|
أكرهها بكثر ماحبها.
سلام عليكم اولا بسألكم هل انا تابع لقسم المتزوجين او لقسم المقبلين على الزواج انا ملكت (عقدت قراني) وابيكم تحددون مكاني ثانيا زوجتي اللي توني قبل فتره ملكت عليها احبها كثير ولكن تزعلني كثير وتوعديني على شي وماتكون قد وعدها بطريقه ذكيه...ومن اهم الوعود ماتقول لا وتطيعني لكن الله وكيلك ومن كثر هفواتها من اولها وضاق صدري كثير بسببها وزعلتني كثير صار بقلبي شي يحرقني احبها انها زوجتي خلاص لكن مادري ليش؟؟؟ أكرها بنفس المقدار. منقههههههههههر ميت قهر على اللي يصيرلي بليز هيلب مي...انقذوني |
مبروووك عليكم اخوي والله يقدم لك اللي فيه الخير.
لكن اخوي معذرة ما فهمت وين المشكلة بالزبط...انت تقول ما توفي بوعودها بطريقة ذكية معاك وتطيعك وما تقول لا.. وتحبها وتكرهها بنفس المقدار..هل هذا معقول؟ |
لا لا لا فهمتني غلط انت
انا شارط عليها ماتقول كلمة لا ابد وانها تطيعيني دايم لكن هي تخلف الوعدين ذي وتبرر بطريقه ذكيه وانا اطق من فعلاتها ذي |
الله يعينك اخوي وانت عشان هذا الشي تحس بالضيق منها..انا برأيي تحاول تكلمها وتبين لها التصرفات اللي تضايقك فيها ..يمكن هي تتصرف بشكل تلقائي او عفوي وما تقصد تزعلك او شي
يا اخوي علاقة الزواج مودة ورحمة واساسها الكلمة الطيبة والله يوفقكم |
اسمحلي الغلط منك ايش اللي شارط عليها ما تقول لا
لو مو عاجبها تقول اي نعم عاجبني يا اخي اذكر الله و الغي هالشرط |
اقتباس:
والله زوجتك او خطيبتك دي مرررررررررررررره شكلها طيبه وتحبك زياده عن اللزوم لو انا جاني زوجي واحنا لسى كمان في ايام الملكه يعني قبل الزواج ويشرط عليه اني ما اقوله لا :( اقوله ........ واللي جابك يجيب غيرك (كخخخخخخخخخخخخخخخخ) واقوله سرحني باحسان لان حياتنا اذا هادي بدايتها فحتصير جحيم واقوله روح اتزوجلك وحده كمبيوتر او اله مالها حق تقول لا وتمشيلك كلامك كله وزي ما تبرمجها تعمل:30: ولا اتزوج وحده خرساء علشان ما تقدر تقولك لا معليش لا تزعل من كلامي واحمد الله ان زوجتك بتحاول تطيعك في حاجه اصلا ماهي من حقك وانا كمان احمد الله على زوجي الله يخليه ليه عمره ما عاملني اني اقل منه |
ما تبيها تقول لم لا
و تنقهر انها ما تقولها لك والله ما عرفنا لكم شكلها ماتبي مشاكل معاك ولا تبي تعور راسها و من آخرها تقول لك ان شاء الله و بعدين تسوي اللي تبيه اهي وهذي الطريقة الصح اللي المفروض هي تسويها وثانياً يا اخوي هي مو عبده عندك علشان ما تقول لك لا انتوا زوج و زوجه يعني شريكين في الحياه لازم تسمع رايها و مفروض ما تمنعها من انها تقول رايها بكل صراحه مو ترعبها من البدايه اذا ما اتفقتوا على شيء يا اما هي تقنعك او انت تقنعها بس اسلوبك ابداً مو حلو و لو انت من النوع اللي تحب تسيطر و تنفرض كلمتك فوق كل شيء فاللي تسويه زوجتك عين العقل |
ياخوى هذا مو اسلوووب .... |
الف مبروك والله يسعدكم:14:
بس لاتزعل من كلامي شرطك هذا معناه تبغى زوجه امعه وعفوا على الكلمه لكن الحياه بينكم مارح تكون عقد مدة سنتين لازم تنفذ ماهو مطلوب منها حتى انتها مدة خدمتها ولو اردت ان تطاع فامر بالمستطاع |
ماشاء الله عليها اللي تقدر تتخلص منك بطريقة ذكية والله ........زمن جد اجل في احد يبي يصير اله بس يهز راسه هذايدل انها ذكية وتحبك
عفوا راجع نفسك |
اقتباس:
:22: :22: ; كلام عين العقل وسليم وانا مع ام مهدي |
الاشراف:ينقل إلى مكانه المناسب
|
ما شاءالله عليك داخل بقوة عالبنت
طيب انت زعلان منها لأنك ماتبيها تقولك لا؟؟؟!!!! مافكرت كيف ردة الفعل او الفكرة والإنطباع اللى راح تاخذه خطيبتك عنك يوم شرطت عليها ماتقولك لا وانتوا الى الان ماجتمعتوا فى ظل الزواج ولا ضمكم بيت واحد مقابلين بعض 24 ساعه 7 ايام فى الاسبوع ؟؟؟؟؟؟. |
........
