|
اكلات النفاس
السلام عليكم ورحمه الله وبركاته
كتبت الموضوع هذا اخواتي الغاليات حتى نستفيد من بعض في اكل ولهومات وبخور النفاس اببدا انا نشرب القرفه وحليب دافي مع العسل على الريق وناكل رشاد وحلبه وكمون لهوم مع الماء0 وماش نذره على الاكل والاكل نركز على البر مع اللحم او العصيد(بر+تمر+ماء) وشوربه اللحم .............. ياليت اللي عندها معلومات تفيدنا فيها ولها الاجر ان شاء الله |
جزاك الله خير اختي ام خالد
لاتنسين المر وله عدة طرق اما التبخر به او تنقعينه في مويه وتشربين منه طوال فترة النفاس وعدم الاكثار في شرب الماء وإذا شربتي لازم تكون فاتره وننتظر باقي الردود |
جزاك الله خير اختي زوجه محبوبه
بانتظار البقيه |
شرب الحليب مع الحلبه
اتبخر بلمر التمر مفيد جدااااااااااااااااااااااااا القرفه+ اليانسون شرب النعناع شوربةالخضار مفيدة |
انا بولدي الاول ما بقى شي ما اكلته (وجعتني كبدي من كثر هالوصفات)من كلام الحريم خفت واي شي يذكر على طول اكله مع اني ما اتقبل آكل اي شي (مطيعه صح):d :d لكن خفت اكون (خربانه) على قولتهم ........ لكن بولدي الثاني ما اكلت الا اشياء قريت انا بنفسي عنها وطريقتي كالتالي اهم وجبه الفطور كنت اصحى من النوم الساعه 9 الا والوالده الله يخليها لي مجهزه ذاك الفطور اللي يفتح النفس غصب وهو وجبه من البر مثل (المرصيع او ناس يسمونها المراقيش) مع كوب حليب مع عسل وبعد ساعه انام اما وجبة الغداء تكون مرقة لحم وخضار يطبخ معها الماش مع فاكهه وسلطه اما وجبة العشاء تكون اي وجبه مفيده وخفيفه عادي لو من مطعم:22: :17: :d ومع القهوه المغرب تمر مع رشاد معجونه مع بعض تقلب على النار شوي مع شووووووي زبده ملاحظه في كل الوجبات تكون الوالده مشرفه علي وش اكلت ولو ما اكلت تروح تقول لزوجي وهنا تبدأ المحاضرات :18: ملاحظه ثانيه انتبهوا من اللهومات اللي يسونها الحريم:14: اعتمدي على الغذاء المفيد وراح تلاقين افضل نتيجه عن تجربه |
حنين الورد
جزاك الله الف خير |
غنيه عن التعريف
نظام مفيييد الله يخلي لك الوالده ويطول بعمرها جزاك الله الف خير |
..................
والاكل اللي تشتهينه اكليه وفي مجموعة ادويات يسوونها الحريم الكبار تنحط مع الاكل تنظف الرحم وسلامتكم |
......................................
بالنسبه للغسول اتنقع فيه عشان الخياطه والا اغسل غسول عادي بدون مااجلس افيدوني وايام الدوره للبنات |
مع احترامي لكم الاشياء اللي قلتها عن تجربة شخصية
مو جايبتها من الهوا |
هلا فيكم ياحلوات
استخدمت حق الجراحه مره منقعه بمويه شوي تصير ثقيله مررره واحطها بقطنه(عود اذن) واحط منها على الخياطه بشويش ماامسح بس اطقطقها على الجرح وانقع مره مع مويه واشربها واكل لهوم (رشاد ومره و مسمار وفلفل اسود وحبه سوداء) هذا بالعشرين يوم الاولى اما الثانيه مااكل رشاد معهم واكل تمر مع رشاد وسمن في العشرين الاولى والصباح فطوري لازم يكوت عصيدة تمر وحليب بالحلبه الغداء لازم يكون اساسه مرقة لحم وخضار واتجنب الباميا الخضار والفواكه اللزجه عشان ماترطبني يعني اتغدى مرقوق مطازيز جريش رز حساوي والعشا احاول اخفف منه بالمستطاع واذا جعت آكل نشااا لانه يشبع ومايسمن ويثقل عالبطن وعوافي عليكم ياحلوات |
الله يعين النسوان
ان تكون انثى يعني ان تتعذب شقى وحم وحمل ولاده وبعد ادويه شعبية انا متاكده ان فلاسفة الاغريق ماذاقوا اللهوم كان بالنسوان العجب من اكتشافي:المرأه اقوى من الرجل اتحدى اللي يقول لا والدليل : المرأه تلهم مالا يلهمه الرجل مجرد دعابه |
| الساعة الآن 05:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©