ابنتي وحركتها الغريبه ارجو المساعده من الاختصاصيين
 

ابنتي عمرها اربع سنوات وتسوي حركه غريبه من كان عمرها سنه تخيلو تركب على اي حاجه زي وضعيه المراءه والرجل اثناء العلاقه الجنسيه وتقعد تحرك نفسها زي الحركه المتبعه بالضبطواحس انهاتستمتع فيها معقوله تكون عاده سريه مبكره والمشكله ان ابوها مو راضي يعرضها على طبيب يقول استشرت كذا دكتور وقالو لي سلوك مكتسب طيب منين بتكتسب هالسلوك وهى بدت تعمله قبل لاتكمل سنه معقوله تكون الشغاله الي كانت عندي وقتها اويكون مس او هرمونات جنسيه زياده وهذا الى انا مقتنعه فيه وابي اعرضها على دكتور بس ابوها مو راضي وانا متعذبه وافكر فيها ليل ونهار صدقوني كل شي سويته هاوشتها وضربتها وهددتها بس ما ينفع فيها والناس حولي بدت تلاحظ وانا ما ودي احد ينظر لها نظره مو زينه وحتى علاقتي مع ابوها بدت تتوتر وهو يتهمني انه اهمال مني واحسه صار يكرهها ويحس انها بتجيب له العار لا كبرت وانها بتصير منحرفه بسم الله عليها والله اني بنار مايعلم فيها الا الله وادعي لها دايم ان الله ينسيها هالحركه وتصير احسن وحده بالدنياالله يخليكم ساعدوني الى يعرف شي عن هالموضوع يساعدني انا مو عارفه شسوي واخر مره ابوها هددني بالطلاق لانه مقتنع اني انا الي مهملتها وما انتبه لها واني معرف اربي

لن يحل هذه المشكلة غير الدكتوووور
لابد من أقناع الزوج وعن طريقك ... إجلسي معه وقولي أنا ليس عندي حل
وعرضها على الطبيب هو الحل .. وإتهامك لي مبالغة منك في الهروب وأنت تعلم جيداً أني لست السبب
فقد يكون الحل بسيط وتنتهي المشكلة
ومقولة أنها حركة مكتسبة ... مستحيل لأنك قلتي أنها بدأت وعمرها سنة
أرجوا أختي الكريمة أن تهوني على نفسك فبإذن الله تجدي الحل ..

جزاك الله خير والله اني فكرت اني اعطيها كافور لاني قراءت مره انه مخفف للرغبه وانه يعطى للسجناء لهذا الغرض مع الماء بس خفت عليها لانها صغيره

اخي في الله لو شاء الله واقتنع والدها بعرضها على طبيب اى اختصاص اختار غدد صماء او جلديه وتناسليه او او اطفال ما ادري

هلا حبيبتي

هدي نغسك وريحي اعصابك انت ذكرتي انك جربتي كل شي بس ما ذكرتي الاهمال او التجاهل لان ابنتك بعمرها الصغير قد تعمله رغبه بلفت الانتباه

حاولي تتجاهلين فتره ولاحظي وكافئيها على اساس انها بنت مؤدبه و ماسوت حركات غلط ولو كانت مسويتها بس انتي تجاهليها


تصدقين بنت اختي عمرها تقريبا 6 سنوات ونفس الشي دايم يدها في....... وتحركها ومبسوطه
طبعا امها ضربتها وهاوشتها صارت البنت مسيكينه تنحاش وتسويها في غرفه بلحالها علشان امها :( تخيلي بهالعمر ؟؟؟

بعدين جلست معها امها وقامت تسالها ليه كذا وهذي حركه مو حلوه و و و .. تخيلي البنت قالت بس يا ماما فيه دوده تحكني ؟؟؟ واذا حكيتها ارتاح ؟؟؟

بعدين على طول ودتها الدكتور طلع عندها التهاب في البول ومؤثر على المنطقه والحمد لله مع الدواء والكريم راح وما رجعت للحركه


فانت اقنعي زوجك ان البنت لسى صغيره وبعدبن كلمي على الدكاتره او ارسلي لهم بالنت وتلاقين جواب باذن الله