|
الاشراف
نرجو من الجميع إسداء النصيحة بالكلام البعيد عن الاساءة والتجريح عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ...) رواه البخاري و مسلم . |
اقتباس:
السلام عليكم ورحمه الله وبركاته ، ، أسمح لي أقول هذه دكتورية أنك بتقول نعم سواء كنت على أو باطل لذا عد التفكير في الموضوع |
أخي ؛؛؛؛
زوجتك تحبك كثيرا ولهذا وافقت على شرطك وهو عدم قول كلمة ((( لا ))) اخي الحياة الزوجية تقوم على الاحترام والمودة ان كانت هى تحترم رغباتك وانت تفرض الشروط عليها وتقول لك نعم وتوافقك الرأي وهي من داخلها غير مقتعة الا تري اخي ان هناك تناقض بين الرأى الداخلى لزوجتك وبين تأيدها لك في الكلام اخي يجب ان تحترم انت ايضا وجهة نظرها لانكم روحا في جسد واحد اتمني ان تفهم قصدي |
اقتباس:
(متى استعبدتم الناس وقد ولدتهم أمهاتهم أحرارا) حرام عليك يا رجال , ليش كل هالظلم والتعصب ؟؟ وليش كل العصبية !! ليش تبيها توافقك الراي في كل شي !! وتسمع لك وتطيعك وعينها مغمضة ؟ معقوولة ؟! معقوولة ما تعطيها مجال تتناقش معاك ؟! معقوولة رايها ماله اهميه بالنسبة لك ! معقولة تجبرها على شي اهي مو مقتنعه فيه ؟؟ آنه مستغربة منك ... انت الي متجبر عليها , وهم تشتكي منها ؟؟؟ حرام عليك , والله حرام , خاف الله فيها ناقشها حاورها ,, اشدراك , يمكن تقنعها وجهة نظرك ويمكن اهي تقنعك ؟ مو عيب اذا اقتنعت بكلامها , بالعكس اشحلاة التفاهم بين الزوجين .. وبعدين ما تقولي , شنو الفايدة اذا زوجتك سوت شي غصب عنها واهي مو مقتنعه فيه ؟! الله يهديك , ويصبر زوجتك عليك ومسامحة اذا قسيت عليك , |
الله يسعدكم ويألف بين قلوبكم
اخي الكريم 1\\ تحب تكون زوجتك تعطيك الشي وهي راغبه ام مغصوبه؟؟ تحب انها تقبلك وتحضنك بلهفه واشتياق او انها مغصوبه عشان وعدتك ماتقول لأ؟؟ 2\\ هي راح تصبر في الفتره الاولى وعادي لكن ماراح يستمر الوضع 3\\\ اعطيها فرصه تتمنع وتتدلل عليك هذي طبيعة المرأه لاتسلب لها حقها تحب انها مرغوبه وليست معبوده 4\\ استهدي بالله اخي الكريم وانسى هذا الشرط وقولها حبيبتي لازم نكون متفاهمين ونعبر عن مشاعرنا بالقبول ام الرفض ولازم بينا حوار ونقاش بأسلوب راقي اخي الكريم هذه فرصتكم بتحديد اساسيات حسرتكم ثقف نفسك وزوجتك بأساليب وفنون واصول الحياة الزوجيه يوجد في محلات التسجيلات والمكتبات الكثير الكثير من الكتب اوCD او الكاسيت ويمكنك اهدائها لزوجتك وحتى انت تسمعها ستشعر بالفرق سريعا واخير اسأل الله العلي العظيم ان يألف بين قلوبكم ويحنن قلوبكم على بعض |
اخوي متل مانت الك رأي هي كمان مخلوق والها رأي وزي مانت بتشوف الشي صح ممكن هي تشوفو غلط وبالعكس ايضا زكما يقال الخلاف لا يفسد للود قضية مافي شي بالدنيا اسمو ماتقول لأ انت مو متوزج انسان الي بس المهم مايعمل تعارض الاراء بينكم مشكلة حاول تقنعها برأيك بطريقة حلوة وبأسلوب وزي ماانت بتقنعها بأسلوب حلو اكيد هي كمان رح تجرب تقنعك باسلوب حلو وممكن تتفاهمو الحياة فيها كتير وقليل حاولو تكونو دايما متفقين لحى تقدرو توقفو بوج الحياة ومصاعبها الله يوفقكم يارب
|
يانااااااااااس فاهمين غلط انتم
انا مابي اتامر عليها وانها عبده عندي ولا كمبيوتر شفيكم؟؟ انا اقصد بلا يعني لمى اطلبها جواله ماتقول لا لمى اقولها بزورك ماتقول لا لمى اطلب منهنا تطبخلي ماتقول لا الحاجات هذي اللي ماشاء الله عالبنات محترفات بكلمة لا فيها ولا بالحياه الزوجيه هي اغلى من روحي وهي تدلع علي تاخذ راحتها ما اغصبها وخلها وقتها تقول لا .... ماتسترجي ولا تتجرأ...صح يابنات؟؟ احس انس سببت ازمه وردودكم قصف مكثف وعشوائي وانتحاري....سامحوني بس مره متهجمين انتم ! |
