|
بعدي 3 ايام بشوف زوجي ساعدوني
السلام عليكم
مشكورين على كل شي بس والله متوتره وماعرف شاقول او شاكتب بعد كم يوم زوجي بيزورنا فالبيت اول مره بعد النظرة الشرعيه يعني بيقعد وياي كم ساعه بليز بليز قولوا لي شاسوي من أول مايدخل لين مايطلع لاتبخلون علي بأفكاركم محتاجه لكم يعني أول مايدخل كيف أسلم وكيف أقعد وكيف اسولف واتكلم .. ايش اقدم له من الاكل والشرب ايش اقدر اسوي وياه.. ايش اعطيه رساله ولا هديه ابليز ابيه يطلع وهو مستاااااانس وطاير من الفرحه .. أبي أفاجأه بأي حركة من ذوقكم للعلم تونا ماخذنا على بعض بس صارلنا اسبوع انكلم بعض بالتلفون انتظركم جزاكم الله خير |
خليكي طبيعية ولا تتوترين وان شاء الله تمر اول مقابلة وانتي مستانسة اذا كان بيجي في الليل سوي له عشا لا تكثرين بالاطباق مثلا صينية مكرونة(بشاميل او فوتشيني) وطبقين مقبلات (تبولة او فتوش) + ورق عنب سوي طبق تحلية بعد العشا كيكة او حلى مع الشاي وفي الللبس والميك اب لا تتكلفين كثير البسي شي ناعم والوانه هادئة وحطي لك ميك اب طبيعي وناعم ممكن تحطين في عينك قلم ازرق وغلوس وردي ناعم لان اغلب الرجال ما يحبون المكياج الثقيل ويحبون المكياج او الالوان الهادئة والطبيعية لا تقدمين له هدية من اول زيارة وباقي الجلسة ما يحتاج اقولك شلون تتصرفين لانها راح تمر وانتي مو حاسه فيها لا تكوني خجولة كثير ولا تكوني منطلقة كثير بالكلام خليكي على طبيعتك ان شاء الله اكون افدتك وما كثرت عليكي بالكلام |
اقتباس:
ههههههههههههههههههه اظن وجبات خفيفه سريعه افضل |
تسلمين حياااتي روز الشرقية
والله استفدت وايد وتقريبا قلتيلي كلشي الله يسعدج ويوفقج والله يشفي امك عاجلا غير آجل انه على ذلك لقدير |
مافي حد يرد علي بأي فكره
بصراحة اختي روز الشرقية كفت ووفت بس بعد ابغي أتعلم اكثر جزاكم الله خير |
اقتباس:
:29: ثانكس |
محد يرد :(
|
اسمعي وانا اخوك انا رجال واقدر افيدك بكم شغلة
اول شي قبل لا يوصل كثري من ذكر الله والاستغفار وربي يبي يفرجها ان شاء الله ثاني شي خلي الابتسامة الخفيفة على وجهك بشكل دائم وحاولي اي شي يقوله تعلقين عليه ولو بشكل بسيط يعني مهوب على قولتهم هز راس وبس لا تعليق او مشاركة بسيطة وثالث شي بخصوص الاكل انا اقترح بما انه اول مره يزوركم فيها بعد الملكة يكون فيه عشاء على ضو الشموع تكون طاولة صغيرة وكرسيين وشموع ويكون الاكل من مطعم حلو وراقي وبدون تكلف في الاكل والله يوفقك يا رب ويسهل امورك ودعواتك لي يا اختي ان الله يشرح صدري وييسر اموري ويوفقني ويسعدني ان شاء الله |
اقتباس:
جزااااااك الله خير ياربي يا ولد اهلي وعسى ربي يسعدك و يوفقك مشكوووووووووور على ردك وتعبيرك أبشرك كلشي تم على مايرام والحمدلله الله يسعدك ان شاءالله |
الحمد لله رب العالمين وجزاك الله خير على الدعوات وعسى الله يوفقك وبارك الله لكم وبارك عليكم وجمع بينكم على خير
العاقبة عند الي ما تزوجو ان الله ييسر امورهم ان شاء الله |
يا ريتني مجربه عشان انصحك
ههههههههههههههههههههههههههه الله يسعدك و يهنيكي بس انا متاكد انه قد ما انتي متوتره قد ما هتكون هالايام زكريات حلوه في مخيلتك عقبال الكل يا رب |
والله يا اختي الكريمة أنا للحين مامريت بهالتجربة ...
ولكن بقول وجهة نظري المتواضعة ورأيي المتواضع ... وعسى الله ينفع به ... أنا اشوف ان الابتسامة الناعمة لابد أن تكون هي سيدة الموقف في تلك الليلة ... لان المتوقع أن يكون زوجك هو صاحب المبادرة في الكلام والسوالف ... ويمكن يرمي مزحة والا كلام معسول يهدف به الى كسر الحاجز بينك وبينه ... أنا اتوقع أن زوجك لا يريد أن يختبر قدراتك في الطبخ في هذه الليلة ... >>> ماراح يجيك وهو ميت من الجوع اتوقع انه متشوق لكشف ما بداخلك من أسرار ... ولازالة الحواجز التي عادة ماتكون في بداية كل حياة زوجية ... أسأل الله لنا ولكي ولجميع المسلمين التوفيق دائما اللهم بلغ عازبنا وعازبتنا منالنا بزواج يستر فيه عرضنا ... |
اقتباس:
تسلمين ثانكيوووووووو الله يرزقك اللي في بالك جزاك الله خير |
اقتباس:
كلامك صحيح 100% وفقك الله لما تحبه وترضاه أبشرك كلشي مر بسهالة والحمدلله اللهم بلغ عازبنا وعازبتنا منالنا بزواج يستر فيه عرضنا اللهم آآمـــــــين :) |
الغاليه ^ـــ^
او شي مبروووك علي الزوااج وبعدين يا الغاليه لا تكونين واايد قلقله تري القلق يزيد من التفكير ... كوووووني واااااايد هاديه ... ماوصيك عاد بل ميكب الخفيف والرقه والأبتسامه والأعتدال في كل شي بل نسبه للعشي انتي جهزي كل شي وانا اقووول لو انتي تتطبخين من عندك لو صنف واحد عشان عقب ماياكل قوليله شو رايك في طبخي>> تري الرجال يحبون الي تتطبخ ...^ـــ^ ماوصيك في اللبس واتكون اللون الي حلووه عليك وطايحه عليك .. وحاولي تاخذين وتعاطين وياه ونظرات الأعيون تري واااااااااااايد تحكي كلام ... اذا كان في خاطرك هديه ممكن تاخذيله هديه بسيطه الأول لقاء عشان يوم يرجع البيت وهو مستانس فيها وممكن اتأجلين الهديه لي الزيارات الي بعدها .. ووووووو بعد مممممممممممممممم هذا الي علي بالي وانا الصراااحه اتخيلت اني في مكانك معني مب مجربه ....ادعيلي حبيبتي .. والله يوفقك ان شاء الله ويسعدك دنيا واخره وعسي يامك كلها حب ورمانسيه ... |
..................................
|
اقتباس:
احسج حاسه فيني مشكوره يا عمري على النصائح الرقيقة الله يوفقج ياربي ويسعدج دنيا وآخره |
| الساعة الآن 06:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©