|
انا فى مشكله احتاجكم (ماء القمر)
السلام عليكم ورحمه الله وبركاته
من غير مقدمات ابغى ادخل فى الموضوع على طول اغلبكم يعرف انى الزوجه الثانيه لزوجى وزوجته الاولى مهى الا على الورق بس من ثلاث سنين وهى تقول لزوجى البيت كبير علينا وتبغى تطلع فى شقه صغيره بيتها ملك زوجى 8غرف تبغى بيت بغرفتين بس !!!!!!! والبنات رافضين يخرجو معاها من حقهم بيتهم ملكهم وفيه غرفهم واغراضهم .............الخ ............................الخ ماهمنى مايخصنى لاكن انا ساكنه مع اخواتى فى بيت ابويا انا تحت وهما فوق ولو زوجته خرجت زوجى يبغى ينقل لبيته طبعا لاكن انا ماابغى اترك اخواتى لوحدهم امى وابوى متوفيين وهم لوحدهم بنتين والله حراااام الى بيسير ضغطى مرفوع ومقهوره منهم البنات مساكين مالهم ذنب واخواتى مالهم ذنب بناته اخوهم الكبير معاهم وجدتهم ساكنه تحت لاكن اخواتى وزوجى يقول استأجر وبيتى موجود ايش اعمل دلونى ساعدونى هى الان خلاص استأجرت بيت وعلى ايش ناويه ماادرى لكم فائق احترامى |
خبري زوجك بلي في خاطرك بكل هدؤ وقولي له الكلام اللي كتبتيه والقرار الاخير بيكون له بس لازم يفكر في اخواتك مش معقول يخليهن بروحهن الله يعمل اللي فيه الصالح
|
اعرف قراره ويعرف الوضع ومصر
وانا مصره واعصابى تلفت حسبى الله ونعم الوكيل |
السلام عليكم..
طيب خواتك متزوجات أم لا..! و هل ستسكنون بعيدين عنهم..! |
وعليكم السلام ورحمه الله وبركاته
لو هما متزوجات كنت شلت همهم انا فى مكان وهما فى مكان ثانى اااااااااااااه يارب |
طيب ما عندك اخوان ؟؟
قصدي ان اخواتك مالهم غيرك بحيث انك اذا طلعتي راح يضيعون ؟؟ طيب اذا البيت اللي بتنقلين له كبييير و فيه غرف معزوله ما تقدرين تاخذينهم معك ؟؟ يعني وش راي زوجك في انك تاخذينهم معك ؟؟ عوروا قلبي مساكيين بس بعد زوجك معذور انتي ردي على اسألتي و ان شاء الله نحاول نساعدك |
اختي الغاليه هونيها وتهون بأذن الله
حاولي تفكري في طريقه تغيري فيها رأيه بس انتي الان حاولي تأخري النقل ممكن تقولي له ايش بيقولو عليك الناس اذا اخذتني بعيد عن اخواتي وهم مالهم غيري او يرضيك نتركهم لوحدهم كيف يهون عليك وهو راح يفكر في الكلام بينه وبين نفسه وتبدا الافكار تروح وتجي على باله واذا هو بيدفع ايجار لشقتك هذي فأظن انه يفضل الملك حقه وراح تكون نظرته ماديه وانه يخفف عن حاله مصاريف خصوصا انه عنده اسرتين ومحتاجين مصاريف اذا ممكن تحاولي مع اولاده انهم مايخرجو من بيتهم عشان انتي تجلسي في بيتك واعرفي نقطة ضعفه واستغليها لصالحك ممكن تغيري من قراره اسئل الله لك التوفيق وان يكتب لك مافيه الخير تحياتي لك |
سبقتني أختنا ام المهدي بطرح نفس الأسئلة..
