|
بلييييييييز نصحوني
السلام عليكم
انا عضوه جديده وحابه استشيركم في موضوعي ياجماعة الخير انا بنت عمري 27 سنه اخر العنقود(اصغر وحده عند امي وابوي) ولله الحمد نعومه وجميله ومن عايله معروفه كل اخواني وخواتي تزوجو ومابقيت الا انا ومن جد تعبت من الانتظار كوني بقيت وحيده مع امي وابوي الله يحفظهم وخاصة انهم صارو كبار في السن جلست ادعي وادعي ان الله يرزقني بالزوج الصالح ومرت الايام والان تقدم لي شخص مطلق وعمره 32 سنه وعنده ولد وبنت الولد في ثاني ابتدائي والبنتت عمرها 4 سنين بس من جد من جد محتاره ومتضايقه لاني تمنيت اعزب فماتخيلت ان يجي اليوم اللي يتقدم لي مطلق وعنده عيال بعد انا انسانه غيووره جدا وكوني اصغر بنت عند امي وابوي وعشت بدلع ودلال صعبه اني اتعامل مع اطفال من البدايه وانا اللي كنت احلم بشخص يدللني لوحدي في بداية الزواج بالرغم من ان عياله عند امهم لكن يجيبهم في الخميس والجمعه يعني في الاجازه اللي المفروض نكون لوحدنا عمره عاجبني وجدا مناسب وهو اخلاق ودين بس خايفه اني مااقدر اتحمل وبصراحه انا سمعت كثييييييير عن الازواج اللي يتزوجون اول مره كيف معاملتهم مع زوجاتهم في كل امورهم لان شي اول مره يجربونه والان احس ان المطلق بينقص في حقوقي وماراح يعمل لي مثل اي واحد يكون توه متزوج كونه جرب كل شي في الحياة الزوجيه ولان هو الان يبي يتزوج علشان يبعد نفسه عن الحرام فقط لاغير ارجووووووووووووكم ابي تفاعلكم ونصايحكم |
استخيري اختي والله يقدم الي به الخير
|
يااختي ليش الخوف والافكار اللي مالها داعي لو افترضنا ان كلامك صحيح كيف الزوجات الثانيات والثالثات والرا... عاشو في سعاااااااااااده مع ازواجهم بالرغم من وجود اخرى وليست مطلقه ومع ذلك ياخذن كامل حقوقهن من الدلال و....
استخيري يااختي واذا ارتحتي لاتستسلمي للافكار السلبيه والمطلق يكون غالبا فاهم ماتريده الزوجه والله اعلم |
استخري الله
واكثري من الدعاء والله يقدم اللي فيه الخير والله يوفقك ويسعدك ان شاء الله |
الله يوفقك
حبيت أرد عشان الأخوان والأخوات يقرون موضوعك ويردون عليك |
حبيبتي ،، عليك بالاستجارة ، والله يكتب لج الي فيه الخير ،،
|
استخيري حبيبتي ما خاب من استخار
|
والله اذا عاجبك و مو مضايقك الا عياله
فتوكلي على الله بعد الاستخاره وماله داعي التردد |
انظري الى الجوانب الايجابية الى المطلق
المطلق قلبه مكسوور اكيد بحن على الزوجة الجديدة المطلق له خبرة في الحياة الزوجية يعني راح يعرف الي يسرك ويمتعك مو مثل واحد اول مرة يتزوج غشييم مايعرف شيء صلي صلاة الاستخارة واذا ارتحتي توكلي على الله |
المطلق فيه مميزات
يكون ألين منه قبل يعني اللي كان مع الأولى لا يكون مع الثانية إيه ,, وهالكلام أشوفه كثير بس مسألة العيال راجعة لك ولقناعاتك لو أنتِ عليك سوق وخطاطيبك كثير وفرصة الأعزب موجودة وموضوع العيال منكد عليك .. انتظري الأفضل على العموم استخيري والله يكتب لك اللي فيه الخير إن شاء الله |
بالعكس المطلق أعرف بالنساء من الأعزب
لكن العبرة بالأقرب الى الله وليس مطلق أو متزوج |
مشكووووووووورين على المرور
والله ايش اقول لكم هالايام حتى لو الوحده حلوه وجميله واخلاق وثقافه وكانو الناس يخطبونها الان كل شي تغير بسبب كثرة البنات وقل الشباب وعزوفهم عن الزواج بحجة بعض المواصفات المعقده او بحجة انه يبي يكون نفسه على الاخر وبعدها يفكر يتزوج فاذا كذا معناته انا احنا بنشيب وبنعنس على مايكون نفسه ويصير بعدها له الحق انه يدور وحده صغيره ومنو في الاخير راح فيها هووووووووووو احنا يالبناااااااااااااااااااااااااااااااااااات والله تعبت من التفكير |
ربيع عمري راح
شوفي أختي اذا عندك رغبه بالزواج قويه فأقدمي وربي يكتب لك الخيــر |