تحياتي
دلوعه زوجي

اعتقد تعرضيها على طبيب اطفال
ويشوف الحركه هذه واعتقد مثل ما قالت احد الاخوات طنشيها شوي وشوفي يمكن ينفع معها
وفقك الله
وشفا ابنتك
في رعايه الله

حبيباتي دلوعة زوجها وفوفو ومزون الليل شكرا للتفاعل وجزيتم خير

حاولي تحرمينها من شي تحبه وتكافئينها اذاتركت ها العاده السيئه وفهميها ان هذا غلط
وان الله يشوفها تسوي الغلط ويعاقبها خوفيها شوي
ان شاء الله بسيطه يمكن عندها التهاب اعرضيها على دكتور وشوفي

فعلا ممكن عندها التهابات وترتاح اذا اضغطت عليها شوفي المنطقه اذا فيها احمرار وجربي الفارلين واعرضيها على الدكتورمادامت صغيرة

اي حبيبتي لازم تعرضينها على طبيبة مختصة

و اذا أصر ريلج على عدم الموافقة

فروحي وديها بروحج بلا ما تقولين له

لأن هذي بنتج كبدج ، غالية وااااااااااايد فديتها

لازم تتطمنين عليها بأي طريقة ، لذلك أهم شي يا قلبي تودينها الطبيبة

و مرات مثل ما قالت الأخت يمكن التهابات

و يمكن حركات أطفال سبحان الله

ومافي أحد ينفعج الا الطبيبة

اهي اللي بتفهمج الوضع و الحالة

و ربي يفرج كربك يااااااااااارب

*ميار الحلوة*

ربما أنها قد رأت مشهد تلفزيوني قد أثر في نفسيتها

[ياختي انتى انسانه متعلمه لازم تكونين مثقفة بهذة الامور مستحيل ومن سابع المستحيلات طفلة تحس بمتعه بهذا السن ولكن هى تلعب لان اتوقع اغلب وقتها فاضيه دخليها نادي اطفال الهيها اشغليها دخليها تمهيدي اشغليها مو معقول الكلام الي تقولينه معقول تشكون بسلوك بنت عمرها 4 سنوات انها ممكن تكون متعة اي متعه ياختي الانسان مايحس بالمتعة الا اذا دخل في مرحله البلوغ فقط
اما بهذا العمر بالفعل سلوك مكتسب وكثير في اطفال كذا ترا لاتستغربين بس السبب الرئيسي انهم وقتهم فاضي ماينشغلون عن نفسهم فا مافي طريقه اخرى ياريت تجربينها لمده اسبوع واحد تشغلينها تسجلينها مع الاطفال نادي اطفال موجود بكل مكان وبعد كذا تعالى وبشرينا وراح يجيك كلامي وثانيا ياريت تشوفين دكتورة اطفال ممكن يكون عندها التهاب او حكه شديده خلتها تهتم بهذة المنطقة شئيا فشيئا الين اكتشفت شي تتسلى فيه اما بخصوص المتعه على قولك فطلعيها من بالك تماما لانه ماتحصل متعه بهذا العمر]

اختي بنفسج انا سمعت دكتوره فوزيه الدريع تتكلم عن موضوع مشابه قالت ان الاطفال يحسون بمتعه لما يتعبثون بها المنطقه والله انا محتاره وخايفه عليها جدا ادعو لي بتفريج كربي واشكر كل من تفاعل مع موضوعي ولا تنسوني من صادق الدعاء

اختي بنفسج بنتي تسوي هالحركه بكل وقت تخيلي لما اروح زياره لاحد الاطفال يلعبون وهي تسويها والله صرت اكره اطلع من بيتي واحس الناس لاحظتها وهي لما صرت اضربها صارت تتخبى وتسويها ادعي لها

