|
أخر موضوع لي وهديتي لكم قبل الرحيل .....(تورتة الدخن بالتمر).....أم جمانة
http://www.14noor.com/forum/uploads_...tled-14747.gif http://img34.picoodle.com/img/img34/...3m_5d7c2b9.gif كنت يوم الأربعاء عند جدتي وأحضرت أختي كتيب عن محل لبيع التمور عارض منتجاته واستوقفتني صورة كيكة بالدخن محشية ومزينة بالتمر وصار نفسي فيها وبعد مافطرنا فطور جماعي المغرب وتقهوينا راحوا أخواتي لمشوار وهم راجعيين مروا على المحل واشتروا الكيكة وفرحت :23: لأني من عشاق التمر وأي شيء فيه تمر وأحب المأكولات الشعبية وكان شكل الكيكة رووووووعة ومشهية بس الطعم كان ....:( ...الحمد لله على النعمة الظاهر دقيق الدخن كان قديم أو شيء وقررت اليوم أسويها وأنزلها لكم توديع مني لكم في هذا القسم على أمل اللقاء بإذن الله بعد الحج وسويت بحث في النت وطلعت الطريقة وسويتها وطلعتhttp://www.66n.com/forums/images/icons/icon49.gif ياحبك للقرقرة ياأم جمانة خشي في الموضوع وخلصينا:( طيب طيب أعصابكم عليّ ....كلها يومين وأغيب وتدورون عليّ وتقولون وين أيام أم جمانة ويازين قرقرتها تفضلوا إليكم الهدية بالخلاط نخلط بيضتين + ثلاثة أرباع كأس سكر + كأس حليب بودرة + كأس زبدة أو زيت + فانيليا + ملعقة كبيرة أكل باكنج باودر وبعد أن نخلطها لدقائق بالمضرب الكهربائي نضيف كأسين دقيق دخن + ثلاثة أرباع كأس ماء ثم نصب نصف الخليط في صينية الكيكة ونحضر تمر منزوع النوى ومهروس أنا أستخدمت الجاهز ونعجنه بزيت (ممكن زيت عادي أو زيت سمسم وهو اللذي أحبه مع التمر أو زبدة مذابة) ورشة هيل ناعم ونفرده بفرادة السمبوسة (النشابة) على شكل الصينية ثم نضعها فوق الخليط كحشوة باقي خليط الكيك نضيف له ربع كأس ماء ونخلطه ونصبه فوق التمر ويخبز في الفرن وضعت في الخلاط التمر المهروس وأضفت له قليلاً من الماء وزيت وخلطته بالخلاط لكي يصبح لين كالكريمة وأتحكم في فرده على الكيكة وفردته فوق الكيكة من كل جهاتها ورششت وسطها بالفستق وزينت أطرافها بأنصاف التمر وزينته بهذه الطريقة التي رأيتها في الصورة. http://www.up07.com/up8/uploads/7c4aecd898.jpg هذه من الأعلى http://www.up07.com/up8/uploads/d70218dc26.jpg وهذه من الداخل http://www.up07.com/up8/uploads/e0144fa3c8.jpg وهذه أرسلتها لأم زوجي http://www.up07.com/up8/uploads/4b9f12c684.jpg وكان عند أم زوجي سلفتي ونزلت سلفتي مباشرة ومعاها دفتر وقلم علشان تكتب الطريقة وقالت لي : هيا بسرعة الطريقة:17: وقلت لهامن باب المداعبة : مو معطيتك الطريقة خلوني أنفرد بشيء لوحدي كل شيء أسويه تنافسوني فيه هذه اسبشل فور مي::14: عسى بس عجبتكم أم جوجو |
الصراحه الصراحه الصراحه
مرررررررررررررررررررررررررررررره عجبتني يعني ما شاء الله تبارك الله شكلها زي الجاهز :22: :22: الله يخليكي و يسلم ايدك ان شاء الله بسويها قريبا بس بعد انفلونزا الطيور ما تروح:24: :24: :24: الله يرجعك بالسلامه ان شاء الله حبيبتي و يخليكي لنا انتي و قرقرتك اللي زي العسل و ما في منها اثنين تحياتي حلا الايام |
