|
مشكلتي اخواني واخواتي زوجتي
انا شاب عمري 29 سنه متزوج من سبع سنوات عندي بنتين وولد وزوجتي حامل ايضا ولله الحمد مشكلتي ياخوان زوجتي في مشاكل مع الخدم ومعي ومعي اخواني واخواتي مع امي لا تشبع من الطلبات حاولت ابعد عن المشاكل واكلمها اهلها في بلدهم وهي بنت خالي عنيده الى درجة انها تمسك الباب اذا جيت اطلع وتقول ماتطلع وتمد يدها علي وتتكلم اوسخ الكلام علي انقلع ضف وجهك وانت زي الجزمه وطلقني اتحداك الى درجة انها تخلي بنتي الكبيره وعمرها خمس سنوات وبنتي الصغيره عندنا وقت المشكله اقول خليهم يطلعون بتفاهم معك تقول لا شفتو يابنات ابوكم بيطقني يكرهني يحب وحده
بتقولون اضربها تزوج عليها ضربتها وتزوجت عليها لانها راحت عند اهلها ةقالت ماراح ارجع وتزوجت عليها وطلقت زوجتي الثانيه في عشان عيالي موعشانها وكنت في حاله نفسيه سئيه حتى كرهت زجتي الثانيه وانا ماخذها وحبيتها في فتره بس جت مشاكل وقدر الله وطلقتها ولا فاد فيها لدرجة انها قالت طلعني لبيت لوحدنا طلعتها وعزيتها وجبت خدم وحشم وسيارات لها وكل اومرها مجابه بس ترسل السايق وتجيب الطلبات بدون اي تعب بس انا ماعرف الى متى ومشاكلنا على الحال تكره الناس كلهم ولا لها صحبات ابد كل ماصاحبت بنات سوت معهم مشكله ماعلي منهم ماهي مريحتني لا نفسيا كرهت العمل كرهت الطلعه اذا جيت اطلع قالت وين رايح خذني معك كل يوم تبي طلعهه ولا انا مرتاح معها بالفراش حتى بس اسم جنس |
الله يعينك عليها والله فرقاها اريح |
الله يعينك اخوي
الله يهديكم لبعض ان شاء الله ويحل مشاكلكم وييسر اموركم حاول تكلمها بهدووووووووء او كلم احد من اهلها و ان شاء الله خير وابعد الافكار الشيطانية عن بالك و ان شاء الله تنسجمون |
الله يعينك عليها أخي طلع رجولتك وخل عندك كلمه مسموعه وأذا ما فاد كلم أبوها أو أحد كيبر
علشان يحل لكم هذي المشاكل فعلا الحياة بهذي الطريقة يستحيل العيش فيها ربي يصبرك ويهديها ولكن ما توصل لضربك وأهانتك لكل شي حد وحدود |
ياجماعه كلمت اخوها دكتور قالي هذي مو صاحيه تحملها كلمت ابوها امام قالي جيب بنتي وعيالها واذا شرحت له الامر قال مجنونه هذي الا امها تقول بنتي الحق معه وجيبها لنا تريح واذا راحت لهم ماهي راجعه الا بعماره او بفلوس وقد اشتكت علي في بلدهم وتحملت وسكت
|
اقتباس:
[blink]يأخي أنت الرجل صراحة مامعك حق أين الرجولة تصرف يأخي [/blink] |
كيف اتصرف هجر وهجرنا وضرب وضربنا بتقولون ليش تضرب والله مامديت ايدي عليها ابد الا بعد ماشتكت علي وقالت انه يضربني وانا ماضربها وترد علي اوسخ الكلام هذا اللي خلاني اضرب ياختي
|
اقتباس:
ماأدري حالتك صعبة ومن كلامك أنت سويت كل الطرق والله يعينك ماأدري ممكن تلقى حل وإلا ... |
الله يعينك اخي
هذه مو وصاحية ..فيها مرض نفسي او شي من هذا القبيل او انها زوجة متسلطة جدا جدا تزوج عليها ...ولكن لا تطلقها ..خلها لعيالها انت لسة في عز شبابك ومن حقك تعيش مرتاح الله يهديها ويوفقك تحياتي |
اقتباس:
|
كن صارما صارما ولا تظهر خوفك علي الاولاد من الطلاق
|
لا تطلقها واصبر عليها تؤجر عندالله واستر عليها يسترك الله في الأخرة
هذا رأيي والله اعلم |
والله افضل شي انك تتزوج عليها اذا كانت بالاخلاق الي تكولها انت انا يصراحة ما فهمت الجزء الثاني الي تتكلم فيه عن زواجك الثاني بس انت تزوج لان ما يقهر المرأة الا المرأة متى ما ريحتك اعطيها حقوقها بالمناصفة واذا تعبتك روح ريح نفسك عند الثانية وبهل طريقة راح تتأدب و راح تحاور ترضيك اذا كنت عندها ( هذا طبعا اذا كان عندها عقل )
|
تخاف منها يعني يوم طلقت زوجتك الثانيه!!!!!!!!!!!
