|
ياناس هل من حقي اعرفها
بالبداية اعرفكم بنفسي نوارة اللي بتضرب فيوزاتها عما قريب:22:
من حبيب القلب اللي هو خطيبي زوجي مملكين من زمن جدي اختصارا للاستفسارات :29: المهم قصتي ان زوجي حاط كلمة سر على كمبيوتره وايميله وموب راضي يعلمني اياها وانا بموت قهر منه :29: اليوم قامت حرب داحس والغبراء بيني وبينه الا يعلمني الكلمة قام يقول هذي خصوصية ومستحيل اعطيها اي احد قلتله يعني انا اي احد :( قالي لا بس مااقدر :30: قلتله اكيد تخبي شي :( طبعا انا واثقة فيه مليوووووووووووووووون بس ابي اخليه يقولها قالي انتي تعرفي الماسنجر ما اجلس عليه قلتله عارفه قالي والايميل افتحته وانتي معاي ما اخبي عليك قلتله هم عارفه :d بس ابي اعرف الباسوورد وزعلت وقلت له فلان وفلان اعرفهم زوجاتهم يعرفو كلمات السر لايميلاتهم قالي منهم وعددت له كم واحد قالي بس هذيلا مو من زمان عندهم ايميلات وانا من زمان من سنين ايميلي وقهرني زيادة يوم قال لو اسوي لي ايميل الحين ماباقول كلمة السر لاحد:30: المهم قلتله اوكي اذا كذا بتحط حواجز بينا انا هم بحط حواجز:22: ولا بتعرف شي عني كلمت من تعرفت على من :) قالي وانا ما بسألك قلتله لو من اول ماخطبتني وعرفت اني على كمبيوتري باسورد وايميلي ولا علمتك شي عنهم مابتشك قالي لا :eek: بيجنني ذا الرجال :16: المهم بالاخير ماتنازل وقالها بس علمني تبع الكمبيوتر والايميل لو دواي على الكلمة ماقالها:19: وتصافينا عشان بيروح الرياض بس قلتله انا باحط الموضوع وبنشوف راي الاعضاء يالله ياحلوين كل واحد يدخل يقول رايه بالخصوصية بين الزوج وزوجته تأيدها ولا لا كلكم قولوا لا عشان خاطري:22: |
اختي انا مع ان لا بد تكون هناك مساحة للخصوصية
لكل زوج وزوجه يعني اذا ما حط باس ورد على كمبوتره او بريده يعني وين تبغينه يحط ؟؟ لا تكبري الموضوع المفروض هو ما يزعل اذا حطيتي باس ورد على جهازك وانت لا تزعلي اذا هو حط باس ورد على جهازة والله يسعدكم |
هلا فافي
الله يغربل بليسك هذي وانتي اول وحدة ترد وقفتي ضدي انا مابي استخدمها بس فضول ابي اعرفها ابي احس انه مايخبي عني شي هذا انا ما اخبي عنه مايصير مابي مابي:29: |
من حقه يكون له خصوصيته..
|
مرحبااااااااااااااااااااااااا
بصراحه تحمست معك انا ضــــــــــــــــــــــــــــــد الخصوصيه اللي مالها داعي بين الزوج وزوجته وخاصه في مثل هالامووووور |
لا تكوني حساسه حبيبتي كتير
انا زوجي مرة واحدة طلبت منه اعرفها وقال لا وما زعلت ولا عدت سألته من حقه يكون عنده خصوصية دام اني واثقه فيه لابعد الحدود وانا بقعد معه على النت اغلب الاحيان بس مو مهم اعرف الباسوورد هاد رايي ومن تجربه |
لا تعطين الموضوع أكبر من حجمة
وش راح يكون في البريد اهتمي في بيتك وزوجك تري السيول الجارفة اللي تدمر بلد من قطرة مطر زغيرة |
سؤاااااااااااااال وش هو الباسورد؟؟؟
اللي معلقين عليه علمون أبي أتثقف .. |
كل الغلا شكرا على تشريفك موضوعي وردك
