|
كيف اغير من زوجي ؟؟؟! ساعدوني والا بموت
السلام عليكم
انا سمعت ان كثير من الزوجات غيروا من طبيعة ازواجهم الا انا ماني قادرة عليه ..:29: احسه ما يهتم بشكله ولا لباسه ... وغير هذا هو متين ولا يرضى يسوي ريجيم يقول ما يقاوم الاكل واذا ما اطبخ له اسوي سلطات يروح بيت ابوه ياكل:11: وفي مشكلة بعد انه ما يحب يطلع .. انا والله اختنق .. حتى بيت اهلي يهاوشني اذا اروح .. لا يطلع ولا يطلعني ولا اقدر اطلع لوحدي في كل مكان .. وتعالي بس اطبخي وانفخي والسرير !!!!!!!!!:( حتى العمل مرات يغيب واذا ياكل شي ما يشيله يعني اذا اروح بيت اهلي ارجع المكان معدوم :18: وغير هذا لسانه بذيء معي من وهو صغير كان يقول هالكلام ومتعود عليه كل مرة يوعدني ما يقول ويرد يقول .. واذا اطلع مثلا في الجامعه لا يتصل ولا يسأل يخاف تجيه فواتير .. احسه مرات بخيل وانا الحين صار لي يومين ما اكلمه مقهورة عليه حتى فكرت بالطلاق انتوا برايكم شوفوا النقاط اللي كتبتها لانها عن جد تضايقني وكل ما اكلمه لدرجة الهواش يوعدني وبعدين يرجع مثل اول .. |
الله يكوون في عونك ويصبرك عليه
يا ااختي ترى التغيير يبي له صبر لانه تربى على هالشي يعني مو معقوله في سنةولا سنتين يتغير وادعي له ليل نهار ترى الدعاء له سحر عجيب والله يسخره لك ويغيره للأحسن وتعيشون في راحة بال وتعوذي من ابليس من فكرة الطلاق لانك راح تخربين بيتك صحيح ان مساوئة كثيرة لكن اكيد فيه اشياء حلوة دوريها والله يسهل لك امورك ويفرج لك همك |
حبيبتي موضوعك محير
يعني عيوب زوجك ما تستاهل الطلاق و لا أنك تموتي لو ما بدل طبايعه معظم الرجال ما يحب الطلعات و مادام يوعدك بالتغيير هذه لوحدها نقطة ايجابية نصيحة حاولي تغمريه بالحنان راح يصير لا اراديا ينفذ طلباتك المودة و الرضا هي اهم شيء في العلاقة الزوجية حاولي ترضي بزوجك و تتقبلي مساوؤه لانه اكيد فيه محاسن و التغيير راح يكون شوي شوي الله يسعدك يا رب في امان الله عزيزتي |
تموتين
بسم الله عليج هذا انتو يالحريم من يصيبكم شي قلتوا بموت وبنتحر ما يسوى اموت علشان حد!!! هههههههه شوفي يالغاليه مشاكل زوجج 1- برود 2- اهمال في المظهر 3- بخل 4- كلام بذئ كل اللي ذكرتيه طباااااااااااااااع ....ممكن تتغير بس تحتاج لصبر ومن كلامج يبين انه زوجج شخصيه جنوبيه ....تتعامل بالمشاعر وانتي شخصيه شماليه...متسلطه نوعا ما ..... تعاملي معه بالمشاعر بالنسبه للسمنه مثلا...لا تجبريه على الريجيم...كلميه بحنان وقوليله ((حبيبي...انا سمعت انه زوج صديقتي اصيب بجلطه ..(بسم الله على زوجج)...تصدق صغير...بس عنده كوليسيرول...وقال الطبيب انه السبب السمنه....) واتركيه اليوم الثاني...اطبخي له شي...واطبخي لنفسج (اكل خفيف) اكيد بيسألج ليش ما تاكلين معاه ...قةليله (انا احب احافظ على صحتي) ابدي انتي ....وصدقيني بيقلدج ممكن حتى في العلاقه الخاصه...تسوين نفسج مو قادره تتنفسين...واطلبي منه الابتعاد بهدوء...علشان يحس انه وزنه عائق لوناسته اما انج تقولين له وتأمرينه فانسي الرجل يكره الاوامر ويكره تغيير وضعه كوني ذكيه وطويلة نفس بالتوفيييق |
هو صحيح رغم مساوئه ..طيب ويحبني
بس الحياة الزوجية تتطلب اكثر .. يعني انا وش اسوي بطيبه وحبه اذا كانت هذه مساوئه .. |
قلت لج جنوبي
وارجع اقولج تعاملي معاه بمشاعر وتأكدي انج متى ما تعاملتي معاه بتطرف راح ينقلب الى دكتاتوري متطرف بعد احذري |
هلا بك غالييتي اكتبي لنا الصفات الايجابيه في زوجك علما ان الرجل لايمكن يرضى ان تغيره اوتفرض عليه شئ زوجته انتظرك |
نعم أختي الفاضلة تستطيعي أن تغيري من زوجك ..