هلا بأم عبدالرحمن شرفتيني أول رد ردك وشفت ردك هناك وتشرفت بكنيتك الله يحفظ لك عبدالرحمن وبعدين أنتِ وين ساكنة علشان كذا خايفة من انفلونزا الطيور؟؟ يااختي سمي الله وتوكلي وسوي الإجراءات والإحتياطات اللى علمونا إياها ومافيكم إلا الخير بإذن الله كلنا نأكل بيض ودجاج والحمد لله لإنهم يقولون الدجاج الحيّ هو الخطر والأن منعوا حتى محلات الدجاج الحي اللى بجنبا وخلوهم كلهم يبيعوا دجاج مبرد والله خيراً حافظاً سويها وقولوا بسم الله الذي لايضر مع اسمه شيء في الأرض ولافي السماء وهو السميع العليم ولاتحرمين نفسك من التورتة تراها لذيذذذذذذة.....(أغريها):17: ألف ألف شكر لتشريفك |
هههههههههههههه
اذا كان عليا يا قلبي فانا مشتهيه اسوي حلا و بالذات كيك صارلي كم يوم بس اهلي ( زوجي و امي و ابوي ) ما يرضون انا بجده ليش انتي وين عشان تاكلوا دجاج عادي ؟؟؟ اللي فهمته انه صارت بالرياض و جده ( اظن ) تحياتي يا قلبي |
ونحن مثلكم من أرض الرخاء والشدة وعادي نأكل كل شيء ولله الحمد والله يستر علينا وعليكم وعلى جميع المسلمين ةويحفظنا بحفظه من كل شر ومكروه
|
آآآآآآآآآآآآآآآآآآآآآآآآه يا ام جمانة شهيتيني على الكيك :23: لي كثيييييييييييير ما سويت لما ينزل سعر البيض اسويها :30: :30: تسلم ايدك |
شكلها روووووووووووووووووووووووووووووووووووووووووعه
الله يعطيكي العافيه بس للأسف أنا والتمر مو أحباب ما نعرف بعض الا في رمضان الله يردك ساااالمه غااانمه بإذن الله .. تقبلي تحيااااتي .. |
بصراحه مره روعه ماشاء الله عليك
بغيت اسلك ياعسل اانا لمى اسوي الكيك ينفش واشوفه مره منفوشه بس اول ما اخرجها من الفرن تجلس دقايق وتنسم على ول وتسير نحيفه ايش الاسباب ياريت تفيدني |
ما شاء الله تبارك الله ابداع الله يعطيكي العافيه
سؤال بسيط هل يمكن الاستغناء عن البيض |
ما شاء لا قوة إلا بالله عيني عليك باردة يا أم جمانة شكل الكيكة امممم يجنن تسلم يمناك يالغلا وصوم مقبول والله يتقبل طاعتكم وما أوصيك تدعين لي بالذرية الصالحة وإنتِ تفطرين وعندي سؤال يا أختي بارك الله فيك .. شو هو دقيق الدخن ؟؟ وكيكتك:22: :22: [blink]تستـــــــــاهل التميز [/blink]:22: :22: وبجدارة:17: والله لا يحرمنا منك ولا من أطباقك اللذيذة ويعطيك الصحة والعافية |
الله يرخص الأسعار في كل بلاد المسلمين يا الهدى10 وتسوين لنا أحلى الكيكات ألف شكر لتواجدك الحلو hanooonah في أحد مايحب التمر؟؟؟؟....طعام الفقير وحلوى الغني وزاد المسافر والمغترب اللهم آآآآآآآمين لدعوتك وألف ألف شكر لطلتك البهية ام السوسه شوفي ياام السوسه ....بس ليش لقبك هذا !!!!! متبنية سوسة......... .؟؟؟؟ أولاً اخلطي الخليط بالخلاط الكهربائي وابدائي بالبيض والسكر وخليهم يخلطوا دقائق وبعدين اضيفي بقية المقادير بصراحة أفضل شيء الخلاط اللى معاه زبدية خاصة للخلط تتركب فيه يريحك من مسكه ويعطي نتائج حلوة والدقيق والباكن بودر أخر شيء ولاتكثري الخلط بعدها وخليه على أقل درجة والأفضل بيدك بملعقة خشبية تخلطي الدقيق ولاتكثري باكن باودر ملعقة طعام أو ملعقة ونصف تكفي ولازم يكون الفرن ساخن قبل ماتحطي الصينية وإذا دخلتيها الفرن ماتفتحي باب الفرن إلا بعد ماتنفش وتتحمر من الجوانب ودرجة حرارة الفرن خليها متوسطة يعني 170,180 درجة تكفي علشان تستوي من الداخل وإذا تحمرت من كل جهة ومازالت نية من الداخل حطي على وجه الصينية قطعة قصدير وخليها عشر دقائق في الفرن وإذا كل هذه الطرق مانفعت معناه المشكلة في فرنك يمكن مايوزع الحرارة تمام جربي سويها في فرن ثاني وشوفي النتيجة ألف شكر لتشريفك الممتع مزون الليل الله يعافيكِ ويبارك فيكِ بس ماأعتقد بتصير كيكة لو مافيها بيض...!!!!...كيف بتنفش؟؟؟ بس تصدقي بعد ماكتبت ردي لك قلت خليني أسوي بحث مرة ثانية يمكن أحد سواها بدون بيض وفعلاً لقيت موضوع وحدة مسويتها بدون بيض وهذه مقاديرها : كاس دقيق دخن ...تلاقيه عند محلات طحن الحبوب 1ملعقة اكل كبيرة باكينغ بودر 1كاس سكرعادي مو شرط مطحون 1ك حليب بودرة 1كاس ماء 1كاس زيت بس نقصي منه شوية بحيث يكون الكاس ناقص شويتين لكن مايوصل للتلات ارباع يعني اعلى شوي والطريقة نفس طريقتي بس لاتسي تزيينها لإن كل المواضيع كيكة الدخن عندهم بدون زينة ماعدا كيكتي مزينة مثل العروس. ألف شكر ويارب تعجبك. ياهلا فيكِ ونورتي الموضوع |
يسلم هالديات ست أم جمانة
ويعطـيك العافية أم وليد |
تسلمين ياقلبي اولا
انا ام السوسه علشان حبيبي الصغير دايم اقوله سوسه جت ببالي وانا اسجل قلت يالله امه والله الكيك سالفته معي سالفه :( اسويه بالخلاط ونفس طريقتك وجربت اغير الفرن بس مدري وش بلاه لاكن راح ادقق اذا سويتها وان شاء الله قريب بكره او بعده وبقولك النتائج على العموم مشكوره ياعسل وان شاء الله ترجعي لنا بالسلامه ولاتنسي الدعاء اللي موصيتك وحده مصلحجيه ههههههههههههههه:d :d |
شمعة الجلاس2005 نورتي الموضوع ياشمعة ألف شكر لتميز الموضوع والله يجعلك من المتميزين دنيا وأخرة المرة هذه سبقتي مستكة وأخذتي الدعوة مني قبلها....لكن والله بعد هي تستاهله الله يسعدها ويسعدك دنيا ودين أما الدخن فهو نوع من الحبوب يتم طحنه مثل الدقيق بس لونه رمادي تقريباً اسألي عنه عند الطاحون وبتلاقيه بإذن الله أتمنى تجربيها ونشوفها قريباً ألف شكر لإنارتك الموضوع سلامات ياقلبي ويعافيكِ ويسعدك دنيا وأخرة ياأم وليد وإذا عندكم في غربتكم دقيق دخن جربيها لإنها مفيدة في البرد نورتينا ياأم وليد ام السوسه بإذن الله تزبط معاكِ سمي الله وجربيها بسرعة قبل ماأروح أبغى أشوف النتائج بس تأكدي غن تاريخ الباكن باودر جديد ومو منتهي وأبشرك بإذن الله ماراح انسى الدعاءلإن دعوتك مكتوبة عندي ستة أسطر في ورقة بأخذها معاي فيها كل دعواتكم واسمائكم .....وبضيف لها دعوة إنك تزبطي الكيك نورتيني مرة ثانية وبإنتظار تنوريني مرة ثالثة بصورة الكيكة |
ما شاء الله شكلها رووعة..