ملكة الاحساس ياقلبي والله اول وحدة بصفي انا بعد ما احب هالخصوصية تنرفزني كردية انا لما قلتله من زمان وقالي لا ماسالته مرة ثانية بس مدري وش اللي طرى الموضوع على بالي وسيرة وانفتحت هو مو هامني كثير بس فضول بس صدقيني لو اعطاني الباس وورد ماراح افتحه لاني ما احب افتح شي صاحبه مو موافق او بدون استأذان ومشكورة على المرور هلا اخوي علي ما اتوقع باكبر الموضوع بس وش بيضره لو ريحني وقالها ياشين هالحركات ما احبها:29: |
وردة من ذهب الباس وورد هو كلمة السر تبع ايميلك
ياليت تقولي رايك |
اقتباس:
بالعربي ( ( لعانة ) ) عالعموم الله يسعدكم |
ههههههههههههههههههههه
صدقني طلبتها بالطيب بالعناد بالعصبية مانفع لا والله زوجي مبين ولا اسلوب بيخليه يعطيني اياها مايبي بالعربي مستحيييييييييييييييل بس يمكن يحن قلبه ويعلمني هو بيشوف الموضوع بكرا عاد خلوكم مناصرين لي مو له |
حلوووووووووووووه مره اسميها كلمة المرور أتاري له أسم كشخه وأنا ماأدري ..بصراحه كل شي بيني أنا وزوجي مكشوف من أرقام الجوال السريه وأرقام بطاقات البنوك والحمد لله بس زوجي قاهرني يخفي عني أمور ماليه كثيره وأنا أحب أعرف عنه كل شي بس أقول يحق له لأني خراره ومالي سد بس إذا قالي لا تعلمين ماأعلم بس لأني أنقله وش يصير في بيت أهلي من طقطق لسلام عليكم أبي طريقه تخلين أربط لساني مااااااااااااااقدرت ...
جا بيداويه وأعماه ......المره تبي مشورتي قمت عطيتها مشكلتي... |
ههههههههههههههههههههه اجل كشخه ها
لا والله زوجي مو كل شي يحب اسأله فيه احس اموره المالية مايحب اسأل مدري مو اكيد بس احساسي خلاص اذا قرأ الموضوع بسأله صحيح كلامي ولا لا حاولي الامور اللي تنقال قوليها واللي ماتنقال خبيها اذا رجعتي من بيت اهلك صنفي الامور الى تقال و تخبئ هههههههههههههههههه حتى يثق يقولك |
|
topaco_flower
نفس الحركات كانك تتكلمين عن زوجي بس انا عكسك يمكن هذي المرة الثانية اللي افتح فيها الموضوع معاه اما المرة الاولى من زمان ان شاء الله يجي يوم يعلمني فيه بس ابيه قريب |
ههههههههههه بالصراحه ضحكتيني
ذكرتيني بأيام الملكه دام ان زوجك بيشوف الموضوع فلا تخافين انا معاك معاااااااك معااااااااااااااااك قلباً و قالباً لان ضد الخصوصيه بيني و بين زوجي اعرف كل شيء من باسوورداته و هو بعد يعرف كل شيء و ما قاللي مارح اعطيك اياها يعني كان عادي عنده الموضوع ولا مهتم بس لو يقول لي مارح اعطيك اياها والله اني ما انام الليل الا يعطيني اياها و زوجي و اعرفه ما يستحمل اخبي عليه شيء فيـعني بسوي له نفس الشيء يعني مثلاً بيتصل لي احد بيسألني منو هذا اذا قلت له مو لازم تعرف لازم يصير في خصوصيه بيحن على راسي الا اقول ولا بيتنازل فـبقول له اذا قلت لي الباسوورد بقول لك خخخخخخخخخ (فضولي و فضوليه طاحوا على بعضه ههههههههه) لكن بس مع بعض لا تفكرونا ملاقيف اما لو زوجي مثل زوجك فـيمكن اموت من القهر و بأحن عليه لين ما يقول فكييييييييييني هذا الباس بس سكتي يالله يا زوج نواره عطها الباسوورد يا ولد الناس بلا خصوصيه بلا هم هي زوجتك و كاتمة اسرارك و هي اصلاً قالت ما بتفتحه يعني بس فضووووول يعني خذها على قد عقلها و عطها يا أخي (نوووووووووور) مو تزعلين بس انا احاول اقنعه ههههههههه الله يوفقكم |
من رأيي مافيه خصوصيه بين الرجل وزوجته
بس يا اختي مادامه يفتح ايميله قدامك ومايجلس عالمسنجر حطي يدينك ورجلينك بمويه بارده |
