|
ضميري مارتاح بصـراحة
السلام عليكم ورحمة الله وبركاته احبائي في الله عندي ولد عم غالي علي بصراحة .. هو تزوج قبل 3 سنوات . انا من طبيعتي اعين الواحد في الزواج واحب اعطي اي واحد اعزه ووقفت مع ناس ماكانو يستاهلون بصراحة .. لكن سبحان الله قبل زواج ولد عمي ماقدرت اعينه في زواجه بسبب الضيقه الماليه .. الي كنت فيها .. على ان الواحد المفروض يتسلف عشانه لن هو انسان يستاهل بصراحة .... حـتى هـو بنفسه يحسب اني انا ماعطيه هديه قبل زواجه لانه مو مصدق اني ماعطيه هديه .. وخلال الثلاث السنوات الي راحت وبصراحة وانا افكر اعطيه بس احس بحراج شديد .. بعد المده هذي كيف اسلمه الهديه .. ابي نصيحه منكم يالربع الله يجزاكم الجنة |
هل انت متزوج
اذا كان نعم فبصراحه مشكله مالها حل اما اذا كنت غير متزوج فراح تصير وحده بوحده لما تتزوج ووقتها راح ترتاح وبصراحه ؟ ما اجمل تانيب الضمير |
ممكن تعطيه وتشرح له الوضع
|
عليكم السلام ورحمة الله وبركاته
إذا كنت تمون عليه وتعرف طبعه وطيبته مالك إلا تزوره وتقدمها له قدم له هدية كأنها هدية عادية وفيها القيمة اللي بتعطيه إياها ومايشوفها إلا إذا مشيت بيكلمك بعدها أكيد ، قله الصدق إنه في بالك إلى الآن هدية زواجه وماتيسرت معك إلا الآن ترى والله مافيه أجمل من الصدق وأكيد بيفرح فيها فرحة كبيرة لأنك مثل ماقلت يستاهل والله يوفقك ويجزاك خير . |
اقتباس:
انا غير متزوج |
اقتباس:
مشكور على ردك والله يجزاك الجنة وهذا الي افكر فيه انا بصراحة لن الصراحة هي اجمل شي .. وبسوي نفس الي تقول والله يعيييني بصراحة لكم تحياتي |
عادي اخوي
دامك ماقدرت تعطيه عانيه وقت عرسه اعطه اياه الحين وبكل بساطه قله ضروفي تحسنت وانت عزيز وغالي وبالقلب |
اقتباس:
والله يعينك :21: |
اقتباس:
بالفعل بس مشكلتي استحي ,, |
طــــــــــــيب وش نوع الهديه يالربع الزينه حدود 300
|
تم نقله هنا مكانه الانسب
|
ما ادرى انا احس مو حلوة تهدية هدية العرس بعد ثلاث سنين فية طريقة ثانية الى هى **لو عندة اعيال يعنى تشتريلهم هدية لعيالة وما تكون هدية عادية او انك تدق علية يوم وتقولة ابى يوم تكون فية فاضى انت وزوجتك تعزمة بمطعم برو حهم يعنى انت مو معاهم ما عليك الى تدفع الفاتورة |
اقتباس:
تقصد 300 ولا 3000 والله الحين 300 ماتجيب شئ اما انك تشتري الاضحية اواذا كانت امراتة حامل تقوله علي التمايم ان كان عنده بزر اشتر له دباب اللي ينشحن تو واحد جابه هدية لولدي سعره 250 او300 او مكرويف او مثلا تزوره وتشوف مجلسه وش ناقص مثلا مكتبة او تحفة عليها القيمه |
اقتباس:
مشكور على ردك يالغاليه |
اقتباس:
فكرتك رائعة اخوووي اني اشتري لي بنته هديه وخلاص . |
بالعكس موضوع سهل وبسيط موبلازم تعتذر له خلي نفسك عادي واغتنم اي مناسبه حلوة عنده واهديله فيها واحنا الحين على مشارف عيد الاضحي المبارك تروح بيته وتعيد عليه وتاخذ وياك هديه قيمة وهو اكيد بيفهم واذا قالك ليش تكلف علي روحك قل له اعتبرها هدية زواجك ولو انها متأخره شوي والله يوفقك
|
اعطيه هديه بس مو شرط يكون بمناسبه زواجه
مثلا اذا جاه مولود او شي وهو حتى لو كان بخاطره شي بينساه |
اقتباس:
اي مناسبه تصادف عنده قدم له الهديه فيها بيت جديد مولود بس عفوا 300 ريال سعودي قصدك |
أقترح أن تبحث عن مناسبة محبوبة لديه وتهديه عليها هدية مميزة
مثلا: ولادة (هدية للطفل أو الأم مميزة) - ترقية (عزيمة أو هدية أخرى) - تأثيث (مجلس أو غرفة نوم أو فرشة أو نحوه) - شراء سيارة (تلبيسة ) أو غيرها من المناسبات الحلوة. ولا بأس أن تقول له إنك كنت تنوي إهداءه مع الزواج لكن الظروف لم تكن مواتية، ولست ملزما بالتفصيل. |
| الساعة الآن 04:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©