|
كإمرأة متحجبة ماهو أغرب سؤال توجه الك من طرف الاجانب عن حجابك
السلام عليكم ورحمة الله وبركاته
كثير هي الاسئلة الي عم نسأل عليها هون بالغرب عن الحجاب كإمرأة متحجبة شو هو أغرب وأغبى سؤال توجه الك من طرف الاجانب عن حجابك اهلا وسهلا بالكل أم وليد |
اذكر خلال دراستي العليا
كنت في حمام الكلية العام وكنت اصلح من حجابي واضع الدبابيس الصغيرة وعندما نظرت فاذ بيهوديه تنظر وعيناها تكاد تخرج من راسها سالتني كيف تضعين هذه الدبابيس في راسك ولا تالمك المهم هذه الغبيه كانت تظن انني ادخلها بشكل عمودي الى راسي ربما ظنت انني (سوبر ويمان) !!!!!!!!!!!!!!!!!!!!!!!! ههههههههههههه موقف يضحك اليس كذلك؟؟ واذكر ان يهوديه اخرى سالتني كيف نتحمل الحجاب على رؤزسنا كل الوقت وكيف ننام به!!!!!!!!! وعلى فكرة هذه نظرة كل اليهود ان المراة لا ترمي الحجاب ابدا تعيش به ليل نهار بل وتنام به فقلت لها اننا نلبس افضل من لبسها ...ومن احسن الماركات ...لكن فقط امام محارمنا وفي بيوتنا مشكورة على هالموضوع |
اذكري لنا انت اختي سلامات يا قلبي من تجاربك
|
اقتباس:
بتأمري انا بيصير الف فيهم قصص مضحكة :d شعوب امريكا الشمالية من أغبى خلق الله سبحان ربنا الي تفتكرر انه عندي مشكلة في شعري فمشان هيك عم اغطيه اذا بتحطي حجابك قدام زوجك وكيف تعملو شغل البيت وانتو هيك لابسين يا اختي اسئلة غبية ويا كثرها بحطها بعدين |
اذكر عندما كنت في امريكا
كنت اصلح حجابي فإذا بإحدى الفتيات الامريكيات تنظر الي متعجبه وقالت طبعا مو لي لزوجي لأني ماأعرف انقلش>>>>>:d قالت ليش تغطي وجهها وهي مو مشوهه:24: تفكر اني اغطي وجهي بسبب تشوه ما اوعيب اخر:( رد عليها طبعا زوجي>>:26: وقال لها احنا مسلمين ولازم المرأه تغطي وجهها عن المحارم:30: وبعدها انصرفت لكن الكلام ما كان عاجبها:11: :15: |
انااذكره مره في فندق ب دبي
طبعا كنت لابسه النقاب جاني رجال(اجنبي) مع زوجته ولده وزوجي كان وقتها مشغول يكلم واحد معه وانا جالسه لحالي المهم يكلمني بالانجليزي يقولي ممكن اتصور طبعا قلتله ليش قام استغرب قالي ليش تسالين عادي الموضوع المهم مابغيته يطول لاني انحرجت قالي بصور لبسك هذا قلت طيب على اساس اتصور مع ولده والصدمه انه هو اللي يبي يتصور جلس بالكرسي اللي جنبي وانا من الصدمة عجزت اتحرك واقوم ويوم صور وخلص سالني انتي ليش لابسه كذا قلتله انا مسلمة والاسلام فرض علينا الحجاب قال وش الفايده منه قلتله عشان يحميني ويحفظني المهم ماكثر من الاسئله وقالي ممكن اشوف وجهك قلت طبعا لا قال بس شوي شيلي ونزلي قلتله لا من ايش خايفه من زوجك قلت لا من رب العالمين سكت وتركوني وراحو |
اقتباس:
اهلا و سهلا حبيبتي مواقف مضحكة أكيد :d سبحان الي خلقهم االغباء صفة فيهم الله يسترنا بستره ويهدي اخواتنا غير متحجبات يا هلا |
اقتباس:
والله صدق الي عم تحكيه اغلب الامريكان والكنديين يفتكروا انه بنا شئ لنغطي نفسنا الله يزيدك جمال بججابك ويثبتني واياك والمسلمين ع الصراط المستقيم اهلا وسهلا |
يعطيكي العافية يالغالية سلامات على الموضوع