ام المهدي ضحكتيني هههههههههههههههههههههههههه
ياليت ياخدني على قد عقلي وبيعطيني اياه سمعت ام مهدي شنو تقولك يالله عاد تلحلح وقولها انتظرك بس يا ام مهدي نحنيت عليه قام يقولي انتي تدوري المشاكل لانه كنا تونا رايقين ومستانسين قلتله لا ما ادورها قالي اجل هي تدورك هههههههههههههه قلتله خلاص بتكون لي خصوصياتي مابتدري عن شي ما اهتم ولا جاب خبر مابي مابي مو عدل كذا تصدقي لما قلتله ابي اعرفها بالمرة الاولى ومارضا من قهري سويت لي ايميل جديد ولا خليته يعرف الباس وورد بس ما اهتم بيجنني يعني من رايك احن عليه لين يقطع شعره ههههههههههههههههههه حملة نور الغدير لا للخصوصية انضمو انضموا |
لاحول والله قوة الإبالله
والله هالموضوع أشغلني الليلة رقم سري الله يهداكم |
هههههههههههههه
لا انا عندي لك فكره لقطه سكتي ولا تقولين شيء بس بعدين قولي له ترى انا خصوصياتي مارح تعرفها و السبب انك ما عطيتي الباسوورد و بعدين لين جى يوم الدخله ((و يبغى الــ...........) قولي له سوري هذي خصوصيات و انا بكيفي مابي احد يتطلع على خصوصياتي طبعاً هو مارح يستحمل و بيقول لك خذي الباسوورد بس الا هالخصوصيات واللي يرحم والدينك هههههههههههههههههههه بذمتك مو فكره جهنميه ----------- اخوي علي حرام عليك خل زوجتك في حالها وش النحاسه بعدين يقولون النسوان نكديين تعااااااااالوا شوفوا من النكدي وناسه هاه وناسه لكن يارب انها ترفع ضغطك بدال مانت ترفع ضغطها |
حرام عليك ادري عنكم تبون تجننونا
الله يعين زوجتك عليك تخيلوا توني مكلمته :27: اقوله طلعت تخبي علي امور كثيرة امورك المالية وغيرها وهم يدروا عن ازواجهم قالي ماعليك منهم يبون يخربونك ههههههههههههههه قلتله انت تلعب علي :29: خليته يسال صاحبه اذا طلبت زوجته باسوورد ايميله رد عليه يقول فيه اسرار الشركه على الاقل عنده عذر بس اوتقع ان الشركات ايميلاتها خاصة مو تبع الاستخدام الشخصي يستغفلونا علينا هالحركات:( المهم لما قلتله يساله لو كانت خطيبته مخبيه عليه الباسوورد تبع ايميلها رد يقول باخده غصب يعني له غفور رحيم والها شديد العقاب مايصير:( لا لا للخصوصيه:22: |
ام المهدي فكرتك خطييييييييييييييييييييييييييييرة وجهنمية
عجبتني بس ما اقدر استحمل باقي وقت طويل على الزواح ههههههههههههههههههه اخوي علي اقول خل زوجتك تدخل وتعطينا رايها ومرة وحدة نشوشها عليك وبنشوف من اللي بيرتفع ضغطه |
الله يمسيكم على خير بأروح أنام
والله الموضوع ممتع مررره |
السلام عليكم اختي نور الغدير 2006 هنا يبرز الفرق بين تفكير الرجل والمرأة .. ولو افترضنا ان المشكلة في حقيبة صغيرة بها قفل ذات ارقام ..وانت تعلمين تماماً ماذا بالحقيبة فهل ستطلبين الارقام ؟؟؟؟؟؟؟؟؟؟؟؟؟ مادمت تثقين بزوجك وهو يثق بك فلا تجعلين من الموضوع ذات اهمية لأنه سيتعدى مفهوم انتهاك الخصوصية الى مفهوم اخر اسمه العناد ثم سينطلق الى الشك والعياذ بالله .. واقول لك عن تجربة اكيدة بأن احترام الخصوصية بين الزوجين من احترامهم لحياتهم الزوجية معاً .. ولو افترضنا بأن لديك الباسورد الخاص بزوجك لكل شيء .. فهل سترتاحين ؟؟؟ ولماذا العذاب اصلاً وانت تعلمين ان زوجك انسان طيب وشريف ؟؟؟ المسئلة حتى الآن مسئلة عناد ... هو لايريد مشاركتك هذا السر الصغير السخيف حتى تقفين عند حد لإنتهاكك خصوصيته الانسانية .. وانت مشاركته كل خصوصياته حتى ولو كانت سخيفة .. ولابد ان يكبر احدكما عقله في النهاية .. فلن يربح احد من هذه المعركة لأن المنتصر والمغلوب كلاهما خاسر .. |