الله يفرج عنك كربتك يارب وتاكدي اذهبي عند الدكتورة واقطعى الشك باليقين
اما بخصوص المتعه انا شفت مقبلات مع كثير من دكاتره في القنوات المصريه وفي بعض القنوات المتعه لاتحدث الى اذا بلغ لانسان معروفه يعني بعد البلوغ يحس بالمتعه هذة حكمة رب العالمين لكي يكون مهي ء بعد ذلك لدخول بحياه جديدة اما بطفوله تحدث متعه ماتخيل ياختى يمكن فهمتى غلط ممكن تقصد انها فقط تعبث بالمنطقه وتشعر بذبذبه بهذة المنطقه مما جعلها تتعود الله يفرج عنك يارب بس لاتخافين انشاءالله بتنتهى مشكلتها وياريت تكون المساعدة من الطرفين انتى وابوها لان الخلاف راح يزيد الطين بله وراح تتفاقم المشكله وياريت بدل ماتنتقدونها تحاولن تتقربون منها وبذات ابوها وحاولى تفهمينة ان الطبيبه لابد منها لكي نفهم مايحصل بالضبط اما انه يستحقرها بهذا العمر فهذا قلة ثقافه منه

هذه اسمها استثاره ذاتيه يشعر الطفل بالمتعه لكن ما يكون هدفه جنسي ابدا,,
وقد تكون اكتشفت المتعه عن طريق حك المنطقه(يمكن كان عندها التهاب,وبعد ذلك اكتشفت المتعه)
لكن مستحيل عن طريق انها شافت مشهد تلفزيوني لانها بهذه الطريقه تكون رغبه جنسيه...
حاولي معها بطريقة الثواب والعقاب, يعني تكافئيها في اليوم اللي تترك الحركه, وتعاقبيها بحرمانها من شئ هي تحبه اذا رجعت لها..
والله يعينك..

والله من كثر التفكير كل شي يطري علي والمثل يقول الي ايده في النار مو مثل الي ايده في المويه وانا افكر انو هرموناتها فيها شى وممكن تكون حاله نادره ما ادري من كثر التفكير كل شي طرى علي الله يرحم الحال تصدقين احيانا حتى المنشطات الي اخذتها قبل احمل فيها افكر تكون هي السبب

اختي بنفسج كيف يعني سلوك مكتسب؟

يا اخوات والله اني حريصه انها ماتشوف اي شي يصير بيني وبين ابوها ومن زودالحرص نطلعها برى الغرفه لما كانت صغيره ونخليها عند جدتها او الشغاله ولما كبرت صرنا نختار اوقات النهار من زود الحرص بس سبحان الله والله ان ابوها كان يطلعها من الغرفه وعمرها عشر شهور وكنت اضحك عليه واقول توها ما تفهمولما فهمت صرت احرص منه على هالشي -----------ما اقول الا الحمد لله على ابتلاءه والله يفرجها علينا انه على كل شئ قدير

الله يكون بعونك ويساعدك ويجعل بنتك تنسى الحركة

اقترح تتحججين بأي حاجة وتودين بنتك لطبيبة أطفال و تشرحين حالتها بدون ماتسمعك ولا يكون زوجك موجود

وإن شاء الله راح تعطيك الجواب الكافي الشافي ....

من اسمه سلوك مكتسب اكتسبته من موقف معين بدون قصد وبعد كذا تعودت علية انا سمعت الدكتوره تفصل هذة الحالات

إقنعي زوجك إنكم تودوها للدكتووووووووووووووووووووور......هو الحل المثالي....

وربنا يكون في عونكم.....

لازم تودينها للدكتوره وتتطمنين عليها

الله يعينيك حبيبتي

بالاضافة لنصيحة الاعضاء بعرضها على طبيب..

خلي انتباهك عليها ...

اذا شفتيها بدت بالحركة على طول ناديها و العبي معاها
او كلميها و احكي لها قصة
المهم اشغليها .. مع الوقت بتنساها ان شاء الله

بس لازم اولا تتاكدي انها مش التهابات ..لانها حصلت معي و انا صغيرة
اتذكر كانت تجيني حكة قوية و امي بدل ما تسألني ليه ..كانت تصرخ عليا اذا شافتني
احك المنطقة بيدي .. فصرت اخاف حتى اقولها انه فيني حكة
واحيانا كنت اظطر اتحرك فوق الكرسي بحيث
الاحتكاك يخفف الحكة

ان شاء الله خير .. اتفاءلي حبيتي و اقنعي زوجك ..
خذيها لطبيبة اطفال