|
حبيبتي الله يعينك
بس ليش ما تقوليله اخذ اخواتي معايا لانهم مالهم غيري او قوليله بناتك عندهم احد و اخواتي لا و اننا ابغى اجلس معاهم لانه ما ينفع يقعدوا لحالهم و بعدين زوجته ليش تطلع ولو البيت كبير مو عندها بنات كيف تكفيها غرفتين ؟؟؟!!!!!! الله يعينك |
اختي الحبيبة
ممكن ان يعيشون اخواتك معك في البيت الكبير وكل واحدة تكون لها غرفتها..يعني بالعكس الوضع يكون افضل لأان البيت يكون كبير اجدها فرصة جيدة وستكونين انت في البيت الكبير الا اذا زوجك رافض انهم يسكنون معكم في البيت الكبير؟ وفقك الله |
والله سبقونى الا خوات و الا خوان وما عندى المزيد
|
صح خوذي خواتك معااااااااااك لبيتكم الجديد وبكذا يكونوا خواتك تحت رعايتك باذن الله
هذا هو الحل الوحيد الى يرضى الطرفين باذن الله |
اولا احب اشكركم جميعا
ثانيا انا اختهم الكبيره واختى الى بعدى متزوجه وفى بيتها الحمد لله الله يسعدها اخواتى فى بيتهم ملكهم اذا طلعو منه راح ياخذهم عمى ومن غير كلام مستحيييل هم الان استقرو نفسيا لمن انا جيت عندهم تبغونى اسلمهم لعمى ثانى مااقلكم عمى سئ لا والله لاكن الحياه معاهم غير مريحه ابدا وهم مايبغو يطلعو من بيتهم وانا ماابغاهم يطلعو من بيتهم لانهم راح يتعبو ويتعذبو واحنا يااخواتهم معاهم اعصابى تعبانه جدا من امس من لحظه ماقالى الخبر ادعولى ربنا يحلها من عنده وشكرا لكم |
السلام عليكم
أولا ً.. أختي أنا أختلف مع الأخوات الي يقولون خوذي خواتك معاك ِ.. لأن الحــــــــــمـــو المــــوت والرسول صلى الله عليه وسلم أخبرنا بذلك .. لكني أقول ... لِــمَ لايستقرون أخواتك في بيتهم .. وتزوريهم أنتِ وأختكِ الأخرى من وقت لآخر ..مع الاتصال بالهاتف .. والمسألة وقتية ويتعوّد أخواتك على الوضع ... ربي يفرج لك ويرزق أخواتك الأزواج الصالحين .. |
الله يعينك يا اختي
والله مشكله الله يفرج همكم وتنحل الامور على خير |
تكلمي معها يمكن تتفهم الموضوع
|
اهلييين ام انس زوجته الاولى ليش تبغى بيت صغير بغرفتين وعندها بنات؟ وليش زوجك موافقها وبيستأجر مع ان عنده بيت ملك؟ وشلون زوجته بالورق وبينفذ طلبها؟ انا اشوف ان زوجته على غلط حاولي انك تقنعيه بأن يخليها تتراجع عن طلبها والله يسهل امورك |
اسالي الله الخيرة
|
مجرد رومانسيه
اخواتى اصلا مايبغو يسيبو بيتهم وغير كدا لو لو لو لاقدر الله حيكون لهم مكانهم الخاص شكرا لك جينز جزاك الله خير تسلملى والله مياس الحلوه اتكلم مع مين قصدك طبينتى لا ومستحيل اذا فراق بناتها ماهزها تبغى كلامى يأثر فيها دعواتك شكرا لك لوليته اهلا فيك اختى زوجته الاولى ليش تبغى بيت صغير بغرفتين وعندها بنات؟ ماادرى عنها الان استأجرت شقه بخمسه غرف عشان يخرجو بناتها معاها لاكنهم رفضو ترك بيتهم وليش زوجك موافقها وبيستأجر مع ان عنده بيت ملك؟ مو موافقها وهى الى راحت استأجرت وشلون زوجته بالورق وبينفذ طلبها؟ هى الى فكرت وقررت ونفذت انا اشوف ان زوجته على غلط حاولي انك تقنعيه بأن يخليها تتراجع عن طلبها هذا التخطيط له ثلاث سنوات والله يسهل امورك امين صبا نجد الله يختار الصالح لنا ويرضينا يارب شكرا لكم جميعا |
مااقدر غير ادعي لك يا ماء القمر
الله يريح بالك.. ويسهل امورك.. ويختار لك اللي فيه الخير |
امين جزاك الله خير
شكرا لك |
عليكي بالدعاء والاستغفار وخاصة ثلثي الليل الذي ينزل فيه رب العباد على عباده
عن ابى هريرة رضى الله عنه ان رسول الله صلى الله عليه وسلم قال: ينزل ربنا تبارك وتعالى كل لليلة الى السماء الدنيا حين يبقى ثلث الليل الاخر فيقول من يدعونى فا ستجيب له من يساءلنى فاعطيه من يستغفرنى فا اغفرله ا الله يفرج همك ويسهل امورك يارب |
جزاك الله خير
الله يعين ويساعد ويفرجها من عنده قادر وكريم شكرا لك |
ياحول الله يارب
اختى ماء القمر هل اخواتك صغار فى سن لايقدرو الاعتماد على انفسم ثانيا اختى لو اخواتك كبار اتركيهم بمفردهم وزوريهم على فترات لكن لاتزعلى زوجك بدام غير متفهم وضع مصمم على الانتقال الى بيته لكن أختى اخواتك لاتزعلى عليهم ربنا كريم ان شاء الله قريب يجوزو ونفرح بيهم :14: ويجولك ولادهم:15: ياخالتو ماء القمر توكلى على الله وادعى لاخواتك بزوج الصالح وان شاء الله خيييييييييييييير:) |
الله يفرج لك
|
الله يفرج همك قريب إن شاء الله. لا تحزني يا أختي لعله خير تذكري قوله تعالى "عسى أن تكرهو شيئا و هو خير لكم".