:d:d
قصف عشوائي:d الله يسعدك يارب ولايغير عليكم اخي الكريم حتى في الطبخ اذا مالها نفس تطبخ لاتضغط عليها راح يطلع الاكل مو طعم:( صدقني انا مع اخواني كذا حتى لو اعمل لهم بيض تخيل بيض كنت اعملها من غير نفس او تعبانه ومالي خلق اعمل بيض والله العظيم يطلع البيض موطعم ولاياكلونه فصاروا قبل مايطلبون الاكل يسألوني انت رايقه لك نفس تسوين لنا بيض؟؟:d طبعا انا عودتهم لما اكون رايقه راح اطبخ من غير تردد لكن من اول مااقول ماابغا اعرفوا اني فعلا ماابغا (( تعبانا )) فانت خذ الموضوع ببساطه ولاتكرهها على شيء بسيط مثل كذا الحياة ابسط من كذا توكل على الله وتعوذ من الشيطان ولاتجعل الشيطان يستغل الفرصه عشان يوسوس لك ويزرع الكره في قلبك اتجاهها الله يألف بين قلوبكم ولايغير عليكم يارب |
اقتباس:
هههههههههههه ضحكتني شايفنا ساحة معركة |
اقتباس:
انزين مثل الشي ! :( ليش ماتبيها تقول لا ؟!! اهي مو إنسانة من حقها تقول لا , وتعبر عن شعورها ؟ يمكن حزتها تكون تعبانة , مالها نفس , وغيرها من الأسباب ... ترى هي (زوجة) مو (خادمة) :29: المفروض انت تتفنن في طريقة عرضك لـ طلبك لها .. بالأسلوب الحلو والدلع , مستحيل تقول لك لا حتى لو كانت ميته تعب :22: |
والله عجيب أمركم يالرجال .. انت تبا تكلمها بالجوال طيب يااخي بس هي يمكن ماتقدر! يمكن عندها ضيوف ، يمكن حد تعبان معها ، يمكن بمكان مايسمح لك تكلمها " السوق " مثلا ..يمكن مريضة انت تبا تزوها .. طيب ياخي هي بعدها ببيت أهلها ... يمكن أهلها يتضايقوا من زياراتك ؟؟ يمكن فيه احد يزورهم وهي تبا تاخذ راحتها معك .. يمكن محد بالبيت وهي جالسة بروحها انت تبا تطبخ لك ... طيب يااخي ؟؟ مافكرت انه مثلا هي تعبانة ... أو المواد ماموجودة بالمطبخ وتستحي من أهلها ؟؟ أو مشغولة بشي مهم كالدراسة وماعندها وقت ؟؟؟ يااخي إذا تريدها تحبك أكثر ... قولها ابي كذا ... وخلها تعبر عن رايها.. يمكن أنت تقتنع يااخي الحياة الزوجية شركة مب أوامر ... الله يعزنا بيوتنا مب عساكر للجيش .. الله أمر تكون بينا مودة ورحمة حاول تثقف وتقرا عن الحياة الزوجية |
اخوي ..
دامكم باقي في فترة الملكه .. يعني انت في بيتكم وهي في بيت اهلها .. لاااااازم انك تراعي ظروفها .. انت ماتدري عن ظروفها في بيت اهلها .. يعني اذا رفضت زيارتك مره معناها انها ما تطيعك وماتسمع كلامك او ما تبغى تقابلك !! حاول تقدر شوي وتراعي ... |
تعرف لو انه زوجي في الملكه قالي جيه
وكرهني بس لاني قلت لا كنت اقوله باي باي من زمان اذا ابويي معلمني انه لي راي واذا ما اقتنعت بشي اقول لا !!!!!!!!!! والله عجايب اخوي صدقني انت عقب بتمل بتمل من انه زوجتك طول الوقت حاضر حاضر حاضر ما في نقاش تبادل وجهات نظر؟! افففففففف ما اتخيل اعيش جيه!!!!!!!!! |
مالك حق انك تقول لها هالشي .. يعني البنت تحب انه زوجها يوجهها او يقولها سوي هالشي ولا تسوي خصوصا وقت الملكه .. ويحسسها انه يخاف عليها ويغار عليها ومسؤل عنها .. بس مو بهالاسلوب يعني لو انك خليت كل شي بوقته احسن يعني الموقف اللي تبيها ما تسوي فيه شي معين او تسوي شي .. قول لها بطريقه حلوه .. وبتمشي زي العسل اما انك تقول لها .. لازم تطاوعيني وما تقولين لا !!!!!!! حتى لو بتسوي .. ما بتسوي .. وبتقولك انشاءالله .. وبعدين بتمشي اللي تبي تسويه هي ! .. ومعاها حق ! |
| الساعة الآن 06:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©