هواية مفيدة و تريح الأعصاب
 

بسم الله الرحمن الرحيم


امسى عليكم اخواتي و اخواني جميع من في المنتدي

انا حرمه وحيدة بالرغم من الزواج و الشكوى إلى الله
زوجي طبعا من الدوام للأصحاب لتلبية طلبات والدته الله يطول بعمرها
ما يطيق يقعد بالبيت و إذا قعد زي عدمه
يعني عيونه على الدش مبققة
و الكلام عدم ......!
يعني لا رومانسي و لا يفهم يقول كلمتين حلوة على بعض
فأنا قلت بدال ما يجي يوم و انتحر فيه
ابغى هوايه مفيدة و مسليه في نفس الوقت
طبعا هواية بعيدة عن الواجبات الدينية و الزوجية
يعني ما تقولي واحدة اكتب رسائل غرامية لزوجي
اواخترع طبخات جديدة ...لزوجي
نبغي شي بعيد عن هذا الزوج
ارجو التفاعل و النصيحة
لأني قربت افقد عقلي و الله العظيم

عموما حبيبتي شرايك في نادي منها تتسلي ومنها تكتسبي لياقة

او تحاولي تشتغلي ترى العمل بيشغلك ويفيدك بنفس الوقت

الف الف شكر ليكي يا عذيه و يا هدهد القحطاني
لكن انتي جيبتيها يا هدهد
انا اريده هو يتودد الي
لذلك ابغى هوايه بعيد عنه
اكيد في حريم مجربين
الله لا يحرمني منكم ومن تجاربكم
ابغى هوايه بعيده عن الواجبات الزوجية من حب و تودد و تعطر
يمكن معاها اتسلى و ابعد و يصير هوه يلحقني
و نصير توم و جيري

بالنسبة لإقتراح عذيه
مافي نادي قريب مني
و الوظيفة شرط على قبل الزواج انه ما في وظيفه
وانا وافقت بهبالتي..........!

ياربي و لا واحده في المنتدى عندها هوايه
طيب إذا خرج زوجك ايش تقعدي تسوي
مو معقوله
ابغاكم تقولولي شي
اي شي ..... يمكن يفيد

انتي شنو تحبين ؟؟ يعني مثلا تحبين ترسمين .. او تخيطين ؟؟ او ؟؟ مادري انتي شنو هواياتك .. طيب ليه ما تشتغلين بمشروع منزلي وعلى قدك يعني مثلا تفصلين شغلات بسيطه وتبيعينها ؟؟ او تطبخين حلويات غريبه وتبيعين ؟؟ او مثلا حرفه يدويه تغليف هدايا او ما شابه يعني انتي شنو هواياتك يمكت اقدر اساعدك :)

هواياتي اولا القراءه اقرا كتب كثيييييييييييييييييييير جدا جدا وبمختلف الاختصاصات
ثانيا الطبخ
ثالثا مكياج
رابعا منتدى عالم الحياة الزوجيه ها ها ها

أو ليش ما تحملين رح تنشغلي خالص

طيب ليش ماتسوين أعمال فنية للزواج ..
يعني مثلاً تغليف دافتر الذكريات .. كاسات العرسان ..
مفارش للطاولات وهكذا .. وإذا ماتعرفي روحي وتعلمي ..

راح يكون العمل في البيت للهواية وتأجرينهم في مفس الوقت ..
أو هذا يعتبر عنده عمل ؟!!

أو يمكنك تسوين أشياء وتزينين بها بيتك المطبخ .. الصالة .. غرفة الضيوف .. مجلس الرجال ..

Nweerh
white _ moon 77
ام بكر
وجع آخر معاناتي
المصريه
الف الف شكر للتواصل
و الله يعطيكم الف عافيه
بس انا ما عندي موهبة الرسم و الأشغال الفنيه
قولكم ممكن اتعلم من النت شغلات حلوه ؟
انا عندي بس موهبة الماكياج
رحمت وجهي من كثر ما احط الماكياج
كل ثلاث إلى اربع ساعات اغير ماكياجي
بس ما ادري احس انه هذا الشي من الفراغ
و برضه مو معبي الفراغ
ما ادري
بس الله يعطيكم الف الف عافيه
احس بتفاعلكم زالت وحدتي بجد

انا مثلك يا اخت رهيبه :d

فأقضي وقتي بهذا المنتدى ارد على المواضيع واخذ الاشياء اللي تفيدني وتهمني وووبس يخلص اليوم بسرعه :17:

لكن احس ان حياتي مالها معنى وقررت ان شاء الله ان ابدي بحفظ القرآن الكريم واستغل وقتي بطاعة ربي (( من يوم ما امي جابتني وانا اقول كذا ولا حفظت ولاشي :25: ))

الله المستعان :21:

الله يهديك وافقتي انه مافيه وظيفه!

