بتسكن للايجار فاحسن لك اتنازل عن الفكرة

حوض سمك أرضي؟؟؟؟؟؟؟؟؟؟؟؟؟؟
في الشقه؟؟؟؟؟؟؟؟؟؟؟؟؟؟؟؟؟؟؟؟
وكيف يتنظف الحوض:29:

يااخي كم ملم سماكة الزجاج

لازم اعرف اذا كان المحل الي رحته نصاب ولا هذا السعر صحيح

على العموم سعر المتر لل 12 ملم هو 120 بالكثير ويوصل الى 98 ( مع السيكوريت )

لاكن في مثل حالتك اتوقع انه لازم تركب 19 ملم والمشكلة انه غالي يوصل الى 500 ريال للمتر بالكثير والاقل 400 الى 350 على حيب المحل لاكن الاغلب انه مايتسكرت لانه قوي ومتين عاد الله يعينك


المهم حاول تروح المصانع وتطلب منهم انهم يعطونك من الهدر لان المقاس عندك صغير كذا ممكن تحصل ارخص ( الهدر هو عبارة عن الزجاج المتبقي من اللوح بعد قصة وهذا باخذ قيمته من الزبون لذا يعتبر كسب للمصنع وممكن يعطيك عليه خصم )

شكراً أحبائي على الردود...
شكراً hr4 , أغصان مائلة , topaco-flowr وترى الحقوق محفوظة , تعبت من البعد , white-moon77 و theartofwar

والله أن من عرفت السعر ودائماً أفكر في الأمر ... والشقة ملكي لآنها في بيتنا..

والزجاج غالي لأنه بالطلبية ويحطوا فيه مواد خاصة مع الصنع.

ولو كنت أقدر أدفع المبلغ كان دفعته وأنا مرتاح ... زوجة المستقبل لما دخلت الشقة من الباب شافت في وجهها هالحفرة اللي بتكون حوض وستغربت وسألتني وش هذا وعلمتها الفكرة وأعجبت كثير كثير ........ لكن لما علمتها بأسعارهم قالت لي نغلي الفكرة .
بس أنا مو مطاوعني قلبي أني أترك هالفكرة .. واليوم خليت العمال يشتغلوا في السيراميك حقها.

** وتوها فكرة جت في بالي بس ما أدري مناسبة أو لا ...
أني احط حديد بدل الزجاج على شكل شبك .. وش رايكم ؟؟؟

أو أحط حديد وفوقه بلاستك شفاف؟؟؟


وش رايكم ؟؟؟ عطوني رايكم تراني محتاااار.

لالالالالالالالالالالالالالالالالالالالالالالالالا لالالالالالالا:29: لالالالالالالالالالالالالالالالالالالالالالالالالا لا:29: لالالالالالالالالالالالالالالالالالالالالالالا:29: :29: :29: :29:
الزجاج احلى
انا معاك انه السعر وايد غالي بس ميخالف ادفع الحين عشان ترتاح بعدين:22:

اذا منت قادر تدفع لزجاج جيب بلاستك شفاف ارخص لك
وفقك الله لكل خير
في رعايه الله

لالالالالالالالالالالالالالالالالالالالالالالالالا لالالالا
مايصلح حط زجاج اذا حطيت حديد بيطلع يفشل الفكره مررره حلوه ماشاء الله شفتها في قصر امير تقابلوا معه في التلفزيون وكان حاط في سقف المجلس دلافين مسوينها بالجبس.

الأخت بحرينية المقاس 4 × 1.5 مو 4 × 5 وأصغر من كذا راح يكون ماله منظر...

الأخ فوفو ... هل يوجد بلاستك يتحمل المشي عليه .. إذا تخبر عطني خبر .

يا حبايبي أنا عارف أن الزجاج أحلى بمراحل لكن وش أسوي ما أقدر ادفع هالمبلغ ... وإن شاءالله راح اشوف مصانع للزجاج .... وأتمنى إذا تخبروا لنا مصانع وياريت تكون بالمنطقة الشرقية أكون لكم من الشاكرين.

والله الشباب ماقصروا للرفع

يا جماعة ... هل يوجد بلاستيك يفي بالغرض؟؟؟

السلام عليكم


اغلب المصانع في الصناعية الاولى الي على طريق الدمام الخير السريع ( اكبر المصانع في المنطقة ) والافضل انك تذهب الى المصانع وليس الورش لانها اغلى والمصانع تعطيك خيارات كثيرة ممكن 15 ملم او 19 ملم او دبل جلاس وانا ممكن اعطيك اسم المصانع لاكن المشكلة ان المنتدى يمنع ذلك

الفكرة من جد رووووووعة .. وعال العال ..

أخوي ترى النصب في هالمحلات كثير إنت لا توقف فكرته عشاان إنه قال إلك هذا السعر رووح عدة أمااكن اسأل في النت عند مختصين في هالمجال يمكن تلاقيه أرخص بكثير ..

وإذا مرة مرة .. صغر المساحة وخليها بشكل دائري وسوي لك حوض اسطواني الشكل .. مرتفع عن سطح الأرض
فيه موضوع هنا عن أحواض الأسماااك وكاانت الأفكااار روعة .. راح أكيد يكلفك أقل من هذي القيمة على
ما أتوقع ..

وخصوصاً إن المكان اللي راح تسكن فيه شقة هو صحيح ملك بس في الأخير إذا جبت عياال على خير
بتنوي تغير المكان إلى بيت العمر .. وله ناوي السكن على طووول ومسااحة الشقة كبيرة بمساحة بيت ؟!!
إذا ناوي ماتقووم توكل على الله ..