أنا مرة واحدة سألتني اذا عندي شعر!!! قلت لها نعم لماذا وقالت انها اعتقدت ان المسلمات ما عندهن شعر في رأسهن ولهذا يغطون!! واخرى سالتني ان كنت متزوجة لأانها اعتقدت ان فقط المتزوجات يتحجبن! |
موضوع جميل و طريف.. إحدى الأسئلة الطريفة التي طرحت علي.. إن كنت ألبس الحجاب طيلة اليوم بالبيت..و هــل أنــام فيه.. فوضحت لهم أمام من ألبس الحجاب.. أو يطلبوا مني رؤية شعري..و عندما أريهم اياه يستغربوا لما ألبسه..يفتكروا ان هناك مشكلة بشعري.. مرة كنت أزبط بحجابي فرأتني إحداهن..و كأنها حلت لغز طريقة لبس الحجاب و تثبيته ببعض الدبابيس.. و كثيرة هي الأسئلة..لما تخفون جمالكم..ما زلتم بريعان الشباب..و هكذا و ما علينا إلا التوضيح و الشرح:22: لكن الحمد لله لم أتعرض لأي نقد بل يمدحوا حجابي..حيث أذكر مرة و أنا بالمطار أوقفتني إحداهن لتقول لي أن حجابي جميل:) .. |
اقتباس:
أهلا وسهلا بشيخة الزين عجيب امرهم هالاجانب هن متصورين والاعلام بيصور إلهم انه عايشين برعب وخوف من ازواجنا:24: :24: الله المستعان تشرفت بمرورك وتعليقك الحلو |
اقتباس:
الله يعافيك ويسلم غاليك ايه غباء ما بعده غباء جارتي كل ما شافتني تقولي حرام شو بتعملي بحالك احيانا بضحك وابتسم وكفي طريقي :d أهلا وسهلا |
اقتباس:
اهلا وسهلا بالغالية هو منو نقد بالعكس كثير يحبو طريقة لف الحجاب وتناسق الالوان مع الثياب وما شاء الله صار في حجابات بتعقد بس الي بيضايقني الجهل والغباء :( وحدة تقولهم طب ليش الرجال منهم محجبين:d <<<< يعني ما في مساواة <<<<<<عرفتي كيف ذخلك هذه بشو بتجاوبيها :18: :18: :18: الله يشفيه لابو نظال ويعافيه ويلبسه ثوب الصحة |
بالنسبه لي ياأم وليد كنت مغطيه وجههي المهم لما سافرت خارج البلد لبلد مسلم من بلدان شرق اسيا وقفتني وحده من السياح الصينيات تأملتني فتره وقالت لي حلو وبعدين راحت قلت بنفسي ان شاء الله اللي هداني يهديك..
وللعلم الغرب مهتمين بتفاصيل حياتنا من الألف للياء ودائما يقرؤا عن ديانتنا وحضاراتنا فهم لما يسئلوا يحبون يكتشفون زياده معلومه ويأكدون قرائتهم عنا بالذات نحن الشعوب العربيه.. |
إذا تسمحيلي أختي أم وليد إني أشارك
ولكن من زاوية أخرى صراحة لفت أنتباهي كلمة ترددت على لسان أكثر من أخت من المشاركات ألا وهي "غبية " "أغبياء" إذا كنتم تقصدوا أنهم أغبياء لأنهم لم يهتدوا للإسلام فهذا شيء ثاني أما إذا كنتم تقصدون أنهم أغبياء لأنهم لايعرفوا ماهو سبب ارتداء الحجاب ؟ فأسمحوا لي أن أخالفكم الرأي . هم لم يتربوا على ذلك ولا يعرفوا مامعناه ، فهل عندما يتشجعوا ويسألوكم (لزيادة مستوى ثقافتهم ) نقوم نعتبرهم أغبياء . أم هي ردة فعل نفسية ناتجة من أننا نعقتد انهم أحسن منا (دينيوياً ) ولذا نقول بأنهم أغبياء لكي نرضي غرورنا ؟!!! معليش ياأم وليد على المداخلة السريعة بس أنا انتقد الفعل وليس صاحب الفعل |
اقتباس:
حياتي ام محمدـ قولي امين الله يعجل بشفاء محمد ويلبسه ثوب الصحة ويطعمك بره من ناحية انهم يهتمو ايه بيهتمو بكل شئ عنا حتى خصوصياتنا تشرفت بمرورك |
اقتباس:
الموضوع موضوعك واهلا وسهلا فيك في اي وقت بقولك ملاحظة ولو خارج موضوع الحجاب مرة كنت بمحل لانجري بشوف اذا ففي شئ جديد تيجي وحدة تقولي انتو تلبسو هيك سبحان الله اذا متحجبات ما نلبس كأنو ما عنا رجال انا هيك أسئلة بحسها غبية مسألة عم نحس بنقص لا والله انا كثير بفتخر بإسلامي وحجابي بس عن جد لو سؤال عادي أو مرة وحدة بتقول عادي والله العظيم شبه يومي جارنا مرة بالصيفية بيحكي مع ابو وليد قاله انتو يالمسلمين بتشوفو نسائنا واحنا ما بنشوف نساءكم هذا شو تقله هذا مو سؤال غبي مرة برمضان الجارة تعزمني ع قهوة فقلت انه عنا رمضان فبقولها انه رمضان عنا صيام وبشرح لها انه ما فينا نأكل ولا نشرب شئ تقولي طب بس فنجان قهوة فقالت تعي اشربيها ببيتي وما حدا بيشووفك:11: هذا شو بتسميه مو غباء والي خلق السما هن شعب غبي خاصة هالكنديين ولا تغرك حضارتهم وتطورهم بشرح لهم بقدر استطاعتي وفهمي وقدرتي على الرد اساسا مافي برامج من دولنا للإيصال حضارتنا لهم بشكل جيد بيعتمدوا ع شو بتقول البرامج الامريكية اهلا وسهلا بأخي ابو لجين وإتشرفت بمرورك |
مرة كنت طالعة من المحاضرة انا ووحدة هندية مش مسلمة بس بحكم خلفيتها تعرف عن الاسلام
واعيادنا و عاداتنا المهم جت وحدة من شرق اسيا ( صينية ولا يابانية الله اعلم ) المهم سألتني لو رجل شاف شعرك لازم يتزوجك صح ؟؟ ضحكت قلت لها لا و شرحت لها شوي حتى الهندية شرحت لها كمان :) في ناس يسألوا عن فعلا نفس طيبة ورغبة فب الفهم او المعرفة و في ثانيين بس للاستهزاء مرة صديقتي سألتها انجليزية ليش تلبسوا الحجاب؟؟ شعرك يختنق :) بشكل عام الحمدلله انا عايشة بمدينة يكثر فيها المسلمين بشكل كبير حتى اصبح الحجاب شي عادي وما عاد حد يسأل ناهيك عن المساجد و الدارس العربية و البنات المحجبات بالمدارس فا يتعود الانجليز من هم صغار علينا و على الحجاب |
اقتباس:
هو لانسان بيحس اذا السؤال عن طيبة و الا عن جهل والا عن استهزاء استهزاء انا ما حصل معي هيك بس اسئلة غبية يا كثرها <<<<<اخاف تصيبني عدوى الغباء :d بأوربا غير شكل لانه الهجرة كانت باوائل القرن الماضي وصار في اندماج بين العرب والاوربين إما بسب الاستعمار او التعامل اما هالشعوب الامريكية فما إلها تاريخ ولا حضارة يعطيك الف عافية حبيبتي ع اضافتك الحلوة واهلا وسهلا فيك |
اختي ام وليد
عذرا على دخولي...::25: دخلت اسلم عليكن واقول لكن اخواتي نفخر بكن وبستركن وبلباسكن البسكن الله من أستبرق وسندس والبسكن لباس الستر...فأنتن بستركن...وحجابكن تضربن اروع الامثله في الالتزام الذي يفتقده الغرب:22: اسف مره اخرى على الدخول |
اما انا مريت بمواقف كثيره منها
اول شي ماكنت كتير قويه باللغه كانو يسئلو زوجي وانا بصراحه ما كان يعجبني جواب زوجيhttp://www.66n.com/forums/images/icons/damp.gif رح تقولو ليش لانه كان يجاوبهم انه الاسلام هيك بحكي لنا نلبس وانا من النوع الي بحب اجاوب واخلي الاستغراب على وجوههم واخليهم يفكرو اكثر بالاسلام اول مره في رجال كان عم يحاسب ونحن خلفه قام سئل زوجي وبس جاوبو زوجي رد الامريكي وقال :احنا حررنا افغانستان من زمان:d عندهم التحرر يعني اشلح :22: الموقف الثاني كنت عم اتسوق وجى واحد من الشباب يقول لي اعتقد انه لبس هذا كثير مناسب لنساء:22: هذا بصراحه حسيته