|
جزاكم الله خير
لااستطيع ترك اخواتى احنا فى زمن مرعب الله يفرجها من عنده شكرا لكم |
والله صحيح كلامك هالزمن يخوف و ما ينتركون بنات في بيت لحالهم
طيب اختي وش بيسوي فيهم عمك اذا طلعتين ؟ يعني بيجي يسكن معاهم والا بياخذهم غصب ؟؟ و اذا بنات زوجك ماهم راضين انهم يطلعون من بيتهم هذا معناته انك بتسكنين معاهم ؟؟؟ مرت زوجك تعرف انك ما تقدرين تطلعين من بيتك علشان اخواتك ؟؟ يعني قصدي ممكن يكون قصدها تستفزكم وتخرب عليكم حياتكم بما انها تعرف انك ما تقدرين تتركين اخواتك لحالهم و زوجك في نفس الوقت ما يبي يسكن في اجاار وهو عنده ملك ..!! تحياتي |
الله يفرج همك
وييسر أمرك.. |
أختي أنتِ تقولين بنات زوجك ماهم راضين انهم يطلعون من بيتهم ومعاهم حق بصراحه أنتِ لو مكانهم تطلعين !!!!!!!! وليـــــــــــــه تفكرين في أخواتك وأن الزمن هذا مش عارف ايه طيب وهم مافكرتي فيــــــــــــــــــــــهم يعني ابوهم بيطلعهم من بيتهم وهو عايش !!!!!!!!!!!!!!!! ليـــــــــــــــــه تنظرين للوضع اللي أنتي فيه وخواتك فقــــــــــــــــــــــــط اذا هم ماعندهم مانع تسكني معاهم ............ الحل هو تسكنين معاهم لاكن يطلعون وفي إيجار صعب بصراحه لاتكونين أنانيه وتفكيرك كله في نفسك وأخواتك لانهم بنات في النهايه بيتزوجوا |
و
زوجته الاولى مهى الا على الورق بس !!!!!!!!!!!!!!!!! تكفي كلمه ماهمني ومايخصني هل هذا يجــــــــــــــــــــــــــــوز .............. حسبي الله ونعم الوكيل حاولي تنصحينه بالعدل مالك غير الأجر والبنات رافضين يخرجو معاها من حقهم بيتهم ملكهم وفيه غرفهم واغراضهم .............الخ ............................الخ ماهمنى مايخصنى !!!!!!!!!!!!!!!!!!!!!!!!! بصراحه مابعرف أقول ايه على موقفك حطي نفسك مكانهم وبتمنى ماتزعلين من كلامي لان هذا الحق |
اقتباس:
هلا فيك اختى العزيزه طيب اختي وش بيسوي فيهم عمك اذا طلعتين ؟ بإذن الله منى تاركتهم معاهم او معاى بس ادعولى يعني بيجي يسكن معاهم والا بياخذهم غصب ؟؟ كان ساكن معاهم ولمن انتهى تعبير فلته خرج مااعتقد يرجع ومستحيل و اذا بنات زوجك ماهم راضين انهم يطلعون من بيتهم هذا معناته انك بتسكنين معاهم ؟؟؟ تقريبا مرت زوجك تعرف انك ما تقدرين تطلعين من بيتك علشان اخواتك ؟؟ يعني قصدي ممكن يكون قصدها تستفزكم وتخرب عليكم حياتكم بما انها تعرف انك ما تقدرين تتركين اخواتك لحالهم و زوجك في نفس الوقت ما يبي يسكن في اجاار وهو عنده ملك ..!! ماادرى عنها كيف تفكر بصراحه انسانه غريبه ماادرى بزبط ايش انا ماادرى كيف راح تعيش لوحدها وبدون بناتها اللهم اجربنى فى مصيبتى واخلف لى خيرا منها الله المستعان يااختى اخواتى كاسرين ظهرى والله شكرا لك ولاتنسينى من دعواتك |
اقتباس:
شكرا لك |
اقتباس:
