|
كان الدور بيجيني واتزوج لكن ..
الســـلام عليكم ..
كيفكم اعضاء قسمي اللي اكره واتمنى يجي اليوم قبل بكره واخرج منه على خير .. غبت عن المنتدى بسبب ظرف حصل لي .. وابغى احكي لكم عنه .. تقدم لخطبتي شخص مطلق ولديه طفلين .. الاول بالمدرسه والثاني رضيع .. سألنا عنه مبديئا وقالو عنه انه انسان طيب وخلوق ومحافظ على صلاته لكنه عصبي ويسئ الظن بالناس .. قلنا مافي انسان كامل ويمكن كلام انقال عنه ومافي شي من الصحه .. بعدها وافقنا ان تتم الشوفه الشرعيه .. جلست مع اهله وكانو ناس جدا محترمين وخلوقين .. وارتحت كثير لهم بعد ان كنت متخوفه من الموضوع .. وحتى اخته كانت تقول انه ولد اخوي كان يبغى يجي معانا حتى يشوف امه الجديده .. كأنهم يبغو يوصلو انك انتي اللي راح تربي عياله .. بعدها دخل الخاطب وتمت الشوفه الشرعيه وارتحت كثير ودعيت ربي انه يكون من نصيبي .. وقال لي ( ابغاكي تكوني ام ثانيه لعيالي وتعوضيهم وتسعديني واسعدك ) << يعني عياله حاطتهم بالمرتبه الاولى وهاذا شي حلو لكن .. انا مااشترطت عليه ولا شي لا حفل زواج ولا مهر ولا شي لانها امور ماتهم .. لكن شرطنا عليه الوظيفه بعد تخرجي قال طيب بس بعد سنه من الزواج عشان تاخذ علي وعلى عيالي كان كل همه عياله عياله ...كانه ماخذني مربيه لهم ومااهتم لمشاعرنا .. لكن اليوم الثاني اتصل على ابوي وقال( انا بصراحه مااابغى زوجتي تتوظف وابغاها ربة منزل وتكفيني شهاداتها .. انا جربت هاذا الامر مع زوجتي السابقه وعانيت لانها كانت تريد ان تكمل الماجستير .. ) هنا ابويا قال( هاذا يبغاك معبوده له وخادمه لعياله .. انتي رضيتي فيه من غير شروط وهو اللي قام يتشرط ) قالو لي (لاترخصي نفسك المفروض كان يجازاك لانك قبلتي فيه وبعياله وانتي ماعندك خبره بتربية الاطفال واقلها يقبل بشرطنا الوحيد ) صحيح الوظيفه مو مهمه عندي ويمكن مستقبلا انا ابطل منها وانتبه لبيتي .. يمكن يقنعني بعد الزواج ويعوضني عن الوظيفه .. لكن هو تشرطت و سدها بوجهنا انا من يومين وحالتي النفسيه سيئه .. لان كل خطوبه لي تتفركش وتطلع امور ماكانت على البال ولا الخاطر .. ابغاكم تدعو لي لان حالتي النفسيه رجعت مثل اول .. |
يشرفني أكون أول من يرد عليك .. بما انك استخرتي ياالغالية فلا تحزنين لأن و الله الله ما قدر إلا كل خير .. لاتحزنين ولكن قولي قدر الله وما شاء فعل .. والخيره فيما اختاره الله .. ما تدرين يمكن لو كنتي أخذتيه كان ماكنتي سعيدة ومبسوطه .. الحمد لله على كل حال والله يعوضك خيرا منه .. أهم شيئ يكون توكلك على الله قوي وتتيقنين انه سبحانه بيجازيك على صبرك خير الجزاء .. الله يعوضك باللي يستاهلك وتستاهلينه وتكونون قرة عين لبعض .. |
الله يفرج همك ويرزقك زوج صالح تقي نقي..
