|
تكفون ساعدوني هي قدامي الحين منهاره
السلام عليكم اخواني واخواتي بصراحه بدخل بالموضوع مباشره بنت خالتي عمرها الحين 21 من سنتين جتها وحده من الجماعه من عمرها تقريبا وقالت لها انها معجبه فيها وتبي تخطبها لخوهاوقامت الوحده هذي تجيب لها اخباره وهو يحب كذا وكذا وتمدح فيه عندها الين البنت حبته من كلامها طبعا وصار شغلها الشاغل وطبعا تمدحه بدراسته علما بانه مهندس وتوه جاي من ست شهور من برا طبعا وشهادته كبيره وبنت خالتي تنتظر كلام اخته الي وعدتها فيه الولد اليوم ملكته ع وحده ثانيه الي انا مستغربته انها مو من نفس طبقته شلون خطبها وملك عليها حاولت افهمها ان كل شئ نصيب كل كلمه والثانيه تقول ليه تعلقني ع امل وتخليني افكر فيه وانا ماكنت ادري عنه تكفووووووووووووووووووووون هي عندي الحين ابيها تشوف ردودكم الله يجزاكم خير واسوها معاي |
والله البنت عندي منهاره ابي ردودكم الله يجزاكم خير |
اختى الحلوه دعيها تتركه وكان شى لم يكن لانه باعهافلتبيعه وتتركه ولا تفكر فيه
|
اشكرك اختي الساهره ع ردك
وجزاك الله الف خير ابيها تقرأ ردودكم عشان ابيها ترتاح |
السلام عليكم بداية هي معذورة لأنها سمحت لصديقتها تغرقها في أحلام اليقظة ويمكن صديقتها فعلا متمنيتها تكون لأخوها بس كل شي نصيب
واحتمال كبير هو ما يدري عن كل اللي صار فلا تزعل ولا تسوي مشكلة الحمدلله صحتها موجودة وأهلها متعافين وهي حررة نفسها فليش كل هالهم كله بالمختصر هي مثل اللي قرأت قصة أو شافت مسلسله وحبت البطل وتمنته يكون زوجها وخللصت القصة أو المسلسل والبطل ما درى عنها بكرة تكبر وتذكر هالموقف وتضحك على نفسها وتضحكين معاها اللهم لا تعلق قلبي بغيرك |
اشكرك اختي هاله ع ردك
وامين الله لا يعلق قلوبنا بغيره |
و ليه ما تقول الحمد لله
يمكن خير لها اهم شي تشيله من تفكيرها و تعيش حياتها بكل حب ونظره تفاؤل والله يفرج كربتها .. ويريح بالها .. |
احبطت
كل هالي دخلو ومافيه ردود احباط |
اشكرك b77oor ع ردك والله ردودكم ساعدتني حتى اقولها شوفي شردو
الله يجزاكم خير[/QUOTE][/QUOTE] |
من حقها .. يمكن لانها تعلقت فيه ..
يمكن اللي صار لها نعمه من رب العالمين .. خلها تقطع البنت او تقدري انتي تكلميها وتستفسري بخصوص الموضوع يمكن يحب اللي اخذها او في سبب معين .. |
ماتدرين وش الخيرة فيه
ربي كاتبلها اللي افضل منه ان شاء الله خليها تفكر بنفسها وبمستقبلها وتهتم بصحتها لان الصحة السليمة تعكس الجمال وعشان كلن يشوفك يتحسر انهم ماخطبوك لعيالهم واولهم هالبنت الله يوفقك |
ربنا اختار الاحسن
|
كل شيء قسمة ونصيب والي مكتوب على الجبين اشوفه العين
ويمكن الي صار لها خير وهي ماتدري قال تعالى بسم الله الرحمن الرحيم (وعسى ان تكرهوا شيئا وهو خيرا لكم ) الله يرزقها برجال احسن منه |
الخيره فيما اختاره الله ..واعلمي ان لو في زوجها خيره لها في الدنياء والاخره لكتبه الله لها فتحمد الله على ذلك..اختي طالما ان شعور الخيبه وفقدان الامل قد جثِم على قلبِها ..وحتى تخرج من هذا المازق العاطفي يجب ان تمارس رياضه بدنيه ذات جهد عالي نوعا ما حتى تتمكن من تفريغ تلك الطاقه الكامنه من المشاعر المحفوظه في صدرها وقلبها وبمرور الوقت سوف يتغير حالها للأفضل ان اراد الله http://www.21za.com/pic/salam_kalam007_files/80.gif .. |