ماعلينا

روحي للجيم مع وحده من صديقاتك(ترتاحين معها ),
والله كل الي فيك يطلع وتصيري انسانه
ثانيه ورايقه مو عشان تخسي لا ,
عشان تطلعي الاشياء المكبوته فيك
وتصيري رايقه .. اسئليني انا جربتها
مهما قهرني زوجي وانا اروح يوميا للنادي الا
الخميس والجمعه والله كنت اروح مشحونه
وارجع رايقه ولا كانه صاير شي ..

اذا تحبين كذا ..
او مارسي هوايه تحبينها او اعملي يوغا.

أختي رهيبة تسالي أنا وحده مثلج أعاني من الفراغ ولكني دوما أبحث في المبوبة عن أي وظيفة سواء كانت خارج البيت أو داخله وأتسلى أحيانا كثيرة بالأشغال اليدوية ووضع المكياج وإعادة ترتيب خزانة الملابس عزيزتي ليس الزوج كل شي في الحياة كل واحدة منا تتمنى أن يكون زوجها هو من يملأ عليها حياتها ويشبعها حتى لا تحتاج للتحدث مع غيره لكن للأسف ليس كل الرجال ينصتون لزوجاتهم حاولي أن تجربي الكتابة والتعبير عما في داخلك على الورق وسوف تجدين راحة نفسية إن شاء الله

اختي رهيبه
أنا مشكلتي مثل مشكلتك بالضبط
حتى كلمه أخاف يجي يوم وأنتحر أنا بعد قلتها
بس أنا لقيت الحل !!!!







بدأت في التجارة المنزلية
يعني اشتري أغراض (عطور- مكياج دخون- ملابس - علب هدايا -قطع أقمشة)
بسعر الجمله وأبيعهم مع فايده
بتقولين على من أبيعهم؟؟؟
أنا بدأت بأهلي وصديقاتي ولقيت منهم التشجيع والنصائح
وبعدين تطورت فلانه خبرت صديقتها وهذي خبرت جارتها و.........

والحين قمت أبيع في المنتدايات
والحمد لله توسعت تجارتي بعد ما كنت أفرح بالعشرات
قامت أدخل بالآلاف
((((((قولوا ما شاء الله تبارك الله))))))

بصراحه امتلى وقت فراغي
وبالنسبه لزوجي ...

صرت في نظره نشيطه جذابه قام يسألني إنتي شو عندج
ولاحظ إني تغيرت قمت أستشيره في بالبضاعه وأسعارها
وما أبخل عليه وعلى بيتي بشي
بصراحه حسيت إن صار لي كيان مستقل
والحمدلله على النعمه

أتمنى أكون أفدتك
والله يوفقك

حاولي البحث عن هوايه في الانترنت مثل تعلم الفوتوشب وعمل تصاميم و يوجد مواقع كثيرة تعطي دروس عمل التصاميم .
او تصميم المواقع وهذا اذا ابدعتي فيه ممكن ان تحصلي على مردود مادي منه
والله يوفقك

الله يعينك
لو عندك اطفال دراسة الاولاد بتاخد وقت كبير
ممكن القراءة بتمني مداركك
او ممكن التطريز اتعلميه هو سهل وبتقدري بعد هيك بتزيني بيتك عن طريقو
ممكن تروحي دورات تتعملي لغات او تتقوي بلغة معينة
يعني المهم انك تنوي تعملي شي
وربنا يعين

سبحان الله
نونو انا
فرات 05
متيم 2007
حبيبي دوما
المستقلة
جزيتم خيرا لمشاركاتكم و أفكاركم إللي استفدت منها كثير
و اكيد غيري استفادوا كمان
الله يعطيكم الف عافية
و شكرا