ياخي تزوج عليها وعيش حياتك ترى العمر مره وحده ياخي حرام عليك تتحمل كل هذا الله عز وجل اباح لك الزواج من ثانيه ولكن على ما اعتقد انك تخاف المشاكل |
أهجرها كلييييييا ..
لا تكلمها ولا تبقى معاها بالبيت .. خلها تعيش بروحها وتشوف أشلون حياتها بدونك .. حتى مصروفها عطها يادوب أقل القليل اللي يكفيها ويكفي أولادك .. ولو تتصل لا ترد .. وإذا تبي تتطمن على أولادك أرسل والدتك أو أختك أو حتى كلم أخوها يمر عليهم ويطمنك عليهم .. |
الطلاق احسن حل الها و للناس اللي ما تقدر النعمه ولا الزوج في وحده عندها زوج متلك وما تقدرة غريبه بعدين المثل بيقول دمك سم +ك والدم على بعضه ثقيل والرسول قال الاقارب كالعقارب لانها قريبه تعمل هيك بس واسالني انا عن القرابه ..... الله يكون بعوني وبعونك
|
اخي تعود من ابليس واستغفر ربك صدقني زوجتك فيها شي ويمكن مجروحة منك في شي ادا كنت تحبها وتحب عيالك وتبغى تحافظ على بيتك حاول تعالج زوجتك وديها عند استشارية وادا مارضت اجلس معاها جلسة مصارحة اعزمها (ياليت كمان تقدم لها هدية )برة واتكلم معاها عن حياتكم والمشاكل واسالها هي ليش تسوي كدا قول لها ايش ناقصك في ايش انا مقصر معاك خلينا نعيش حياتنا بسعادة عشان اولادنا وادا حسيت منها تجاوب قول لها انا اوديك عند استشارية ان شاء الله تساعدك وتريحك لان اكيد اخوي زوجتك نفسيتها تعبانة حيييييييييييل الله اعلم ايش السبب حتى انت من كلامك فهمت انك تكتب في حالة غضب ..
صدقني اخي في الله الحرمة املها في هده الدنيا انها تكون سعيدة في بيتها ومع زوجها اللي اختارت برضاها انها تعيش معاه مستحييييييييييييييل في حرمة تنكد على نفسها من غير سبب وانت انا متاكدة انك تحبها والدليل انك طلقت زوجتك الثانية عشان كدا حاول تسعد نفسك وزوجتك ترى الدنيا ماتستاهل الواحد يضيعها في نكد وهم .. نصيحة لك ولزوجتك تقربوا من الله اكثر ابعدوا عن المنكرات واي شي يغضب ربي واكثروا من الاستغفار والصدقة وردد دائما اللهم سخر زوجتي لي وسخرني لها واجعلها سكنا لي واجعلني سكنا لها واجعل بيننا مودة ورحمة ... |
اقتباس:
وخلها لعيالها بس مررات يكون الطلاق ارحم من العشرة والله يوفقكم |
اقتباس:
سندربلا هل تعين ماتقولين؟؟؟؟؟؟؟؟؟ هذا الكلام غير صحيح ابدا ولم يرد عن نبينا محمدصلى الله عليه وسلم ان الاقارب كالعقارب ار |
الله يعينك عليها شكلها قويه مرررره
هل كانت من اول الزواج هكذا |
الله يكون في عونك
|
ياجماعه هذي من اول ماتزوجنا في اول ليله قلت لها كلمتين خذي بالك من امي وخذي بالك مني وافهميني من عيوني وكاني قلت العكس والله والله ماخليت اي شي الا بينته لها اخر مره قلت لها لا تهاوشين الشغاله حرام عليك قالت هذي شغالتي وانا حره فيها وسوت مشكله كبيره عشان قلت لها حتى انها تكلمت كلام وسخ ومدت ايديها ووقفت عند الباب وخلت عيالي عندها وانا مابغى اتناقش معها عشان عيالنا
والسلام |
شكلها سيئة المعشر ولا تجيد التعامل مع الغير ..
