|
آآآآه <<<مكالمات بعد الملكه
السلام عليكم ورحمة الله وبركاته.......
تحياتي لاصحاب هذا المنتدى......حابه اطرح عليكم مشكلتي وهي ان شاءالله انها ماتكون مشكله...بس انها فعلا مارقتني... انا تملكت من شهر تقريبا.. خلال هذا الشهر طبعا فيه مكالمات........مشكلتي تكمن في هذي المكالمات ماريحتني بتاتا...ماادري كيف اوصلكم اللي في بالي بس صراحه زوجي مايحسسني بشي احسه يكلم فقط تادية واجب لاغير..هذا غير رسميته وبروده... حتى معه مااحس بانوثتي نهااااائيا كانه يكلم احد زملائه...احس اني ماني قادره ارتاح معه ولااستمتع نهائيا...علما بانه زارنا اكثر من مره بس مافيه اي تعليق على الزياره او الشكل او اي شي يخصني ........حتى احيانا اسال نفسي اجل ليش يدق اذا كان كذا...!!!!!!ماادريي هل هذا كله جفاف او برود او تجمد اوايش.؟؟؟؟او انه يضغط على نفسه ومايوضح؟؟بس معقوله؟؟؟ معقوله كل الرجال كذا ....ومليت من كلام ان فترة الملكه احلى فتره انا مو حاسه باي شي صراحه حاسه بغمووووووووووووووووووووض وبس؟؟؟والله ماني عارفه كيف اتصرف معه... من جد احس اني اتعب نفسيا بعد كل مكالمه... تكفون انصحوني وعطوني من تجاربكم. |
اعذريني لكن زوجك غريب فعلا
يمكن يحتاج لتوجيه في معاملة الزوجات الله يصلحه .. أنصحك تصبري عليه خاصة لو أخلاقه ممتازة ومؤدب وأهم شيء يحافظ على الصلوات في المسجد بعض الشباب فيهم برود جنسي وبعضهم ما يعرف يتكلم كلام رومانسي جميل وبعضهم أول مرة يكلم بنت إحدى قريباتي واجهت نفس مشكلتك حتى عندما يتقابلون في أيام الملكة ما يعطيها بوسة وحدة رغم جمالها وكانت تشتعل جنسيا وهو باااااااارد كأنه جالس مع أبوه بس السبب كان ضعفه الجنسي المهم بعد الزواج عرفنا سبب بروده في المعاملة والان هي حامل ما شاء الله لذلك بادري أنت بالكلام اللي فيه ( أحبك ، أعشقك ، أهواك ) يمكن يحس شوي والله يوفقكم |
جبيبتي توك مملكه وبعدين انتي كمان عليكي عامل كبير في تحريك مشاعره يعني لازم دلع منك وتتزينين له قد ماتقدري وتضحكي معاه وهو حيتحرك لا تنتظري انه يتغير لوحده وبعدين هذا زوجك وحلالك يعني هاتي افكار من المنتدى وطبقيها الله يجمع بينكم على خير
|
يمكن مستحي
أو خايف من ردة فعلك إذا بادر بالغزل أو الكلام الحلو بعدين هذا كله بيعتمد عليكي إنت هل فعلاً بتحبيه؟ أو بتريديه ؟؟ ليش ما تشجعيه إنت يعني أرسليله مسجات حلوة و في آخر المسج أكتبي شو تعليقك؟ شو رأيك؟ أنتظر ردك؟ لما يجي يزورك إسأليه شو رأيك بلبسي؟ لبستو مخصوص لك ؟ شكله مش عاجبك لأنك ما علقت عليه شو رأيك بلون شعري ؟ حلو أو أصبغه لما يتصل يخبرك بقدومه قوليله الليلة حابة أتعشا معك شو بتحب أحضرلك عشا ؟ إسألي عن المكان إلي رح تسكنوه .. لو بعد ما حددتوا وين رح تسكنوا إسأليه وين حابب تسكن؟ ناقشي معه رأيك حول مكان السكن و شكل الأثاث إلي بتحبيه يعني الخلاصة إنت يلي لازم تشجعيه إنو يتكلم بس مثل ما قلت هذا كله يعود لك فيما إذا كنت فعلاً بتحبي زوجك أو لسه ما شعرتي بشيء تجاهه بس لو مرتاحة له ممكن بكل سهولة إنك تجري رجله بالتوفيق |
مشكورين ع الردود جميعا... بس بصراحه انا الحمد لله اتمتع باسلوب حلو ولباقه بدون مااتكلف يعني مااقصر معه... بس صعبه انا ابدا بالغزل والله صعبه ماادري كيف يفهمها.... انا اساله عن اشياء -ادعيله وهو يسمع- بس ماادري هل هو طبعه البرود او يتصنع... من جد تعبني حتى في زياراته البس احلى لبس والحمد لله مو ناقصني شي بس المشكله مايعبر!!!انا مشكلتي مو فاهمه هل هو طبعه او يتصنع ااالثقل...........؟؟؟؟والله ماادري شوروا علي وش اسوي
|
وعلى فكره هو يتكلم مااقول مايتكلم بس بصراحه يتكلم في مواضيع ماتخصني( فلسفة رجال) مو وقتها!!!!!!!!!!!!! يعني تارك شكلي وحياتي وكل شي وجالس يتكلم عن هالاشياء....معقوله اسال انا أو ابدا والله احسها قويه ع البنت كثييييييير..
