|
راتب زوجي عند ابوه ؟؟
السلام عليكم
ابو زوجي اللي هو بمثابة عمي .. رجل كبير بالسن متسلط على ابنائه كلامه هو اللي يمشي .. زوجي المسكين خاضع تحت سيطرته واحسه انه يخاف منه :( حتى الراتب ياخذه من عنده ويعطيه مصروفه:29: وغير هذا مرات اذا ابي اطلع وعمي بيطلع يوديه ويخليني انا ما اقول لا يوديه بس ياخذني معاهم وحتى اذا اتصل فيه وهو ماعه يسكر التلفون .. وفوق هذا اسلوب عمي بالكلام دايما كانه يصارخ علي :( كرهته احسه مستبد واستغلالي يعني ما يدري ان ولده متزوج ومحتاجين لمصاريف .. اتهاوش مع زوجي مرات يقول يعني تبيني انطرد يعني وين اروح على راسي اجار ومصاريف .. يعني يا الراتب والا تطلع براا .. صرت ما احب ابوه على تصرفاته .. |
28 زائر والردود صفر ؟؟؟؟؟؟؟؟؟؟؟؟؟!
|
للأسف ما احس ان هالمشكله لها حل
بس يعني شكلكم ساكنين ببيت ابوه صح؟ يعني ما تدفعون اجار بس الراتب اللي ياخذه بمثابة انكم تدفعون اجار طيب و بالنسبه للأكل و الشرب ..؟ من عندكم والا من عنده او قصدي من راتب زوجك اللي عنده ؟؟ و كم نسبة المصروف اللي يعطيه اياه من الراتب يعني نصه ..! ربعه ..! هو بالصراحه الحركه تقهر بس بعد يضل ابوه ومايقدر يوقف بوجهه طيب هو ياخذه ليش .. يعني هو محتاج ؟ او يجمعه لكم علشان تاخذون بيت مثلاً ؟؟ او يصرف على البيت اللي انتوا فيه ؟؟ الله يعينك بس لا تتوقعين من زوجك ان يوقف بوجه ابوه لإن رباهم على هالشيء من يوم اهم صغار و زرع فيهم الخوف منه يعني مارح تقدرين تغيرين زوجك و انتي ما صار لك سنه معاه و هو طول سنوات عمره عايش هالحياه الله يعينكم و يرزقكم بالذريه الصالحه |
أختي هونيها وتهون ولا تكبرين المسألة ومادام أنه يقوم بحقوقك الزوجية كاملةفلا تتدخلين بينه وبين والده فلربما تزداد المشاكل وتقع على رأسك الحل أتركيه وأبيها وأهتمي بنفسك والدنيا ماتتم كذا نكد بل من صبرظفر ووالده شايب كبير سن أيام أو سنوات ويودع الدنيا الله المستعان وكلنا كذلك والرابح الذي إذا مات خلد ذكرا طيبة وعمل صالح وربي يوفقك ويكون في عونك باي
|
ابوه يعطيه ربع المصروف .. احس حياتي صعبه وهو يحاول بربع المصروف يغطي طلباتي فيهم وانا احاول ما اتطلب كثير بس انتوا عارفين الحياة صعبه واذا تضيق علي حالي اتهاوش معاه وهذا مسبب مشاكل كثيرة بينا ..
|
بعض الطلبات اذا ما قدرنا نجيبها زوجي ياخذ من بيت ابوه وهم احيانا يعايرونا فيهم وانا اذا ينقصني شي عشان الغذا استحي انزل اخذ لان مرات تنقصني 3/4 الطبخة ..