بفهم بشكل كبير لانه فكر وبعدين جاوب :22: اما الموقف الثالث فهو مع امرأه عجوز وقفت قربي وقالت لي انتي ليش تلبسي كذا قلت لها لاني حلوه :25: قالت لي طيب علشانك حلوه خلي الناس تشوفك :11: قلت لها لاء انا مثل الكاندي ابي غطاء علشان ما اتوسخ :22: راحت قالت لي تعرفي انا ممكن البس الحجاب بس اني اغطي وجهي ما اقدر :25: وابتسمت وراحت الموقف الرابع قبل اكم يوم تبعت الكاشير قالت لي انتي ليش تلبسي كذا قلت لها لاني انا لرجل واحد فقط ولست لكل الرجال:11: تركتها تفكر وذهبت اضف الى ذلك كثير منهن عندما اكون اقف على اشاره المرور يجلسو يضحكو علي http://www.66n.com/forums/images/icons/icon9.gif وانا احتسب الاجر عند الله :22: وفقك الله يا ام وليد في رعايه الله |
موضوع في قمة الروووعه ... ^^
تســلم الأيااادي يــــ الغاااليه علي الطرح يزاج الله خير ,.. كل الموقف اعجبتي ... والله يديم علينا الستر ويرزقنا بجنة الفردوووس جميعا ... في خااااطري اشاركن بس الحين ماذكر ... لي رجعه ان شاء الله اذا اتذكرت .. والله ولي التوفيق |
موضوع رائع ياام وليد..
انا متابعه للموضوع... |
اقتباس:
بتشرف في اي وقت ومية اهلين وسهلين فيك ياالله اش قد حبيتها لدعوتك الله يطعمك شو ما بتتمنى واحسن يا هلا |
السلام عليكم ورحمة الله و بركاته أختي الحبيبة ام ولودي ,,,
تصدقين يا اختي ,, قعدت اعصر مخي و اعصر ثم أعصر و ما تذكرت أي موقف !! و لا أي سؤال !! غريبة صح ! ما يسألوني الجماعة يمكن شكلي جدية جدا و مستعجلة دائما أركض و ما عندي وقت اصلا أتكلم .. هذا بالاضافة الى أنني لا أحب الكلام الكثير معاهم في هذه الأمور .. كما أنني أحب أسيطر عليهم حتى لا أدعهم يتكلمون :d في مرة من المرات وحدة من البنات قالت لي : الجو صيف و حار ما يصير تلبسين نص كم !! قلت لها في نفسي : نار جهنم اشد حرارة .. لكن رديت عليها قلت :لاء! ما يصير .. :25: ها شو رأيك ام وليد .. عجيبة انا بعض الأحيان ! :d حفظكم المولى و رعاكم |
اقتباس:
اهلا وسلا بام ايونة الله يعينك ويعين كل مغتربة بتشكر مشاركتك إلنا بمواقفك ويعطيك العافية خلنا نسمع صوتك يابطة:d |
اقتباس:
الاروع مرورك ومشاركتك معنا وهالدعوة الطيبة شاكرة الك هالطلة الحلوة اهلا وسهلا |
اقتباس:
النا الشرف والله لتابعي موضوعي |
اقتباس:
فتاة كثير جدية قليلة حكي ما تحب المزح وطلعت يمكن مطابقة :d انا عكسك مو مبين عني جدية لو اني احيانا جدية الوقت ما امتلك غيره كمان وجودي بمنطقة ما فيها مسلمين اشئ.عندهم جديد عرفتي كيف منهم متعودين حياتي انت عجيبة وبس و رائعة الله يحفظك ويجعلك من نصيب شئ رجال يقدر قيمة هالجوهرة :14: اهلا وسهلا |
احد المواقف التي تعرضت لها اني دخلت مركز عناية بالشعر وعرضت شعري على الاخصائية بامريكا
وهي ظنت اني لااملك شعرا!! لذا اخفيه بالحجاب.. ايضا موقف اخر وهو موقف استهزاء من احد المارة في امريكا ايضا علما ان الجو حار الجو بارد جدا هنا لدرجة التغطية الكاملة صح؟ نظرت نظرة ومشيت بصمت.. الحمدلله على الحجاب وعلى نعمة الإسلام شكرا لك حبيبتي موضوع شيق أختك حيوزه |
فعلا بعض أسئلتهم تدل على "........"