|
السلام عليكم ورحمة الله وبركاته
بارك الله لكما وبارك عليكما يالغاليه حبيبتي لاتخااااااافين ابد ولاتقلقين الحين مثل ماقاالوا الاخوان الي قبلي الدور عليكي في تحريك مشاعره انا الحين مستعجله بس باذن الله ماراح انساك وارجع اقلك على افكار استخدمتها ونفعت مع زوجي انا حديثة عهد برضه مثلك انتبهي على نفسك |
وعليكم السلام ورحمة الله وبركاته.. ماقصرتي اختي بسمة امل<<<والله اسمك جاب لي الامل
اااااااااااااااااااااه من جد انا متحطمه... الله يوفقنا ويجمع بينا على خير........حتى اسمي اظنه مانطقه خلال المكالماتَ!! ساعات والله احس اني حاقده عليه |
اهلين اختي
انا زوجي بالملكه تخيلي قالي مو لازم نكلم بعض قمة الصدمه ومع الايام تغير بس طول فتره الملكه مايتكلم ولا يمدح كثير عااااااااااااااااادي يمكن هو اريح له وجها لوجه هو اذا جاء عندك نفس الشي؟ وبعدين انتي سحبيه بالكلام قولي له انبسطت ذاك اليوم؟ وومن هالاسئله والله يسخره لك |
الله يوفقك يا اختي ويتمم عليك ,,
انا ماعندي خبرةعن نفسية الرجل وكيف تتعاملين معاه عشان أقدر أفيدك لأني أنا يالله أتخارج مع خطيبي:( والله حاسة فيك وبمعاناتك.. الله يعينك ويوفقك ويسعدك مع زوجك ... |
اختي يمكن كان الافضل ان الرد يكون من الجنس الخشن بس معظم اللي ردوا بنات
وانا بعد بنت شوفي يمكن اهو مو متعود على ها السوالف يعني اول مرة او يستحي من ها المواضيع ويحس انها مو حلوة انتي ابداي بس من باب ثاني ادخلي من باب الدين وطاعة الزوج و من باب انك طييبة وتحبي الخير للكل يعني مثلا... قولي له( انا سمعت في حديث يثول ان خير متاع الدنيا المرأة الصالحة ، وانا دايما اسأل نفسي هل انا مرأة صالحة لزوجي ولا لا؟؟ بس انت ما تساعدني اعرف الجواب ؟ ولا مرة مدحت تصرفاتي ؟ يعني انا كيف اعرف اني امشي صح ولا لا؟؟ اخاف اني سويت شيء ما يرضيك؟ فارجوك قولي وتكلم وافتح قلبك وعلمني اذا شيء شيء ازعجك لان سكوتك يحسسني اني ما رضيتك؟؟) او مثلا( قولي انا ابي اعرف شو فلسفتك عن الزواج ؟؟ وخليه يتكلم وحتى لو ما تكلم ردي قولي اما انا فلسفتي عن الزواج هو المشاركة بين الرجل والمرأة في كل شيء الزوج يعني يكون صديق ويساعدني في حل اي مشكلة الزوج يعني يكون ابوي ويكون مسؤؤل عني الزوج يعني يكون اخوي يتحكم فيني لوول الزوج يعني يكون حبيبي ويسمعني احلى الكلام الزوج يعني يكون امي يحسنني بالحنان قولي انت شو يعني الزوجة بالنسبة لك؟؟ وريني فلسفتك؟؟ وسوي روحك اتخافين عليه م كل شيء لانك طيييبة وقلبك كبير يعني لما يكون متضايق من شيء او تعبان من الدوام قولي سلامتك من التعب ان شاء الله فيني ولا فيك ، انا قلبي يعورني على اللي يتعبون ويهلكون م التعب ( اجمعي دايما) ما احب اشوف احد متضايق بعدين انا اتضايق او اتصلي فيه مرة وقولي يا....( اسمه) ابي اسولف معاك شوي متضايقة وما ارتاح الا لما اسولف مع ... واسكتي ، المهم انا حاسة بضيق و ابغي اصيح ، وحدة من البنات ( صاحبتي) مالكة و زوجها ما شاء الله اخلاق ولد ناس ويعرف ربه ، بس تقول انها مو مرتاحة معاه نقول انه جاف وما يقدرها ، طبعا انا حاولت افهمها انه الرجال اكيد مستحي ، بس اهي اصرت على الطلاق :( يا حرام قولي يا .....(اسمه) ليش الزوج وقت الملكة ما يدلع زوجته ويسمعها كلام حلو ؟؟ يعني على الاقل عشان ما يصير سوء فهم؟؟ ممكن ها الشيء يدل على انه مو متقبل البنت او كارهنها مثلا؟؟ خبرني؟؟ واسمعي جوابه وبالتوفيق |