الله يعوضك باللي احسن منه.. |
يا جماعه هي بعدها تفكر بالموافقة او لأ
نصيحتي لك يا اختي لا تتعجلي بالرد فكري بالموضوع من كل جوانبه و ان شاءالله ستسهل الامور عليكي بصلاة الاستخارة عندي سؤالين : كم عمرك ؟؟ وهل الزوجه السابقة للخطيب متوفية او مطلقه ؟؟؟؟ |
مدامك استخرتي لا تخافين الله ماراح يضيع استخارتك ومدام ابوك يشوف انه هو اللي يتشرط اسمعي كلام ابوك اكيد لم استخرتي وهو يمكن واعيد واقول يمكن يكون مو زين علشان كذا الله خلاه يتشرط وابوك يقول كذا يعني من الاستخاره جاك هذا التنبيه بعد الله اعلم لا تستعجلين وانا اشوف ان وجهة نظر البابا صح انتي رضيتي بشروطه وهو اللي يتشرط المفروض يبوس ايده وجه وظهر لانك وافتي تاخذينه وعنده ولدين لان مو اي بنت توافق على كذا .. والله يسهل امورك ونصيحه ليه ما تتصلين على طليقته وتشوفين شنو كان سبب الطلاق ؟؟ يعني اسمعي من الطرفين
|
اقتباس:
الله يسعدك ياام الحور والله كلامك جدا فرحني واسعدني .. بالفعل انا صليت والكل قال يمكن هاذي نتيجة اسخارتك .. اشكرك مره ثانيه اختي ام الحور .. بالفعل كلامك مريح |
اقتباس:
اللهم امين .. يارب اذا كان فيه بارك لي فيه وانا فيه شر اصرفني عنه .. اشكرك اختي على دعواتك |
اقتباس:
اشكرك اختي على كلامك المريح ودعواتك الطيبه .. وبالفعل احنا لسا ماردينا عليه ولا هو رد علينا .. وهل هو موافق او لا على شرطي ؟؟ او انه يقتنع اما لا ؟؟ وعن عمري فهو 24 وهو 33 .. وزوجته السابقه مطلقه ولا توجد نيه لرجوعه لها |
اقتباس:
الله يطمن قلبك و يريحك زي مارحيتيني ويوفقك الله لما يحب ويرضى لكن اتصل على طليقته احسها صعبه شويه وجزاك الله كل خير اختي الكريمه على دعواتك الطيبه .. |
الله يفرج همج ،، وينفس كربك ،، ويرزقك الذرية الصالحة ..
|
اقتباس:
اللهم امين .. الله يسعدك ياام محمد ويها على دعواتك الطيبه |
العام اذا انتي مستصعبة الاتصال خلي الماما او احد كبير في العايله من اللي تثقون فيها تتصل وتشوف الاسباب انا اعرف كم وحده تعمل كذا وهذا الشي احسن لك واضمت على الاقل تكون عندك فكره عن القضيه كامله من غير ما تحكمين من طرف واحد وصدقيني ماراح تندمين اذا ما تبون تتصلون حاولا تتحرون سبب الطلاق من عند الزوجه او احد اقاربها علشان بس تكونين على بينه من كلام الطرفين
|
لاصعبة ولاشي كثير ناس يتصلون على الزوجة الاولى اتصلي يااختي هذه عشرة عمر هذه حياة
وانت خوذي منها الكلام اللي طابق مع السوال عنه وحطيه في عين الاعتبار مثلا ان قالت انه كان يسي الظن فيها ترى هذا مب شئ سهل وجلوسك في هالمنتدى ارحم من يجيك رجال يشك في كل حركة ام لو قالت لك كلام تحسين منه بغيرة فلا تهتمي واعلمي انه فقط حسد واذا مافدرت تكلمبن ارسلي احد يستطلع الوضع والله يوفقك |
فرج الله همك وبصراحة لو كنت مكانك كنت وافقت بلا وظيفة بلا هم
وأسأل مجرب ما أحلاك وأنتِ ببيتك وهو يصرف عليك وبحبك لأطفاله وإهتمامك فيهم راح يقدرك ويحترمك قدر الله وما شاء فعل عوضك الله بخير منه |
Nweerh.. ابو ربيعة
اقتنعت بكلامكم جزاكم الله خير .. لكن فين اسأل ؟؟ ومن مين اطلب رقم اهل طليقته او بيتهم ؟؟ |