مرة جاتنا للجامعة مدرسة أمريكية..وانصدمت بمنظر العبي وصدمتها الأكبر كانت في النقاب! فمرة وحدة من البنات فتحت عباتها وكانت الصدمة الأخرى!! كانت تظن إن العباة هي ثيابنا>>> ما نلبس شي غيرها، ننام فيها، ناكل فيها....... ووضحنالها إن إحنا نلبس أحلى لبس ونتكشخ أكثر منهم :d وكانت تظن إن المتنقبات بالضرورة متزوجات..لأن الرجل العربي بطبعه متسلط!!!! :( مشكورة على الموضوع |
والله موضوع كتير حلو
انا الحمدلله بغربة عربية مش اجنبية واتاريها بتفرق كتير الله يعينكم قرات كل الردود فعلا انت بتجاهدو والله بعطيكم ثواب إن شاء الله حبيت ادعيلكم الله يثبتكم واطلب منكم لما حد يسالكم انو توضحو الصورة المشرفة عن الاسلام والاسباب الدينية والاخلاقية بشكل منطقي بحيث تفحموهم بالرد يعني بما انو هالسؤال وارد جدا اقترح تعدو اجابة مفحمة قوية من الان واي حد يسال سؤال متل هيك تجاوبوه ووضحولهم انو احنا لا مضطهدات ولاشي وعلى فكرة حتى المراة الغربية بتتبهدل من الرجال بتعرفي ياام وليد اكيد برنامج oprah و Dr.Phill اي والله بيجيبو مشاكل نسوان و مصايب سودة عن الرجال يعني اشي مش طبيعي ماعمري شفتو عنا الي جوزها بجيب عشيقته عالبيت قدام عيونها والي مش متحمل مسؤولية شي والضرب والاهانات والتشويه وحدات فظيعة جدا انا لو مكانكم كان بقلهم اانا بشوف برامج هيك وهيك معقول انتو هيك بيصير عندكم عشان يفهمو انو ماياخدو بحالهم مقلب وانو عندهم مصايب سودة اكتر من عنا وبجد نسبة الاهانات والضرب عندهم كبيرة وانو مش ضرب عادي لا حجات غريبة over احنا احسن يعني فمابعرف صراحة على شو بيعيبو هما احكيلهم ليش انا اوقف وكل الناس تشوف جمالي وشعري وتطمع فية؟؟؟ انا بحمي حالي وبغطي شعري عشان ماحد يفكر يأذيني بعدين في بحوث علمية اثبتت انو الحجاب بيحمي الشعر وبيحافظ عليه حلو كتير لو طلعتوها من النت بالانجليزي وخزنتو اللينك عالموبايل تبعكم مثلا ولما وحدة توقف تقلكم هيك تعطوها اللينك يعني خليكم شاطرين وجاوبو اجوبة تخليهم يشيلو افكارهم الهبلة والله يوفقكم يارب ويبعد عنكم الشر امين حسيت اني بنعمة بجد لانو انا بدولة عربية بطلع بالحجاب والعباية ماحد بقلي وينك ولسة هون اغلبهم منقبات كمان اليمنيات تحياتي موضوع جميل جدا ومثير |
الحمد لله هنا ما تعرضت لمثل هالموقف
بالحجاب يعني بالعكس مره رحت للمدرسه وما منتبهه شعري طالع نبهتني وحده انجليزيه تقول لي مو المفروض ان شعرك ما يبان بادب و اخلاق قلتها شكرا انك نبهتيني و غطيته بس احلى سؤال وحده بتسالني عن الصيام هيه علمانيه يكونو شوي عنيدين و كلماتهم في سخريه مع كل الاديان قلتلها الى ان تغرب الشمس وكانت مغيمه قالت لي مافي شمس قلتلها خلاص اذا ما في شمس تروحو بيتكم و تنعشي و تنامي |
موضوع طريف
هنا ما حدا بسأل لانه الجالية المسلمة كبيرة و سبب الحجاب معروف |
قرأت الردود كلها