كل هذا واهلي ما يدرون عن شي لان ما اجيب طاريه الا بكل خير .. |
حاولي تقنعينه أنكم تطلعون برا البيت وتأجرون شقة و فكو روحكم من التحكم والمذلة
|
اعانك الله اخيتي وصبرك واعطاك الاجر كاملا
لاتنسي اخيتي استحضار اجر الصبر حتى تناليه وتذكري انك في نعمة كبيرة من اكبرها ان لك زوجا صالحا لا يعق والديه وتذكري وانت تفتعلين مشكلة ما معه ان هذا لن يقدم ويؤخر اذا ماذا تفعلين؟ هل تستلمين ؟ كلا ... لا انصحك بذلك فقد يطيل الله في عمر والده وتظل حيا تكما منغصة .. لكن لابد لك اخيتي من الحكمة في التصرف وحسن التعامل مع المواقف فانت تحتاجين الى استخدام ذكاء المرأة في تغيير شخصية زوجك فمثلا .. عندما تريدين لومه لا تقولي : انت ليش تتركه يسوي فيك كذا انت ليش سلبي ؟ لا .. انما قولي.. ماشاء الله عليك انت رجل صالح واحمد الله الذي رزقني بزوج يحرص على بر والديه لكن الا ترى اننا لو خاطبناه بالحسنى وبينا له تكاليف المنزل .... وهكذا لكن اود ان اسألك: هل هو في حاجة الى مال من ابنه ؟ اي ليس له مصادر دخل اخرى وانما يحتاج الى من ينفق عليه ؟ ان كان كذلك ولا اظنه من خلال كلامك فليعطه بالمعروف واعينه انت على ذلك .. ثم الراتب الذي ياخذه والده الا يساوي لو جمع ايجار بيت اخر او انه يساوي اكثر من ذلك ؟ فاذا كان يساويه فهذا يعني انه يسكنكم بمقابل ولا يسكنكم هكذا مجانا ولوجه الله .. فلا تحزني اذا عليه واعتبريه ايجار البيت اما ان كان يساوي اكثر من ايجار البيت .. فتكلمي مع زوجك بمنتهى الهدوء والحكمة واعرضي الامر معه وحاولي تشجيعه باسلوب لطيف على تحمل المسؤولية والانتقال الى بيت اخر وايضاح الفرق له .. واكدي له انه وان خرجنا سنظل نبر والدك ونقدم له المساعدة ما استطعنا .. ومهدي له انه ربما تواجهنا عقبات من قبل اسرتك لكن لابد ان تكون قويا ولا تستسلم وتواجه المواقف فانت كما عهدتك رجلا شجاعا يختار الطريق ويستمر فيه وان قابلته مصاعب .. وقبل ذلك كله لا تنسي اللجوء الي من بيده كل شيء لا سيما اوقات الاسحار اعانك الله ويسر لك |
أتقي الله أختنا في الله الولد وما ملك لأبيه ... أليس كذلك قال رسول الله صلى الله عليه وسلم غير أن هذا أن دل فيدل على حُسن تربية زوجك فصبراً أختنا في الله هناك يسر أتي بأذن الله تعالى فلا تتعجلي وتكوني سبب فراق بين الأبن وأبيه وتأكدي أن كما تديني تداني أو ما تفعليه اليوم سيفعل فيكي غداً أخوكي في الله |
بصراحة ... الله يعينك
انا لو منك اطالبه انو نطلع نستأجر بره... واللي ياخذه ابوه ادفعو جزء منه اجار البيت واكيد يدفع جزء لابوه ولكن جزء صغير يتناسب مع راتبو لانو بصراحة من الصعب ان الزوج ياخذ مصروفه من ابوه... (الزوجة من مين تاخذ مصروفها بهالحالة؟) اعانك الله |
الله يعينك
والله مشكله طيب ماتقدرين تكلمين ام زوجك ؟؟ |
عن جد مشكله الله يساعدك وخاصه ان الحياه كل مالها وتغلى والمصاريف تزيد اختي حاولي تصبرين ولك الثواب والاجر من الله لأن هذا ابوه ولا يقدر يعصيه وان شاء الله ربي بيفرجها عليكم |
طيب ليه ماتطلعوو برا .. يعني تاخذو شقه على قدكم وتريحي راسك ..
|
مثل ما قلت ابو زوجي شخصيته قويه ويخافون منه وزوجته ما تقدر عليه وهو امام مسجد .. وياخذ راتب زوجي بحجة انه ما يكفي مصاريف اختي هذا من قبل الزواج بس المفروض الحين يفهم انه تزوج وعنده مسؤوليه زوجه ومصاريف بيت .. كلمت زوجي كثير بس بدون فايدة وانا عارفة من المستحيل يكلم ابوه بخصوص الراتب .. وهو المسكين يقصر على نفسه عشاني وهذا يادوب نغطي المصاريف الاساسيه حتى اثاث الشقه ما كملناه للحين !!!!
