|
زوجة والد زوجي لا تحترمني ..؟
السلام عليكم ورحمة الله وبركاته..
ابدخل بالموضوع مباشره: السالفه ان مرت ابو زوجي حاطه دوبها ودوبي ,,مدري شفيها علي تدور على اي شي يغيضني وتحب كثير تستفزني بالكلام لمى اروح لمهم تجلس ساعات وهي تحكي عن الاموات والجثث.. احسها بس بتكرهني بالجيه ودايم تتكلم عن الحيوانات لانها تعرف اني اتقرف حيل منهم وتقعد تمدح حريم عند زوجي مسختتتتتتتها معاي... انا بنفجر منها ليش كذا ؟ مدري انا المشكله لو اقول انها تغار من لبسي اصلا اروح ومافسخ عبايتي لانها تسيره اربع ساعات واطلع بس مو معقوله كل الوقت تستفزني ولمى اروح لهم يلطعوني ساعات مافي قهوه او شاي وبعد هالساعه تنادي ابزر بزر بالبيت طفل بابتدائي يصب لي قهوه .. بحجه انهم بيعلمون كيف يقهوي الناس انا عديتها اسبوع اسبوعين شهر ثلاثه بس مسخت الطفل يدينه وسخه ويجيب يصب لي ... بديت اقرف ولا اقدر اقول شي تعرفون الناس الي تدلع عيالها حيل.. وياويل الي يقول شي عنهم .. كان يطردوني:d المهم انا ابي الحل حاولت اغير موضوع الكلام دائم بس مافي فايده تستمر تستفز حتى لو قاطعها مليون شخص ترجع لنفس السالفه !! حاولت اعطيها جنبي او ظهري او يعني مانكون لمى وهي تتكلم يعني اني مانبيب لم كلامها ومع هذا تستمر حتى لو محد التفت لها !! ادري ان الحريم يغارون من بعضهم بس والله اني متستره بعبايتي ولا اتفلسف او اسوي شي بارز او ملفت مع العلم ان زوجها الي هو ابو زوجي يجلس معانا طوول الوقت والمشكله احس ان ابو زوجي قام يتغير علي... كله منها!! ايش اسوي ولمى يقوم ابوه تقعد تمدح حريم عند زوجي من جنسيات اخررى:30: انا هناااااااااااااا طرطعت شقصتها هذي معاي؟؟ وليش كذا؟؟ وليه حاقرتني؟ عندها بناتها بالبيت وش كثرهم ولا وحده تقعد معاي عديتها انو امتحانات وانشغال عشان المدارس لكن..... مو دايم؟ والقهوه والشاي تعرف اني كل يوم خميس انا اجي الساعه 7 المغرب ليش اجلس غايه 10 ماضيفوني ولا شي؟؟ شرايكم..؟؟ انا ماابي اغيضها اخاف تقلب ابو زوجي علي .. ويكرهوني بس ابي الطريقه الصحيحه؟ هل اخذ قهوتي وشاهي معاي واسوي حلا... فكرت فيها عشانهم مايعرفون يضيفون بس قلت اخاف تحقد علي.. خلقه هي دايم ترمي كلام قوي علي؟؟ ابي حل.. مافيه اغاضه لاهله وبنفس الوقت ابي احافظ على ابو زوجي اخاف تكرهه فيني وانا بريئه اتمنى الحل........ الإشراف/ تم تعديل العنوان ليتضح المضمون |
ولمى اروح لهم يلطعوني ساعات مافي قهوه او شاي وبعد هالساعه تنادي ابزر بزر بالبيت طفل بابتدائي يصب لي قهوه .. بحجه انهم بيعلمون كيف يقهوي الناس
المفروض انتي الي تصبين لانها مثل خالتك ..هذا ادبا واحترام الكبير .وهذا الي وصا بة الله سبحانة.. والرسول علية الصلاة والسلام |
لا مايبوني اصب... مايبون الا ولدهم
ولدهم مايجي الا بعد مايخلص لاعب بساعتين ويجيب القهوه معاه لكن انا عندهم عيب اني ادخل المطبخ واجيبها او شي..!! |