أختي العزيزة ..... لو تموت زوجتي ما عطيتها الرقم السري .... أولا : شنو راح تستفيد إذا عرفتي باسوورده... ثانيا : قد تدخلين إيميله والمسنجر ويحسبونك أصحاب زوجك أنك أنتي الزوج ويتكلمون بامور ما فيها كلافة .....:25: :25: ثالثا : قد يتضرر الزوج من شك زوجته فيه وذلك بوجود الكثيييييييييييييييييييييييييير من الإيميلات الماجنة مجهولة المصدر ولا دخل لزوج بها فيدخلون في دوامة حتى تفهم الزوجة المصون القصة كاملة ...:24: :24: وأذكر أن أخي عندما تزوج قالت له زوجته هذا إيميلي والرقم السري ، قالها ليش الرقم السري ، قالت رفيجاتي قالوا لي أن المرأة أول ما تتزوج زوجها يطلب منها الرقم السري ....:d :d :d فيا أخواااااااااااات لا تصدقوا كل ما يقال عن الرجال فنصفه هراء والنصف الآخر مبالغة ...:26: :26: وزين تسوي يا زوج نور الغدير ....:17: :17: دمت بحفظ الرحمن .... |
وانا معاكي من حقك تدايقي انه حاطط باسويرد بس خليه يحكيلك بالتفاهم
|
لاتجعلي الشيطان يجد ثغرة لتدمير علاقتك بزوجك وهزها
اصمتي لربما يأتي اليوم الذي هو يطلب منك فتح جهازه ربي يسعدك |
مكرر
|
تصبح على خير اخوي علي
مشكور اخوي ابو فراس على رايك الجميل جدا انا خايفه يطور الموضوع لعناد وتصير مشاكل لان بدت تلمع براسي فكرة اني اصر لين يطفش ويقولي هو حلوة الخصوصية بس مو بايميل يعني اسرار اهله ومشاكلهم ما اقوله قولها لاني اعرف في اشياء خصوصيه بس انا ايميلي والاشياء اللي حاطه عليها باس وورد يعرف كلمات السر تبعها يعني في اشياء تنقال وفي اشياء لا احيانا احسه يعاند وانا لما ذكرت اموره الماليه كنت امزح بس حتى لو قالها لي مافيها شي وبالعكس احس على الاقل اعرف وضعه المادي واقرر وش الاشياء اللي اشتريها على حسب ميزانيته يعني في اشياء تتخبى بس لو تنعرف بشكل خصوصي افضل وانا ما اقصد بالخصوصية كل شي با حاول اتناساها |
بو نبيل افا ماتوقعت منك هالكلام وهذا وانا بنت منتداكم وتوقف ضدي
انا اقولك صحيح مابستفيد شي بس باحس انه مايخبي علي شي اوكي انا بسالك انت ليش تخبي الكلمة عن زوجتك شنو بتستفيد وانا قلت من البداية بس ابي اعرفها ما بدخل انا اقولك ليش اخوك قاللها مايبي الباسورد لو زوجي سوى نفس الحركه كان قلتله مايحتاج بالعكس حركتها جدا روعة بحيث اطمأن قلبه نفرض انها سوت العكس هو طلبها وقالتله ما اقدر بيحاول لين يحصل عليه لانها قالت يخصني وما احب احد يطلع عليه صدقني كان بيحايلها لين تعطيه اياه ام عبدالله مشكورة ياقلبي اي كذا المناصرين ولا بلاش حائزة الامل مشكورة على المرور ان شاء الله ماتكبر وتصير مشكله وانا انتظره يقولها |
اقتباس:
هنا مربط الفرس .. اذا كان يعلم اسرارك منك انت فذاك شأنك اختي نور الغدير .. اما اذا علمها قسراً وانتزعها من خصوصياتك فلك الحق بمعاملته بالمثل .. |