والله مادري ويش قولك ولكن أقولك تجربة حصلت لقريب لي . توفت زوجته وهو عنده 4 بنات وولدين ، البنات جامعيات والأولاد ثانوي وابتدائي . المهم تزوج طبيبة بكر (طيبة الأخلاق) وكانت كل ماتجهز له الطاولة وتعمل له أكل يقول لها : جهزتي أكل للعيال ؟ وإذا عملت عشوة رومانسية سألها : هذا لمين ؟ تقوله : لي ولك . يقولها : والعيال ؟ تقوله : ماحسبت حسابهم . يقولها : ليش هم أولاد الجيران :( و و و هاتك يازعل وبهذلة . المهم ومع الأيام لم يصلح العيش بينهم وتتطلقت . أختي العام . الظاهر والله أعلم (وجهة نظري الشخصية) أن الوضع غير مريح لأن الرجال متبهذل من تربية الأولاد لوحده ، حرمان جنسي ، إحتمال حرمان عاطفي . غير كذا أهله يحاولون يتخلصون من مشكلة العيال بحيث لمحوا لكٍ بكلمة (أمهم الجديدة أو ماشبه ذلك من الكلمات ) . أنا أرى والرأي لكِ أن هذه الزواجة ماتنفع . ولكن انا جالس خلف شاشة الكمبيوتر وقاعد اكتب هذا الكلام بناءاً على كلامك . بينما انتي رأيتيه وكلمتيه وشفتي أهله ووالدك شافه ، فأنتم تعرفون أكثر . لذا القرار بيدكم . هذا والله أعلم والله يوفقك بالسعادة الداخلية وانشراح الصدر سواء عن طريق هذا الرجل أو غيره أو بدونهم . وبالتوفيق |
اقتباس:
والله يااختي لو علي كان بوافق لكن وراي ابويا واهلي مابيرضو اني اتنازل .. وهم وافقو ان بنتهم هي اللي تربي له عياله يعني كان رد لهم ولي جميل ووافق على شرطنا .. وقلنا له ان الوظيفه ماراح تجي بسرعه وقبلها راح اخذ سنه من بعد تخرجي .. لكن هو مافكر بحكمه وفكر اني ممكن احمل او اتكاسل او يقنعني بترك الوظيفه.. لكن تشرط من بدايتها .. لكن احنا لسا ماردينا عليه وتوصلنا لحل يرضي الطرفين .. الله يسهل امري ويكتب اللي فيه الخير .. آآآآه بس الله يجزاك خير اختي ومشكوره على دعواتك الطيبه .. |
اقتباس:
جزاك الله كل خير اخي في الله بالفعل كلامك ماقد فكرت فيه ولا خطر على بالي ابدا .. ويمكن يكون صح ويمكن يكون العكس .. لكن بحطه براسي وافكر فيه لانك نبهتني لنقطة كنت غافله عنها .. خصوصا ان عياله بالمرتبه الاولى وان بيكونو عايشين معانا .. جزاك الله كل خير وجعله بموازيين حسناتك . |
الشكر لله حبيبتى
وبالله عليك إذا كان طيب وصاحب خلق ودين لا ترفضونه الوظيفة ليست سبب للرفض وفقك الله |
اقتباس:
انا اقولك يساله عن سبب الطلاق وعن اسم عائله زوجته السابقة فاذا قال له يقوله اللي ابوه عبد الله ساكن في ------ رح يقول لا يقول له وش اسم ابوها انا شبهت عليهم وين ساكنين:25: وانتم اذا عرفتو اسم ابوها والسكن تقدروا تجيبون الرقم من دليل الهاتف هذا اذا كنتم ماتبون تطلبون منه الرقم مباشرة لكن اذا كنتو عادي ماتتحرجون اطلبوه منه بحجة انك تبين تطلعين على بعض الامور وناس كثير كذا |
العام كلام ابو ربيعه مضبوط وانتي لو قلتي الفكره حق ابوك وامك اكيد راح يساعدونك وهم بمعرفتهم راح يجيبون لك الكلام المريح
|
ياعميري يالعام
صدقيني ما تدرين وين الصالح فيه واذا تبين الحق هذا من اولها يتشرط اسمحي لي مدري ليه احسك بتتعبين والقرار راجع لك بعد ارادة الله |
وانتي وش حادك على مطلق وعنده عيال ؟؟
انتظري يمكن يجيكي افضل |
مع احترامي لك ولأهلك , هل الوظيفة أهم من الزواج , أعيدي طريقة تفكيركم !!!!!!!
