|
هذا ما أرسلته لي اليوم .. لما طلعت للدوام ..
بهذه الكلمات ودعتني لما طلعت من البيت ذاهباً للدوام ( عن طريق مسج على الجوال ) .
طلقني .. ريحني وارتاح .. أنا خلاص كرهتك.. ما أفدر استحملك أكثر .. اعتقني لوجه الله .. |
صراحة اخي ألمني هالمسج
ما بعرف قصتك بس الله يهديها |
حتما هناك ما يضايقها ويؤلمها
الزوجة لا تكره بسهوله اسالها |
اهم شئ رايك انت وماتحوية الرسالة ربما كانت زعلانة منك انت اعلم بما في نفسها
الله يهديكم |
اخي الكريم لا تهتم برسالتها ابدااا .. وكما اعرف من خلال بعض كتاباتك انها حامل الله يكمل لها على خير
وهي في فترة وحام وراح تزيد تكرهك وتقول كلام ماله داعي بس انت طنشها وبعد مايعدي هالوحام هي راح تضحك على حالها وراح تذكرك فيه انا هذا حالي يوم كنت حامل بس انا ماقلت ولا شئ غير اني طلبت يوديني بيت اهلي الين يروح الوحام يومها كنت قرفانه منه ومن صوته وشكله ونفسي ارجع لما اشوفه والبيت كمان كارهته بس ماكنت اقول له شئ لان الزوج ماينسى وكنت عارفه انه هذا وحام اعانك الله على هالفتره وانت ماعليك الا الصبر وانك تطنش والا تخرج من البيت وحاول انك ماتتجادل معاها موفق بأذن الله |
اكيد فيه سبب للمسج
الله يهدي سركم ويصلح بينكم |
اخي الكريم
تصرفها لا ينتج من فراغ لابد ان هناك مقدمات العلاقة الزوجية هي تفاعل ,,, لكل طرف تأثير على العلاقة ,, فليست هي فقط من قال ,, بل حدث شيئا يسبق هذا الأمر ,, انا لا القي اللوم عليك او عليها ,, انا أريد ان تتمكنا من معرفة تأثير كلاكما على الاخر ,, وفقكم المولى و احذروا من اتخاذ اي قرار في لحظة غضب حينما تكون العواطف مشحونة و غير متزنة ,, |
الله يقويك صراحه مادري وش اقولك
غير الله يكتبلك الخير سواء بالبقاء معاها او الانفصال الله يوجهك للطريق الصح |
لا حول ولا قوة إلا بالله ..
أخي الكريم .. بالضبط ماهي المشكلة الأساسية .. ولماذا لا تريدك زوجتك ..؟ تريد الصراحة .. أنا قلت هذه الكلمات .. أو لمحت لها في مرات معدودة .. لكن يعلم الله حالتي النفسية كيف كانت .. وبعدها أندم أشد الندم وأقول الحمد لله أنه لم يتسرع ويطلق .. لذلك أخي لا تتهور وتطلق .. أنتظر قليلا .. وهدئ الوضع .. كلمها بهدوء وقل لها حبيبتي ما الذي يرضيك ..؟ ومالذي في خاطرك ..؟ إذا ارادت أن تذهب لبيت أهلها وترتاح أسمح لها .. أبتعد هذه الأيام عن المشاكل .. ولو شفت مايضايقك أصبر ولا تفتح مواضيع نقاش وجدال .. أتمنى أن تخبرنا ببعض التفاصيل .. وكيفية علاقتكما هذه الأيام .. كيف تتكلم معها وكيف تتصرف معك .. |
أخي أرجوك تريث واصبر وارجوك انك تراجع نفسك مرارا وتكرارا لانو أكيد صدر منك شئ(من غير قصد)وآلمها جدا
أو تكون نفسيتها تعبانه جدا جدا وسبحان الله ليه ربنا جعل العصمه بيد الرجل لأنه هو أعقل وأقدر على ضبط الأمور وحل المشكلات والله يصلح الاحوال ويعين الجميع |
اقتباس:
