|
أبي مشورتكم.... مشاوير أهل زوجي أهم عنده من مشاويري
ياجماعه زوجي دائما يودي أهله لأي مكان يبونه ولا عمري خالفته بشي بس لمن اطلب اروح لمكان يكونون فيه أهله ياخر شغلي علشانهم يبي يرحون لنفس المكان ولكن ماهو هو اللي يبي يوديهم....
أوضح لكم أكثر يعني طلبته اليوم يوديني لبنده وقال بعد صلاة العشاء لمن جاء المغرب من عند أهله قالي أهلي يبون يروحون لبنده :30: ولد بنتهم أهو اللي يبي يوديهم مو رجلي بس مايبينا نتقابل معهم في نفس المكان وكثير محلات تتأجل الروحه علشان كذا ابي موقف الرجال من هذا الموضوع ورائي النساء... بصراحه انا منزعجه من هالشي كثير بالذات إن علاقتي فيهم طيبه مررررررررره... |
انتي بينك و بين اهله مشاكل و علشان كذا ما يبيك تتقابيلن معاهم ؟؟
|
ماقد سالتيه عن السبب؟
يعني ماقد واجهتيه وعرفتي ردة فعله؟؟؟؟؟ |
شوفي ياعمري بالنسبة انه مايبي يوديك لنفس المكان اللي اهليه بيروحن له..ترى اغلب الرجال كذا وزجي منهم..وصادفت مره رحنا مكان وشفنا اهله فيه وطلب مني نطلع طوالي..انا ماناقشته ليش..
طيب غيروا الاماكن..روحوا لمكان ثاني..مثلا روحي جيان ..كارفور..انا مااحب اروح لمكان والاقي احد اعرفه ..اقصد السوق طبعا.. اما اذا رفض يوديك مثلا لزياة ناس اهله موجودين عندهم اساليه ليه مايبي..قولي ترى الناس يحسبون بيني وبين اهلك فيه خلافات او اني ماابغاهم.. حاولي تعرفين السبب.. |
شكرا على ردودكم بس الحمد لله علاقتنا مع بعض جيده ولله الحمد بس أهو مايحب يقولون يمشي وراها...يلبي طلباتها...مايحب يشوفونه وهوشايل الأغراض في يده او يدفع عربة الولد أو عربة التسوق ...وقتها يحس نفسه سواق وإلا حمار عزكم الله...
|
لا اله الا الله .. فعلاً عقليات غريبه في المجتمع .. يعني الحين صار الزوج اذا خدم زوجته و اهله حمار او سواق !!
فهميه اختي انه في حديث لخير البشر صلى الله عليه وسلم بمامعناه خيركم خيركم لاهله .. يعني نفس ما هم يتقضون ويخلصون شغلهم ونفس ما الوالد كان يخدم الوالده الحين زوجج يسوي نفس الشي .. يعني هل هو صحيح انه اهل زوجك كذا تفكيرهم والا زوجج يخاف انهم يظنون كذا ؟ |
تبين الصراحه كل ذيك العايله غريبه بس ضليمتهم شينه هم ماقالوا كذا على الأقل قدامي بس اهو مايخاف من الكلام إلا لسبب والله اعلم...
بس احيانا لمن كنت حامل وأعطيه بعض الأغراض يشيلها أو لمن أكون مانيب حامل وأقوله شيل الولد يقولون ليش ماتشيلينه انتي ... |
حاولي تفهمينه انه هالشي يضايقك ما اعتقد انه فيها شي اذا رحتوا مكان وشفتوا فيه احد من اهله وما فيها شي اذا طلعتوا وساعدك في حمل الاكياس او في حمل طفلك لانه مثل ماهو طفلك بعد طفله |
عفواً .. مكانه المناسب هنا .
|
وقتها يحس نفسه سواق وإلا حمار عزكم الله...
لاحول ولا قوة الا بالله00000 |
كل شي بالتفاهم يصير
اختاري الاسلوب اللي ينفع باقناعه والله يهديه |
شوفي حبيبتي الرجال قناعات00 وانت لازم تحترمين قناعته00 يعني اذا هو يشوف انه راح تهتز صورته امام اهله ((يااختي قدري وضعه وسايريه00)) ما راخ يضرك شي00
|
لامن جد زودوها هالرجال
تصوري انا قدام اهله مااحب اكلمه اخاف ينطل علي كلمه هذا كبرها بعدين وشلون ارقعها <<< احس انه يتضايق مرة اذا اهله حسوا انه يحبني او يدلعني يقولي موب لازم تلبسين ذهب اذا رحتي لهم ولاتكشخين مرة مع اني مااتحمس ,, مع ذلك ماسلمنا فقد بلغه من رجال كلمه تاكل وتشرب معه من سنين تصوري وش قاله ؟؟ قال فلان يقولون زوجتك راكبه عليك تفصخك وتلبسك على كيفها ؟؟؟؟؟؟؟؟؟؟؟؟؟؟؟؟ والله انه عقبها تغير علي شوي ويييييييين احنا فيه ؟؟ يبونا تنهاوش ونتماعط الشوش قدامهم عشان يرتاحون !!!!!!!!!!!! |
اقتباس:
هههههههههه يحصل كثير مثل هالكلام انا معك والمشكلة إذا صار الرجال يصدق مثل هالكلام ( زوجتك راكبة عليك .. لا تشيل الاكياس في السوق .. امش قدام وهي ورا ) اقول اهم شيء انهم مرتاحين مع بعض وما يهم مين يركب الثاني ههههههههه |
| الساعة الآن 07:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©