|
تاج راسي تبكي ... ايش الحل ؟؟
بسم الله الرحمن الرحيم
والله تعبت منها ايش اسوي ايش الحل ابي اسافر بعد كم يوم علشان اعيد عن الوالده وهي تبي تجلس هنا تعيد عن اهلها وكل ما جبت سيره السفر جلست تبكي تقول لا تروح واذا رحت لا تطول يوم واحد بس هي تحبني مووووووووووت انا عارف بس لازم اروح لوالده عيده عندها ايش الحل والله العظيم صرت ابكي معاها وصرت اتجنب موضوع السفر ما تكلم قدامها وتقول ما تبي تترك البيت تبي تجلس فيها لحالها ما يصير هذا الكلام احنا من زوجين تقريبا من اربع اشهر ايش الحل |
يجنن العنوان
الله يخليكم لبعض يارب الحل انها تسافر معك تعيد وترجع عادي اقنعها |
من هالحين عودها تروح معاك عند الوالده وتعيد معاك
وبر بامك لانها جنتك ونارك وشوف غيرك اللي ما عودوهم من البدايه وش صار فيهم بها المنتدى وبرائي تعيدوا مره هنا ومره هناك بس مافيها شي لو حتى راحت معاك مرتين بالسنه عند الوالده والله يسر لكم الخير ويخليكم لبعض |
هي راحت معي في عيد الفطر
وقالت ابي هذه العيد عند اهلي ولو اني اصريت على رائي انها تروح معي لكانت راحت بس انا قلت خلها تعيد عنده اهلها هذه المره |
ياناس توكم متزوجين غيروا عاد
توكم متزوجين يعني الوحده تروح مع زوجها ما مداها تمل وبعدين ارجعوا وعيدوا مع اهلها |
ممكن تعيد مع اهلها فى يوم لوحدة ومع اهلك فى يوم لوحدة
|
ماشاء الله تبارك الرحمن الله يخلي لك تاج رأسك ويوفقكم دنيا ودين بس هاااااا كله إلا الوالدة لا تثنيك عن العيد عندها أبداااااااااا إذا ماحبت هي تروح معاك وتبغى عند أهلها ومن أخلاقك الطيبة وافقت لها فلا تخليك تقعد معاها وتترك الوالدة هي جنتك ونارك وفرحتها بالعيد بوجود أولادها حولها كبيرة ومصيرها زوجتك تعرف كذا إذا خلفت بإذن الله ولاتخاف ترى مابتجلس زوجتك في البيت لوحدها هي بس تقول كذا علشان تحزنك وتقعد معاها وإذا أصرت وجلست خليها على راحتها لانها لازم تعرف إنها ماراح تقدر تثنيك عن العيد مع والدتك الله يحفظها وبموقفك هذا معها بتعرف زوجتك وبتعطيها درس إن والدتك أهم شيء بالدنيا ومافي شيء في الدنيا ممكن يخليك تتركها حتى دموع زوجتك تحب زوجتك نعم ماقلنا شيء ولكن والدتك أهم. |
العنوان بيعقد ادعي الله ما يقراه رادع:)
ما بعرف ليش وأنا عم اقرا موضوعك اجا ع بالي هيك إثنين عصافير عم يغنو:d :d خزيت لعين حولكم والله يحفظكم من العين الله يصلح الاحوال ويهدي النفوس ام وليد |
العنوان روعة روعه الله يهنيكم
بس اقول لك شي ولا تزعل الله يخلف على قليبك واقول شي ثاني ان شا الله تتعلقون ببعض اكبر واكبر واكبر نصيحة لوجه الله : ارجو قراة مقالي لحظة من فضلك هل اطلقها \مع عدم الازعاج\ بس عشان تنتبه الطريق يخوف ؟؟؟؟؟؟ |
قراءة موضوعك
وشكرا لك |
العنوان خبال.. ماشاء الله عليكم الله يهنيكم ..
اسمعني ياخوي... روح عند اهلك اول يوم .. وبعدين روحو انتو الاثنين لاهلها .. تخيلو روحكم .. داخلين طالعين مع بعض.. ماشاء الله عليكم .. الله يهنيكم ... فهمها شوي شوي |
اقتباس:
بين اهلي واهلها 1000 كيلو ما ينفع ابدا ما ينفع |
خلاص عيل ... اقنعها اتروح معاك لاهلك .. قول لها انا اصلا لازم اروح هالعيد .. وقول لها انا اصلا ابيك معاي... مابي ادخل بروحي... ابي زوجتي معي.. حسسها بأهمية .. جيتها معك ..
