خصوصيتي مع زوجي في ظل وجود الخادمة ..
 

هلا بيكم ومشكلتي تتلخص في زوجي دايما يحب يتقرب مني و يقولي كلام حلو او يقبلني والحمد الله هذه نعمه احسد عليها والله لا يزولها بس المشكله انه ما يراعي انه في شغاله عندنا ودايما ما اصده لانها جالسه تراقبنا كانها والله مخبر حتى لو ضحكنا مع بعض خلت بالها وهو يزعل ويقول انت ما تبغي اقرب منك وانا مني ماخذ راحتي ؟طب با الله ايش الحل يعني نقعد قدامها نتغزل في بعض وكم مره فهمته مع انه لمن يكونوا الاولاد نايمين وهي كمان تنام ما اقصر عليه من تدليع وكل اليه يبغه والله احترت ايش اسوي هل انا غلطانه ولا هو انتظر منكم الحل وجزاكم الله خير




الاشراف / تم تعديل العنوان ليتناسب مع المضمون ..

وعملتي منها مشكله؟
مباشره من اليوم يا ذكيه تروحين تقولين لها اول ما يجي بابا انتي تروحين غرفتك وتجلسيييييييييييييين فيها ما عاد تطلعين
خليها تكوم الكوي وتخلينها الييييييييين ما يجي زوجك وتصكين عليها الغرفه ما عاد تتحرك
زوجك مثلا يطلع من سبعه صباح يرجع الظهر يتغدى تخلينها اول ما تجي حزة رجعته للغدا تدخل تنطق في غرفتها..وخليها تزعل تنحرق تنفلق ...انتي راعية البيت..عجبها الوضع كان بها معناتها مابالها منكم...ما عجبها اعرفي انها قذره وبتتحرش في زوجك في اي وقت حتى لو انتي معاه..


ومثلا يطلع بعد الغدا خليها تشتغل وترتب المكان اللي هو يجلس فيه علشان تخلص بدري ولا عاد تشوفينها حولك انتي وزوجك..وان شفتيها حولكم وما عندها شغل فإعرفي انها مو بصاحيه...

حركه ثانيه ممكن تساعدك...مثلا ما عندها كوي خليها ترتب غرف العيال وقت ما يكون زوجك موجود
او تغسل السطح والحوش اذا فيه
المهم اخترعي لها اي شي يكون مو حولك انتي وزوجك ..
حتى لو ما فيه قولي لها روحي حجرتك خلاص ما فيه شغل ارتاحي..وخليها تفهمها زي ما تفهمها

و اتفقي معها انه من بعد 9 ليل ما تطلع من غرفتها خلاص انتهى دوامها وخذي راحتك انتي وزوجك ..




لا تحرمينه ابدا لا تخلينه يكرهك ويكره اليوم اللي جاب فيه الشغاله
شغلي مخك ورتبي امورك لما فيه صالحك بحيث ما تخسرينه ولا تخسرين الشغاله


موفقه

انا مع مشكلتي اصدق :22: :22: ... برافو عليك ونعم الراي:17: :17:

قولي للخدامه لما بابا ييجي انتي ادخلي الغرفه بس لا تمنعين زوجك من هذي الاشياء صدقيني هذي نعمه الكثيرين محرومين منها ويتمنونها خليه ياخذ راحته احسن ما تروح عينه لبرع والله يسعدكم العمر كله يا رب

صراحه المشكله بسيطه جدا وحلها ابسط منها



يعني بالله صعبه اذا جاء زوجك تقولين للشغاله ادخل الغرفه والا تطلعين غير يوم اناديك

صارحية يا اختي

اشرحيله الموضوع في جو رومنسي .. قوليله انك خايفة عليه من العين

وين ذكاء حواء :)

تحياتي لك وما شاء الله تبارك الله

زيادة على كلام الاخوات اجعلي غرفة جلوسكم بعيدة عن انظار الخادمه وحاولي تنوميها بدري والله معاك

السلام عليكم

اختي انا اظم صوتي و رايي من راي الاخت مشكلتي اصدق .....

بيت اهلي كبير و عند امي شغالتين و اخواني ما شا الله عليهم شباب ... الخدامه عنده غرفة و مطبخ خارجي ما تشوف البيت او داخل و لا تشم ريحتة اذا صارو فية ...... تحط لها امي الصواني حق الغدا او القهوة عند الباب و هي تفهم تجي تاخذهم .......

الله يسعدك و يقيك شر الحسد .....

فعلا كلام مشكلتي اصدق صحيح والشغالة على التعويد

والله أن زوجك غلطان .. كيف يتصرف كذا عند شغاله!!


يعني الشغاله ماتحس .. يكفيها البعد عن أهلها و زوجها


حذري زوجك من هذا الشيء إحتمال أفعالكم تخرب الشغاله


ومثل ما قالوا البنات ابعديها و خليها تجلس بغرفتها

و ان قدرتي تقنعينه هالأمور ماتطلع برى غرفة النوم فهو أفضل

لأن احتمال كبير ماتسمع كلامكم



باقي نصيحه ان كان ماعندك عيال فماله داعي الشغاله

صراحة زوجش غلطان يعني لو قدام احد من اهلش او اهله بيسوي كذا طبعا لا طيب ليش متهاون قدام الخدامه وهي طبعا الشر كلهما والمفروض زوجش يعرف انه لكل شئ حدود ما يتخطاها قدام الخدامه والافضل ان يكون جلوسكم في مكان مغلق مثل مجلس يكون له باب او غرفة جلوس وما يكون الجلوس في مكان مفتوح اي صاله مفتوحه

هلا بكل اخواني واخواتي الي ردوا عليه والف شكر ليكم وكلمكم معظمه صح ولكن المشكله زي مانتوا عارفين انا ساكنه في شقه وطبعا مافي غرفه خاصه لها وهي تجلس في غرفة الجلوس الخاصه با اولادي وعلى فكره انا ما شاء الله عندي تلاته اطفال وزوجي هو ما يعمل هذه الحركات قدامها ولكن احنا ليتا مجلسنا الخاص ولكن احس هي ملقوفه مان تسمعنا نضحك او نمزح الا مرت تبغى تسوي نفسها تروح الله يكرمكم الحمام او تجيب شي حتى اني صرت اتضايق وارد الباب في وجهها وبصراحه ما احب اكلمها في الموضوع عاد تقول هذي غايره مني وتبدا تخطط وتعرفوا مكرهم وهذه المشكله صدقوني يعانوا منها كثير انا اختي اتخيلوا تقولها الشغاله انتي كل يوم في اتروش هذا بابا كويس تقولي والله صعقت من كلامها والمشكله فين توديها بيتها شقه صغيره وقاعده في نحرهم ولكن ان شاء الله بحاول اطبق مشورتكم والف شكر ليكم والله يعيننا عليهم ويسخر ليه زوجي ولا يحرمني منه

والله الا خوات ما قصروفى الرد وانا كنت اسوى كذا فى شغالتى

حبيبتي ... أنا معاهم في ردودهم ... بس إذا شقة و3 أطفال فقط وش حاجتك بالشغالة ؟؟؟ تراهم نكد في نكد ... وحاولي توزعين وقتك على شغل البيت ... يعني هم راحة جسدية لكن الراحة النفسية تنعدم في وجودهم ... فما بالك بوضعك ........... نصيحة لكل وحده مو موظفة وبيتها صغير ( شقة ، دور ) لا تجيبين شغالة .... اشتغلي ببيتك منها ترتاحين نفسيا ، تحسين انك عضو فعال ولا تدورين وظيفة ، تصيرين رشيقة ... مجرد رأي