رأينا الكثير من الرجال تغيروا و السبب زوجاتهم .. و الأمر يتطلب أمرين هما : الصبر و التدرج .. أولاً لتكن بدايتك مع مظهره بشراء الملابس المناسبة و عدم الخروج إلا وقد لبس لباس يليق .. ثم أنتقلي إلى وزنه و ذلك بإعداد الطعام الصحي ذات السعرات الحرارية المنخفضة و الخروج سوياً للمارسة رياضة المشي و ذلك بإصرار منك .. و هكذا إلى أن تقضي على جميع العادات السيئة .. و فقك الله .. |
موضوعك يبغاله صبر أحسن شي صدقيني
ارجو سرعة تغيير الصوره الرمزيه لانها مخالفه الاداره |
والي ما بتقدر تتعامل بالمشاعر شو تعمل وهي اعصابها حامية وما بتتحمل ؟؟؟؟؟؟؟؟؟؟؟؟؟؟؟؟؟؟؟؟؟
|
اقتباس:
اتفق مع الاخت في هذا الكلام , الزوج ما يحب الأوامر ,, حاولي تعاملينه بطريقة ثانية واهم شي تصبرين عليه , يعني لو انتي متعوده على شي معين نسوينه طول حياتج من يوم كنتي اصغيرة .. بتقدرين تغيرين من روحج بسهولة ؟! |
توك شفتي انه متين وما يصلحلك ليه ما شفتيه شوفه شرعيه بصراحه احسك متحامله كثير عليه وطالما انك تبغي واحد نحيف ليه مارفضتيه من اول
|
انا ماني متحاملة عليه ولا قلت اكره بس ابيه يتغير انا عارفه ان المجتمع اللي عاش فيه غيير عن المجتمع اللي انا عشت فيه ..
هو عاش في مجتمع بدائي شوي وانا عشت في مجتمع مرفه نوعا ما .. عنده عادات ومعتقدات ورثها من اهله احاول اساعده بس الانسان صبره محدود انا اللي قصده من متين هو انه ما يرضى يعمل ريجيم مو اعايره ولا يرضى يطلع يسوي رياضه هذه الشكلة اللي اقصدها .. |
ياعزيزتي الله يكون في عونك
بس احب اقلك ان معظم الزوجات لديهن ملاحظات على ازواجهن ومستحيل ان تجدي زوجا كما تريديه ولكن حاولي تغيير ما يمكن تغييره وتكيفي مع مالا يمكن تغييره والله يصلح حالكم |
ماتصور توصل لطلاق كل ريال له عيوبه الخاصة بس يبيلها صبر
الله يعينج حبيبتي |
اقتباس:
اختي الغاليه ما تلاحظين في ردج انج بررتي له افعاله! اذا عرف السبب بطل العجب لا تضيعين وقتج بالشكوى اشتغلي عليه :30: |
صدقيني راح يتعدل ولا تنظرين الى عيوبه
غضي الطرف عن عيوبه لاتكبرين هالعيوب براسك بعدين الشيطان يكبرها اكبر واكبر الى ان تكرهينه اتقي الله فيه وحاولي حبه حبه |
الله يكون في عونك........واصبري عليه .......بس لا توصل للطلاق......يعني الموضوع يضايق ويزعل بس مايخليكم تطلقوا...........
تحياتي.... |
اقتباس:
|
| الساعة الآن 05:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©