زلقت في الحمام .. ممكن هالشي يئثر في الحمل؟؟؟؟
 

السلام عليكم

انا وايد متوترة و اتمنى حد مكم يقدر يساعدني او ينصحني

اليوم العصر و انا في الحام (و انتو بكرامه) زلقت و طحت على ظهري .. و انا الحين خامل في الشهر الثاني

اول شي خفت بس يوم ما حسيت باي الم داخلي ولا نزل مني او شي قلت خلاص الحمدلله الله ستر

بس يوم كلمت الوالدة و خبرتها خوفتني و قالتلي اني المفروض كنت اسير المستشفى و اتاكد انه ما صار شي للجنين

انا قلت بتريا لين باجر و اشوف لو حسيت بالم او نزل دم او شي بسير .. و لو مافي شي خلاص

بس شو رايكم .. هل ضروري اني اسير افحص حتى لة ما حسيت بشي .. خبروني الله يخليكم انا صدق خايفه

الصراحه ماعندي معلومه لكن دام انك ماحسيتي بألم
خلاص ان شاء الله مافيك الا العافيه انتي والجنين
والله يتمم لك حملك ويسعد قلبك زيقومك بالسلامه

اذا مافي دم ولا الم مافيكي الا العافيه ان شاء الله
ما تخافي وانا من رأيي بلا مصاريف زياده لانه مافيكي الا العافيه بس الستات الكبار دائما يخافو وبالذات انك بنتها
وفقك الله
في رعايه الله

السلام عليكم

طالما لم ينزل عليك اي افرازات بنية او ملونة حتى لو خفيف ولا تشعري بالم اسفل البطن او الظهر

فحالتك طبيعية ان شاء الله

ولا مانع من مراجعة الطبيبة للاطمئنان ..

تحياتي ..

انا رأيي انه من الافضل مراجعة الطبيبه للاطمئنان وكل شئ فدوه للجنين ..الله يتمم عليك

أخواتي الغاليات: زوجة محبوبه - فوفو - بنت النيل - ميا

شكرا على الردود و جزاكم الله كل خير .. اناللحين ما فحصت لاني الحمدلله ما احس بأي شي مو طبيعي

بس اتصلت البارحه على دكتورتي و خبرتها و هي قالتلي احسن امر المستشفى اسوي سكان .. ان شاء الله باجر بسير لان اليوم ريلي ما كان موجود و اما ما اطلع بدونه

ادعولي كل شي يكون طبيعي و الجنين بخير

الف سلامه عليك اختي

ماتشوفي شر ان شاءالله

عادي , أذكر يوم كنت حامل ببنتي كنت أنظف جدار المطبخ وكنت قريبة من مفتاح كهربائي , شفطني الكهرب وطحت , بس ماجاني شي وطلعت بنتي أحلى البنات ولله الحمد والمنة .

سلامات والأحسن انج اتزورين الدكتور للأطمئنان

ع البيبي

طمنينا اختي ذهبتي للمستشفي ولا لسه وايه قالك الطبيب يا رب خير