ياالله رااح أدور لك الموضوع وإذا لقيته احطه .. أنا حفظت عندي الصور بس للأسف مايمدي احطها مرفقات
مدري ليه نظام المنتدى كذا <<< كإنها طلعت عن صلب الموضوع خخخخخ

أنا عاجبتني فكرة طاولة الطعام تصير حوض سمك عند الأطراف أو الكاونتر حق المطبخ ..

دورت الموضوع مالقيته بس لقيت شي شبيه يمكن يمكن يمكن يفيدك ..

إذا كان مساحة الممر واسع خذ من هالأفكار إذا ضاقت بك السُبل ..


http://www.66n.com/forums/showthread...C3%CD%E6%C7%D6


http://www.66n.com/forums/showthread...C3%CD%E6%C7%D6

السلام عليكم اخوي

بدايه بوضح لك ان كلامي بناء على كوني معيده تصميم الداخلي ولي 4 سنوات خبره لذلك اي خدمه انا حاظره :)


اولا الله يوفقك ويسعدك ويجعله بيت زوجيه سعيد يارب


ثانيا الفكره رائعه جدا جدا بس من واقع تجربه الحوض ابد مو عملي وهو حوض سمك عادي لازم تنظيف وتغيير مويه وسمك ميت ووساخه فما بالك وانت مثبته بالارض؟؟ وعلى كلا اخوي صدقني الفكره حلوه لكن غير عمليه ابد

زوجي الله يخليه لي ركب سقف صناعي بالصاله وتمام التمام و فيه فتحتين زجاج مرسوم بالوان خياليه وتحتها لمبه تتحكم بقوتها فاذا ولعناه عكس الوان على كل الصاله ولك تتخيل روعه المنظر ؟؟؟


طيب وش سبب ذكري للقصه ؟؟ السبب اخوي ان اللمبه احترقت :( ولها سنه وشي وما فيه امكانيه تغيير الا في حاله كسر الزجاج؟؟؟ :( :( وانا رفضت لان شكل الزجاج حلو

بناء على ما سبق لازم تفكر كيف بتتعامل مع الحوض وكيف بتاكل وتغير السمك ؟؟
على كلا شوف في كذا مطعم للاسف تلاقي الزجاج وسخ ومتعب جدا :(


على كلا انت فكر واذا لقيت حل لتغير الماء والتنظيف وبعدين وضع السمك مع العلم ان الحوض يحتاج تنظيف كل اسبوعين على الاقل في حاله توفر فلتر كهربائي بنوعيه جيده


واذا ودك اعرض صوره الفتحه وموقعها بالضبط وبحاول افكر لك بفكره ثانيه :)


بس اهم شي ابذل قدرتك لتحصل على بيت زوجيه مميز تفرح به قلب زوجتك


وكما سبق وذكرت شاور نفسك وانا بالخدمه





تحياتي
دلوعه زوجي

الفكره روعه

لكن كيف يتم تنظيف الحوض؟

الفكره حلوووووووه ..

بل توفيق ..



الحووض يتنظف بل فلتر ...

أكيد فيه طريقة عشاان تنرفع الزجاجة من سطح الأرض ..

تخيلت اشكل بيطلع روعه ولا تتحسف على شي جميل

ولكن ليه ما تخلي الفكرة للبيت الحلال افضل من وضعه في شقة

الله يوفقك .. بس على ماقالو الاخوت كيف بتنظفه؟؟!!

عندي لك فكرة مشابهه لفكره حوض السمك



ليش ما تستبدل السمك بزرع صناعي درجة اولى .... يعني يكون شكله كنه طبيعي 100 %


وتحط لمبات حلوة تعطيها نظرة



عاد انت لك الخيار ,,,

شوفى كل فكره مجنونه وراها سعر مجنون هههههههههههه راح اعطيكى حلين ابسطى يا عم الاول يا بتدفعى الثمن وانتى بتضحكى الثانى يا بتكنسلى الفكره وامشى متلنا على الارض مش لازم حوض سمك ههههههههههههههه لا تزعلى بضحك معك

السلام عليكم
حبايبي والله ما قصرتوا بمشاركاتكم وإقتراحاتكم..
أبشركم كأني طحت على محل سعره مناسب ... مبدئياً عن طريق الهاتف قال لي ممكن يعمل لي 12ملي طبقتين يعني تصير الزجاجة سمكها 24ملي ... وسهر المتر 300ريال ومساحة الحوض 6م يعني المبلغ على بعضو يطلع 1800ريال سعر معقول جدا .

وبالنسبة لتنظيف الحوض فأنا عامل فتحة لتسريب المياه وفتحة أخرة لوضع الماء في الحوض ..

وممكن أضع فلتر صناعي ... وفيه سمكة خاصة لتنظيف .. ممكن أضع أكثر من خمس سمكات تنظيف ..

دلوعة زوجي .. شكرا لك واتمنى ما تبخلي علينا من اقتراحاتك بحكم تخصصك.
وجع آخر معاناتي .. شكرا الروابط جميلة .
ايمانوس .. أنا حطيت في راسي ما امشي إلا على الحوض .. والشي الثاني أنا رجال وانت تخاطبيني كأني بصيغة الانثى .. تدفعي / تضحكي ... ههههههههههه

شكرا لكم اخواني واخواتي والله قريت كل مشاركاتكم وكلها مفيدة لي .