|
كيف أقنع زوجي بمشكلة والده !!!!
بسم الله
السلام عليكم أعضاء المنتدى الكرام , لما يكون عندكم شخص كبير تغيرت شخصيته بعد ما كبر بالسن ""مع العلم أن تغيره لايبدو خرفا "",, كيف تتصرفون معه , خصوصا لما يكون هذا الشخص هو والدكم ,, المشكلة عندي أنه والد زوجي كان طيب وعاقل ولكن للأسف تغير وسبب تغيره مشاكل كبيره بالعائله , أوغلت قلوب الأخوان وأبناء العمومه مع بعضهم !!!!!!!:30: :30: طبعا هتتساؤلون وتقولون وش دخللك أنتي ؟؟؟ بقلكم هذا قبل ما يكون أبو زوجي هو عمي !! وقد يأتي بعد عدة أشهر ليقيم معنا ""فتره غير محدده """ أنا الآن محتاره في كيفية التعامل معه , خصوصا إذا تطاول علي أو على أهلي ,, في قرارة نفسي أقول أن سأرد عليه إذا أخطاء في حقي أو حق أهلي !!! ولكن في نفس الوقت لاأريد إحراج زوجي لأني أحبه ,,,,,,, للأسف حينما أنصح زوجي أن ينصح أبوه ويقنعه وهو يستطيع أن يأثر فيه ولو جزئيا !! يرفض ويتحجج [ان والده مصاب بضغط وسكر]مع العلم أن والده أصبح يسب أمه يعني جدتنا !! ويخطاء بحق أخوته وأخوانه بسبب وبدون سبب ,, ولكن الأشخاص الذي تربطه بهم مصالح لالالالالايجروء أن يتكلنم عليهم بسوء بالرغم أنهم أساء إليه !!!! أما أمه وأخوانه وأخواتهفلم يعد يطيقهم !!! وكل ما حاولت أفتح الموضوع مع زوجي بخصوص والده يتهرب ويشعر بإحراج !! لو كنتم ماني أو مكان زوجي ماذا تفعلون ؟؟؟؟؟؟؟؟ |
لوكنت مكانك اسكت واخليه يسب على كيفه لاتنسين انه شايب والشيبان هذا طبعهم
ولا حتى افتح لرجلي موضوع علشان مااضيق صدره مادام انه يشعر بالاحراج |
اقتباس:
عين العقل ...وليش أصلا تفتحي موضوع مع زوجك ........أسمعي من إذن وطلعي من الثانية خليه يسب ويشتم ويدندن فيهم بعد وأدعيلو الله يهديه .... بالعكس أنا لو مكانك أنظر له نظرة شفقه وأحزن لحالة |
اختى الكريمه ما أنصحك تردى عليه قابلى الاساءه باتسامه ..
وترى كذا بتزعلى زوجك , لانه مهما كان أبوه .. والزوجه اللى تزعل اب الزوج أكيد بتتأثر علاقتها مع زوجها .. لذلك حاذرى أختى الكريمه .. دمتى بخير . |
احسنتم النصح اخوان
ونعم جزيتم جميعا خيرا اختى الكريمه ما انصح سوى بكلماتهم صبرك الله وجزاك خيرا |
نصيحتي لك هاذا في مكان ابوك وكانك تبين الأجر من الله تحمليه مهما كان هاذا واحد كبير في السن وحطي نفسك مكانه لانك بكره راح تكبرين ومعامتك له اذاكانت كويسه صدقيني في المستقبل لما تكبرين راح تلقينها من عيالك ولا تفكرين تردين عليه هاذا زي ماقلت لك في مكان ابوك تقدرين انتي تردين على ابوك اكيد لا لذالك لاتسمعين لأحد وفكري بس في الأخره والأجر الي بتحصلينه بعدين
وحطيه في عيونك وشوفي بعدين كيف ربي يفرجلك ويسهل كل امورك يبيلك تعاملينه معاملت اطفال لانه الأن مثل الطفل سبحان الله بشويش عليه اهم شي خلي يكون عندك حنيه وصبر كفايه لأنك بتتعبين في البدايه بعدين صدقيني كل شي بيسهل عليك بس زي ماقلت لك اهم شي الصبر ولاتفكرين ابد ترفعين صوتك عليه والله يهدي بالك ويعطيك صبر ان شاءالله وفكري انك بتحصلين الاجر في الاخره قبل اي شي أحس ان عندي كلام كثيييييير ودي أقوله بس مافي وقت انا بطلع الحين ولنا ان شاءالله لقاء اخر سبحان الله وبحمده سبحان الله العظيم |
أشكر جميع الأخوان والأخوات على الرد
ولكن المشكلة إني لاأستطيع التغاضي عن أمور كهذه خصوصا إذا تم التطرق للخلاف العائلي الكبير !!! وأنا لاأطلب منه أن يقف لجانبي طبعا ولكن عليه أن يقف مع الحق !!!!!! وعندي مبدا "" أن بعض الأشخاص يجب أن يوقفوا عند حدهم من البداية حتى لا يعتدوا في أمور أكبر من مجرد الكلام والسب والشتم "" ............................... |