أخواني أخواتي : إليكم ببعض التفاصيل التي قد تساعدكم في نصحي وإرشادي : عمري 26 عمرها 20 . 1- زواجنا صار له سنة . 2- أنا وهي الآن في غربة ( دولة أجنبية ) عشان الدراسة صار لنا من جينا 4 شهور. 3- أعتقد أنه لا توجد لغة تفاهم مشتركة فيما بيننا . 4- أنا عصبي وإذا خلتني أعصب من بعض تصرفاتها أقط كلمات قوية وأندم عليها وكذا مرة من بداية زواجنا صار هالشيء لكن من قبل رمضان الحمد لله حاولت أضبط نفسي . 5- أنا أحترمها ولا أظلمها ولا أقدم الأوامر عليها وإن بغيت شيء منها بكل أدب واحترام أطلب منها.. وقد سألتها صراحة هل ظلمتك ؟؟ تقول لا . 6- أنا اللي أقوم بشؤوني الخاصة .. من غسيل ملابس إلى كويها إلى طبخ ( أحياناً هي تطبخ بنسبة 50%) إلى تغسيل الأواني ( أعسل الأواني بنسبة 70% ) . 7- إذا جينا نتفاهم وخصوصاً في الفترات الأخيرة تقول ما في فايدة من التفاهم لا نتفاهم أحسن وتمتنع عن الكلام .. 8 - هي الآن حامل في بداية الشهر الثاني .. وحملها والحمد لله مريح وطبيعي ولا في أي أعراض ولا فيه تعب .. 7- الثلاث الأيام الخيرة .. عندما وضعت موضوعاً في قسم عالم المتزوجين عن تصرفات زوجتي وبعد نصائح الأخوة والأخوات قررت أن أغير من طريقة تعاملي لها وصار تعاملي في هذه الثلاث الأيام كالتالي : أنام من دون ما أقول لها ... أقوم أسوي لي أكل ولا أحسبها معاي ..كلامنا في اليوم لا يزيد هم 5 كلمات وللضرورة القصوى .. البارح راحت تنام في الصالة وخليتها ما قلت لها ضلي في الغرفة ... وأجلس اليوم الصباح وأقوم أبدل وأروح الكلية وبعد 10 دقائق من خروجي من البيت إلا بهذه الرسالة المؤلمة .. |
اخوي يمكن البعد اللي بينكم خلاها اتقول هذا الكلام ويمكن اتكون ملت من هذي العيشه وبعدين هي في فترة وحام وفي الوحام نفسية المراه تتغير كثير للاسوأ انت اصبر وحاول اتعدل معاملتك وياها وانشاءالله تتغير
|
اخوي اول شي لازم تفكر فيه الطفل وثانيا انها حامل واول مولود يعني النفسيه سيئه وانا قلت لك من الموضوع الاول اسأل نفسك واسالها ليه تسوي
يمكن فيها شي اجلس معاها وعليك بالحوار الهادئ وبأذن الله توصلون لنتيجه طيبه واصبر |
عادي طنش الرساله ولا كان في شي بس يمكن عندكم فتور عاطفي وانتوا في غربه حاول تصلح العلاقه اللي بينكم وعلى قوله اختي البحرينيه يمكن نفسيتها تعبانه بس صدقني انها راح تندم على المسج .. يا رجال ترى النساء قلوبهم مثل العصفور الصغير بكلام رقيق وحركات تمثل الحب والله تلينها وتصير لك مثل الخاتم انت بس عطها حب .. وراح تشوف النتيجه تجاهلها لم تشوف منها هالكلام لكن صدقني هي ما تقصد اكيد قالته ونفسيتها تعبانه انتوا في غربه ومحد يحس بالغربه والنفسيه التعبانه الا اللي جربها يمكن تقول كذا علشا مشتاقه ترجع لاهلها وما لقت معاك شي يعوضها الحرمان .. دور النقص اللي بينكم وحل المشكله والمسج طنشه ولا تعيره اي اهتمام ومثل ما قلت لك عطها حب وحنان وخصوصا انها حامل يعني اكيد تعبانه حتى لو انت تشوف وضع الحمل مريح .. اسفه على الاطاله بس احس اني تفاعلت مع موضوعك :)
|
على عيني وعلى رأسي نصايحكم بس أنتو متخليلين هالكلمة :
أنا خلاص كرهتك .. |