ولعلمك الزواج أكبر سبب مجلبة للرزق , قال تعالي ( ان يكونوا فقراء يغنهم الله من فضله ) فلا تقارنينه بالوظيفة ... بعدين اللي ماله خير في أولاده من البديهي أنه ماله خير في زوجته وضعي نفسك مكانه |
هلا والله وغلا بالعام:d :d
وينك يااختي اختفيتي :18: وربي شكيت بموضوع خطبه ودعيتلك ان الله يسهلها لك :22: :22: والحمدلله حدسي بمحله :23: :23: اما عن خطيبك او اسمحيلي اسميه (عريس الغفله ):29: :29: ماراح اقولك مثل بعض الاعضاء يمكن واسالي :29: :29: كلمه ورد غطاها العريس مايصلحلك نهائي :29: :29: :29: والحمدلله انك استخرتي عشان تعرفين ان شاء الله هذي نتيجه استخارتك يالغاليه :d ماابغاك تزعلين من صراحتي :11: لكن تعرفين انك مثل اختي ومابغالك الا كل خير :22: صراحه الرجال من بدايتها داخل على طمع وهو تربيه عياله ولايتشرط بعد المفروض تنازل عن شرطك مقابل تنازلك عن حاجات كثيرة عشانه وعشان عياله وبقولك حاجه الرجال الى ياخذ بدون مايعطي ماتصلح الحياة معاه نهائي :29: وهذا شكله ياخذ ومايعطي وصراحه انا مومقتنعه ان حرمته الاولى تطلقت بس عشان اكمل الماجستير واذا انتي نفسك فيها ونفسك تاخذينه كلام ابو ربيعه صح لازم لازم لازم تسالين طليقته او اي احد يعرفها لان صراحه هالرجال بالعربي من كلامك مارتحت له :29: :29: وترى الاباء دايما عندهم الحاسه السادسه لصاار الموضوع يخص عيالهم :d ودام ابوك قالك كذا فكري بكلام ابوك مليون مرة ولاتنسين ياحبيبتي وبعد عمري انتي يالعام انك مريتي بتجربه قبل كذا زواج صعبه لاتكررينها بااصعب منها الا اذا كنتي متاكدة من الرجال زين وسبب طلاقه الاساسي:24: لاتخلين شبح طلقك وتفكيرك بالزواج يخليك تغلطين غلطه كبيرة بزواجك من واحد مايستاهلك وياخذ ومايعطي ويبغاك مربيه لعياله :29: وبعدين والله والله مو مجامله والا اكذب عليك عشان انفخك :d انتي توك صغيرة 24 سنه العمر قدامك والفرص ان شاء الله تجيك احسن منه بكثير عارفه طولت بردي لكن والله من غلاتك وماابغاك تصلحين غلطت زواجك الاولى بغلطه زواج ثاني اغلط منه والله اعلم اكثري من الاستخااااااااااارة وشوفي ربي وين يوصلك :d ونفسيتك لاتخلينها تتعب والا شي ولاتضايقين روحك يالغاليه الى جابه باذن الله اذا ماكتبلك معه نصيب يجيب غيرة ان شاء الله واحسن منه يارب :d وفكري دايما انك احسن من غيرك مليون مرة ماشاء الله واحمدي ربك على هالنعمه :23: لانك ماشاء الله تنخطبين هذي نعمه بحد ذاتها ربي ولك الحمد :d والله يكتبلك الخير وين ماكان اللهم ااااااااااااامين علمينا بقرارك النهائي بعدين :29: :29: |
الله يطون معاك حبيبتي صدقني الوظيفه مهمه جدا ما تضمنين الظروف بكرة ...