لكن حبيت أسألك بتنفش الكيكة عادي حتى مع وجود طبقة التمر بالنصف؟ |
أهلين وسهلين بفنانة المطبخ أجنحة الأمل طبعاً بتنفش والدليل الصور أمامك مباشرة من الفرن إليكم ألف شكر لتشريفك |
شكلي برسل لك يا أم جمانة أم عبدالله تاخذ عندك كوووورس
الله يعطيك الف عافية وترجعين بالسلامة |
ما شاء الله عليكي
حبيبتي تسلم الايادي و ان شاء الله يتقبل منكي صالح الاعمال و لا تنسي تدعي لامي تحياتي |
ماشاء الله شكلها خطيره
تسلم الأيادي يا أم جمانه الله يعطيك العافيه . |
السلام عليكم
ماشاء الله تبارك الله روعه تسلم الايادي يارب وحج مبرور وسعي مشكور ولا تنسيني واهلي من صالح دعائك تحياتي |
[CENTER][QUOTE=(أم جمانة)]
بالخلاط نخلط بيضتين + ثلاثة أرباع كأس سكر + كأس حليب بودرة + كأس زبدة أو زيت + فانيليا + ملعقة كبيرة أكل باكنج باودر وبعد أن نخلطها لدقائق بالمضرب الكهربائي نضيف كأسين دقيق دخن + ثلاثة أرباع كأس ماء ثم نصب نصف الخليط في صينية الكيكة ونحضر تمر منزوع النوى ومهروس أنا أستخدمت الجاهز ونعجنه بزيت (ممكن زيت عادي أو زيت سمسم وهو اللذي أحبه مع التمر أو زبدة مذابة) ورشة هيل ناعم ونفرده بفرادة السمبوسة (النشابة) على شكل الصينية ثم نضعها فوق الخليط كحشوة باقي خليط الكيك نضيف له ربع كأس ماء ونخلطه ونصبه فوق التمر ويخبز في الفرن بس حبيت أسأل ......... هذا الدقيق من وين أجيبه ؟؟ شو لنه ؟؟ وشكله ؟؟:d أخاف أخربط والمضرب الكهربائي ............ ضروري :d مااتذكر إذا شي في البيت أو لأ وتسلم ايدك يا أم جمانة .......... حمستيني للطبخ:22: |
ماشاءالله تبارك الله
مبدعه كعادتك وبصراحه شكلها مررررره حلو زي الجاهز تسلم الايادي بصراحه حنفتقدك ونفتقد اطباقك المميزه وان شاءالله اطبقها واوريك هيا بعد ماترجعي بالسلامه وياليت تدعيلي في الحج بان ربي يحقق اللي في بالي |
الدخن هل تقصدين به طحين النخاله ، او الطحين الاسمر ؟؟؟؟؟؟؟؟؟ظ
|
يعطيك العافيه اختي ما قصرتي
|
مررررررررررررره روعه تسلمي يام جمانه
|
بصراحه اطباقك مره رهيبة ما شاء الله عليك تسلم الايادي
وترجعي لنا سالمه بأذن الله تعالى |
مائه اهلا وسهلا ام جمانه
كيفك ان شاء الله مرتاحه يحبي لك عزيزه و غالـــــــــــــــيه الله يحفظك الله يعطيك الصحه والعافيه وتروحي وترجعين ان شاء الله بالسلامه بس هاه لا تنسين الهدية:d علشان اذا جيتي نفرح فيك :23::17: تدرين ام جمانه نفسي اعرف معرفك بمنتدى لك نجي عند الكيكه انا اسويها لكن بدل الحليب قشطه راح اجرب طريقتك بالحليب وانت جربي طريقتي بالقشطه ايه ما يصير وحدة بوحدة:11: |