هددته بكلم اهلي عشان يتدخلون بالموضوع .. يعني ابوي يكلم ابوه !! بس اخاف تكبر المشكلة وابوه ياخذ مني موقف .. احسه مو من النوع اللي بيتفهم .. |
لاحول ولا قوة الابالله
اختي تفاهمي معه واعتقد مالك حل الا لماتطلعين ليت الحالك ولا زم الا ب يفهم ان ولده عنده مصاريف |
يا حبيبتي ...... خلينا من الحلول القريبة من متناول العقل والعين وأي شي بالقوة مع الشايب ما راح ينفع ومع هالشخصية والله لو تطلع عيونك ما راح يمشي معاج ...... فكري الشايب مثل الياهل بالضبط كل ما عاندتي معاه عاند أكثر منك وهو في نفس الوقت طفل مايعرف شاللي قاعد يسويه بالضبط نفس حاله الشايب.....
الله يسلمك أنا أبويه شايب وعصبي لأبعد الحدود ما تتخيلينها بس لما أبا منه شي اتحايل واكسر خاطره وأبين إني بدونه ماسوا شي هذا ليس استخفاف بالعكس هذا اللي هم يبيونه انك اتبينين قيمتهم واتدلعينهم ...... ووين حتى كل خواتي يستغربون ليش معامله ابوي لج غير :25: يمكن زوجج فعلا يعطيه الراتب لكن ما يعطيه الحنان يلبي طلبات أبوه لخوفه منه وهذا يخلي العلاقة مكهربة غيروا من علاقتكم معاه اكسبوا راح يكسبكم أكثر اهتموا فيه راح يهتم فيكم أكثر حاولوا اتبينون قيمته ومكانته في البيت صدقوني راح يتغير ....... لأنكم محتاجين انه يتغير عشان ترتاحون باقي حياتكم معاه ويترك ذكرى طيبه في قلوبكم وقلوب أولادكم لأن مهما كان لو لفيتوا الدنيا بحالها ما راح تغيرون القدر يظل هو الراس الكبير اللي يتوجي عليكم احترامه...... وبعدين أبو زوجج شو عرفه كم راتب زوجك يعني زوجك عالاقل يقدر ينصف الراتب بينه وبين أبوه يعني مو بهالصعوبه .....يكلمه يعني مو معقوله الحوار معدوم مع أبوه لهالدرجة يعني يكلمه عن المسؤوليات وهالشي يهدد استقرار اسرته يعني يكلمه ان البيت يحتاج والاولاد يحتاجون ويوعده انه ما راح يقصر عليه بشي على الأقل لو ينصف الراتب ارضاءا له.... اتمنى اني افدج حبيبتي وطمنينا على آخر الاخبار..... |
الله يصبرك ،،،،
|
انا توني متزوجة .. صار لي 6شهور . اكتشفت هالشي بعد الزواج ؟؟1 او يمكن انتبهت لهذا الشي بعد الزواج ..
حالتي النفسية مستائة جداا .. كلمته اليوم بخصوص ابوه يسكت .. يقول لي اللي تبينه بتحصلينه واذا اقول ابي هالشي يقول ماعندي ؟؟! احس انه ماعنده الجرأه يكلم ابوه بخصوص الراتب ..والحياه جدا صعبه ..والاسعار ارتفعت واللي ناخذه من الراتب بس 600 ريال ؟؟!! وش تسوي الحين ؟؟! |
اقتباس:
انا للحين ما صار عندي اولاد لان توني تزوجت بس اقول له كيف بتصرف اذا جبنا عيال ؟؟ يقول كل شي على الله بيتدبر كل شي .. |
السلام عليكم اخيتي اصبري ولا تضيقين على زوجك ترى الصبرمفتاح الفرج
|
الصبر مفتاح الفرج ..