السلام عليكم
والله لو كنت محلة، لو اموت أعطيها لأحد، أقسم بالله أنها لقافة ما لها داعي.. آسف بس مثل هذي الأمور تقهرني... ممكن افتحه لها وتشوف (أقصد الجهاز اما الإيميل معصي لعتبارات أهمها أحترام الناس اللي ارسلت لي) بس أعطيها لها معصي ولو توصل الشيطان الرجيم.... والسلام. |
ابو فراس لا والله انا اللي قلتها له
بس الاحظه مع انه يعرف كلمة السر بس اذا يبي شي يقولي تعالي افتحي ملفك مع انه يعرف الباسوورد صرت اقوله كل هذا عشان ماتبيني اعرف كلمة السر تبع ايميلك يقولي صدقيني ما اعرف كلمة السر تبعك بس اللي قهرني يوم اسوي ايميلي الثاني عناد قام يقول اقدر اطلع كلمة السر مو صعبه جد انقهرت منه ( يالله عاد قول كلمة السر هذا وحنا لسه مخطوبين ومو حان قلبك علي ) يالله استجابة لطلب الجماهير قولها لي وعن العناد |
حبيتى الوضوع ماهو كبير..انا طبعا اتفهم فضولك ويمكن الموضوع كان تافه بالنسبه لكى لكن رفضه انه يريحك اثار فضولك اكثر ..اذا كان زوجك يؤمن بالخصوصيه بينك وبينه وطبعا انتى تثقين به..حاولى انتى ايضا ان تكون لكى خصوصياتك لا تطلعيه على كل شىء وخصوصا انك مصدر ثقه بالنسبه له واعملى باس ورد على ايميلك وجوالك..وصدقينى هذه نعمه ..اعانك الله عليه
|
خالد انا
خوفتني كل هذا كلمة السر تبع ايميلك خاصة اللي يعين اللي بتاخدك نصيه اذا قالت تبي تعرفها قولها اي كلمة والسلام لا يوصل الدم للركب هههههههههههههههههه اقول اعترف وش مخبي فيه بس انا قلت آخدها فضول مو تفتيش وثانيا ليش لقافه هذي زوجتك مو اي احد غريب اكثر انسانه بتكشف ليها اسرارك انا ماقلت اعطيها اختك ولا اخوك وبأسلوبك هذا بتشككها فيه اذا حتى الايميل مابترويها اياه |
أختي العزيزة .... بصراحة على حسب نوعية الزوج ولعلك من ردود الاخوان أستشفيت أمر وهو أنه ما يرتاحون احد يعرف شي من خصوصياتهم حتى ولو كانوا أقرب الناس لهم وهم زوجاتهم .... قد تقولين بس أبي أعرف بدون لا أدخل .... وصدقيني مع الأيام راح تفكرين أنك تدخلين من باب الفضول المجرد فقط ... ثم تحصل النقاط التي ذكرتها وهي النقطة الثانية والثالثة ... ثم في النهاية أبتعدي عن الامور التي يكرهها زوجك ... وصدقيني كثرة الحنه تجيب الصداع والكره ....:18: :18: دمت بحفظ الرحمن .... |
موتي نوتي
بالضبط الموضوع ماكان كبير ابداً بس لما شفته مصر اصريت زياده بالعكس حلو تكون للواحد خصوصيه بس مو مع اقرب الناس له زوجته جربت اني اخلي لي خصوصيه بس ماحبيت الحركه حسيتها بايخة بس باحاول |
بو نبيل انا معاك بكلامك يمكن افكر ادخل
بس بضل احترم ان هالشي مفروض ما ادخل عليه بدون اذنه وبحط نفسي مكانه هو يعرف الباسوورد تبع ايميلي بس لو دخل بدون ما ادري بزعل وبعتبر هنا انه انتهك الثقة اللي اعطيته اياها لما كلمته يقولي خليها على الاربعاء الجاي لما اجي يبيلها جلسه طويله هههههههههههههههه وهذي وهي كلمة ويبيلها جلسه اقول الله يعيني عليك |
نور
انا احب الخصوصية ..يعني زوجتي مااحب اتجسس على ايميلها ..! وبالرغم من هذا تقولي انت مو مهتم في ؟؟ يعني لازم اكوووون شكككككككككككككاك؟ |
| الساعة الآن 06:09 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©