أنا و الله يا أم وليد أنصدم بمدى معرفتهم عن الاسلام مو بجهلهم اسمحيلي أضربلك شوية أمثلة الطبيبة قبل ما تركب لي اللولب سألتني : انتي و زوجك أول شريك جنسياً لبعضكم صحيح ؟ قلتلها نعم لما طلبت عملية ختان لابني من القابلة عشان تاخدلي موعد قالتلي هدا بسبب دينكم صح ؟ قلتلها نعم مممم وحدة من صديقاتي بريطانية أسلمت من 3 سنين قالتلي الشعب هنا بميز بين المسلمة اللي تلبس نقاب و اللي ما تلبس و بين المسلمة اللي بتبلس العباية أو الجلباب و اللي أقل التزاما و بتبلس لب عادي مع حجاب بسموه لبس غربي (أي شي مو عباية بعتبره غربي) !! هون في جهل شوي قسم كبير منهم بيعرفوا انه نحن مناكل لحم اسمو حلال بس ما بيعرفوا شو معنى حلال في منهم بيعرفوا انه نحنا ما منربي الكلاب ببيوتنا لكن بظنوا فينا انه نحن ما عندنا رأفة بالحيوانات و انو ما منحبهم !! و من هالكلام الفاضي من كتر معرفتهم انا استغربت موقفين طبيبة سألتني اذا بشرب كحول ! و بعد ما جاوبتها انه لا قالتلي لاتشربي خلال الحمل ( كأنه مو مصدقة) و شاب سألناه عن مكان نظيف نقدر نصلي فيه و شافني محجبة قال انتم كاثوليك صحيح ؟!! |
اقتباس:
أهلا وسهلا بست العرايس بشكر مرورك ومشاركتك إلنا الله يجعلك الاولى الاخيرة في قلب زوجك ويحببه الي قلبك ويألف بين قلوبكم |
اقتباس:
اهلا و سهلا وين الغيبة ما عدنا شفناك:) اكيد ملابسنا اغلى وأحلى منهم وللاسف الاكثرية هيك مفكرة انه بسبب تسلط الرجل عم نلبس هيك وكمان بعطيك نظرة ثانية هن بيفتكرو لانه الرجل العربي عشقه المرأة:25: فبيفكرو وقت المرأة بتكون محجبة فالاكيد زوجها نسونجي وخاين والا ما جبرها ع الحجاب:25: كمان رجال العرب الله يهديهم وقت بيسافرو للغرب بيأكدو الصورة بتشكر هالمرور الحلو |
اقتباس:
ما قلت إلك انو حضرتك بنعمة بهالغربة ما شاء الله ما تستجوبي كل ما تظهري :) وقت يكون عندي وقت بجاوبهم اجابة من مجتمعهم لابين إلهم شو هو الاسلام وقت مايكون عندي وقت ببتسم:d وبكفي طريقي بالعكس انا بعطيهم امثلة لخليهم يتمنو عيشتي لاقلك مثال هن مصروف البيت عندهم فيفتي فيفتي انا ولو كنت بشتغل ما بصرف شئ.لانه زوجي هو رب الاسرة بدي اشتغل اشتغل بكيفي مو مجبرة هي اذا ما بتشغل ولو متزوجة ما تعيش كالعالم والناس بدي اروح لشئ مكان بياخدني زوجي معززة مكرمة وبيستناني هي تتبهدل بالطرقات واذا ما عندها سيارة تتبهدل بالمترو والتاكسي والحافلات فبقولها شفتي كيف الاسلام بيحافظ ع المرأة شفتي كيف الرجل المسلم بيعاملني شفتي الي بتسمو رقي واتيكت هو عنا من الاخلاقيات اسئلهم بتعصب:18: بس لانهم بيكونو بقمة الادب معك:) ما فيك الا تحترمي اسئلتهم أهلين بملوكة |
اقتباس:
اهلين ماريا الاسلام باوربا غير بامريكا اوربا الها تاريخ وحضارة هذول الامريكان شعب بلا حضارة بلا تاريخ كل شئ مستورد وهلا بدهم يصدرو حضارتهم الله المستعان ويا حسرة ع الشعوب الي حضارتها اكثر من 4000 سنة |
اقتباس:
اهلين بأحلى مغتربة لانجليز شعب راقي و مثقف :22: انتو غيرنا واحد اجدب هذيك النهار بالتلفزيون:29: بيسألوه شو هي المشكلة وقت تشوف وحدة متحجبة بكل غباء ووقاحة قال بدي اشوف شو مخباية وراء هاحجاب وشوف شعرها :18: هيك منو غباء الله يهون علينا ويتبثنا عل الحق |
| الساعة الآن 09:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©