اختي لا تقلقي يختلف من رجل لاخر
ربما كان من النوع الذي لايجيد الرومانسية بعضهم دغري يعني او ريما كان حيوي نوعاً ما فلذا انصحك انتي بالمبادرة مثلاً ابعثي له مسج رومنسي شوفي وايش ردة فعلة قولي لة كلام رومنسي يفاجأة المهم جربي ان كان حيوي فبتكوني انتي من شجعة على كسر الحاجز وان كان ما في رومنسية علمية انتي بالتوفيق حبيبتي |
والله كلامك غريب فعلا لكن الافضل تتناقشي معاه وتحاولي تفتحي معاه حوار خصوصا اذا كان عندك وصارحية باللي في قلبك لان هذا زوجك فلازم تقوليله كل اللي في قلبك تجاهه وشوفي ايش يرد عليك والله يكتبلكم الخير ويوفقكم لبعض
تنبيه :يرجى تغيير الصورة الرمزية باسرع وقت ممكن فهي مخالفة |
اقتباس:
تستطيعي معرفة الاسباب بهذا الرد كلام دبلوماسي و بسيط ورقيق حاولي و ستعرفين السبب ولو اني ارجح كونه مستحي او خجول منك وهذي البداية واعتقد ان معظم الرجال في البداية يفضلون التعامل رسميا مع زوجاتهم |
انا وجهة نظري انه طبعه كذا وصعب تغييره ولو تغير رح يكون التغيير بسيط
انا زوجي كان كذا بفترة الخطوبة وقلت بيتغير بعد الزواج ولكن للاسف ما تغير انتي حاولي والله يكتب لك اللي فيه الخير |
صدقيني زوجك لسا ماتعود عليك ،، مثل ماقالولك انت اسحبيه لك ،، كل ماعملت شي قوليله اش رايك فيني ( لازم تلفتي نظره لك )ولما تكلميه أدلعي عليه ،، انت حسي بأنوثتك لما تكلميه علشان هو يحس برجولته قدامك ويدلعك ،،
حبيبتي لا تستعجلي عليه ،، وحبه حبه ان شاء الله راح يغرقك في الكلام الحلو ،، أهم شي انك تحبيــــه أكثر من كل شي وتحسسيه بحبك له ،، بالتوفيق ياقمـــر تحياتـي لينــــــــــا |
مشكورين جميعا على المرور والله من جد استفدت من اقتراحاتكم الله لايحرمكم الاجر...........بس خايفه ابدأ ويفهمني غلط واني مااستحي...ماادري عن ردة فعله؟؟ حتى كلامه جدا سطحي ومااااااااله اي دخل فيني كزوجه..!!! يعني حتى مافيه ولاخيط يساعدني ابدأ؟؟؟ على اني دلوعه بطبعي يعني مايحتاج اتصنع له بس والله ماادري وش يبغى؟؟؟ حتى لما يكون مثلا تعبان او شي واقوله سلامتك ماتشوف شر احسه يمشي الكلام عادي كاني اخته والله ماادري وش ينفع له... يعني كيف ابدا معه وهو كذا
|
المشكلة نحن متاثرين بافلام هوليود
و الرومنسية حقت الافلام ...... احبي زوجك كما هوا و ........ المحبة تجي حبه حبه ............ و من رضي عاش |
الأخت الفاضلة تختلف طبائع الرجال من رجل إلى آخر لا أستطيع تحديد معالم شخصيته على وجه الدقة ربما يتصنع أو يترسم أو ربما يكون خجولا أو لعله لا يجيد التعامل مع الأنثى ! لكن لا تقلقي .. أيا كانت شخصيته فإنها قابلة للتغيير بإذن الله لكن تأكدي أنه لن يتغير من تلقاء نفسه لا بد أن تكون هناك مبادرة منك وإشعار منك بأنه مقصر في جنبك وبدون هذا الإشعار لن يعلم بموطن الخلل فيه بل سيشعر أنه يؤدي واجباته على أكمل وجه !! طالما أنه لم تصدر ملاحظة منك لذلك أختي الكريمة المهمة الآن موكولة إليك وأنت التي عليك الابتداء بها ولتكن البداية برسالة رومنسية من حروف مشاعرك ثم باستدراجه في الكلام