وادعولي انا بعد .. ارجع لزوجي حبيبي.. واعيد معه |
الله يهنيكم مع بعض ويرزقكم بالذرية الصالحة
|
أخي الحبيب ولد جدة ( أهل الرخا والشدة ) ..:d :d امك ثم امك ثم امك ثم امك .... وما فيك خير لو صدتك زوجتك عن امك ..... عودها من الآن على صلة رحمك وانت صل رحمها ... لازم تقوي قلبك شوي ... مع الأيام راح تضطر لمفارقتها بسبب ظرف طارئ .. هل ستبكون وتبكون وتبكون ثم تنامون .. :25: :25: صحيح أن الفراق صعب وخصوصا بين الأزواج الاحباب ( أما غيرهم فسهل جدا :26: :26: ) ... ولكن الفترة قصيرة وفيها تعويد لها .... خذها معك ولا تتركها ... وقنعها بالكلام اللين حتى تستريح في الأخر ... أسأل الله أن يزيد قلوبكم تأليفا .. ونفوسكم توليفا ... وان يحفظكم من عيون الحساد ... دمت بحفظ الرحمن ... |
هههههه
أنبسطوا من العنوان بس تبي الصدق عنوان الموضوع ..رووووووووعة الله يخليكم لبعض .. الوالدة يارعاك الله حقها من أعظم الحقوق بل هو أعظم الحقوق عليك بعد حق الله تعالى والي فعلته زوجتك من زود حبها لك ... أعانها الله على فرقاك ... ورقكما الذرية الصالحة |
الله يعينك ويعينها فراق الاحباب صعب
بس كلنا كذا ايش نسوي روح لاهلك وعيد معاهم بس لاتنساها كلمها دايما وارسلها مسج راح يخفف عنها كثييييييييييييير ويصبرها على فراقك |
من التي أنجبتك وسهرت الليل على راحتك وأرضعتك حولين كاملين.. أمك.. اذن بر الوالدين من أهم الأشياء التي أوصانا بها ديننا الحنيف.. الكل يحب عائلته ويفضل أن يكون عيده معهم لكن هنالك الأهم فالمهم.. هنالك واجبات تجاه أغلى الناس لايمكن أن نتجاهلها لأجل دمعتين وحبيتين دلع.. لأهلك عليك حق فلا تنسى ذلك..والمرأه تتبع زوجها وان لم تعينه على الخير وتحثه على فعل الطاعات فاسمح لي لاخير فيها (حب لأخيك ماتحب لنفسك)يجب أن تتعود على فكره أنك لست ملكها لوحدها فوالدتك أطال الله في عمرها
شريكه أساسيه ومن حقها عليك أن تزورها وتطمئن عليها.. أنا لاأقول لك اصرخ وعاند وكن سي السيد لا فهذا الأسلوب ماهو الا من القرن 19 ونحن في الألفيه الثالثه لكن يجب أن تكون واضح وصريح وتتكلم وتتناقش معها بتهذيب واحترام وكثير من الصبر وتفهمها وجه نظرك بدون تجريح..أنا لي 6 سنوات لم أقضي العيد مع زوجي دائما عند أهلي لظروف دوامه مع ذلك اهتم لأن يعيد على والدته قبلي وقبل الذهاب للعمل وعلى أخواته والحمدلله بأنه يعيد على ست الحبايب قبلي فمن فيه خير لأهله بالـتأكيد سيكون فيه خير لي ولأبنائه وبالتأكيد سيأتي اليوم الذي نحصد فيه ثمره برنا في أهلنا لنراها تتجسد في أبنائنا... عيد الفطر الماضي كان العيد الأجمل لأني كنت معه حينما ذهبنا لنقضي العيد مع ست الحبايب حفظها الله لنا لو ظروفنا تسمح ولو لديه متسع من الوقت كنت أذهب معه كل عيد لأهله لكن الوقت ضيق بالكاد يكفي لوالدته وأخواته.. دمتم بخير وكل عيد وأنتم بصحه وعافيه.. |
الله يخليكم لبعض00 ياسيدي خذها معاك وخل الفراق والبكى لوقت ثاني00 الله لا يجيبها 00ويسعدكم يارب00
|
السلام عليكم....
أنا مع الأخت عطر المدينه.... لاتتراجع عن سفرك لوالدتك .. ولكن بما أنها سافرت معك في عيد الفطر لاتحرمها من العيد مع أهلها... وصدقني ستعتاد وتنشغل بالزيارات والاستقبال لاتنسى أنها عروس جديده وأول عيد لم تعيد مع أهلها... واذا كانت ترغب بالسفر معك ... الحمدلله خير وبركه... وحاوال انك ماتتأخر عشان انت كمان تعيد مع اهلها صدقني الامور بالسياسه تحل والله يبارك لكم في بعض |
الله يخليكم لبعض ويحميكم من كل شر ويتمملكم على خير حاول ترضي الطرفين امك وزوجتك يعني نص العيد عندهم ونص العيد عند اهللك وقول لزوجتك الله يجعلها اكبر المصايب:)
|
نصيحتي تسافر معاك وتكون بجوارك وتبر بأمك وأهلها لاحقة عليهم
|
عسى ربي يسعدكم ..
الزوجه تكون مع زوجها .. عودها على هذا الشيئ .. قسم اجازه العيد .. اول عند اهلك وبعدين عند اهلها .. أميرات .. |
| الساعة الآن 03:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©