مشكلتي مشكله
 

زوجي طيب وحنون وكريم ومهو مقصر علي الحمد الله في شي بس المشكله انه متعود اذا دخل ينام لازم يدخلنا انا وبنتي معاه وقبل يومين صارت مشكله وهي اني خرجت وهو نايم علشان اتسحر وبعدها قامت البنت ورجعت انومها ونامت وصحي زوجي من النوم واليوم الثاني رجع من العمل وهو زعلان وجلس يفتش جوالي وهو قد منعني من صديقتي اني اكلمها وراح شاف المكالمات الصادره والوارده وقلي ليش تكلميها.... الخ وسحب مني الجوال وقلي خليها تنفعك وكل مااقله ليش تسوي معي كذا يطنشني ولاهو راضي يكلمني ونا الحين مااكلمه انابصراحه تعبت والله اني ماني مقصره معاه في شي الله يخليكم انكم تدعو لي زوجي انو يهدي ويسخر قلبه لي وقولوي ايش اسوي معاه الله يعطيكم العافيه

غريبه وش علاقه صديقتك بموضوع انكم تنامون في وقت واحد ؟؟ هل يعني تقصدين ان زوجك يشك فيك ؟؟ او ان هو مو مرتاح لصديقتك ولا شسالفه وضحى اكثر اذا ممكن :) والله يفرج همك ان شاء الله

غريبه صحيح ش دخل موضوع نومكم في وقت واحد و موضوع انه ما يبيك تكلمين صديقتك
الا اذا كا خاب ظني و اللي فهمته من كلامك ان زوجك يبيك تنامين معاه علشان يطمن انك ما رحتي تكلمينها ..صح ؟؟
طيب هو ليش ما يبيك تكلمينها هالصديقه بالذات
يعني شايف عليها شيء ... سمعتها مو زينه لا سمح الله ..!!
او انها حاولت تخرب بينك و بينه في يوم من الأيام او تأثر عليك تأثير ما يعجبه ..؟؟
حبيبتي الصديقه بدالها الف بس رضى زوجك هو الأهم
ليش تزعلين زوجك ولا تكلمينه و ياخذ منك الجوال علشان بس تكلمين صاحبتك
خلاص سوي اللي يرضيه و يمكن هو بعدين لمن يشوفك مو مهتمه هو بعد ما يهتم و يصير عنده عادي
انا متأكده ان زوجك ما منعك من صاحبتك الا لغرض في نفسه يمكن انتي تعرفيه و يمكن لا
بس كذا من الباب للطاقه لا تكلمينها ...مايصير ...!!

يمكن ينقهر و يتضايق لمن يشوفك تتركينه وهو نايم و تسهرين و انتي تكلمين صاحبتك

وضحي لنا الموضوع اكثر و ان شاء الله نساعدك


دعواتي

مشكور علي الرد انامادري هو يشك فيا اولا وعن صديقتي علشان كانت تدق عليا في الليل وفي ساعات متاخره لن زوجها دوامه في الليل وانا اصلا مااكلمها في الليل وهو يحسب اني اكلمها ويقلي ليش تستغفليني ولله اني ماسويت شي غلط واناكثير احبه واحب بنتي بس ماادري ليش يسوي كذا

وضحي كلامك

صحيح...الموضوع مو اضح

اكتبي تفاصيل اكثر

الله ييسر امرك

خلاص حبيبتي انتي كلمي صديقتك و قولي لها لا تكلميني في الليل
انا بكون نايمه مع زوجي
و مفروض تقفلين جوالك علشان حتى لو اتصلت ما تزعجكم
جلسي معاه و فهميه ان اهم شيء رضاااااه و ان صديقتك كلمتيها و قلتي لها ان ما تتصل لك بالليل والا هذا مو كفايه
هو ما يبيك تكلمينها ابد ابـــــــــد والا بس بالليل ..؟؟
طيب ليش يشك فيك هو ما يعرف صديقتك .. قصدي ما يعرف من هي و من زوجها
ما زارتك في شقتك ...؟؟
صدقيني هو يمكن يحب يتملكك و ما يبي احد ياخذك منه
اتعوذي من الشيطان يا اختي و روحي راضي زوجك و لا تبينين له انك راضيتيه علشان يرجع لك الجوال
قولي له مو لازم ترد لي الجوال ولا هو لازم اكلم صديقتي اذا هالشيء يرضيك بس اهم شيء انك ما تشك فيني لانك بهالشيء تجرحني و ماتثق فيني ( ولو اني مستبعده مسألة الشك ) بس انتي زوجك و ادرى به