يعني غربه وحمل وزوج كل شي جديد عليها
والله ما ادافع عنها بس لازم تتناقشون ليش قالت كذا وايش تبغى وياتقنعها او تقنعك |
الاخلاق عادي بقولك شي يمكن ما تقصدها انا لم ازعل على زوجي اقوله اكرهك وساعات اعيدها وهو مادري شنو تاثيرها عليه بس اكيد عارف انها بلحظه غضب وبس نتصالح اقوله احبك يعني عادي مو شرط تدقق عليها
|
اقتباس:
انت تقول في اليوم بيننا خمس كلمات فقط !! وتبغيها ما تكرهك ! يا اخي اذا كانت ساكتة حاول انك تكلمها .. تحتويها .. تفهمها .. تلاطفها .. تتحملها .. انت الرجل ..افرض وجودك وكلامك وشخصيتك عليها .. انتم عايشين في بلاد الغربة وما لها غيرك هناك .. ومع هذا انت شحيح الكلام معها حتى لو صدتك .. اجلس مع زوجتك زوجه هادئة في مكان خارجي جميل وبث فيها روح الأمل والتفاؤل والكلمات الجميلة .. وبعدها شوف النتيجة .. |
اقتباس:
أختي الكريمة : ترا زوجتي دائماً تقول لي ما أحبك ( لا حظي أقول دائمأً وأنا أقصد ما أقول ) ... لكن أخذ كلامها هذا على أنه دلع بنات ... مع العلم إنها ما تنفي كلمتها بعدين .. لكن هالمرة ترسل لي عن طريق مسج ,, وبهذه اللهجة القوية ؟؟ |
اقتباس:
7- إذا جينا نتفاهم وخصوصاً في الفترات الأخيرة تقول ما في فايدة من التفاهم لا نتفاهم أحسن وتمتنع عن الكلام .. من النوع اللي ما يتفاهم هي .. |
الكلمه هذي طلعت منها بلحظة ضعف وصدقني ان شاء الله انها ماتقصدها شوف انا متزوج ل تقريبا 10 سنوات تصرفك في الثلاث ايام الاخيرة مزعج لها بشكل عنيف جدا البنت من الخطا تجاهلها وعدم التعاطف والحديث معها ارجع اليوم على خير واجلس معها وقلها كذا انا اتعب وانتي تتعبين خلينا نتكلم ونفضفض، انت تكلم وعطها فرصة تتكلم وتكلم عن مستقبلكم الحلو وعن البيبي اللي في الطريق "الله يتمم لكم على خير" وخلي عقلك هو الحكم في نقاشكم اكرر عقلك هو الحكم البنت تحب الكلام الحلو وتحب تحس بتواجدها في بيتها واهميتها وخصوصا اذا صارت في مثل هذه الفترة والله انهم يتعبون بشكل كبير وكبير جدا هرمونات تختلف وتجربه جديدة وزوج مايقدر هذا الشي لانه ماجربه يعني بصراحة البنت تتعب وتتعب كثير رفقاً بالقوارير ارجوا انك ماتتضايق من كلامي بس صدقني من حرصي عليك حسسها بوجدها وابشر بكل ماتبي منها صدقني من تجربة الله يوفق بينكم بكل خير دمتم بحفظ الله اخوك هلال العالم |
اخوي الاخلاق فترة الحمل وبالذات الوحام اكثرية الحريم يكرهون رياييلهم وهذا يكون بس هذي الفتره بس بعدين يرجع كل شي طبيعي
|
أتظن أنها قالتها من قلبها ..؟؟
وتظن أن هناك أنثى تقبل طريقة التعامل التي تعاملها إياها وبالذات في أشد أشد اللحظات حاجة لك... أخي أن حقيقة غير مقدر لنفسيتها ولا لوضعها الصحي ... وتضرها أكثر مماتتصور وحدة جديدة ع الحياة الزوجية جديدة ع الغربة وآلامها .. جديدة ع الحمل ومشقته بالله عليك كيف بتكون نفسيتها ..؟؟؟ كيف بتكون ؟؟؟ يا أخي بدلا من أن تقف بجانبها تعوضها عن فراق أهلها تكون لها الأب والأخ والزوج الحنون الحبيب ... المراعي لها تقلب عليها وتلومها وتزجرها لتقصيرها ؟؟!!!!!!!!!!! راعي مشاعرها ... وماتشعر به من ألم سواء من الحمل أو من الغربة راعيها كإنسانة حسسها بأهميتها في حياتك ... يا أخي أين قلبك ... ألا تحمل لها ذرة حب لتعذر مشاعرها وغضبها تطنشها وتحسبها كأنها لم تكن وتأكل وتشرب لوحدك وتريدها أن لا تغضب ..!!!!!! ولا تتذمر!!!!!!! ألغيت كل أبواب الحوار ولا تريدها أن تغضب!!!!! ما قلبك هذا ؟؟!!! منذ أن تزوجت وأنا أقرأ لك مواضيع حقيقة أغضبتني كثييييرا منكَ ومن طريقتك في التعامل معها أخي ... تذكر أن الله سيحاسبك على ماتفعله معها وراعي حق الله فيها فكما لك حقوق وواجبات فهي لها حقوق وواجبات ... |
با الله عليكم :
الردود هنا في هذا الموضوع تحملها .. اصبر عليها .. اعطف عليها .. حن عليها ..إلخ . والردود هنا : http://www.66n.com/forums/showthread.php?t=147341 عطها العين الحمراء... أهم شيء الكرامة .... ..إلخ . يعني وش أسوي ؟؟ |
أخي الأخلاق
رضا الناس غاية لا تدرك وأنت أعرف بحياتك... طالما هي ترفض التفاهم.. ماذا تتوقع منك.. تتوقع أن تخدمها أنت؟! أتمني منك أن تظل علي اسلوبك الذي أتبعته في الأيام الثلاثة الماضية.. سبب رسالتها أنها أحست بالخطر... ولأنها مدلعة وشايفة غلاها بالعامي... مو هاين عليها إنها هي اللي تصالحك.. فهي تبي تنكشك عشان يصير بينكم أخذ ورد وتصالحها... لو كانت ما تحبك صحيح كان ما أستنت علي نفسها معاك لين ما تحمل.. ليه تربط نفسها بولد منك وهي ما تحبك؟ أنت طنشها هاليومين ولا ترد عليها إلا لما تجي هي تبي تفتح الموضوع.. وساعتها قول لها.. مو أنت ما تبين تفاهم وتصكين الموضوع؟ كيف ترسلين لي هالرسالة؟ هل لو أنا سمعت كلامك وطلقتك وارسلتك لأهلك بتكونين مبسوطة؟ وألزمها بأعمال البيت من وإلي.. وبالطبخ وخدمتك وأظهر لها أنك لن تساعدها أبداً... وخليها فترة تطبخ وتنفخ عشان تعرف قيمة الرجل المتعاون! بعدين إرجع ساعدها.. أظهر لها الجفاف فترة من الوقت- حتي وإن صار بينكم علاقة زوجية- حتي تعرف نعمة الحب! بالنسبة للجنين.. كل مشكلتك أنك ما تعرف بس الحقيقة العلمية.. إن الجنين يسحب كل ما يحتاجه من جسد أمه... من المخزون لديها... يعني هي لما ما تاكل ولا تتغذي تكون تضر نفسها.. لأنها بتلقي نفسها تساقط شعرها وجاتها هشاشة عظام.. هذي أول نقطة.. الجنين يأثر عليه القهر والغبن والمشاعر القوية جداً... لكن الإنفعالات العادية والمشاكل التافهة زي مشاكلكم ما راح تأثر كثير! لا تقلق علي طفلك.. طفلك في أمان بأمر الله! والمفروض كنت قومت زوجتك قبل كذا لكن ما فاتك شئ... وبعد الولادة سوف تتشعب المشاكل والمسئوليات.. ومع وجود بيبي في النص.. ما راح يكون عندك القدرة علي التفكير بشكل منظم.. والله يهديك ويهدي لك! |
انت رد على مسجها بالعكس واقلب موازينها لانها اكيد تتوقع منك رد قولها انا احبك وابيك وما اقدر استغنى عنك وانت ام عيالي وانا بسوي روحي ما قريت مسجك وادري انك تحبيني ومن هالكلام عاد انت اخبر .. وان شاء بتكون الامور طبيعيه ولم ترجع لا تفتح الموضوع وتصرف عادي ولا كأن في شي ولا تخليها تنام بروحا حتى لو ما رضت روح ونام عندها غصب في اي مكان هي تختار صدقني راح تنفجر وتقولك اللي بقلبها كله وخلك حنوووون معاها
