توحمت علي و توهقت؟؟؟
 

السلام عليكم ورحمة الله وبركاته
*
*
إخواني أخواتي إني اكتب موضوعي هذا وأنا كلي حزن على ما حصل بيني وبين زوجتي.
*
*
المشكله هي بأن زوجتي في الشهر الثاني من الحمل واصبحت تتوحم علي وعلى البيت فأخذتها لبيت اهلها كي ترتاح ولكن سبحان الله لقد تغيرت كثيرا اصبحت لا تطيق مني اي شي ولا تريد الجلوس معي فيا إخواني اني حزين على فقد شخصيه أكن لها كل الحب والإحترام والتقدير.
*
فهل سيطول هذا التحول في شخصيتها فإني اشتقت لها؟
*
ارجوا كل من مر بمثل هذه الحاله ان يواسيني؟
*
*
جزاكم الله خير.

اخي الكريم
الللي اعرفه ان هناك الكثير من النساء تتوحم على الزوج ... اول 3 شهور فقط
ما تطيق ريحته ولا ريحة عطره اللي كانت تموت فيها
ولكن بعد مرور هذه المرة تصير تضحك على نفسها انها كانت تعمل هيك
لا تخاف اخي
ودير بالك عليها
الله يعينها ... حامل ومسؤولية

اخوي طبيعي نفس الشي اول حملي كرهت كل شي وزوجي بالاخص بس ماخلصت الثالث حتى رجعت شوي طبيعيه

واقول شوي لاني للحين كثيييير انام و اكره اي شي ريحته قويه خاصه عطورات زوجي مع اني بخلص الرابع

اخوي حاول تراعي نفسية زوجتك وتحسسها انها محبوبة ومقبوله خاصه الفتره هاي مع زيادة الوزن والانتفاخ

تقرف الوحده من نفسها وتخاف انه زوجها يقرف منها وهذا يخليها عصبية نوعا ما

وعلى العموم الف مبروك والله يتمم حملها على خير ويرزقكم بالذرية الصالحه الباره

كلها فترة 3 شهور او 4 وتعدي ويرجع كل شي طبيعي لا تحاتي يا اخوي انا نفس الشي فترة وحامي كرهت كل شي من زوجي وبالذات عطوره كنت اقوله شيل عطورك كلها وحطها في السياره ما اريد اشوفها في البيت وظل معاي هذا الوضع لين 4 شهور وبعدين رجع كل شي مثل ما كان قبل ورجعت الامور احسن.
وعشان تطمن اكثر ان هذا شي عادي في وحده من ربيعاتي في فترة وحامها طلبت الطلاق من زوجها كانت ما ادانيه ولا اطيجه بالمره بس خلاها تجلس عند اهلها لين ما عدت فترة الوحام وبعدين رجعتله البيت ورجع الوضع طبيعي انت استجيب لطلبها وخلها اتروح عند اهلها عشان نفسيتها ترتاح

السلام عليكم ...

طبيعي جدا يا اخي الكريم ...

تحمل قليلا فترة وتعدي وأغلب الحريم إذا مو كلهم كذا ...

الله يعينها فترة الشهور الأولى مرة صعبة ..

الله يتمم لها على خير ويقومها بالسلامة ويرزقكم الذرية الصالحة ...

أخي الكريم ،،
لا تحزن عليك بالصبر حتى تكمل الربع الشهور الاولى من الحمل و كن على اتصال دائم بها وسوف يعود الأمر الى ما كان عليه وأحسن ...

بشركم الله بالخير هذا اللي ابي اسمعه منكم.
*
*
اللهم اغفر لإخواني وأخواتي في هذا المنتدى وفي كل مكان يا ارحم الراحمين.

كلها ان شاء الله فتره وتعدي لا تخاف
وهذي التصرفات كلها بسبب الحمل والوحم ونفسية
الزوجه خلها ترتاح فتره عند اهلها وبعدها ترجع الاوضاع
زي اول ان شاء الله واحسن شوي

ماليك اخوي الا الصبر

قريبي لي يمر بنفس الحالة

اهو على طول كان يرافق زوجته في كل مكان

الحين اهي في بيت اهلها

وهو مسلم امره لرب العالمين لين تمر هذي الشهر بخير ان شاء الله

الله اسلم لك زوجتك وصبرك

تحياتي

هى فتره وتنتهى تحمل والف مبروك

ياليت كل الرجال مثلك يشتاقون لحريمهم
وبعض الرجال ودهم باي سبب عشان يخلون حريمهم كم يوم عند اهلهم
الله يهنيكم

مسكين زوجي تعذب عذاب من وراي
ماكنت احب اشوفه ولا اسمع صوته نهائي المشكلة لما اشم ريحته ينقلب كياني
انشالله ايام وتعدي على خير
الله يقومها بالسلامة يارب

الف مبروك حمل زوجتك والله يرزقكم الابناء البارين ويعينكم على التربيه الحسنه

عادي جدا
ع فكرة اذا توحمت الزوجة على زوجها بيطلع الطفل او الطفلة شبه ابوه
كما حصل معي

عادي يا اخوي
فتره وتعدي
ليش ما ترجع ايام الملجه
وتتكلم معاها في التلفون على طول
او على المسن

الله يعينكم ياالرجال .. انا حاليا اعاني مثل زوجتك .. لكن ما رحت بيت اهلي .. على فكره هذا رقم 6 الحمد لله على عطيته ..
اكره غرفة النوم .. ما ااحب حتى اناظر في وجه زوجي .. اكلمه وانا عيني في الارض .. طبعا احقد على السرير نفسي اولع فيه نااار ..
ما انام معه على السرير انام على الارض ..
يقول لي اميرات انتي ما تناظرين لي اذا تكلميني ليه ؟ تشوفيني مثل الضب ؟
قلت له لا .. لا تقول كذا .. قال صارحيني .. صدقيني ما راح ازعل .. لكن نفسي اعرف وش هو شعورك تجاهي .. طبعا انا صار لي متزوجه 23 سنه ..
اقول اخاف تزعل .. قال ما راح ازعل ..انت بس فضفضي لي ..
قلت له المشكله اني ما اشوفك شي .. يمكن الضب كائن .. لكن انت ولا شي .. !!!! المسكين يتحمل
احيانا اقول لنفسي والله انه صبور .. لو انا مكانه كان مسكت زوجتي من شعرها و سحبتها للسرير ..
لكن حنا نعرف انها فتره وتعدي ..
وازيدك من الشعر بيت .. حتى فتره الرضاعه قد تصاب المرأه بشوية برود جنسي بسبب هرمون الحليب ..

ربي يرزقك بالذريه الصالحه و يعطي اللي ما عنده ..

أميرات ..