نصيحتي اختي ...... اذا كنتي حاطة ببالك شخص غير متزوج وانتي بالمواصفات الي وصفتيها انا بنظري يمكن تتعبي بالزواج من شخص مطلق وعنده اطفال اما اذا انتي موافقة من حيث المبدأ فاستخيري
|
انا من رايي توافقين
خالتي تزوجت واحد مطلق وعنده بنتين وولد بس المشكله كانت من الزوجه نفسها مو من الزوج فلمن تزوج خالتي وشاف فرق المعامله بين طليقته وزوجته حاليا احس بالفرق ايضا عمي مطلق وتزوج وحده ثانيه والسبب بالطلاق كانت طليقته والآن ماشاء الله تبارك الرحمن مدلل زوجته لآخر درجه والكل يحسدهم عالرومانسيه اللي عايشين فيها يمكن تلقينه فاقد حب وحنان ومحتاج وحده تسمعه ولاتذمرين من أبنائه اذا أتو عنده بيوم العطله بالعكس رحبي فيهم خليه يستانس لان اذا شافج تحبينهم بيحبج زياده .. وكلنا تمنينا فارس احلام بحصان ابيض رومانسي ويدلع والحمدلله على اللي الله رزقنا حتى بيوم عرسي بالفستان الابيض قعد يصارخ ويزف هوشه من اول يوم :25: خليني ساكته احسن :d انتي صلي استخاره واللي الله كاتبه بيصير :22: |
الاستخااااااااااارة ثم الاستخاااااااااااارة ثم الاستخااااااااااااارة وكثري من الدعااااااااااااااااااء
|
حبيبتي استخيري ... والله يكتب لك اللي فيه الخير ..... صراحة مشكلة العيال ... مشكلة .. تصدقين أعرف ثنتين من قريباتي مآخذين مطلقين وعندهم عيال ولا ومعاهم عايشين وحياتهم ما فيه أسعد منها ما شاء الله ... وعلى فكرة يوم يتزوجون ما بعد دخلوا بالعشرين فما بالك بعمرك ؟؟؟ لو أنا مكانك وتقدم لي واحد مثله وأخلاقها كويسه أبوافق وترى عمري زي عمرك ووضعي شبيه بوضعك نوعا ما ... على العموم استخيري واللي ربي كاتبه بيصير الله يوفقنا وياك ويرزقنا من حيث لا نحتسب
|
الله يكتب لك اللي فيه الخيره أسأل الله أن يرضيك ويسعدك و يقر عينيك بما تتمنين واكثر أستخيري الخالق ثم استشيري الخلق ثم اعقليها وتوكلي على الله وافعلي الأمر الذي ترتاحين له صدقيني بعدها لن تندمي ابداً على قرارك الذي اتخذتيه سواءً بالرفض أو القبول |
والله مادامت هذي الأفكار في مخك لاتتعجلي
والأفضل أن تستخيري الله عدة مرات وتوكلي على الله من كل قلبك وأنتظري الرد من الإخوة والأخوات ماشاء الله عليهم في المنتدى والله أعرف ناس أعمارهم أكبرمنك وأتزوجوا أشخاص غير مرتبطين يعني الله يكتبلك الخير والسعاده مع الشخص المناسب سواء هذا أو غيره وأطلبي دعاء والديكي لكي |
نسيت أقولك شئ عمتي متزوجه من شخص مطلق وعنده بنتين وعايشين مع جدتهم بنفس العماره
مــــــــاشـــــــاء الله تبارك مثل ذلك الشخص لم ترى عيناي والله أعلم أشوفها ماشاء الله إنسانه جدا سعيده |
عزيزتي لن اقول لك تزوجي او لاتتزوجي
انتي ادرسي نفسك اولا انتي انسانة غيورة كما تقولين ومدللة هل لديك القدرة على تحمل مسئولية ان كان نعم اكملي هل المتقدم لك سيعيش معه الاولاد ام مع امهم؟ هذه نقطة ان كانوا سيعيشون مع الام فان كان ذو خلق ودين توكلي على الله وان كانوا سيعشون معه فصدقيني لن تتحملي مع صفاتك التي ذكرتيها فتخيلي ان ودك تلبسي له شي او تخرجي معه والاطفال معكم دوما..احسها صعبة ربي يسهل لك ويكتب لك اللي فيه الخير أختك حائزة |
استخيرى واستشيرى
بس نصحتى متستعجليش وادعى ربنا يعملك الخير واذا كان ذا دين وخلق فارضى به والا تكن فتنة وفساد كبير المشكلة مش الاولاد المشكلة هو معاملته كيف وطريقة تفكيره اسلوبه فى الحياة يصلح معكى ام لا وعندك فترة الخطبة ممكن تعرفي فيها وهتبينلك حاجات كتير وربنا يرزقك الزوج الصالح والذرية الصالحة وجميع بنات المسمين |
عليك بالإستخارة ........ الله يوفقج .......... |
الله يوفقك و يسعدك و يكتب لك الخير كله و يريح قلبك و بالك آمين
استخيري كثير و لا تملين من الإستخارة إلى أن تتضح الأمور أمامك |
| الساعة الآن 02:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©