المعسول مثلا : إن تأخر اتصاله يوما أشعريه بمدى قلقك عليه وأنك لا تقوين على فراقه ودائمة التفكير به طبعا مثل هذه الجمل والعبارات تكون بالتدريج وفي النهاية لا بد أن تؤتي هذه العبارات ثمارها :) لأنه لا بد أن يبادلك ذات المشاعر ومع مرور الوقت أظنه سيتحسن كثيرا :) أختي الكريمة هذا الرابط سيفيدك كثيرا أرجو أن تطلعي عليه وتأملي في صنيع الأخت صاحبة الموضوع وكيف حصلت على مبتغاها من خطيبها ! http://www.66n.com/forums/showthread...t=%D1%D3%E3%ED |
اختي انا زوجي خجووووووووووووووول لدرجه ماتتصورينها حتى بحفلة الملكة عادو الاغنيه 3 مرات ويالله دخل وهو ماسك ايد امه الله يحفظها من كل شر :28:
كان بأيام الملكه رسمي وقليل الضحك وانسان غريب لكن امي نصحتني ان انا اللي ابدي "ونعم الأم :22: " فتقدمت وقبلته أول قبله على خده وهو منصدم :o واستمريت على هالحاله وهو مستحي وانا اتلزق واتقرب لين طاحت الميانه واكتشفت شخصيته ان دمه خفيف وانسان حنون وطيب ماشاء الله عليه بس انصحج يا اختي لاتسوين مثلي لان لي يومج هذا يذكرني كيف تجرأت وقبلته ومو معترف اني أنثى استحي مثل باقي البنات :( |
لوتجتمع مليون انثى لفهم رجل واحد 00سيعجزون000!!
|
*اختي تنتهام وبس: مشكورة ع المرور بس وش افلامه؟؟؟؟ شرهك على اللي يشوف هالخرابيط !!!!اصلا احسه هالاشياء فطريه بالطبيعه مو لازم افلام وخرابيط...شوفي تعامل الرسول عليه الصلاة والسلام مع زوجاته..قمه في الرقي.. ماللافلام دخل كلن بفطرته.. انا ماطلبت تقبيل وضم وماادري ايش بس على الاقل ابي احس اني بنت.. ان لي اهميه !!
*شاطئ المحبه:كلامك صحيح بس معقوله اسوي كذا طيب اخاف يقول وش هالمطيوره من جد والله حيرني والرابط الله يعطيك العافيه استفدت منه كثير على الاقل حسيت فيه احد مثلي؟ *اختي sub7an allah:مشكوره حبيبتي بس تخيلي كيف اسوي كذا وهو في قمة البرود؟؟؟؟ ماشاءالله عليك تجراتي؟؟؟ وبالنسبه لكلامك في الاخير هذي النتيجه اللي انا خايفه منها لو بديت في اي شي حتى لو بسيط! *كوب كابتشينو: حكمه حلوة واقعيه بس مي حل. |
أختي الحبيبة ... لماذا لم تذكري لنا بماذا يتحدث معك؟ ليس شرطا أن يكون كلامه كله حب وغزل يمكن مستحي أو مامتعود صدقيني أنا زوجي أيام الملكة كل كلامنا مع بعض كان رسمي ومواضيع مختلفة وعن حياتنا بعد الزواج وتفهمنا لبعض وعن الأطفال بعد والله ما متصدقي إذا إنا كنا نتكلم عن السياسة والاقتصاد وكنت خايفة إنه يكون جاف ومايعرف شي عن الغزل والكلام الحلو لكن الحمدلله مع الأيام اكتشفت إنه يموت فيني ويحبني والحمدلله بعد الزواج ما مصر معي بشي ولا بالكلام الحلو والغزل ممكن .. إنتي تفتحين موضوع معه .:عن مواصفات شريك الحياة:. يعني هو يقول: شو يتمنى يكون فيك من مواصفات؟ وإنتي كمان تقولين: شو تتمنين يكون في من مواصفات حلوة؟ ومن خلال كلامك جيبي سيرة إني أحب يكون زوجي بشوش الوجه ومرح معي ومع أطفاله فالمستقبل إن شاء الله وعليك أيضا بالدعااااااااااااااااء لكما بالتوفيق أسأل الله أن يوفقكما لما فيه الخير |
اختي ش و م : مشكورة حبيبتي على المشاركه ... بالنسبه للكلام فهي احاديث سطحيه بحته وممله بعد.... يعني ماتخصني نهاااائيا ولا حتى تخصه.. والله اتمنى يتغير يارب الله يسمع منك...