الله يوفقك ان شاء الله ... |
وعليكم السلام ورحمة الله و بركاته
اختي الكريمة.. بالنسبة للوظيفة فكما تفضل بعض الأخوة ليست أهم من الارتباط.. إلا أن هناك أمر آخر استوقفني.. عصبيته و اساءة الظن بالآخرين.. أعتقد وعلى الرغم من كونك قلتِ بأن تجاوزتِ هذا الأمر.. إلا أنني أجد أهمية التفكير فيه بطريقة جدية.. فلا تعلمين لعل هذا ماكان السبب في انفصاله في المرة الأولى.. اختي تريثي و فكري على مهل.. ولا تتخذي قرارا متسرعا فقط بسبب تأخر ارتباطك.. وقبل كل شيء.. استخري و استشيري أهلك وناقشيهم و ما سيكون فهو خير.. حتى و ان لم يقدر الله تمام الأمر.. فكل شيء من بعد الاستخارة خير.. |
والله حرام يالعام تضيعين نفسك وانتي توك صغير العمر قدامك
واعتقد ان كلام اخي في الله هو الصح .... البدايه غلط << يبغاكي مربيه لابنائه ،، شكل اهله متورطين في هالاولاد ويبغون الفكه منهم ،،، وبعدين ليه غير رأيه بعد ما كان موافق على الوظيفه اسمحيلي يالغلا شكله متردد يعني ما تاخذين عليه الله يكتب لك الخير وطمنينا عليك |
إفتقدت وجودك يالعام عساك بخير يــارب
شوفي ياقلبي عادةً ماأحب أرد بالمواضيع اللي فيها قرارت لأني أرحم كاتبها من كثر الآراء اللي فيها وكمية الحيرة بعقله تجاهها خاصة إذا كان يتأثر سريعاً بها لكن لأنك غير وصديقة عشنا معها أيام مش قليلة بقولك أشياء خارجة عن موضوعك الآن .. ألاحظ عليك إنك تتنازلين كثير وعاذرتك وعاذره حالتك وموقفك لكن خايفة عليك يكون هالتنازل خطأ كبير بحياتك ، لاتغضي بصرك عن أشياء كبيرة وتعللين ذلك بأنه راح يتغير أو إنه حياتك ماتستحق إنها تاخذ الأفضل لأنك مررتِ بتجارب سابقة ، برأيي المفروض أن تكون تجاربك سبباً للبحث عن المناسب والأقرب لراحتك وليس عائقاً آخر يضاف لها وووالله يالعام حاسة فيك وودي اليوم قبل بكره تكونين في بيت زوجك مرتاحة ومبسوطة لكن إنتبهي لا تقولين أنا أقبل وأبوي هو اللي يرفض لأني متأكدة أبوك يرفض لأنه يعرف بنته واللي يناسبها وإنتِ شايفة إنه أي واحد يتقدم لك إنتِ تتنازلي لأنك تبحثي عن الإستقرار لكن أبوك ينظر للموضوع نظرة أكبر منك وأشمل ويرفض من أجل راحة إبنته حتى لو أحسستِ بغير ذلك .. في خطبتك هذه إنتِ ركزتي على أشياء سهلة وأهلمتِ أشياء قوية وصعبة !! مسألة العصبية وسوء الظن بالآخرين هذي بحد ذاتها أكبر عيب ومشكلة ممكن تواجهك مع التعامل معه ولو إني أتوقع سبب طلاقه هالصفتين وليس لدراسة زوجته للماجستير إنتِ ماجرتبي معنى أن يكون رجل يسوء الظن بالآخرين ومؤكد بأن زوجته ستشملها هذه الصفة ! حتى وإن تغاضينا عن العصبية لكثرة الرجال العصبين لكن الصفة الأولى برأيي أصعب الحمد لله يالعام بأنك