ودي معاك شاهي وقهوه وحلا وتمر وانتي اللي قهويهم
ومااظن هذا يزعّل ليه الطفل اللي يصب؟؟؟اذا كان يبغى يتعلم يتهلم على اهله مو على الضيوف؟؟ |
معااك حق ام خالد....... حتى انا قلت يتعلم مع اهله مو مع الضيوف
وسكت مره مو يطولونها يجرب فيني ! لكن الي يهمني بالموضوع... تعامل مرت ابوه,, ابغى الحل؟ |
هل هي بعمرك؟هل سبق ومدحك زوجها ( والد زوجك )بأي شي؟ أخلاق لبس جمال كشخة؟
فلربما هي الغيرة فهي تفعل أشد من هذا .ولو كنت مكانك أخذت قهوتي وياي وتحمليها ....وتحملي كلامه ...الله يهديها . نسيت أقولك شي مهم ...أمدحيها عند زوجها ترى هذي الحركة تطفي النار وتخليها تستحي على نفسها. الله معك............. |
ام شيطونه:
فعلا هو يمدحني عندها... لا هي ليست بعمري امراه ربما باول الـ40 رايك اعجبني وبرد على قلبي حسيت انك فاهمه وضعي بس يارترى كيف امدحها ؟ وبايش؟؟ شاكره لك.. وبانتظار باقي الاراء |
ليش تطولين عندهم دامك ما ترتاحين ؟؟
خففي مدة الجلسه يعني ساعه ساعتين لانك رايحه علشان عمك مو علشانها تحياتي |
بالعكس حبيبتي المفروض تتكلميين وياها عااااااادي مع اي موضوع تختاره بكذا ما تحسسينها انش مضايقة وخلي غيظش ما يظهر قدامها ومع الوقت هي بتمل وبتبطل تفتح مواضيع بايخه ....امابخصوص الضيافه طلعيها من راسش انت ما انت غريبه علشان تضيفين اذاياب لش الولد القهوه قولي ما ابي شئ لاني قبل ما اييكم توني شاربه بس لو امكن قلاس ماي ومره ثانيه عند زيارتش لها قولي لها :خاله الله يخليش ابيش تسيرين وياي السوق حتي لو ما تبين شئ بس عذر عشان الطلعه بتقربكم من بعض وكل مره تزورينها سوي حجة بسيطه عشان ما طول القعده وياها اذا كان الجلوس وياها ما ترتاحين فيه وصدقيني مع الوقت بتتغير بس شوي صبر منش مع شوي تواضع والله يوفقش
|
ياعمري انا لما اروح بيت اهل زوجي ما ادخل الا وفي يدي
مالح والا حلا بأحسن الانواع وبس ادخل واسلم اروح واسوي شاي وانا الي اقدم لهم واقهويهم بعد خلك عادي معهم بتصيرين من اهل البيت واقرب بعد لهم ..... وتراهم يحبوني والحمد لله |
الله يعينك يالغاليه بس انا اشوف تاخذين قهوتك وحلاك معاك احسن شي وانت تصبين لنفسك ولهم وش رايك كثير حريم اعياااااااااااال يعملونها مع بيت عمهم
وبكذا تتجنبين مشاكلها وتكبرين بعين زوجك وعمك |
وليش القهوه والشاهي .. انتي مو غريبه يعاملونك مثل الضيفه .. المفروض انتي مثل بنتهم ومنهم وفيهم
يعني مااظن انه شي يزعل لو ماجابو القهوه الا متاخر.. وحتى لو ماجابو من الاساس |
اختي عليك بالهديه لها ولابو زوجك
واذا قدمت لها الهديه امدحيها لو بكلمه او كلمتين >>> بس ياخوفي تكوني من النوع اللى مايقدر يجامل:d وابو زوجك قبلي راسه واعطيها له مع الدعاء له بطول العمر والاخذ والعطاء معه بالكلام بسوالف وكلمات طيبه صدقيني الهديه تغير النفوس وتقرب القلوب كما اخبرنا الصادق المصدوق قال صلى الله عليه وسلم { تهادوا تحابوا } وفقك الله لما يحب ويرضى |