يمكن فيها عقدة من صغرها أو أحساس بالنقص .. ممكن سؤال .. كيف كان ضربك لها ..؟ ماذا كان الموقف بالضبط ..؟؟ وكيف كانت ردة فعلها ؟؟ |
انا مع اختي بحرينيه
اهجرها هجرا تام وروح تزوج وخليها زوجتك بالاسم لحد ما تتعدل تعدلت تعدل معها ما تعدلت خليك كذا لين تصحى على حالها وفقك الله في رعايه الله |
سبحان الله كتيتلك رد طويل وانمسح
يالله مقسوم خير |
اقتباس:
يعني بنات الناس عندكم لعبة .. تتزوج ثانية وتطلقها .. عشان رضى عيالك وزوجتك والمسكينة اللي انكسر خاطرها وتطلقت .. وش ذنبها تشيل لقب مطلقه ؟؟ الله المستعان .. أصلح الله شأنكم وهداكم الى صراطه المستقيم . . . . . بنان |
[QUOTE=بنان][SIZE="4"][CENTER]
[COLOR="Magenta"]ما شاء الله عليكم يا الرجاجيل ...!!!! يعني بنات الناس عندكم لعبة .. تتزوج ثانية وتطلقها .. عشان رضى عيالك وزوجتك والمسكينة اللي انكسر خاطرها وتطلقت .. وش ذنبها تشيل لقب مطلقه ؟؟ الله المستعان .. أصلح الله شأنكم وهداكم الى صراطه المستقيم . . .اختي بنان زوجتي الثانيه جلست عندي ثلاثة اشهر شهرين ونص عند اهلها ونص عندي انا ما اكبر السالفه تقولون منك ممكن كلمتها قلت مايصلح ولا اربع ايام على بعض عشتي معي قالت تجيني نفس وكره البيت ومنقرفه من الجلسه قلت اخذها من قاصرها واطلق حتى انذرتها الف مره اقعدي في البيت تقول ماقدر اقعد هذي قصتي مع زوجتي الثانيه . |
اخي الكريم تقول
تقولون اضربها تزوج عليها ضربتها وتزوجت عليها لانها راحت عند اهلها ةقالت ماراح ارجع وتزوجت عليها وطلقت زوجتي الثانيه في عشان عيالي موعشانها وكنت في حاله نفسيه سئيه حتى كرهت زجتي الثانيه وانا ماخذها وحبيتها في فتره بس جت مشاكل وقدر الله وطلقتها ولا فاد فيها مافهمت هالجزء من المشكله ممكن توضح ظروف زواجك الثاني وطلاقك ومدته ورد فعل زوجتك الاولى الي فهمت ان مسببه المشاكل اجبرتك تطلق زوجتك الثاني!!!!!!!!!! صح؟ |
و الله يا ناصر أحس من كلامك إنها مريضة نفسيا و المرض عامل عمايله فيها
و ما في حل إلا الزوجة الثانية حتى تلاقي مكان ترتاح فيه بس إن شاء الله تكون الثانية عاقلة الله يفرجها عليك و على كل متضايق |
اقتباس:
|
والله أقرأء وأتعجب ماعهدنا على أعضا منتدانا هذه الردود أخي الكريم واضح زوجتك مريضه نفسيا ويجب عليك عرضها على طبيب نفسي وترا النتيجه..
|
الي كانت حامل زوجتك الاولى صح؟
طيب انت ماعطيتها مصروف لها ولعيالك لما راجت عند اهلها يعني مصروف اسبوعين؟؟؟؟؟؟ طيب لما قالت ابي اجلس زياده مااستاذنت لو بالتلفون وانت وافقت؟؟؟؟؟؟؟؟ طيب اذا كنت وافقت انها تكمل حملها عند اهلها ماارسلت لها مصروفها او رحت شفتها هي وعيالك وعطيتها المقسوم؟؟؟؟؟؟ كل هذا وش علاقته بالثانيه؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
|
السلام عليكم...