إستخرتي ورأيتِ نتيجة إستخارتك برأي والدك وبإعادة إتصاله لوالدك ورفضه من البداية لوظيفة قد تحصلين عليها أو لا لاتحزني ولا تندمي على ذلك فالله أعلم وأحكم وأكرم وأرحـــــــــــم بإذن واحد أحد سيعطيكِ قريباً رجل يضيف لك حياة سعيدة مستقرة هانئة وأطفال تسعدين بهم ويسعد بكم ولا ألومك بحالتك النفسية الآن فالكل هنا يشعر بك لأنها مرّت بنا ومازالت لكن أملنا بالله أن يعوضنا كل خير أسأل الله العظيم رب العرش الكريم أن ييسر أمرك ويفرج همك ويكشف ضرك ويرزقك من حيث لاتحتسبي إنه سميع مجيب الدعاء . |
اهم شي اذا كنتي موافقه اشترطي عليه خادمه لعياله
لان ترب |
اهم شي اذا كنتي موافقه اشترطي عليه خادمه لعياله
لان تربيه الاطفال وتنظيفهم واطعامهم صععععععب جدااااااااا على الام فكيف اذا كانوا ليسوا اولادك؟؟؟ غير كلام الناس اللي مايرحم الكل بيحط عيونه عليك وعلى طريقه اهتمامك فيهم والكل بيبدي رايه ويتكلم وانتي ودرجه تحملك وطبعااااااااا قبل كل شي خلي عملك كله لله لان الاطفال اذا كبروا ماراح يشكروك على اللي عملتيه معهم بالعكس بينقلبون ويعاملونك على انك مرت ابوهم مو امهم وهذا كله طبعا اخذته من تجربه قريبتي اتزوجت رجل عنده 6 اطفال وصارت في خدمتهم حتى لمن يسافر زوجها تجلس بالبيت عند عياله وامه العجوز تقول من بيهتم فيهم ووالله لمن كبروا نسوا كل اللي سوته معاهم وصاروا يكرهونها ويعادونها لدرجه انه لمن اتوفى ابوهم على طول فكروا ببيع البيت واخذ انصبتهم وهي ولااحد فكر فيها وين عايشه |
عليج بالاستخارة عزيزتي
واذا تيسرت الأمور وراد ربج ها الشخص راح يكون لج وبعدين ليش ما تفكرين من ناحية ثانية ...يعني يمكن الخاطب وايد خايف على عياله بعد هاذولا عياله وما يبغيلهم الضياع ..وشكله يحب عياله ومو غلط أبدا وحتى لو جبت بعدين ان شاء الله عيال راح يكون الأب المثالي لهم بس لا تستعجلين أبدا لأن حالته شوي حساسة يعني عنده طفلين ومثل ماقال ابوج انتي ما عندج خبرة بالأطفال ... القرار يعةد لج بعد ما تصلين استخارة ... شاوري نفسج انتي تقدرين على طفلين مو طفل واحد بس ... اذا تقدرين فتوكلي على الله أما سالفة الشغل فحليها بينج وبين زوجج بعدين ... والله يوفقج يا رب ويبعد عنج السوء |
والله مادري ايش اقولك حبيبتي
ربي يوفقك لما فيه الخير ان شاء الله بس حكاية العصبية و سوء الظن ماهي بالشي السهل و احتمال يكونوا سبب طلاقه الاول ( اسمحيلي اذا زوجته الاولى ماقدرت تستحمله عشان عيالها خاصة و ان معاها ابن رضيع .. بتقدري انتي تستحمليه و تتحملي عياله كمان ؟؟ لازم تسأليها او حد من عائلتك يدور اصل الموضوع .. اكيد هو عنده حق يحط الاولوية لعياله .. بس في شي اسمه ذوق مش شروط من اول شي خاصة و انكم كنتم طيبين معاه و ماطلبتوا منه مهر و لا ثقلتوا بالطلبات |