|
السلام عليكم ..... يا اخ الاخلاص
صدقنى زوجتك قالت هالكلام من ورا قلبها والله بس من القهر الى بقلبها انك مطنشهااااا صدقنى عااادى ياااما قلت لزوجى هالكلام اول زواجنا وقلتلة طلقنى خلاص انا ما بيك وغيرة وغيرة بس الحين جا دور المواجهه لما ترج للبيت اكيد راح تلقاها زعلانة متنرفزة ولامة قشهااا . صارحها وقولها شو اللى مزعلك طلع الى بقلبك كلة لاتخلى شى ولما تخلص (هااا لا تنساااااا واهم مرحلة :24: ) تلمهاا فى حظنك حييييييييييييييييل وتبوس راسها وتقولها حبيبتى انا ما اقدر على زعلك بس لازم انتى لازم ما تزعلينى عاااااااااد الباقلى عليك انت :26: :26: :22: :22: |
اخوي الاخلاق خذ من كلام الناس الشي اللي يناسبك ممكن تكون ماتحب زوجتك وتأخذ بنصايح التهديد وكرامتك ورجولتك... وممكن تحب زوجتك وتأخذ بنصايح الحب والحنية والدلع............. اخوي انت ادرى بنفسك من غيرك قلتها سابقا واقولها الان اجعل عقلك هو الحكم في قرائة الردود وبتعاملك مع زوجتك بالتفاهم والود تكون انت رجل البيت وكلمتك مسموعة وزوجتك مبسوطة وحياتك راقية وبعدين من قال لك ان شغلك في البيت اهانه لك!! هذا قرارك وبأختيارك ياخوي الحياة الزوجية يبيلها صبر وحسن تصرف وهدوووووووء وعقل انتم عيال ناس ومتربين كويس ان شاء الله حاولوا تتخطون مصاعب الغربة والحمل بطريقة توصلكم لمبتغاكم تمر الايام والسنين وتقول ياحلوك ياام فلان وياسرع الايام الله يوفقكم دمتم بحفظ الله اخوك هلال العالم |
اقتباس:
لكن التفاصيل هنا اختلفت نوع ما .. قلت انها تقوم بما نسبة 50 في المية على الاقل من اعمال البيت .. على العموم انت ادرى بنفسيتك زوجتك واهداف رسالتها .. هل هي فعلا تكرهك من بداية زواجكم وقبل حملها ام هي محاولة للضغط عليك فقط للتخفيف من اعباء المنزل عليها ؟!! |
السلام عليكم ورحمه الله
وما سبب ذلك هل بينكما مشاكل أم ماذا أسأل الله أن ييسر لك الخير حيث كان |
انا متوقف عن االكتابه بس رجعت علشانك
انا احملك انت الغلط 100 % قلي ليش البنت وخصوصا في هالعمر تحتاج الى نظام وسستم يعني انت بالبدايه راخيت الحبل الين انقطع واعطيت مساه حريه للتطاول اذن الان تحمل ان برايي انك تكون صارم بالتعامل بالبيت ,, يجب ان تقوم بواجباتها المنزليه انا اول مره اشوف رجال يكنس ويطبخ ياخي الرسول امر بالضرب الخفيف للمراه التي تخالف زوجها يعني خلك شديد و لاتقعد تترجاها علشان تجلس لان بهالطريقه بتحس انها متنازله ومتفضله عليك وبيجي يوم ثاني وتكرر هالطلب اذن قل لها اذا تبين الفراق ماعندي مشكله وعطها مساحه للتفكير اما اذا كانت فعلا تكرهك ومو طايقه العيشه معك فالله معها لان النفس البشريه لها طاقه معينه وصدقني الخسران الوحيد هو المراه وليس الرجل |
اقتباس:
:22: :22: |
ناقشها |
السلام عليكم ورحمة الله وبركاته ..