اشكر كم بجد ع ردودكم ناديتك هلا ام عبد الله العازم الفدى صمت الهوى والله صادقه اختي ولو فيه خير لها اختاره رب العالمين لها وكل شئ قسمه ونصيب اشكركم ع ردودكم جزيل الشكر ووضعها الحين احسن من امس بكثير والله يجزاكم خير |
هلا حبيبتي أنا ما ألومها على ردة فعلها بس أتوقع قريبته ماكانت تقصد يمكن فعلا هي معجبتها
بس ماقالت للولد ولما رجع وقالتله مافكر فيها وهذه غلطة المفروض ماتتكلم معاها إلا بعد ماتتأكد منه . وبعدين لازم يكون لها ردة فعل ومع الوقت بتنسى وقوليلها (وعسى أن تكرهوا شيئاً وهو خير لكم )والله ماتدري وين الخيرةبالعكس الحمدلله ماجامل قريبته وكانت هي الضحية يوم ولا شهر وبعدين يرميها.. الله يسخر لهامن هو أفضل . |
جزاك الله خير ام شيطونه وامين الله يعطيها الي افضل منه وبصراحه ماقصرتو الله يعطيكم العافيه |
لازم تعرف ان الشاب ده ممكن شكون شخص سئ ومش هاتكون سعيدة معاه لان الشخص مش بالشهادة ولا بالسفر للخارج وامنا باخلاقة وحفاظة علي بيته ومش لازم يكون اللي اخته قالته عنه صيحيح لانها اخته لازم تجامله وتخليه في احسن صورة خليها تحتسب اللي حصل عند ربنا وتدعي ان ربنا يخلفها خير منه
|
اشكرك ليمي مور ع مداخلتك وكلامك صحيح الانسان مو بشهاته ولا بسفره والحمد لله توي كلمتها تقول البارح بعد ماراحت من عندي جاها احساس غريب وكان الطمئنينه نزلت ع قلبها وصلت ركعتين شكر لله تقول ما ادري بس حسيت ابي اشكر رب العالمين الله يجزاكم خير وادعولها الله يرزقها الي افضل منه بكل شئ |
اختى هو لا دخل له بما حصل ولم يوعد البنت بامر وحتى لم يكلمها
كل اللذى حصل وجرى واى كلام حصل كان من قبل اخته واحتمال كبير لا علم لديه باى شىء والزواج قسمه ونصيب ومن البدايه حين تكلمت اخته كانت ردت فليطرق الباب وليكن كل شىء رسمى اما كلام ولف وعجن وزياده كلام لا فائده منه الله يوفقها |
مافيه شي مضمون بالدنيا الا الموت البنت الثانيه خلااااااااااااااص زوجته ... وجاها رزقها مثل ماراح يجيها رزقها قولي لها ان فيها صفات حلوه وهذا اكيد ... الصفات هذه راح تعجب واحد غيره ويموت في صفاتها |
اشكرك اخوي ساري ع ردك وصادق
الدنيا ارزاق وهذا مو من نصيبها الله يعينها ويصبرها |
السلام عليكم ورحمه الله وسعى صدرك يابنت الحلال هذا الى كاتبه ربي .....واذا هو راح يجيك( أحســــــــــــن) منه ان شاء الله و (( عســـى ان تكرهو شيئا وهو خير لكــــم )) لاتلومى نفسك فى شي أبد بالعكس أفتخرى واعتزى بنفسك لانك كنتى صادقه معهم وهم الى خلفو الوعد ويامااااا صارت سوالف حريم زي كذا لا انتى اول ولا اخر وحده ابد لاتضايقي نفسك والى جابه يجيب الف غييييييييييره...... وانتى الف من يتمناك ....يابنت اخته جت لحد عندك تبيك هذا دليل انك غير........وهو لو يدري عنك مادور الى اقل منك أنا معك ان الموضوع يزعل ويتعب وكأنه فى احد خانك او غدر فيك............لاكن أبد لاتفكرى به الطريقه ولاتفكرى فيه حتى لانك راح تتعبي كل ماتذكرتي الموضوع انسي وتعوذى من ابليس وأشغلى نفسك بأى شي روحى الحين سوي لنفسك عصير ليمون :d اهم شي انك لاتتذكري الموضوع وهى فتره ترى بسيطه وبتنسي كل شي وبتكملى حيااااااااتك عادى والحياه تجارب وهاذى تجربه مرت عليك اكيد استفدتى منها وتمشي الحياه والله يوفقك ويسهـــل أمورك ويعوضك ببن الحلال الى ينسييييك أمك وابوك :22: تمنياتى لك بحــــــــــياه سعيده |