الله يهدي سركم و يسخره لك و يخلي لك البنت

ايش اوضح اكثر الله يعطيكم الف عافيه بس انا لما رجعت ونومت البنت وهو قرب مني وشكله كان يبغا ينام معايا بس انا وخرت منه لاني ممنوعه من الدكتوره اني انام معاه وهو عارف ها الشي بس و الله العظيم اني لوماني ممنوعه ماكان قرب مني انا الي اجري وراه والممنوع مرغوب

مشكوره ياام مهدي علي النصيحه بس هو مايبغا يكلمني وهو شايف اني غلطانه

السلام عليكم

يعني تكلمين صديقتك في آخر الليل وهو محتاجك تكونين معاه ...... :)

المشكلة سببها سوء تفاهم فقط يعني انت ما تفهمينه وهو ماهو فاهمك

يا اختي لازم تحرصين ان زوجك يفهمك ويفهم كل تصرفاتك يعني إذا قمتي من السرير قوليلة سبب قومتك من الفراش ولا تعتقدين انه فاهم كل إلي يدور في بالك.

مشكلتك في اسلوب التواصل مع زوجك والله اعلم

تحياتي للجميع

ما سوى غلط صاحبتك اللي ماتراعي ظروفك وتكلم في وقت متاخروهي عارفة انه غير مناسب انانية ما همها الا تسلي نفسها لانها فاضية ولما يصير زوجها عندها ماتكلم لانها مشغولة بيه اسمعي كلام زوجك ترى ما احد نافعك

أنا بودي أشير لسلبيات الجوال أو المكالمات بشكل عام داخل جو العائلة
فإذا ماكنت مقننة مثل تلك الأتصالات داخل المنزل , أعتقد أنها بتثير بعض المشاكل بالذات أن بعض الأشخاص يظل بالساعـ. . . . . . . . . ـــــات
صديقتك ماتتحمل مسؤولية أتصالها بآخر الليل بالنسبة لظروفها عادي , لكن أنتي تتحملين أستقبالك لتلك المكالمة بالنسبة لظروفك . . .
أنا من رأيي حين أجتماع الزوجين ليلا أو نهارا يكون هناك أتفاق مسبق بعدم أستقبال مكالمات . . . مثل مانفضل بتلك اللخظة بعدم تدخل الغيـــــــــــــــــــــــــــــــــر . . .فيجب أن ندرك أن مثل تلك المكالمات و بالذات في مثل تلك الأوقات يعتبر (تدخل سافر) ولو أدرك المتصل حينها أنه صادف وقت غير مناسب لك لأعتبر أن (رفض مكالمته لكان أفضل من أستقبالها) فيجب أن نعلمهم أن مثل تلك الأوقات وأن ناسبتهم فهي لــــك لاتناسب


أتمنى لك التوفيق والتغلب في حل مشكلاتك مع زوجك , بالتوفيق

الله يهدي زوجك ويسخرة لك

شيء عجيب وضحي كلامك واعطينا مواقف تبين انه زوجك يشك او لا

لاحول ولاقوة الا بالله

يابنت الحلال زوجك مايبي مكالمات اخر الليل

سوى كانت زميلتك او غيرها

اصبري وادعي ان الله يهديه وامشي تحت امره



والله يا اختي الزوجه ضعيفه وساعات مشاكل تافهه تعكر مزاجك وتنكد عليه فكري بالاشياء الحلوه معاه يمكن هالشي يسليك



وان شاء الله مع الايام يتغير

الظاهر زوجج زعلان من موضوع رفضج للعلاقه وطلعها على اسا انه المشكله بالهاتف

شكرا والف شكر لكل من نصحني انا الحين الحمدلله كل شي تمام مع زوجي والله يسخر كل زوج لزوجته لن الزوجه ضعيفه وترضا با القليل