الغالب أم عبدالله فيها الخير والبركة وأكيد فيه طبخات تعرفها نحن مانعرفها ونحتاج تعلمنا مثل مانعلمها الله يجزيك خير ويقر عينك بذرية صالحة بارة تقية نقية عاجلاً غير أجل. مستكة_مستكة الله يسلم ويبارك فيك وألف شكر لتشريفك وبإذن الله ماراح أنسى والدتنا العزيزة من الدعاء نظرة أمل تسلمين وألف شكر لثناءك الحلو وعليكم السلام ورحمة الله وبركاته indienne بإذن الله ماراح أنساكم ولاتنسوني من دعائكم كلي شغف روحي للي يطحن الدقيق ويبيعه وقولي له أبغى دقيق دخن وماأدري إذا يباع في السوبرماركت أو لا,,,,,,تقدري تسألي ممكن تلاقي ولونه رمادي فاتح وأعتقد تنفع الكيكة بدون مضرب كهربائي لأن أهلنا زمان يسوون الكيك بمضرب اليد ويزبط بس أنا ماأتحمل النتائج جربي وشوفي وهيا شمري عن ساعديك وهجوم للمطبخ ووريني الإبداعات ألف شكر لمرورك الحلو مغروره بأمي أحرجتيني وبإذن الله أرجع بالسلامة وتقابليني بالكيكة الحلوة من إيدينك وأبشرك مسجلة إسمك ودعوتك وبإذن الله ماأنساكِ ام عبد الله 84 لاذا...ولاذا......دقيق الدخن عبارة عن حبوب إسمها الدخن يطعمون بها الحمام والطيور ويطحن عند الطحان أتمنى تلاقينه لإنه لذيذ جدااا ومفيد \وياهلا فيكِ توتو- الله يعافيكِ شرفتيني مياس الحلوه الأروع وجودك وردك أم شا هين آآآآمين وألف ألف شكر لكِ لمووووبس هلا بالمهلي الله يسعدك مثل ماأسعدتيني بردك طيب لو ماجبت هدية مابتفرحين بي وبرجعتي؟؟ ولايهمك بإذن الله بجيب لكم أحلى هدية...غالية والطلب رخيص ومعرفي هو نفسه أم جمانة أيه صح شفت طريقة القشطة وبعدين الحليب من القشطة والقشطة من الحليب مااختلفنا.........بس أبشري مرة ثانية بإذن الله بسويها بالقشطة ألف شكر لتواجدك الحلو |
رح اسال عنه بس اول مرة اسمع عن هيك طحين
|
ماشاء الله روووووووووووووووووووووووووعه
الله يسلم ايديك ويردك سالمه غانمه |
ماشاء الله عليك تسلم الأيادي
شكلها يجنن رووووووووووووعة |
كيكه روعه
الله يحفظك و يرجعك بالسلامه |
تسلم الايادي يعطيك العاااااااااااااااافيه
|
تسلم ايدك
شكلها اكثر من رائع انا اسويها بس من غير التزين تبعك المره الثانيه رح ا تبع خطواتك بارك الله فيك |
مشكوره اختي
|
مره حلو تسلم يدينك
عزيزتي ممكن كم سؤال نستطيع ان نغير بدل الدخن طحين واذا مو ممكن من وين نجيب الدخن وكيف نعرف القديم من الجديد والله يرجعك وتنورين المنتدي بوجودك وروحك ولمساتك الحلوه دمتي بحفظ الله ورعايته |
شكرآآآ يا ام جوجو (اسمحيلي ادلعها) على الكيكه ان شاءالله بكر ه بسويها وانا متأكده انها تدوخ وتجنن واخيرا وليس اخرا تقبل الله مناومنكم صالح الاعمال
|
| الساعة الآن 04:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©