|
سبحان الله
أول ما قريت الموضوع ، تذكرت قصة طبيب من أشهر الأطباء على مستوى العالم العربي (ويمكن لو أذكر أسمه كان نصكم عرفه) هذا الطبيب ابتلي بوالد متسلط ، أول ما تخرج من الطب كان يستلم 8000ريال ،يعطيها لأبوه ، وأبوه يصرف عليه بالقطارة ، تخيل طبيب متزوج وعنده بنت وراتبه 8000 ريال ولا ياخذ منها إلا 1500 ريال ، وفي بعض الأشهر أقل من 1500 تخيل جلس 10 سنوات على هالحالة ، وكل أصدقائه الاطباء مستغربين من وضعه لكن هالدكتور استشعر عبادة بر الوالدين ، ولا قال شي لأبوه المهم بعد فترة يوم كبر أبوه بالسن ، ما صار ياخذ راتب ولده ، وبدا الولد يتمتع براتبه بعد ما صار عمره 40 سنة الآن الطبيب هذا دخله الشهري فوق 500 ألف ريال ، وصار معروف في أنحاء العالم العربي وصارت الجامعات الامركية والأوربية تطلبه حتى يخرِّج دفعات من كليات الطب هناك وصار يملك سلسلة ضخمة من الصيدليات وصار يعمل عمليات جراحية لكبار المسؤولين والامراء في البلد وتوفق أبناءه كلهم ودخلوا أحسن الجامعات (إنما يوف الصابرون أجرهم بغير حساب) |
اختي هذي مو مشلكه ولا خوف من ابوه ولكن احترام بس ما توصل ان ابو زوجك يأخذالمصروف من زوجك
حاولي انك تجلسي مع زوجك وتتفاهمي معه ولكن باسلوب جيد وان شاء الله يتفهم ابو زوجك الوضع |
اقتباس:
ان رأي من رأي الاخت حرم فلان الفلاني |
انا توني متزوجة من 6 شهور وقريب نكمل 7 شهور وللحين ما صار لي فترة حتى اتواصل مع ابوه وخصوصا انه دايما عصبي وسليط ..
|
الله يعينك اختي ويفرج همك انا من رأي الاحت زوجه محبوبه حاولو تغيرو المعامله وزوجك يكلم والده بالحسني اذا وافق فلله الحمد واذا لم يوافق ما تعملي مشاكل واصبري وربنا يصلح لكم الحال
|
ابوه وله الحق عليه وخاصه انكم ساكنين عندهم واعتقد ان زوجك يحترم ابوه مويخاف من ابوه
والشيء الثاني صديقيني ربي بيفتحها على زوجك مادام انه يحترم ابوه ولاتنسين ان رضا الله من رضا الوالدين يعني تبينه يقول لأبوه لاتاخذ كثير زوجتي بتروح تتسوق او ترى زوجتي ماهي راضيه عن تصرفاتك ؟ماهو منطق |
الله يعينك غاليتي ... ما ابشع تللك السلطه ولكن اصبري ...
اقسم لكِ ان اختي كانت مثل حالتك ولديها اخت زوجها تلبس احسن الباس وتخرج ولديها سياره فخمه واختي لبسها بسيط جداآ ولا تقود السياره ولا تخرج من منزلها ... ووالد زوجها ياخذ كل معاشهم ويعطيه 400 ريال لوقود السياره فقط ...!!!! فماذا تفعل اختي... صبرت ونالت والله العظيم انه الان يعطيها كارد البنك ولا يسال عنه وهي من تعطي زوجها مصروف الوقود ... اصبري وباذن واحد احد سوف تنجلي همومك ومشاكلك باذن الله ... وفقك الله .. وحنن قلب عمك عليك .... |
الله يكون بعونك اختي المشكلة انه ابوه مالكم الا الصبر والدعاء ان الله يفرجها وان شاء الله تلقون الحل |
| الساعة الآن 11:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©