اخي الكريم قبل ماتطلق.... جيب حكم من اهلها غير امها او اخوها...عم ..خال...وحكم من اهلك.. وفهمهم ان هذي اخر فرصه بالنسبه لها خليك حازم اكثر معاها وفهمهم على كل شي خليها تقول لك وش سبب تصرفاتها هذي...حتى لو كانت تشوف فيك عيوب خليها تذكرها انت تحملت ومايضرك انك تعطيها فرضه تروضها فيها بعدين اولادك وش ذنبهم يتعقدون قول لها حتى لو طلقتك باخذ الاولاد...وشوف بترضى مرت اب تربيهم اذا وافقت معناها بايعه...وهي حره والله يعينك ويهديها |
اقتباس:
انا ياجماعه خايف على اولادي من يتعقدون في مشاكلنا انا افكر اطلق وارتاح من الزواج ومن قرفها ياجماعه طلبات تشيب الشعر افكر اتزوج انصدم زي الزوجتين الثنتين انا انسان حيران |
لاحول ولاقوة الا بالله
هي تقول مقهوره منك ليش؟؟؟؟؟؟ راحت حرضت اهلها عليك ؟؟؟؟؟؟ انت زعلت انها حرضت اهلها عليك وهاوشوك؟؟؟ قمت رديت عليها انك خطبت وتزوجت غيرها؟؟؟ هذا الي فهمته انا من كلامك ان شاء الله اكون فهمت صح طيب اخي الكريم من يوم خطبت الثانيه الي يوم طلقتها ماهو رد فعل الاولى؟؟ وماهو رد فعل الثانيه؟؟؟؟؟؟؟؟؟؟؟ و كيف تصرفك مع الثنتين ؟؟؟؟؟؟؟؟؟ هل تصرفت معهن بنفس الاسلوب وبنفس النفسيه وبنفس الصبر والتحمل؟؟؟؟؟؟؟؟؟؟ يعني عدلت بينهن؟؟؟؟؟؟؟؟ تقول 3شهور وجلست نص شهر وانت ماتحملتها وطلقتها؟؟؟؟؟؟؟؟ سبحان الله اجل كيف تحملت الاولى 7سنييييييييييييييييييييييييييييييييين اخوي ركز الله يهديك لطريق الصواب انت غلطت غلطه كبيره والاخوان هداهم الله يقولون لك كررها بصراحه انت مو قد الزواج الثاني لانك ظلمت وحده وطلقتها بعد3شهور وماتحملتها لان الاولى استهلكت كل قدرتك على التحمل طيب البنت وش ذنبها؟؟؟؟؟انت استخدمتها اداه لتأديب الاولى لاحول ولاقوه الا بالله اتقوا الله في بنات الناس والاخوان يقولون كرر فعلتك انت ناقص ذنوب؟؟؟؟؟؟؟؟؟ اخوي الحين ركز بالي عندك وعطها حقوقها الشرعيه كامله ومنها انك تعرضها على دكتور نفسي بطريقه لطيفه ماتجرحها فيهاواطلب حقوقك كامله ولاتتنازل خاصه انها من بدايه الزواج كذا يعني لاوحام ولاحاله نفسيه ولاشي وفهمها ذلك وكن رجل فعلا وقولا اذا مانفع اقتراح اختى بحرينيه مناسب علقها واصرف عليها وارجع للبنت الي ظلمتها وعوضها وانتظر سنه ان تعدلت اعدل بينهن ماتعدلت يستمر الحال على ماهو عليه ان شاء الله نفيدك وتنصلح امورك اللهم اصلح شانه كله وارزقه وانا واخواتي والجميع |
الله يعينك على ماابتلاك مالك الا الدعاء وهدي نفسك شوي وفكر بعيالك وش رايح يصير لهم وانتم منفصلين ترى مافيه زي الام لعيالهاتحمل عشان العيال
|
السلام عليكم
عزيزي ناصر اسال الله ان يفرج همك وجوابي مافيه زياده على ردود الاخوان والاخوات انت صبرت وتحملت وانذرت وحذرت لكن مااااااااااااااااااافيه فايده ولك كل الحق في الزواج عليها (ولا احبذ الطلاق)خذ لك وحده تخاف الله وتناسى زوجتك الاولى اشهرقليله ولاترد على مكالماتها ولارسايلها وعيالك حدد مع خوالهم يوم في الاسبوع تاخذهم معك غصبآعنها وعش حياتك مع وحده تحترمك وتقدرك وراح تجد السعاده ان شاء الله ولاتنسى الدعاء والاستخاره وتقبل مروري |
أسأل الله أن يفرج همك ويعوضك خير |
طيب وش رايك تاخذ لها فله عند اهلها في الكويت يعني يكون الجدار بالجدار وتسكنها هي وعيالها فيها وتصرف عليهم
وتروح انت وتتزوج عليها وتخلي زوجتك الاولى على ذمتك اذا تعدلت رجعتها معاك لديرة اذا ماتعدلت خلها بيتها الى عند اهلها وهذاك تصرف عليهم وزرهم بين فترة وفترة بس انتبه مو تتزوج وطلقها مثل المرة الى فاتت خاف الله ببنات الناس ترى عندك بنات والدنيا دوارة اتمنى افدتك بشي والله يهديك للطريق الصح |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©