اخوي الكريم .. قلت غربه واثرت الكثير في نفسي .. بقول لك عن نفسي .. تزوجت وانا اصغر من زوجتك .. بسنه .. وتغربت عقب عرسي بأسبوع .. في بيت الوالد الله يحفظه وللأسف ماتعلمت ادخل المطبخ .. ولا أرتب ولا أنظف . الخدامه تقوم بكل شي .. فأول ماتزوجت حسيت بمسئولية كبيره .. يعني كانت تمر ايام بيتنا عفيسه وكنت اتفشل من زوجي .. بس ماكنت أعرف ارتب .. وما اكذب عليكم يوم أقول لكم اني ماكنت اعرف ارتب ... ولو رتبت اقل ترتيب كان يتعبني حيييل .. يعني اطبخ وارتب كانت هاذي كبيره .. والله يا اخوي اني ماكذب عليك البيض ماكنت اعرف اسويه .. للاسف للأسف ... وكان زوجي يساعدني بككككككككل شي تقريباً .. وكان هالموضوع يضايقني .. لانه كنت احس انه هاذي مسئوليتي مش مسئولية زوجي .. وهني الفرق اللي بين زوجي وبينك وبيني وبين زوجتك .. زوجي ماكان يطبخ عني ولا كان يرتب عني كان يساعدني كان يقولي انتي سوي انا وبقول لج اذا صح او غلط .. انا بعلمج .. الحمدلله شوي شوي بديت اتعلم .. لكن في شي كبير كان يضايقني في حياتنا .. اللي هو الوحده .. يعني زوجي صج انه كان يروح الجامعه ماكان يروح يسهر مع اصدقائه دايما .. لكن ساعات كانت اتضايق وعناد مارتب اقول هو يطلع ويشوف الناس وانا محبوسه ف البيت بين اربع طوف .. الحين تعرفت على ناس .. واشتركت في نادي رياضي وعندي بيبي وجامعه بس البيت والطباخ احسن من قبل مليون ف الميه .. بقول لك ليش .. لاني قبل احس اني متزوجه بس عشان اطبخ وارتب .. والمرأة تكره هالشي .. تحب تطلع تشوف الناس وتخالطهم تتعلم .. مب بس عايشه عشان ارتب واطبخ !! فعشان جي يوم تغير الوضع وبديت اشوف الناس صرت احس انه الطبخ والترتيب من اولى الاولويات في حياتي ... أدري طولت عليك بقصتي بس اللي حبيت اقول له لك .. عرف زوجتك على الناس لو زوجات اصدقائك .. خلها تطلع وتشوف الناس .. اقعدوا مع بعض وقول لها يلا بنحط لنا جدول يرتب يومنا مع بعض .. لكن اخوي لو كان وحام زوجتك فيك .. فانسى موضوع انك تعدلها او تغيرها كلش .. لانها ماراح تتقبل الحين كلمة منك .. ولا تحط في بالك انها صدق تكرهك .. اخوي يمكن يكون كلامي وايد لكن شوف اللي يريحك من كلامي ومن كلام الاعضاء اللي ماقصروا ماشاء الله وحاول تطبقه في حياتك والله يفرجها عليك يارب .. وييسر ولادتها ويرزقكم الذريه الصالحه يارب .. |
وش جاب موضوعك بقسمنا لا يكون فكرت بكلامها فعلا!!
الله يصلح حالكم |
الاخوان والخوات ماقصرو بردود وانا اشوف انك تحسسها انو الرساله ماوصلتك من الاساس وكنسل الرساله وخليك طبيعي وشوف لمن ترجع للبيت ايش ردت فعلها كذا بتظطر هي تسالك عن الرساله وانت اعمل حالك ماوصلك اي مسج واذا تكلمت معك عن الرساله فالاتقفل الحديث معها اهم حاجه علشان تعرف ليه قالت اكرهك رد بكلمه وحده0 هنت عليك هان عليك الي في بطنك0وخليها تفضفض لك وافهم وجهت نظرها اذا شفت انها حابه بس تغيضك على شان تهتم فيها اكثر وتقوم انت بدورها كاملا فالازم تعيد حسباتك معها من اول المساله صار فيها طفل بطريق والقرار الي قررته ماعاد يخصها لحالها
حياتكم محتاجه ترتيب حتى تكملوا مسيرتكم والله يهدي بالكم |
وحم+غربه+في بدايه الزواج=طبيعي جدااا مايحصل بينكم
|
حسبنا الله ونعم الوكيل
|
اقتباس:
نفس الراي لاتتخذ اي قرار و انت في حالة غضب و اتركها تهدى و انت كمان اهدي ثم فكر من جديد الطلاق ابغض الحلال د نبيل |
لابد انك تتغاضى الان عن هذا المسج ومايحمل في طياته
فزوجتك لاتعني ماقالته ابدا انت اصبر عليها يمكن متوحمة عليك حاول تطلعها من البيت وتغيرون جو ابسطها يمكن تتغير معاملتها لك هي لساتها صغيرة فاجتمعت عليها المسؤليات بشكل رهيب زوج بيت بيبي غربة صراحة الله يعينها ويعينك معاها |
| الساعة الآن 05:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©