أعجبتني فكرة الأميري كلام منطقي واسلوب ولا أحلى
|
حولى اختىانه يجون عندك يعنى مو كل مره انتى تروحين واذا جو عندك استقبليهم احسن استقبال وصبى لهم القهوه ورحبى بهم يمكن تحس خالت زوجك على دمها شوى
|
اقتباس:
غلطانة كل هالاهانة وهي كمان تصب ما بصير الضيف ضيف لا كبير ولا صغير هي مظلومة لازم نساعدها مو نخليها تدعس عليه بزبادة مو كل الناس بتنفع معهم المثالية الادب والاحترام مع الناس المحترمين بس:22: |
صراحة عصبت منها
انا مثلك اعاني من زوجة ابو زوجي بس انا عني لاني في مدينة ثانية مانروح لهم كثير وحتى اذا رحت ما اطول ساعتين بالكثير ونمشي على فكرة هي لما اروح لها تقهويني كاكرام للضيف لكن تشتغل علي تحريش عند ابو زوجي |
ام المهدي: معاك حق بس زوجي يحس انه هذا يوم اجازه له ويبي يقضى كل اليوم مع اهله
وانا مابي افرق بينهم او احسسهم اني مااطيقهم فاتحمل عشان زوجي.. واخاف اقوله نقلل وقت يخانقني ويبداء الانعزال والخلافات .:( الاميرا: يسلمو ..نصائح حلوه.. بس للاسف ماتنفع معاي لان اهله جداا رسمين وهي بذات رسمين بشكل ماتتخيلنه فامستحيل نطلع مع بعض او ماشابه ..للاسف ليسو من الناس البسيطه العاديه هند ام احمد: اكيد انتي من اهل نجد هذولا طبايع حمايلهم لكن حنا هنا غير عندنا عيب انك تجيبين معك مايفهمونها مثلكم حشيمه يفهمونها نقص وعيب ولا كان سويتها من زمان انا اليوم الي اجيب معاي يقعدون يهاوشوني ليه اجيب ماملو عينك خدمنا وشغلنا وانا بريئه يقالي بذوقهم بس مو قصدي فشخره بس هم يفهمونها بالضط.. مشكوره لك مصداقيتك غموض السنين: شكلي بسويها بس خايفه من ردت الفعل لان هم يزعلهم هالشي مدري شفيهم عكس الناس مشكوره مومحتاره: شدعوه مايجبونها ابدا؟؟ شغالت ابوهم انا.. محد يرضاها ياشيخه شلون قلتي هالكلام يمكن انتي تحسبينهم ان اهل الزوج مثل الاهل وببساطه اذا هذا عندكم فا للاسف الي عندي غير جدااا لموووو بس: الهديه وسويتها وراح مفعولها صرت الحين لاهديتهم عادي جداا وفعلا انا مقدر اجامل انا ودي اسولف مع ابو زوجي بس هي مسكره على الوضع مره لازم تسد نفسي وبعدها اعصب وماطيق احكي يسلمووو |
حبيبتي امدحيها بشكلها قولي لها والله شكلك صغيرة وحلوة ... عاد تخيري أنت اللي يناسب ولا بالسنع أي شي وعلى فكرة لما يروح زوجك لهم خليه يمدحها بلسانك.
الله يوفقك. |
اختي ..احتسبي الاجر على الاذى الذي يصيبكِ هذا اولاً..الامر الثاني يجب ان تستحوذي على تلك المرأه بمعرفه ماهي الاشياء التي تحبها وتحب تملكها واقتنائها فاعملي على اهدائها لها حتى تكسبي ودها ..فجربيها لعل الله ان يلين قلبها لكِ ..وفي نهايه الامر يجب ان تكوني شديده البأس واماهما وكاظمه للغيظ حتى لاتجعليها تشعر بأن ما تتحدث به قد اثر عليك.. http://www.21za.com/pic/salam_kalam007_files/80.gif .. |
| الساعة الآن 12:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©