حبيبتي انتبهي لوضعك مع زوجك ولا تسوين مشاكل مع ابوه علشانه اكيد هو يستاهل التضحيه منك
يا عمري اي واحد مكان زوجك بينحرج اته يتكلم مع ابوه و كأنه يعلمه و انتي اكيد عارفه عمك و لسانه السليط يمكن مارح يتقبل و بيقلب على ولده و زوجك وش بيكون موقفه ؟؟ انتي عارفه ان اذا سب اهلك فهذي مو عنداً فيك و لكن هو كذا من قبل لا يجيكم كل ما سبهم قدامك قولي له الله يسامحك يا عمي و قولي لزوجك يقول له نفس الكلام ولا تتناقشون معاه ابداً ولا حتى تستجيبون له و تعصبين من القهر لاااااااا امسكي اعصابك خلاص سكتوا وقولوا الله يسامحك هو بعدين بيمل لانه كأنه يكلم روحه ولا احد عاطيه وجه هذا نصيحتي لك واتمنىانك تتقبلينها و ان شاء الله تكسبينه و يحبك و يصلحه ويهديه |
بس أنا من النوع الي ما يقدر يصبر فتره طويله !!!:) :)
|
اقتباس:
ونعم النصائح000 الاخوات والاخوان ما قصرو تخيلي ان ابوك نفس الشخصيه وبيكون عند اخوك وزوجته00 وزجته ما عندها صبرمثلك اترضين انها تجرحه أبوك أو متتحمله وش بيكون موقفك0000 الصبر الصبر الصبر انصحك بالصبر أختي ومهما كان هذا كبير في السن 00 وبجي يوم ونكون مثلهم |
اذا تحبي زوجك وتبغين السعادة ........
ابلعي لسانك .... واشكر الاخوات لنصيحتهم ...جعلها الله في موازيين اعمالهم .. |
أشكركم جميعا على نصائحكم الصادقه
وإن شاء الله أكون من الصابرين وبالنسبة ...إذا كان والدي مثله ... لما يخطاء في حق أحد خصوصا من الأقارب ..فلن أمانع أن أنصحه .. ومرة آخرى مشكورين مشكورين الله يفرج همومكم وهموم جميع المسلمين ......... |
ماراح ازيد على كلام اخواني واخواتي جزاهم الله كل خير
وانا عندي سؤال والد زوجك كان طبعه كذا والا بعد ماتقاعد اذا كان قاعدوه وصدقيني والدي نفس طبع عمك وعنده السكر بس جاته الحاله بعد ماتقاعد والله احيانا اخواني مايقدرو يتحملوا تصرفاته الله يهديه ويخليه لنا صرنا نخليه يهذر واحنا اللي نبلع العافيه ههههههههه الله يطول بعمره وعمر ست الحبايب وعلى فكره الهديه تلعب دور مع كبار السن قد ماتقدري اكسبيه وانتي الرابحه |
بسم الله الرحمن الرحيم
هذه مشكلة معظم العائلات تحصل لها احنا مثلا جدتى الله يطول في عمرها من هذ النوع لكن احنا متحملينها خصوصا وانها كبيرة في السن وكبير السن في البيت بركة مهما عمل فعليكي اختي بالصبر وعدم احراجه باي كلام وتحمليه فسوف تجنين من صبرك السعادة الاخروية وسوف تكبرين في نظر زوجك ويكبر الحب معاه فعليكي بالاحسان معه وعدم الاساء ة اليه يمكن تضايقين خصوصا وانكي اول مرة تصير معك هذه الحالةومو متعودة عليها فبيكون صعب عليك لكن بالصبر كل شيء يصير والله يصبركي |
مشكورين مره أخرى
وحالة عمي بدأت معاه من كم سنه وزادت بعد التقاعد |
حاولي تتقربي منه و تتفهميه
|
خلي اذن من طين واذن من عجين وحتي لو قعد عندك العمر كله واتبعي المثل لاجل عين تكرم مدينة .وكل شئ بجزاه عند ربك
|
انا مع الاخوان انك تتناسين سبه وشتمه ولاكأنك تسمعي على الاقل عشان زوجك ابو عيالك وهي فترة وبتعدي وصدقيني لو كان الموقف بالعكس وابوك هو اللي يشتم زوجك اكيد زوجك بيقدره ويحترمه ومايشره عليه ....
|
هذا عمك وفي مقام والدك
ثانياً أصبري وسوف تجدين ذلك عند زوجك وأهله فليس له دوااااء إلا الصبر ..أعانك الله |
أشكر جميع المشاركين
والله يصبرني وأستفيد من نصائحكم مع العلم حسيت أنكم فهمتوني غلط "" أنا قصدت أنو ينصحه زوجي بهدوء "" وأني أرد عليه لما يغلط بس كمان في حدود الأدب " وبرد يكون موضوعي """ |
| الساعة الآن 10:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©