الله يسلمك اخي ياشين العزوبيه ماقصرت والله كفيت وفيت ماشاء الله عليك ردك يرد الروح اشكر تفهمك لوضعها والله يعوضها الي اخير منه يارب وان شاء الله نشوفك مودع العزوبيه |
اختي الله يصبرها ويعينها ويعوضها بالي يسعدها وهي بعدها صغيره والعمر قدامها لا تبكي علي شي ماانكتب لها وترضى بالمقدر وتحاول تنسي كل شي يذكرها فيه وماتترك لنفسها فرصة للتفكير تحاول تملى فراغها لو تدرس بالدراسة او مع الصديقات الصالحات وتعذر صديقتها لانه لها راي ولكن الراي الاول والاخير لصاحب الشان ونصيحة لاتعلق نفسها باوهام وماتترك لنفسها فرص تتعلق باي حد الا زوجها
|
السلام عليكم ورحمه الله وبركاته
أختي الغالية قرات موضوعك وشفت ان الموضوع من طرف واحد قفط يعني المفروض ما تتعلق من الكلام اختة جات وتكلمت عن أخوها وهو ما عنده اي خبر والحين تقدم لوحده وربي يوفقه حاولي انك تنسينا الموضوع وربي يوفقك |
لهذا تعلمت درس من الحياة لااصدق اي كلام عن خطبة مالم يكن هناك شيء رسمي عن طريق الرجال
يالله تعيش وتتعلم مثل ماتعلمنا..اتركيها تاخذ وقتها اختك حيوزه |
ذكريها بالله تعالي وقولي لها لعل في الامر خيره ويمكن لو تزوجته لفشلت معه في حياتها الزوجية والمفروض بنت خالتك ماتكون غبية الى هذه الدرجة كيف تتعلق بشخص مجهول وهو لم يخطبها من والدها ولم يقل لهم أي شيء يذكر عموما المزوج في السماء وعليها بالدعاء والاستغفار والله يزوجها0
|
فيه قصة وحدة كانت ساكنة بالرياض , المهم ولد عمها جاء من القرية وقعد عندهم عشان يدرس , البنت تعلقت فيه وحطت كل آمالها إنه نصيبها , المهم بعد ماخلص دراسة راح لديرتهم وملك على وحدة هناك , البنت انهارت , ومرضت على أهلها وتنومت بالمستشفى , وحال مايعلمه إلا الله , طيب والحين ؟ صاحبتنا جاها نصيبها واحد بالرياض ومدلعها وجايب لها الشغالة وكلش , وولد عمها مسكن زوجته مع أهله وتتعب من الطبخ وغيره .. صاحبتنا تقول الحين الحمد لله إني ماأخذته , وين عقلي يوم مرضت عشانه !!
|
الله يعوضها ويفرج همهااااااا مصيرها تنساااااااااااة
بعض بنات ملكه ملكوووو عليهم وجلسات وضحك وناسه وسبحان الله تطلقوا وماتزوجوا وانهارو وبكوا ونمرضووووووا وقالو والله مانعيش بعدهم:29: :29: ودارت الدنيااااااااااااا نسيووهم وتزوجوا غيرهم واحمدوالله انهم ماخذوهم :d :d |
اقتباس:
|
اشكركم اخواني جزيل الشكر ع وقفتكم معاها توتي فروتي ام شاهين الكسائي جزاكم الله خير |
واشكر جزيل الشكر غموض السنين حيوزه ensaaan ع مروركم الاكثر من رائع وجوزيتم خيرا |
اولا انتي غلطانه
لش تسمحين لها تلعب علي مشاعرك كان اول ماتجيب طاريه سكتيها وقولي لي يبي بنت رجال يجي من الباب مو يلف ويدور واخته لعبت بمشاعرك وعلقتك فيه وهو مايدري ولا علي باله والقصه كلها من راس اخته ولا اكذب عليك انا صار لي نفس موقفك بس الفرق لي بيني وبينك اني اعرف انه ما راح ياخذني لانه كان يشوفني مثل اخته وانا قلبي تعلق فيه من سوالف اخته عنه من غير ماتقصد ولا وعدتني بشي وانا حاسه بحسرتك ولازم تنسينه وتعدين هذي الازمه وربي يكون بعونك |
توها صغيره والله بيرزقها اخير منه انشاء الله
|
انا اسألها
شو يتستفيد اذا عرفت (ليش علقوها فيه؟) هذا مجرد تضييع وقت ! لانها ما راح تلقى اجابه المهم الحين الموضوع انتهى الله يوفقه مع اللي اختارها وهي الف الف الف من يتمناها |
| الساعة الآن 09:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©