هلا عزيزتى انا لومكانهم راح اكون فى وضعهم الى هم فيه رافضين والحيره تملأ حياتهم مساكين والله الله يحنن قلب امهم عليهم وليـــــــــــــه تفكرين في أخواتك وأن الزمن هذا مش عارف ايه طيب وهم مافكرتي فيــــــــــــــــــــــهم يعني ابوهم بيطلعهم من بيتهم وهو عايش !!!!!!!!!!!!!!!! ليـــــــــــــــــه تنظرين للوضع اللي أنتي فيه وخواتك فقــــــــــــــــــــــــط مين قال مابفكر فيهم لاكن وضعهم عادى مو مثل اخواتى اخواتى لوحدهم فى بيتهم لاكن هما اخوهم الكبير معاهم وجدتهم ام زوجى ساكنه تحتهم يعنى مو لوحدهم فهمتى انا منى انانيه انا احب بنات واولاد زوجى كلهم ومعزتهم من معزت اخواتى والله يعلم بلى فى نفسى والى احمله لهم من مشاعر سواء حلوه او سيئه شاكره لك ردك الى بصراحه سبب لى الم فى قلبى لانك ماتعرفينى |
اقتباس:
هلا فيك مره ثانيه زوجته الاولى مهى الا على الورق بس !!!!!!!!!!!!!!!!! تكفي كلمه ماهمني ومايخصني هل هذا يجــــــــــــــــــــــــــــوز .............. حسبي الله ونعم الوكيل حاولي تنصحينه بالعدل مالك غير الأجر التقصير مو من زوجى ووضعها بختيارها مو انا او زوجى هى الى عملت فى نفسها كدا ومن قبل لاانا اتزوج حكمك سرييييييييييع بصراحه مابعرف أقول ايه على موقفك حطي نفسك مكانهم وبتمنى ماتزعلين من كلامي لان هذا الحق [/CENTER][/QUOTE] الى اقصده انها مشكلتهم مع امهم وانا مو مسؤله عن تصرفاتها انا مسؤله عن بيتى وزوجى واولادى واخواتى الى انا انتظرلهم نظرت الأم لبناتها وفى مين ينتبه لهم غيرى وانا ماعندى مشكلى فى انى ارعاهم لاكن اخواتى مين يطمن قلبى عليهم شكرا شكرا لرأيك |
لما تطلع زوجته الأولي من البيت يأجر الجزء حقها.. وبإيجاره يدفع إيجار بيتك اللي أنتِ فيه الحين..
|
هو موعاجز عن دفع الاجار
كل المشكله هى بناته واخواتى شكرا لك |
اعتقد انك يا اختي ما غلطي انك فكرتي بخواتك يعني ما لهم احد...............
وبنات زوجك امهم مافتكرت فيهم الله يعينها على نفسهاا.............. انتي ما تبغي تنقلي وبناتها بعد وزوجك ..فليش تنقلوا على شانها المفروض زوجك ما يخليها تطلع لحالها وهي ليش تسوي اللي في راسها بدون شور زوجها ؟؟؟؟؟؟؟؟؟والله غريب موقف زوجك منهاا الله يهديكم ويجمعكم على خير |
قلبي معك والله اني افكر فيك كثير وتوني اعرف انك الزوجه الثانية
تعودت عليك في قسم المطبخ ولكن تفاجئة لما قريت الموضوع قلت لزم ارد على أختي الي تعودنا عليها وعلى نشاطها 00ماشاء الله حاولي انك تكلمي زوجك ولا تشيلي هم وتوجعي نفسك واعصابك وان شاء الله ما يكون الى كل خير وربي يجزك الجنه على تعلقك باخواتك ويعطيك على قدر نياتك الطيبة أختك أم شاهين |
كان الله في عونك يا أختي ... بعد الردود السابقة ، لا أجد لك من حلٍ إلا الدعاء بأن يوفقك الله بإقناع زوجك وأن يتركك في منزلكم مع أخواتك حتى ييسر الله أمرهن ، إنه سميع مجيب ... |
| الساعة الآن 09:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©