السلام عليكم ورحمة الله وبركاته
فعلا غبتي عنا وأفتقدك غاليتي لا تزعلين ولا تتضايجين دامك صليتي الإستخارة فوضي أمرك لله صار العقد فهو خير لك ماصار فهو أيضا خير لك ويإذن الله سيأتي دوركِ قريبا تفاءلي غاليتي وأحسني الظن برب كريم رحيم عزيزتي العام أكثري وألحي في الدعاء وفي الإستغفار وكرري الإستخارة وثقي بأن ربي كريييييييم يستحي أن يرد يدا عبده صفرا تفااااءلي الفرج قادم والخير قادم فهذا هو أول الغيث أسأل ربي الركيم الرحيم ان يرزقك وإيانا الأزواج الصالحون بالقريب العاجل وأن تفرحينا وتبشرينا قريبا بزواجك يااااارب دمتِ غاليتي بكل ود |
اقتباس:
أوافق أختي "غالية" الرأي تماما وما ألومك يا اختي على شعورك لأن الوحدة تفرح وتظن بأنها فرجت ولكن لا يعني هذا أن أتسرع وأوافق وأغض النظر عن العيوب في الخاطب واللي باعتقادي من أبرزها سوء الظن وربما كان سبب رفضه لعملك هو سوء ظنه وشكه ولا تتحزني حبيبتي فطالما انك استخرتي الله فثقي أنه لن يخيبك ووفوضي كل أمورك لله فإن تيسرت فهو الخير لك وإلا فلا تحزني لأنه الخير لك أيضا اسأل الله أن يكتب لك ما فيه الخير والصلاح والسعادة ويفرج عنك كل هم |
والله لو تقتنعين ان النصيب بيجيك بيجيك
واستخرتي ودعيتي راح ترتاحين ولا تشيلين هم ثقي بالله ويارب يعجل بنصيبك ويرزقك بالزوج الصالح الي تتمنينه واكثر |
من وجهة نظري ليس عيباً أن يكون قصده من الزواج مصلحة أطفاله بالعكس فالرجل واااااااضح منذ البداية ... وبعدين لو فكرنا وين ممكن يودي عياله هل معقول يتخلى عنهم؟؟؟ استخيري وادعي ولو من نصيبك ستأخذيه مهما كانت الاختلافات |
اقتباس:
ايوه والله ياجينز ماادري وين الصالح وين اللي بتعب معاه .. الله يسهل امري يارب حتى احنا قلنا كذا هاذا من اولها يتشرط ومااحترم مشاعرنا ولا وفكر انه قبلنا فيه وبعياله وانا ماعندي خبره بمجال تربية الاطفال .. واني قبلت بعياله حتى اكسب اجرهم واعوضهم خير لكن كل هاذا ماحطه بالحسبان .. الله يسعدك يااختي على كلماتك الطيبه |
اقتباس:
لان يااختي انا مطلقه لكن بدون اطفال .. ومااراح يجيني الا مطلق بدون اطفال او مع اطفاله .. وانا ماتشرطت من الناحيه هاذا .. لكن مو بالشكل هاذا .. يعني يبغاني مربيه لعياله بالاول والاخير !! اشكرك اختي |
ماينفع لج ياحبيبتي وما أتمنى لج مثل هالنصيب ..ان شاء الله بيجيك أحسن منه أنا متأكدة
وكنت حااااااااااااسة ان في مشروع خطوبة عندج ..الله يوفقج يالغالية |
| الساعة الآن 02:59 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©