|
عزيزتي
في شريط لنبيل العوضي اسمه بين قلبين جداااا رائع وصدقيني بيفيدك وبيفده قوليله ابغاك تسمعه وتقولي ايش احلى قصه سمعتها واثرت فيك في الشريط وانشاء الله اكون افدتك |
الالدوز: مشكوره جدا ماقصرتي... ان شاءالله احصل الشريط... الف شكر لك
|
السلام عليكم
اخبارك اختي ها انا رجعت لعيوونك حبيبتي لاتخافين وصدقيني تقدرين تغيرينه انا زوجي مثل زوجك مايحب يعلق مثل زوجك على الشكل ووو صرت لمن يكلمني اقله نفسي اسعدك نفسي اعرف وش تبي واسويه لك اساليه عن الي يحبه من اكل من الوان وووو اذا سالك ليه هالاسئله قولي له عشان احب الي تحبه واكره الي تكرهه لاتكونين لحوحه ولاثقيله خليك وسط اذا كان رايق اساليه كان زعلان ومهموم لاتقولين مايقلي سبحان الله يبان في الاسلوب قولي له ارمي همومك لي وانا مستعده اتحمل اساليه قولي وش تتمنى تكون زوجتك قبل ماتخطبني وش كانت امنياتك والله ياحبيبي موضوع اسعادك شاغلني مثل ماقالوا لك الاخوان والاخوات قبل قولي لي احاديث كثيره اثرت فيني منها قول المصطفى صلى الله عليه وسلم واذكري له حديث وناقشيه فيه اممممممممم ايه تذكرت اكثر شيء حبه زوجي انه عودته اصحيه لصلاة الفجر وبس يقول الو اقله يالله ياعمري يالله ياعيوني وووووو ومن الكلمات الحلوه واقله دعاء الاستيقاظ من النوم بعد كذا مايصلي يتصل علي وهو رايح للعمل فقله اذكار الصباح وهو يرددها وراي وهذا الشيء خلاني اكبر في عينه اكثر واكثر واليوم الي مااقله الاذكار يقعد يعاتبني اليوم وشفيك علي يعني شيء تكسبين منه اجر وتكسبين زوجك به خليكي حيويه مو نكديه يعني اضحكي وامزحي ولاتزعلين اذا قعد يمزح معك غي كذا حاولي تسالين وش سويت بيومك كيف كان يومك هاه بشر ان شاء الله اليوم عال العال ....الخ صدقيني يامارب لو حس باهتمامك فغصب عنه راح يهتم فيك وكل ردة فعل لها ردة فعل مواجه لها الله يوفقك وييسر لك امووووووورك واشوفك مبسوطه مع زوجك ادعيلي والي يعافيك |
سلام يا أخت مآرب
لا تستعجلي يمكن هو مستحي فقط وما هو عارف كيف يتكلم في مواضيع تخصكم انتظري بس الله يوفقك يارب |
**بسمة أمل ** تسلم عيونك ياقلبي والله مشكورة على النصائح.. بس من جد مشكلتي اني ماني عارفه كيف أبدأ وهو جاااااااااااااااااااامد ورسسسسسسسسسسسمي بها الشكل الله يعيني واقدر وماقصرتي حبيبتي
دبة خطيرة: ماقصرتي حبيبتي اتمنى انه يكون مستحي بس متى بيروح الحياء ان شاء الله؟؟؟؟؟؟ وهذا انا اتصفح الرابط الله يعطيك العافيه قلبي |
| الساعة الآن 01:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©